| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
18. адтаарасамаваг̇г̇о
18. Aṭṭhārasamavaggo
1. мануссалогагат̇ааван̣н̣анаа
1. Manussalokakathāvaṇṇanā
802-803. ид̣̇аани мануссалогагат̇аа наама ход̇и. д̇ад̇т̇а ‘‘д̇ат̇ааг̇ад̇о логз, ж̇аад̇о логз сам̣вад̣дхо, логам̣ абхибхуяяа вихарад̇и анубалид̇д̇о логзнаа’’д̇и (сам̣. ни. 3.94) суд̇д̇ам̣ аяонисо г̇ахзд̇ваа ‘‘бхаг̇аваа д̇усид̇абхаванз ниб̣б̣ад̇д̇о д̇ад̇т̇зва васад̇и, на мануссалогам̣ ааг̇ажчад̇и, ниммид̇аруубамад̇д̇агам̣ банзд̇т̇а д̣̇ассзд̇ий’’д̇и язсам̣ лад̣̇д̇хи, сзяяат̇ааби зд̇арахи взд̇уллагаанам̣язва, д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ будтогаасзна жзва суд̇д̇асаад̇ханзна жа сан̃н̃аабзд̇ум̣ нану ад̇т̇ийд̇иаад̣̇имааха. логз ж̇аад̇од̇и бараваад̣̇ий д̇усид̇абурам̣ санд̇хааяа вад̣̇ад̇и. сад̇т̇аараа банзд̇ам̣ мануссалоган̃н̃зва санд̇хааяа логам̣ вуд̇д̇ам̣. логам̣ абхибхуяяаад̇и бараваад̣̇ий мануссалогам̣ абхибхавид̇ваад̇и д̣̇идтияаа вад̣̇ад̇и, сад̇т̇аа бана аарамман̣алогам̣ абхибхавид̇ваа вихааси. анубалид̇д̇о логзнаад̇и бараваад̣̇ий мануссалогзна анубалид̇д̇ад̇ам̣ва санд̇хааяа вад̣̇ад̇и, сад̇т̇аа бана логад̇хаммзсу гилзсзхи анубалид̇д̇о вихааси. д̇асмаа асаад̇хагамзд̇анд̇и.
802-803. Idāni manussalokakathā nāma hoti. Tattha ‘‘tathāgato loke, jāto loke saṃvaḍḍho, lokaṃ abhibhuyya viharati anupalitto lokenā’’ti (saṃ. ni. 3.94) suttaṃ ayoniso gahetvā ‘‘bhagavā tusitabhavane nibbatto tattheva vasati, na manussalokaṃ āgacchati, nimmitarūpamattakaṃ panettha dassetī’’ti yesaṃ laddhi, seyyathāpi etarahi vetullakānaṃyeva, te sandhāya pucchā sakavādissa, paṭiññā itarassa. Atha naṃ puṭṭhokāsena ceva suttasādhanena ca saññāpetuṃ nanu atthītiādimāha. Loke jātoti paravādī tusitapuraṃ sandhāya vadati. Satthārā panetaṃ manussalokaññeva sandhāya lokaṃ vuttaṃ. Lokaṃ abhibhuyyāti paravādī manussalokaṃ abhibhavitvāti diṭṭhiyā vadati, satthā pana ārammaṇalokaṃ abhibhavitvā vihāsi. Anupalitto lokenāti paravādī manussalokena anupalittataṃva sandhāya vadati, satthā pana lokadhammesu kilesehi anupalitto vihāsi. Tasmā asādhakametanti.
мануссалогагат̇ааван̣н̣анаа.
Manussalokakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (177) 1. мануссалогагат̇аа • (177) 1. Manussalokakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. мануссалогагат̇ааван̣н̣анаа • 1. Manussalokakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. мануссалогагат̇ааван̣н̣анаа • 1. Manussalokakathāvaṇṇanā
