| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. மனோனிவாரணஸுத்தவண்ணனா
4. Manonivāraṇasuttavaṇṇanā
24. சதுத்தே² யதோ யதோதி பாபதோ வா கல்யாணதோ வா. அயங் கிர தே³வதா ‘‘யங்கிஞ்சி குஸலாதி³பே⁴த³ங் லோகியங் வா லோகுத்தரங் வா மனோ, தங் நிவாரேதப்³ப³மேவ, ந உப்பாதே³தப்³ப³’’ந்தி ஏவங்லத்³தி⁴கா . ஸ ஸப்³ப³தோதி ஸோ ஸப்³ப³தோ. அத² ப⁴க³வா – ‘‘அயங் தே³வதா அனிய்யானிககத²ங் கதே²தி, மனோ நாம நிவாரேதப்³ப³ம்பி அத்தி² பா⁴வேதப்³ப³ம்பி, விப⁴ஜித்வா நமஸ்ஸா த³ஸ்ஸெஸ்ஸாமீ’’தி சிந்தெத்வா து³தியகா³த²ங் ஆஹ. தத்த² ந மனோ ஸங்யதத்தமாக³தந்தி, யங் வுத்தங் ‘‘ந ஸப்³ப³தோ மனோ நிவாரயே’’தி, கதரங் தங் மனோ, யங் தங் ஸப்³ப³தோ ந நிவாரேதப்³ப³ந்தி சே. மனோ ஸங்யதத்தங் ஆக³தங், யங் மனோ யத்த² ஸங்யதபா⁴வங் ஆக³தங், ‘‘தா³னங் த³ஸ்ஸாமி, ஸீலங் ரக்கி²ஸ்ஸாமீ’’திஆதி³னா நயேன உப்பன்னங், ஏதங் மனோ ந நிவாரேதப்³ப³ங், அஞ்ஞத³த்து² ப்³ரூஹேதப்³ப³ங் வட்³டே⁴தப்³ப³ங். யதோ யதோ ச பாபகந்தி யதோ யதோ அகுஸலங் உப்பஜ்ஜதி, ததோ ததோ ச தங் நிவாரேதப்³ப³ந்தி. சதுத்த²ங்.
24. Catutthe yato yatoti pāpato vā kalyāṇato vā. Ayaṃ kira devatā ‘‘yaṃkiñci kusalādibhedaṃ lokiyaṃ vā lokuttaraṃ vā mano, taṃ nivāretabbameva, na uppādetabba’’nti evaṃladdhikā . Sa sabbatoti so sabbato. Atha bhagavā – ‘‘ayaṃ devatā aniyyānikakathaṃ katheti, mano nāma nivāretabbampi atthi bhāvetabbampi, vibhajitvā namassā dassessāmī’’ti cintetvā dutiyagāthaṃ āha. Tattha na mano saṃyatattamāgatanti, yaṃ vuttaṃ ‘‘na sabbato mano nivāraye’’ti, kataraṃ taṃ mano, yaṃ taṃ sabbato na nivāretabbanti ce. Mano saṃyatattaṃ āgataṃ, yaṃ mano yattha saṃyatabhāvaṃ āgataṃ, ‘‘dānaṃ dassāmi, sīlaṃ rakkhissāmī’’tiādinā nayena uppannaṃ, etaṃ mano na nivāretabbaṃ, aññadatthu brūhetabbaṃ vaḍḍhetabbaṃ. Yato yato ca pāpakanti yato yato akusalaṃ uppajjati, tato tato ca taṃ nivāretabbanti. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. மனோனிவாரணஸுத்தங் • 4. Manonivāraṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. மனோனிவாரணஸுத்தவண்ணனா • 4. Manonivāraṇasuttavaṇṇanā
