| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
гирияааб̣яаагад̇аван̣н̣анаа
Kiriyābyākatavaṇṇanā
манод̇хаад̇ужид̇д̇ам̣
Manodhātucittaṃ
566. ид̣̇аани гирияааб̣яаагад̇ам̣ бхааж̇зд̇ваа д̣̇ассзд̇ум̣ буна гад̇амз д̇хаммаа аб̣яаагад̇аад̇иаад̣̇и аарад̣̇д̇хам̣. д̇ад̇т̇а гирияаад̇и гаран̣амад̇д̇ам̣. саб̣б̣зсуязва хи гирияажид̇д̇зсу яам̣ ж̇аванабхаавам̣ аббад̇д̇ам̣ д̇ам̣ ваад̇абубпам̣ вияа. яам̣ ж̇аванабхааваббад̇д̇ам̣ д̇ам̣ чиннамуулагаругкабубпам̣ вияа апалам̣ ход̇и, д̇ам̣д̇ам̣ гижжасаад̇ханавасзна бавад̇д̇ад̇д̇аа бана гаран̣амад̇д̇амзва ход̇и. д̇асмаа гирияаад̇и вуд̇д̇ам̣. нзвагусалаанаагусалаад̇иаад̣̇ийсу гусаламууласан̇каад̇асса гусалахзд̇уно абхааваа ‘нзвагусалаа’; агусаламууласан̇каад̇асса агусалахзд̇уно абхааваа ‘нзваагусалаа’; яонисоманасигаарааяонисоманасигаарасан̇каад̇аанамби гусалаагусалабажжаяаанам̣ абхааваа ‘нзвагусалаанаагусалаа’. гусалаагусаласан̇каад̇асса ж̇анагахзд̇уно абхааваа нзвагаммавибаагаа.
566. Idāni kiriyābyākataṃ bhājetvā dassetuṃ puna katame dhammā abyākatātiādi āraddhaṃ. Tattha kiriyāti karaṇamattaṃ. Sabbesuyeva hi kiriyacittesu yaṃ javanabhāvaṃ appattaṃ taṃ vātapupphaṃ viya. Yaṃ javanabhāvappattaṃ taṃ chinnamūlakarukkhapupphaṃ viya aphalaṃ hoti, taṃtaṃ kiccasādhanavasena pavattattā pana karaṇamattameva hoti. Tasmā kiriyāti vuttaṃ. Nevakusalānākusalātiādīsu kusalamūlasaṅkhātassa kusalahetuno abhāvā ‘nevakusalā’; akusalamūlasaṅkhātassa akusalahetuno abhāvā ‘nevaakusalā’; yonisomanasikāraayonisomanasikārasaṅkhātānampi kusalākusalapaccayānaṃ abhāvā ‘nevakusalānākusalā’. Kusalākusalasaṅkhātassa janakahetuno abhāvā nevakammavipākā.
ид̇хааби жид̇д̇ассзгаг̇г̇ад̇аанид̣̇д̣̇зсз бавад̇д̇идтид̇имад̇д̇амзва лаб̣бхад̇и. д̣̇вз бан̃жавин̃н̃аан̣аани, д̇иссо манод̇хаад̇уяо, д̇иссо мановин̃н̃аан̣ад̇хаад̇уяо, вижигижчаасахаг̇ад̇анд̇и имзсу сад̇д̇арасасу жид̇д̇зсу д̣̇уб̣б̣алад̇д̇аа сан̣тид̇и авадтид̇иаад̣̇ийни на лаб̣бханд̇и. сзсам̣ саб̣б̣ам̣ вибаагаманод̇хаад̇унид̣̇д̣̇зсз вуд̇д̇анаязнзва взд̣̇ид̇аб̣б̣ам̣, ан̃н̃ад̇ра уббад̇д̇идтаанаа. д̇ан̃хи жид̇д̇ам̣ бан̃жавин̃н̃аан̣аананд̇арам̣ уббаж̇ж̇ад̇и. ид̣̇ам̣ бана бан̃жад̣̇ваарз вал̣ан̃ж̇анагаббавад̇д̇игаалз саб̣б̣зсам̣ бурз уббаж̇ж̇ад̇и. гат̇ам̣? жагкуд̣̇ваарз д̇аава идтаидтамаж̇жхад̇д̇аанидтаанидтамаж̇жхад̇д̇зсу руубаарамман̣зсу язна гзнажи басаад̣̇з гхаддид̇з д̇ам̣ аарамман̣ам̣ г̇ахзд̇ваа ааваж̇ж̇анавасзна бурзжааригам̣ худ̇ваа бхаван̇г̇ам̣ ааваддаяамаанам̣ уббаж̇ж̇ад̇и. сод̇ад̣̇ваараад̣̇ийсуби зсзва наяод̇и.
Idhāpi cittassekaggatāniddese pavattiṭṭhitimattameva labbhati. Dve pañcaviññāṇāni, tisso manodhātuyo, tisso manoviññāṇadhātuyo, vicikicchāsahagatanti imesu sattarasasu cittesu dubbalattā saṇṭhiti avaṭṭhitiādīni na labbhanti. Sesaṃ sabbaṃ vipākamanodhātuniddese vuttanayeneva veditabbaṃ, aññatra uppattiṭṭhānā. Tañhi cittaṃ pañcaviññāṇānantaraṃ uppajjati. Idaṃ pana pañcadvāre vaḷañjanakappavattikāle sabbesaṃ pure uppajjati. Kathaṃ? Cakkhudvāre tāva iṭṭhaiṭṭhamajjhattaaniṭṭhaaniṭṭhamajjhattesu rūpārammaṇesu yena kenaci pasāde ghaṭṭite taṃ ārammaṇaṃ gahetvā āvajjanavasena purecārikaṃ hutvā bhavaṅgaṃ āvaṭṭayamānaṃ uppajjati. Sotadvārādīsupi eseva nayoti.
гирияаманод̇хаад̇ужид̇д̇ам̣ нидтид̇ам̣.
Kiriyamanodhātucittaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / ахзд̇угагирияаааб̣яаагад̇ам̣ • Ahetukakiriyāabyākataṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / манод̇хаад̇ужид̇д̇аван̣н̣анаа • Manodhātucittavaṇṇanā
