| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
4. මනොනිවාරණසුත්‌තවණ්‌ණනා
4. Manonivāraṇasuttavaṇṇanā
24. චතුත්‌ථෙ යතො යතොති පාපතො වා කල්‍යාණතො වා. අයං කිර දෙවතා ‘‘යංකිඤ්‌චි කුසලාදිභෙදං ලොකියං වා ලොකුත්‌තරං වා මනො, තං නිවාරෙතබ්‌බමෙව, න උප්‌පාදෙතබ්‌බ’’න්‌ති එවංලද්‌ධිකා . ස සබ්‌බතොති සො සබ්‌බතො. අථ භගවා – ‘‘අයං දෙවතා අනිය්‍යානිකකථං කථෙති, මනො නාම නිවාරෙතබ්‌බම්‌පි අත්‌ථි භාවෙතබ්‌බම්‌පි, විභජිත්‌වා නමස්‌සා දස්‌සෙස්‌සාමී’’ති චින්‌තෙත්‌වා දුතියගාථං ආහ. තත්‌ථ න මනො සංයතත්‌තමාගතන්‌ති, යං වුත්‌තං ‘‘න සබ්‌බතො මනො නිවාරයෙ’’ති, කතරං තං මනො, යං තං සබ්‌බතො න නිවාරෙතබ්‌බන්‌ති චෙ. මනො සංයතත්‌තං ආගතං, යං මනො යත්‌ථ සංයතභාවං ආගතං, ‘‘දානං දස්‌සාමි, සීලං රක්‌ඛිස්‌සාමී’’තිආදිනා නයෙන උප්‌පන්‌නං, එතං මනො න නිවාරෙතබ්‌බං, අඤ්‌ඤදත්‌ථු බ්‍රූහෙතබ්‌බං වඩ්‌ඪෙතබ්‌බං. යතො යතො ච පාපකන්‌ති යතො යතො අකුසලං උප්‌පජ්‌ජති, තතො තතො ච තං නිවාරෙතබ්‌බන්‌ති. චතුත්‌ථං.
24. Catutthe yato yatoti pāpato vā kalyāṇato vā. Ayaṃ kira devatā ‘‘yaṃkiñci kusalādibhedaṃ lokiyaṃ vā lokuttaraṃ vā mano, taṃ nivāretabbameva, na uppādetabba’’nti evaṃladdhikā . Sa sabbatoti so sabbato. Atha bhagavā – ‘‘ayaṃ devatā aniyyānikakathaṃ katheti, mano nāma nivāretabbampi atthi bhāvetabbampi, vibhajitvā namassā dassessāmī’’ti cintetvā dutiyagāthaṃ āha. Tattha na mano saṃyatattamāgatanti, yaṃ vuttaṃ ‘‘na sabbato mano nivāraye’’ti, kataraṃ taṃ mano, yaṃ taṃ sabbato na nivāretabbanti ce. Mano saṃyatattaṃ āgataṃ, yaṃ mano yattha saṃyatabhāvaṃ āgataṃ, ‘‘dānaṃ dassāmi, sīlaṃ rakkhissāmī’’tiādinā nayena uppannaṃ, etaṃ mano na nivāretabbaṃ, aññadatthu brūhetabbaṃ vaḍḍhetabbaṃ. Yato yato ca pāpakanti yato yato akusalaṃ uppajjati, tato tato ca taṃ nivāretabbanti. Catutthaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. මනොනිවාරණසුත්‌තං • 4. Manonivāraṇasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. මනොනිවාරණසුත්‌තවණ්‌ණනා • 4. Manonivāraṇasuttavaṇṇanā
