| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. มญฺชริปูชกเตฺถรอปทานํ
7. Mañjaripūjakattheraapadānaṃ
๒๓.
23.
‘‘มญฺชริกํ กริตฺวาน, รถิยํ ปฎิปชฺชหํ;
‘‘Mañjarikaṃ karitvāna, rathiyaṃ paṭipajjahaṃ;
อทฺทสํ สมณานคฺคํ, ภิกฺขุสงฺฆปุรกฺขตํฯ
Addasaṃ samaṇānaggaṃ, bhikkhusaṅghapurakkhataṃ.
๒๔.
24.
‘‘ปสนฺนจิโตฺต สุมโน, ปรมาย จ ปีติยา;
‘‘Pasannacitto sumano, paramāya ca pītiyā;
อุโภ หเตฺถหิ ปคฺคยฺห, พุทฺธสฺส อภิโรปยิํฯ
Ubho hatthehi paggayha, buddhassa abhiropayiṃ.
๒๕.
25.
‘‘เทฺวนวุเต อิโต กเปฺป, ยํ ปุปฺผมภิปูชยิํ;
‘‘Dvenavute ito kappe, yaṃ pupphamabhipūjayiṃ;
ทุคฺคติํ นาภิชานามิ, ปุปฺผปูชายิทํ ผลํฯ
Duggatiṃ nābhijānāmi, pupphapūjāyidaṃ phalaṃ.
๒๖.
26.
‘‘อิโต เตสตฺตติกเปฺป, เอโก อาสิํ มหีปติ;
‘‘Ito tesattatikappe, eko āsiṃ mahīpati;
โชติโย นาม นาเมน, จกฺกวตฺตี มหพฺพโลฯ
Jotiyo nāma nāmena, cakkavattī mahabbalo.
๒๗.
27.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา มญฺชริปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā mañjaripūjako thero imā gāthāyo abhāsitthāti.
มญฺชริปูชกเตฺถรสฺสาปทานํ สตฺตมํฯ
Mañjaripūjakattherassāpadānaṃ sattamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. โถมกเตฺถรอปทานาทิวณฺณนา • 1-10. Thomakattheraapadānādivaṇṇanā
