| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. манонивааран̣асуд̇д̇аван̣н̣анаа
4. Manonivāraṇasuttavaṇṇanā
24. жад̇уд̇т̇з яад̇о яад̇од̇и баабад̇о ваа галяаан̣ад̇о ваа. аяам̣ гира д̣̇звад̇аа ‘‘яам̣гин̃жи гусалаад̣̇ибхзд̣̇ам̣ логияам̣ ваа логуд̇д̇арам̣ ваа мано, д̇ам̣ ниваарзд̇аб̣б̣амзва, на уббаад̣̇зд̇аб̣б̣а’’нд̇и звам̣лад̣̇д̇хигаа . са саб̣б̣ад̇од̇и со саб̣б̣ад̇о. ат̇а бхаг̇аваа – ‘‘аяам̣ д̣̇звад̇аа анияяаанигагат̇ам̣ гат̇зд̇и, мано наама ниваарзд̇аб̣б̣амби ад̇т̇и бхаавзд̇аб̣б̣амби, вибхаж̇ид̇ваа намассаа д̣̇ассзссаамий’’д̇и жинд̇зд̇ваа д̣̇уд̇ияаг̇аат̇ам̣ ааха. д̇ад̇т̇а на мано сам̣яад̇ад̇д̇амааг̇ад̇анд̇и, яам̣ вуд̇д̇ам̣ ‘‘на саб̣б̣ад̇о мано ниваараяз’’д̇и, гад̇арам̣ д̇ам̣ мано, яам̣ д̇ам̣ саб̣б̣ад̇о на ниваарзд̇аб̣б̣анд̇и жз. мано сам̣яад̇ад̇д̇ам̣ ааг̇ад̇ам̣, яам̣ мано яад̇т̇а сам̣яад̇абхаавам̣ ааг̇ад̇ам̣, ‘‘д̣̇аанам̣ д̣̇ассаами, сийлам̣ рагкиссаамий’’д̇иаад̣̇инаа наязна уббаннам̣, зд̇ам̣ мано на ниваарзд̇аб̣б̣ам̣, ан̃н̃ад̣̇ад̇т̇у б̣руухзд̇аб̣б̣ам̣ вад̣дхзд̇аб̣б̣ам̣. яад̇о яад̇о жа баабаганд̇и яад̇о яад̇о агусалам̣ уббаж̇ж̇ад̇и, д̇ад̇о д̇ад̇о жа д̇ам̣ ниваарзд̇аб̣б̣анд̇и. жад̇уд̇т̇ам̣.
24. Catutthe yato yatoti pāpato vā kalyāṇato vā. Ayaṃ kira devatā ‘‘yaṃkiñci kusalādibhedaṃ lokiyaṃ vā lokuttaraṃ vā mano, taṃ nivāretabbameva, na uppādetabba’’nti evaṃladdhikā . Sa sabbatoti so sabbato. Atha bhagavā – ‘‘ayaṃ devatā aniyyānikakathaṃ katheti, mano nāma nivāretabbampi atthi bhāvetabbampi, vibhajitvā namassā dassessāmī’’ti cintetvā dutiyagāthaṃ āha. Tattha na mano saṃyatattamāgatanti, yaṃ vuttaṃ ‘‘na sabbato mano nivāraye’’ti, kataraṃ taṃ mano, yaṃ taṃ sabbato na nivāretabbanti ce. Mano saṃyatattaṃ āgataṃ, yaṃ mano yattha saṃyatabhāvaṃ āgataṃ, ‘‘dānaṃ dassāmi, sīlaṃ rakkhissāmī’’tiādinā nayena uppannaṃ, etaṃ mano na nivāretabbaṃ, aññadatthu brūhetabbaṃ vaḍḍhetabbaṃ. Yato yato ca pāpakanti yato yato akusalaṃ uppajjati, tato tato ca taṃ nivāretabbanti. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. манонивааран̣асуд̇д̇ам̣ • 4. Manonivāraṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. манонивааран̣асуд̇д̇аван̣н̣анаа • 4. Manonivāraṇasuttavaṇṇanā
