| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੭. ਮਞ੍ਜਰਿਪੂਜਕਤ੍ਥੇਰਅਪਦਾਨਂ
7. Mañjaripūjakattheraapadānaṃ
੨੩.
23.
‘‘ਮਞ੍ਜਰਿਕਂ ਕਰਿਤ੍વਾਨ, ਰਥਿਯਂ ਪਟਿਪਜ੍ਜਹਂ।
‘‘Mañjarikaṃ karitvāna, rathiyaṃ paṭipajjahaṃ;
ਅਦ੍ਦਸਂ ਸਮਣਾਨਗ੍ਗਂ, ਭਿਕ੍ਖੁਸਙ੍ਘਪੁਰਕ੍ਖਤਂ॥
Addasaṃ samaṇānaggaṃ, bhikkhusaṅghapurakkhataṃ.
੨੪.
24.
‘‘ਪਸਨ੍ਨਚਿਤ੍ਤੋ ਸੁਮਨੋ, ਪਰਮਾਯ ਚ ਪੀਤਿਯਾ।
‘‘Pasannacitto sumano, paramāya ca pītiyā;
ਉਭੋ ਹਤ੍ਥੇਹਿ ਪਗ੍ਗਯ੍ਹ, ਬੁਦ੍ਧਸ੍ਸ ਅਭਿਰੋਪਯਿਂ॥
Ubho hatthehi paggayha, buddhassa abhiropayiṃ.
੨੫.
25.
‘‘ਦ੍વੇਨવੁਤੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ।
‘‘Dvenavute ito kappe, yaṃ pupphamabhipūjayiṃ;
ਦੁਗ੍ਗਤਿਂ ਨਾਭਿਜਾਨਾਮਿ, ਪੁਪ੍ਫਪੂਜਾਯਿਦਂ ਫਲਂ॥
Duggatiṃ nābhijānāmi, pupphapūjāyidaṃ phalaṃ.
੨੬.
26.
‘‘ਇਤੋ ਤੇਸਤ੍ਤਤਿਕਪ੍ਪੇ, ਏਕੋ ਆਸਿਂ ਮਹੀਪਤਿ।
‘‘Ito tesattatikappe, eko āsiṃ mahīpati;
ਜੋਤਿਯੋ ਨਾਮ ਨਾਮੇਨ, ਚਕ੍ਕવਤ੍ਤੀ ਮਹਬ੍ਬਲੋ॥
Jotiyo nāma nāmena, cakkavattī mahabbalo.
੨੭.
27.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਮਞ੍ਜਰਿਪੂਜਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā mañjaripūjako thero imā gāthāyo abhāsitthāti.
ਮਞ੍ਜਰਿਪੂਜਕਤ੍ਥੇਰਸ੍ਸਾਪਦਾਨਂ ਸਤ੍ਤਮਂ।
Mañjaripūjakattherassāpadānaṃ sattamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਅਪਦਾਨ-ਅਟ੍ਠਕਥਾ • Apadāna-aṭṭhakathā / ੧-੧੦. ਥੋਮਕਤ੍ਥੇਰਅਪਦਾਨਾਦਿવਣ੍ਣਨਾ • 1-10. Thomakattheraapadānādivaṇṇanā
