| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
১০. মারধেয্যসুত্তং
10. Māradheyyasuttaṃ
৫৯. ৰুত্তঞ্হেতং ভগৰতা, ৰুত্তমরহতাতি মে সুতং –
59. Vuttañhetaṃ bhagavatā, vuttamarahatāti me sutaṃ –
‘‘তীহি, ভিক্খৰে, ধম্মেহি সমন্নাগতো ভিক্খু অতিক্কম্ম মারধেয্যং আদিচ্চোৰ ৰিরোচতি। কতমেহি তীহি? ইধ, ভিক্খৰে, ভিক্খু অসেখেন সীলক্খন্ধেন সমন্নাগতো হোতি, অসেখেন সমাধিক্খন্ধেন সমন্নাগতো হোতি, অসেখেন পঞ্ঞাক্খন্ধেন সমন্নাগতো হোতি – ইমেহি খো, ভিক্খৰে, তীহি ধম্মেহি সমন্নাগতো ভিক্খু অতিক্কম্ম মারধেয্যং আদিচ্চোৰ ৰিরোচতী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tīhi, bhikkhave, dhammehi samannāgato bhikkhu atikkamma māradheyyaṃ ādiccova virocati. Katamehi tīhi? Idha, bhikkhave, bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti – imehi kho, bhikkhave, tīhi dhammehi samannāgato bhikkhu atikkamma māradheyyaṃ ādiccova virocatī’’ti. Etamatthaṃ bhagavā avoca. Tatthetaṃ iti vuccati –
‘‘সীলং সমাধি পঞ্ঞা চ, যস্স এতে সুভাৰিতা।
‘‘Sīlaṃ samādhi paññā ca, yassa ete subhāvitā;
অতিক্কম্ম মারধেয্যং, আদিচ্চোৰ ৰিরোচতী’’তি॥
Atikkamma māradheyyaṃ, ādiccova virocatī’’ti.
অযম্পি অত্থো ৰুত্তো ভগৰতা, ইতি মে সুতন্তি। দসমং।
Ayampi attho vutto bhagavatā, iti me sutanti. Dasamaṃ.
পঠমো ৰগ্গো নিট্ঠিতো।
Paṭhamo vaggo niṭṭhito.
তস্সুদ্দানং –
Tassuddānaṃ –
মূলধাতু অথ ৰেদনা দুৰে, এসনা চ দুৰে আসৰা দুৰে।
Mūladhātu atha vedanā duve, esanā ca duve āsavā duve;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ১০. মারধেয্যসুত্তৰণ্ণনা • 10. Māradheyyasuttavaṇṇanā
