| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
४. मनोनिवारणसुत्तवण्णना
4. Manonivāraṇasuttavaṇṇanā
२४. एवंलद्धिकाति सब्बथापि चित्तुप्पत्ति सदुक्खा, सब्बथापि अचित्तकभावो सेय्यो, तस्मा यतो कुतोचि चित्तं निवारेतब्बन्ति एवंदिट्ठिका । सोति सत्तो। अनिय्यानिककथं कथेति अयोनिसो चित्तनिवारणं वदन्ती। संयतभावं आगतन्ति रागविसेवनादितो सम्मदेव संयतभावं ओतरभावं। धम्मचरियावसेन हि पवत्तमाने चित्ते नत्थि ईसकम्पि रागादिविसेवनं, न तस्स सम्पति आयतिञ्च कोचि अनत्थो सिया, तस्मा तं मनो सब्बतो अनवज्जवुत्तितो न निवारेतब्बं। तेनाह ‘‘दानं दस्सामी’’तिआदि। यतो यतोति यतो यतो सावज्जवुत्तितो अयोनिसोमनसिकारतो। तन्ति मनो निवारेतब्बं अनत्थावहत्ता।
24.Evaṃladdhikāti sabbathāpi cittuppatti sadukkhā, sabbathāpi acittakabhāvo seyyo, tasmā yato kutoci cittaṃ nivāretabbanti evaṃdiṭṭhikā . Soti satto. Aniyyānikakathaṃ katheti ayoniso cittanivāraṇaṃ vadantī. Saṃyatabhāvaṃ āgatanti rāgavisevanādito sammadeva saṃyatabhāvaṃ otarabhāvaṃ. Dhammacariyāvasena hi pavattamāne citte natthi īsakampi rāgādivisevanaṃ, na tassa sampati āyatiñca koci anattho siyā, tasmā taṃ mano sabbato anavajjavuttito na nivāretabbaṃ. Tenāha ‘‘dānaṃ dassāmī’’tiādi. Yato yatoti yato yato sāvajjavuttito ayonisomanasikārato. Tanti mano nivāretabbaṃ anatthāvahattā.
मनोनिवारणसुत्तवण्णना निट्ठिता।
Manonivāraṇasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ४. मनोनिवारणसुत्तं • 4. Manonivāraṇasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. मनोनिवारणसुत्तवण्णना • 4. Manonivāraṇasuttavaṇṇanā
