| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੭. ਮਣਿਰਤਨਙ੍ਗਪਞ੍ਹੋ
7. Maṇiratanaṅgapañho
੭. ‘‘ਭਨ੍ਤੇ ਨਾਗਸੇਨ, ‘ਮਣਿਰਤਨਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਮਣਿਰਤਨਂ ਏਕਨ੍ਤਪਰਿਸੁਦ੍ਧਂ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਏਕਨ੍ਤਪਰਿਸੁਦ੍ਧਾਜੀવੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਮਣਿਰਤਨਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
7. ‘‘Bhante nāgasena, ‘maṇiratanassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, maṇiratanaṃ ekantaparisuddhaṃ, evameva kho, mahārāja, yoginā yogāvacarena ekantaparisuddhājīvena bhavitabbaṃ. Idaṃ, mahārāja, maṇiratanassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਮਣਿਰਤਨਂ ਨ ਕੇਨਚਿ ਸਦ੍ਧਿਂ ਮਿਸ੍ਸੀਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਪਾਪੇਹਿ ਪਾਪਸਹਾਯੇਹਿ ਸਦ੍ਧਿਂ ਨ ਮਿਸ੍ਸਿਤਬ੍ਬਂ। ਇਦਂ, ਮਹਾਰਾਜ, ਮਣਿਰਤਨਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, maṇiratanaṃ na kenaci saddhiṃ missīyati, evameva kho, mahārāja, yoginā yogāvacarena pāpehi pāpasahāyehi saddhiṃ na missitabbaṃ. Idaṃ, mahārāja, maṇiratanassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਮਣਿਰਤਨਂ ਜਾਤਿਰਤਨੇਹਿ ਯੋਜੀਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਉਤ੍ਤਮવਰਜਾਤਿਮਨ੍ਤੇਹਿ ਸਦ੍ਧਿਂ ਸਂવਸਿਤਬ੍ਬਂ, ਪਟਿਪਨ੍ਨਕਫਲਟ੍ਠਸੇਕ੍ਖਫਲਸਮਙ੍ਗੀਹਿ ਸੋਤਾਪਨ੍ਨਸਕਦਾਗਾਮਿਅਨਾਗਾਮਿਅਰਹਨ੍ਤਤੇવਿਜ੍ਜਛਲ਼ਭਿਞ੍ਞਸਮਣਮਣਿਰਤਨੇਹਿ ਸਦ੍ਧਿਂ ਸਂવਸਿਤਬ੍ਬਂ। ਇਦਂ, ਮਹਾਰਾਜ, ਮਣਿਰਤਨਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਸੁਤ੍ਤਨਿਪਾਤੇ –
‘‘Puna caparaṃ, mahārāja, maṇiratanaṃ jātiratanehi yojīyati, evameva kho, mahārāja, yoginā yogāvacarena uttamavarajātimantehi saddhiṃ saṃvasitabbaṃ, paṭipannakaphalaṭṭhasekkhaphalasamaṅgīhi sotāpannasakadāgāmianāgāmiarahantatevijjachaḷabhiññasamaṇamaṇiratanehi saddhiṃ saṃvasitabbaṃ. Idaṃ, mahārāja, maṇiratanassa tatiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte –
‘‘‘ਸੁਦ੍ਧਾ ਸੁਦ੍ਧੇਹਿ ਸਂવਾਸਂ, ਕਪ੍ਪਯવ੍ਹੋ ਪਤਿਸ੍ਸਤਾ।
‘‘‘Suddhā suddhehi saṃvāsaṃ, kappayavho patissatā;
ਤਤੋ ਸਮਗ੍ਗਾ ਨਿਪਕਾ, ਦੁਕ੍ਖਸ੍ਸਨ੍ਤਂ ਕਰਿਸ੍ਸਥਾ’’’ਤਿ॥
Tato samaggā nipakā, dukkhassantaṃ karissathā’’’ti.
ਮਣਿਰਤਨਪਞ੍ਹੋ ਸਤ੍ਤਮੋ।
Maṇiratanapañho sattamo.
