| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
18. அட்டா²ரஸமவக்³கோ³
18. Aṭṭhārasamavaggo
1. மனுஸ்ஸலோககதா²வண்ணனா
1. Manussalokakathāvaṇṇanā
802-803. இதா³னி மனுஸ்ஸலோககதா² நாம ஹோதி. தத்த² ‘‘ததா²க³தோ லோகே, ஜாதோ லோகே ஸங்வட்³டோ⁴, லோகங் அபி⁴பு⁴ய்ய விஹரதி அனுபலித்தோ லோகேனா’’தி (ஸங்॰ நி॰ 3.94) ஸுத்தங் அயோனிஸோ க³ஹெத்வா ‘‘ப⁴க³வா துஸிதப⁴வனே நிப்³ப³த்தோ தத்தே²வ வஸதி, ந மனுஸ்ஸலோகங் ஆக³ச்ச²தி, நிம்மிதரூபமத்தகங் பனெத்த² த³ஸ்ஸேதீ’’தி யேஸங் லத்³தி⁴, ஸெய்யதா²பி ஏதரஹி வேதுல்லகானங்யேவ, தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் புட்டோ²காஸேன சேவ ஸுத்தஸாத⁴னேன ச ஸஞ்ஞாபேதுங் நனு அத்தீ²திஆதி³மாஹ. லோகே ஜாதோதி பரவாதீ³ துஸிதபுரங் ஸந்தா⁴ய வத³தி. ஸத்தா²ரா பனேதங் மனுஸ்ஸலோகஞ்ஞேவ ஸந்தா⁴ய லோகங் வுத்தங். லோகங் அபி⁴பு⁴ய்யாதி பரவாதீ³ மனுஸ்ஸலோகங் அபி⁴ப⁴வித்வாதி தி³ட்டி²யா வத³தி, ஸத்தா² பன ஆரம்மணலோகங் அபி⁴ப⁴வித்வா விஹாஸி. அனுபலித்தோ லோகேனாதி பரவாதீ³ மனுஸ்ஸலோகேன அனுபலித்ததங்வ ஸந்தா⁴ய வத³தி, ஸத்தா² பன லோகத⁴ம்மேஸு கிலேஸேஹி அனுபலித்தோ விஹாஸி. தஸ்மா அஸாத⁴கமேதந்தி.
802-803. Idāni manussalokakathā nāma hoti. Tattha ‘‘tathāgato loke, jāto loke saṃvaḍḍho, lokaṃ abhibhuyya viharati anupalitto lokenā’’ti (saṃ. ni. 3.94) suttaṃ ayoniso gahetvā ‘‘bhagavā tusitabhavane nibbatto tattheva vasati, na manussalokaṃ āgacchati, nimmitarūpamattakaṃ panettha dassetī’’ti yesaṃ laddhi, seyyathāpi etarahi vetullakānaṃyeva, te sandhāya pucchā sakavādissa, paṭiññā itarassa. Atha naṃ puṭṭhokāsena ceva suttasādhanena ca saññāpetuṃ nanu atthītiādimāha. Loke jātoti paravādī tusitapuraṃ sandhāya vadati. Satthārā panetaṃ manussalokaññeva sandhāya lokaṃ vuttaṃ. Lokaṃ abhibhuyyāti paravādī manussalokaṃ abhibhavitvāti diṭṭhiyā vadati, satthā pana ārammaṇalokaṃ abhibhavitvā vihāsi. Anupalitto lokenāti paravādī manussalokena anupalittataṃva sandhāya vadati, satthā pana lokadhammesu kilesehi anupalitto vihāsi. Tasmā asādhakametanti.
மனுஸ்ஸலோககதா²வண்ணனா.
Manussalokakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (177) 1. மனுஸ்ஸலோககதா² • (177) 1. Manussalokakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. மனுஸ்ஸலோககதா²வண்ணனா • 1. Manussalokakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. மனுஸ்ஸலோககதா²வண்ணனா • 1. Manussalokakathāvaṇṇanā
