| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. មនោនិវារណសុត្តវណ្ណនា
4. Manonivāraṇasuttavaṇṇanā
២៤. ឯវំលទ្ធិកាតិ សព្ពថាបិ ចិត្តុប្បត្តិ សទុក្ខា, សព្ពថាបិ អចិត្តកភាវោ សេយ្យោ, តស្មា យតោ កុតោចិ ចិត្តំ និវារេតព្ពន្តិ ឯវំទិដ្ឋិកា ។ សោតិ សត្តោ។ អនិយ្យានិកកថំ កថេតិ អយោនិសោ ចិត្តនិវារណំ វទន្តី។ សំយតភាវំ អាគតន្តិ រាគវិសេវនាទិតោ សម្មទេវ សំយតភាវំ ឱតរភាវំ។ ធម្មចរិយាវសេន ហិ បវត្តមានេ ចិត្តេ នត្ថិ ឦសកម្បិ រាគាទិវិសេវនំ, ន តស្ស សម្បតិ អាយតិញ្ច កោចិ អនត្ថោ សិយា, តស្មា តំ មនោ សព្ពតោ អនវជ្ជវុត្តិតោ ន និវារេតព្ពំ។ តេនាហ ‘‘ទានំ ទស្សាមី’’តិអាទិ។ យតោ យតោតិ យតោ យតោ សាវជ្ជវុត្តិតោ អយោនិសោមនសិការតោ។ តន្តិ មនោ និវារេតព្ពំ អនត្ថាវហត្តា។
24.Evaṃladdhikāti sabbathāpi cittuppatti sadukkhā, sabbathāpi acittakabhāvo seyyo, tasmā yato kutoci cittaṃ nivāretabbanti evaṃdiṭṭhikā . Soti satto. Aniyyānikakathaṃ katheti ayoniso cittanivāraṇaṃ vadantī. Saṃyatabhāvaṃ āgatanti rāgavisevanādito sammadeva saṃyatabhāvaṃ otarabhāvaṃ. Dhammacariyāvasena hi pavattamāne citte natthi īsakampi rāgādivisevanaṃ, na tassa sampati āyatiñca koci anattho siyā, tasmā taṃ mano sabbato anavajjavuttito na nivāretabbaṃ. Tenāha ‘‘dānaṃ dassāmī’’tiādi. Yato yatoti yato yato sāvajjavuttito ayonisomanasikārato. Tanti mano nivāretabbaṃ anatthāvahattā.
មនោនិវារណសុត្តវណ្ណនា និដ្ឋិតា។
Manonivāraṇasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. មនោនិវារណសុត្តំ • 4. Manonivāraṇasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. មនោនិវារណសុត្តវណ្ណនា • 4. Manonivāraṇasuttavaṇṇanā
