| Library / Tipiṭaka / ติปิฎก • Tipiṭaka / วิมานวตฺถุปาฬิ • Vimānavatthupāḷi |
๔. มญฺชิฎฺฐกวโคฺค
4. Mañjiṭṭhakavaggo
๑. มญฺชิฎฺฐกวิมานวตฺถุ
1. Mañjiṭṭhakavimānavatthu
๖๘๙.
689.
๖๙๐.
690.
‘‘ตมฺหา วิมานา โอรุยฺห, นิมฺมิตา รตนามยา;
‘‘Tamhā vimānā oruyha, nimmitā ratanāmayā;
โอคาหสิ สาลวนํ, ปุปฺผิตํ สพฺพกาลิกํฯ
Ogāhasi sālavanaṃ, pupphitaṃ sabbakālikaṃ.
๖๙๑.
691.
‘‘ยสฺส ยเสฺสว สาลสฺส, มูเล ติฎฺฐสิ เทวเต;
‘‘Yassa yasseva sālassa, mūle tiṭṭhasi devate;
โส โส มุญฺจติ ปุปฺผานิ, โอนมิตฺวา ทุมุตฺตโมฯ
So so muñcati pupphāni, onamitvā dumuttamo.
๖๙๒.
692.
วาติ คโนฺธ ทิสา สพฺพา, รุโกฺข มญฺชูสโก ยถาฯ
Vāti gandho disā sabbā, rukkho mañjūsako yathā.
๖๙๓.
693.
‘‘ฆายเส ตํ สุจิคนฺธํ, รูปํ ปสฺสสิ อมานุสํ;
‘‘Ghāyase taṃ sucigandhaṃ, rūpaṃ passasi amānusaṃ;
เทวเต ปุจฺฉิตาจิกฺข, กิสฺส กมฺมสฺสิทํ ผล’’นฺติฯ
Devate pucchitācikkha, kissa kammassidaṃ phala’’nti.
๖๙๔.
694.
‘‘อหํ มนุเสฺสสุ มนุสฺสภูตา, ทาสี อยิรกุเล 9 อหุํ;
‘‘Ahaṃ manussesu manussabhūtā, dāsī ayirakule 10 ahuṃ;
พุทฺธํ นิสินฺนํ ทิสฺวาน, สาลปุเปฺผหิ โอกิริํฯ
Buddhaṃ nisinnaṃ disvāna, sālapupphehi okiriṃ.
๖๙๕.
695.
‘‘วฎํสกญฺจ สุกตํ, สาลปุปฺผมยํ อหํ;
‘‘Vaṭaṃsakañca sukataṃ, sālapupphamayaṃ ahaṃ;
พุทฺธสฺส อุปนาเมสิํ, ปสนฺนา เสหิ ปาณิภิฯ
Buddhassa upanāmesiṃ, pasannā sehi pāṇibhi.
๖๙๖.
696.
‘‘ตาหํ กมฺมํ กริตฺวาน, กุสลํ พุทฺธวณฺณิตํ;
‘‘Tāhaṃ kammaṃ karitvāna, kusalaṃ buddhavaṇṇitaṃ;
อเปตโสกา สุขิตา, สมฺปโมทามนามยา’’ติฯ
Apetasokā sukhitā, sampamodāmanāmayā’’ti.
มญฺชิฎฺฐกวิมานํ ปฐมํฯ
Mañjiṭṭhakavimānaṃ paṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / วิมานวตฺถุ-อฎฺฐกถา • Vimānavatthu-aṭṭhakathā / ๑. มญฺชิฎฺฐกวิมานวณฺณนา • 1. Mañjiṭṭhakavimānavaṇṇanā
