| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൪. മനോനിവാരണസുത്തവണ്ണനാ
4. Manonivāraṇasuttavaṇṇanā
൨൪. ഏവംലദ്ധികാതി സബ്ബഥാപി ചിത്തുപ്പത്തി സദുക്ഖാ, സബ്ബഥാപി അചിത്തകഭാവോ സേയ്യോ, തസ്മാ യതോ കുതോചി ചിത്തം നിവാരേതബ്ബന്തി ഏവംദിട്ഠികാ . സോതി സത്തോ. അനിയ്യാനികകഥം കഥേതി അയോനിസോ ചിത്തനിവാരണം വദന്തീ. സംയതഭാവം ആഗതന്തി രാഗവിസേവനാദിതോ സമ്മദേവ സംയതഭാവം ഓതരഭാവം. ധമ്മചരിയാവസേന ഹി പവത്തമാനേ ചിത്തേ നത്ഥി ഈസകമ്പി രാഗാദിവിസേവനം, ന തസ്സ സമ്പതി ആയതിഞ്ച കോചി അനത്ഥോ സിയാ, തസ്മാ തം മനോ സബ്ബതോ അനവജ്ജവുത്തിതോ ന നിവാരേതബ്ബം. തേനാഹ ‘‘ദാനം ദസ്സാമീ’’തിആദി. യതോ യതോതി യതോ യതോ സാവജ്ജവുത്തിതോ അയോനിസോമനസികാരതോ. തന്തി മനോ നിവാരേതബ്ബം അനത്ഥാവഹത്താ.
24.Evaṃladdhikāti sabbathāpi cittuppatti sadukkhā, sabbathāpi acittakabhāvo seyyo, tasmā yato kutoci cittaṃ nivāretabbanti evaṃdiṭṭhikā . Soti satto. Aniyyānikakathaṃ katheti ayoniso cittanivāraṇaṃ vadantī. Saṃyatabhāvaṃ āgatanti rāgavisevanādito sammadeva saṃyatabhāvaṃ otarabhāvaṃ. Dhammacariyāvasena hi pavattamāne citte natthi īsakampi rāgādivisevanaṃ, na tassa sampati āyatiñca koci anattho siyā, tasmā taṃ mano sabbato anavajjavuttito na nivāretabbaṃ. Tenāha ‘‘dānaṃ dassāmī’’tiādi. Yato yatoti yato yato sāvajjavuttito ayonisomanasikārato. Tanti mano nivāretabbaṃ anatthāvahattā.
മനോനിവാരണസുത്തവണ്ണനാ നിട്ഠിതാ.
Manonivāraṇasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. മനോനിവാരണസുത്തം • 4. Manonivāraṇasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪. മനോനിവാരണസുത്തവണ്ണനാ • 4. Manonivāraṇasuttavaṇṇanā
