| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
18. адтаарасамаваг̇г̇о
18. Aṭṭhārasamavaggo
(177) 1. мануссалогагат̇аа
(177) 1. Manussalokakathā
802. на вад̇д̇аб̣б̣ам̣ – ‘‘б̣уд̣̇д̇хо бхаг̇аваа мануссалогз адтаасий’’д̇и? ааманд̇аа. нану ад̇т̇и б̣уд̣̇д̇хавуд̇т̇аани жзд̇ияаани аараамавихаараг̇ааманиг̇аманаг̇араани радтаани ж̇анабад̣̇аанийд̇и? ааманд̇аа. хан̃жи ад̇т̇и б̣уд̣̇д̇хавуд̇т̇аани жзд̇ияаани аараамавихаараг̇ааманиг̇аманаг̇араани радтаани ж̇анабад̣̇аани, д̇зна вад̇а рз вад̇д̇аб̣б̣з – ‘‘б̣уд̣̇д̇хо бхаг̇аваа мануссалогз адтаасий’’д̇и.
802. Na vattabbaṃ – ‘‘buddho bhagavā manussaloke aṭṭhāsī’’ti? Āmantā. Nanu atthi buddhavutthāni cetiyāni ārāmavihāragāmanigamanagarāni raṭṭhāni janapadānīti? Āmantā. Hañci atthi buddhavutthāni cetiyāni ārāmavihāragāmanigamanagarāni raṭṭhāni janapadāni, tena vata re vattabbe – ‘‘buddho bhagavā manussaloke aṭṭhāsī’’ti.
на вад̇д̇аб̣б̣ам̣ – ‘‘б̣уд̣̇д̇хо бхаг̇аваа мануссалогз адтаасий’’д̇и? ааманд̇аа. нану бхаг̇аваа лумб̣инияаа ж̇аад̇о, б̣од̇хияаа муулз абхисамб̣уд̣̇д̇хо, б̣аараан̣асияам̣ бхаг̇авад̇аа д̇хаммажаггам̣ бавад̇д̇ид̇ам̣, жаабаалз жзд̇ияз ааяусан̇кааро оссадто, гусинаарааяам̣ бхаг̇аваа бариниб̣б̣уд̇од̇и? ааманд̇аа. хан̃жи бхаг̇аваа лумб̣инияаа ж̇аад̇о…бз… гусинаарааяам̣ бхаг̇аваа бариниб̣б̣уд̇о, д̇зна вад̇а рз вад̇д̇аб̣б̣з – ‘‘б̣уд̣̇д̇хо бхаг̇аваа мануссалогз адтаасий’’д̇и.
Na vattabbaṃ – ‘‘buddho bhagavā manussaloke aṭṭhāsī’’ti? Āmantā. Nanu bhagavā lumbiniyā jāto, bodhiyā mūle abhisambuddho, bārāṇasiyaṃ bhagavatā dhammacakkaṃ pavattitaṃ, cāpāle cetiye āyusaṅkhāro ossaṭṭho, kusinārāyaṃ bhagavā parinibbutoti? Āmantā. Hañci bhagavā lumbiniyā jāto…pe… kusinārāyaṃ bhagavā parinibbuto, tena vata re vattabbe – ‘‘buddho bhagavā manussaloke aṭṭhāsī’’ti.
на вад̇д̇аб̣б̣ам̣ – ‘‘б̣уд̣̇д̇хо бхаг̇аваа мануссалогз адтаасий’’д̇и? ааманд̇аа. нану вуд̇д̇ам̣ бхаг̇авад̇аа – ‘‘згамид̣̇аахам̣, бхигкавз, самаяам̣ уггадтааяам̣ вихараами субхаг̇аванз сааларааж̇амуулз’’д̇и 1; ‘‘згамид̣̇аахам̣, бхигкавз, самаяам̣ урувзлааяам̣ вихараами аж̇абааланиг̇род̇хз батамаабхисамб̣уд̣̇д̇хо’’д̇и 2; ‘‘згамид̣̇аахам̣, бхигкавз, самаяам̣ рааж̇аг̇ахз вихараами взл̣уванз гал̣анд̣̇аганиваабз’’д̇и 3; ‘‘згамид̣̇аахам̣, бхигкавз, самаяам̣ саавад̇т̇ияам̣ вихараами ж̇зд̇аванз анаат̇абин̣д̣игасса аараамз’’д̇и ; ‘‘згамид̣̇аахам̣, бхигкавз, самаяам̣ взсаалияам̣ вихараами махааванз гуудааг̇аарасаалааяа’’нд̇и 4! ад̇т̇зва суд̇д̇анд̇од̇и? ааманд̇аа. д̇зна хи б̣уд̣̇д̇хо бхаг̇аваа мануссалогз адтаасийд̇и.
Na vattabbaṃ – ‘‘buddho bhagavā manussaloke aṭṭhāsī’’ti? Āmantā. Nanu vuttaṃ bhagavatā – ‘‘ekamidāhaṃ, bhikkhave, samayaṃ ukkaṭṭhāyaṃ viharāmi subhagavane sālarājamūle’’ti 5; ‘‘ekamidāhaṃ, bhikkhave, samayaṃ uruvelāyaṃ viharāmi ajapālanigrodhe paṭhamābhisambuddho’’ti 6; ‘‘ekamidāhaṃ, bhikkhave, samayaṃ rājagahe viharāmi veḷuvane kaḷandakanivāpe’’ti 7; ‘‘ekamidāhaṃ, bhikkhave, samayaṃ sāvatthiyaṃ viharāmi jetavane anāthapiṇḍikassa ārāme’’ti ; ‘‘ekamidāhaṃ, bhikkhave, samayaṃ vesāliyaṃ viharāmi mahāvane kūṭāgārasālāya’’nti 8! Attheva suttantoti? Āmantā. Tena hi buddho bhagavā manussaloke aṭṭhāsīti.
803. б̣уд̣̇д̇хо бхаг̇аваа мануссалогз адтаасийд̇и? ааманд̇аа. нану бхаг̇аваа логз ж̇аад̇о, логз сам̣вад̣дхо, логам̣ абхибхуяяа вихарад̇и анубалид̇д̇о логзнаад̇и 9? ааманд̇аа. хан̃жи бхаг̇аваа логз ж̇аад̇о, логз сам̣вад̣дхо, логам̣ абхибхуяяа вихарад̇и анубалид̇д̇о логзна, но жа вад̇а рз вад̇д̇аб̣б̣з – ‘‘б̣уд̣̇д̇хо бхаг̇аваа мануссалогз адтаасий’’д̇и.
803. Buddho bhagavā manussaloke aṭṭhāsīti? Āmantā. Nanu bhagavā loke jāto, loke saṃvaḍḍho, lokaṃ abhibhuyya viharati anupalitto lokenāti 10? Āmantā. Hañci bhagavā loke jāto, loke saṃvaḍḍho, lokaṃ abhibhuyya viharati anupalitto lokena, no ca vata re vattabbe – ‘‘buddho bhagavā manussaloke aṭṭhāsī’’ti.
мануссалогагат̇аа нидтид̇аа.
Manussalokakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. мануссалогагат̇ааван̣н̣анаа • 1. Manussalokakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. мануссалогагат̇ааван̣н̣анаа • 1. Manussalokakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. мануссалогагат̇ааван̣н̣анаа • 1. Manussalokakathāvaṇṇanā
