| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
១០. មារធេយ្យសុត្តំ
10. Māradheyyasuttaṃ
៥៩. វុត្តញ្ហេតំ ភគវតា, វុត្តមរហតាតិ មេ សុតំ –
59. Vuttañhetaṃ bhagavatā, vuttamarahatāti me sutaṃ –
‘‘តីហិ, ភិក្ខវេ, ធម្មេហិ សមន្នាគតោ ភិក្ខុ អតិក្កម្ម មារធេយ្យំ អាទិច្ចោវ វិរោចតិ។ កតមេហិ តីហិ? ឥធ, ភិក្ខវេ, ភិក្ខុ អសេខេន សីលក្ខន្ធេន សមន្នាគតោ ហោតិ, អសេខេន សមាធិក្ខន្ធេន សមន្នាគតោ ហោតិ, អសេខេន បញ្ញាក្ខន្ធេន សមន្នាគតោ ហោតិ – ឥមេហិ ខោ, ភិក្ខវេ, តីហិ ធម្មេហិ សមន្នាគតោ ភិក្ខុ អតិក្កម្ម មារធេយ្យំ អាទិច្ចោវ វិរោចតី’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Tīhi, bhikkhave, dhammehi samannāgato bhikkhu atikkamma māradheyyaṃ ādiccova virocati. Katamehi tīhi? Idha, bhikkhave, bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti – imehi kho, bhikkhave, tīhi dhammehi samannāgato bhikkhu atikkamma māradheyyaṃ ādiccova virocatī’’ti. Etamatthaṃ bhagavā avoca. Tatthetaṃ iti vuccati –
‘‘សីលំ សមាធិ បញ្ញា ច, យស្ស ឯតេ សុភាវិតា;
‘‘Sīlaṃ samādhi paññā ca, yassa ete subhāvitā;
អតិក្កម្ម មារធេយ្យំ, អាទិច្ចោវ វិរោចតី’’តិ។
Atikkamma māradheyyaṃ, ādiccova virocatī’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ ទសមំ។
Ayampi attho vutto bhagavatā, iti me sutanti. Dasamaṃ.
បឋមោ វគ្គោ និដ្ឋិតោ។
Paṭhamo vaggo niṭṭhito.
តស្សុទ្ទានំ –
Tassuddānaṃ –
មូលធាតុ អថ វេទនា ទុវេ, ឯសនា ច ទុវេ អាសវា ទុវេ;
Mūladhātu atha vedanā duve, esanā ca duve āsavā duve;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ១០. មារធេយ្យសុត្តវណ្ណនា • 10. Māradheyyasuttavaṇṇanā
