| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
10. маарад̇хзяяасуд̇д̇аван̣н̣анаа
10. Māradheyyasuttavaṇṇanā
59. д̣̇асамасса гаа уббад̇д̇и? згад̣̇ивасам̣ гира сад̇т̇аа сзгкаб̣ахулааяа барисааяа баривуд̇о нисинно д̇зсам̣ аж̇жхаасаяам̣ ологзд̇ваа убари висзсаад̇хиг̇амааяа уссаахам̣ ж̇анзд̇ум̣ асзгкабхуумим̣ т̇омзнд̇о ид̣̇ам̣ суд̇д̇ам̣ абхааси. д̇ад̇т̇а ад̇иггаммаад̇иаад̣̇ийсу аяам̣ сан̇кзбад̇т̇о – ад̇иггамма ад̇иггамид̇ваа абхибхавид̇ваа. маарад̇хзяяам̣ маарасса висаяам̣ иссарияадтаанам̣. аад̣̇ижжова яат̇аа аад̣̇ижжо аб̣бхаад̣̇иубаггилзсавимуд̇д̇о ад̇д̇ано ид̣̇д̇хияаа аанубхаавзна д̇зж̇асаад̇и д̇ийхи г̇ун̣зхи саманнааг̇ад̇о набхам̣ аб̣бхуссаггамаано саб̣б̣ам̣ аагаасаг̇ад̇ам̣ д̇амам̣ ад̇иггамма ад̇иггамид̇ваа абхибхавид̇ваа вид̇хамид̇ваа вирожад̇и, обхаасад̇и, д̇абад̇и; звамзва кийн̣аасаво бхигку д̇ийхи д̇хаммзхи саманнааг̇ад̇о саб̣б̣убаггилзсавимуд̇д̇о маарад̇хзяяасан̇каад̇ам̣ д̇збхуумагад̇хаммаббавад̇д̇ам̣ абхибхавид̇ваа вирожад̇ийд̇и.
59. Dasamassa kā uppatti? Ekadivasaṃ kira satthā sekkhabahulāya parisāya parivuto nisinno tesaṃ ajjhāsayaṃ oloketvā upari visesādhigamāya ussāhaṃ janetuṃ asekkhabhūmiṃ thomento idaṃ suttaṃ abhāsi. Tattha atikkammātiādīsu ayaṃ saṅkhepattho – atikkamma atikkamitvā abhibhavitvā. Māradheyyaṃ mārassa visayaṃ issariyaṭṭhānaṃ. Ādiccova yathā ādicco abbhādiupakkilesavimutto attano iddhiyā ānubhāvena tejasāti tīhi guṇehi samannāgato nabhaṃ abbhussakkamāno sabbaṃ ākāsagataṃ tamaṃ atikkamma atikkamitvā abhibhavitvā vidhamitvā virocati, obhāsati, tapati; evameva khīṇāsavo bhikkhu tīhi dhammehi samannāgato sabbupakkilesavimutto māradheyyasaṅkhātaṃ tebhūmakadhammappavattaṃ abhibhavitvā virocatīti.
асзгкзнаад̇и зд̇т̇а сигкаасу ж̇аад̇аад̇и сзгкаа, сад̇д̇аннам̣ сзгкаанам̣ зд̇зд̇и ваа сзгкаа, абарияосид̇асигкад̇д̇аа саяамзва сигканд̇ийд̇и ваа сзгкаа маг̇г̇ад̇хаммаа хздтимапалад̇д̇аяад̇хаммаа жа. аг̇г̇апалад̇хаммаа бана убари сигкид̇аб̣б̣аабхаавзна на сзгкаад̇и асзгкаа. яад̇т̇а хи сзгкабхааваасан̇гаа ад̇т̇и, д̇ад̇т̇ааяам̣ бадисзд̇ход̇и логияад̇хаммзсу ниб̣б̣аанз жа асзгкабхааваанаабад̇д̇и д̣̇адтаб̣б̣аа. сийласамаад̇хибан̃н̃аасан̇каад̇аа хи сигкаа ад̇д̇ано бадибагкагилзсзхи виббаяуд̇д̇аа барисуд̣̇д̇хаа убаггилзсаанам̣ аарамман̣абхаавамби анубаг̇аманад̇о саад̇исаяам̣ сигкаад̇и вад̇д̇ум̣ яуд̇д̇аа, адтасуби маг̇г̇апалзсу виж̇ж̇анд̇и; д̇асмаа жад̇умаг̇г̇ахздтимапалад̇д̇аяад̇хаммаа вияа арахад̇д̇апалад̇хаммааби ‘‘д̇аасу сигкаасу ж̇аад̇аа’’д̇и жа, д̇ам̣сигкаасаман̇г̇ино арахад̇о ид̇арзсам̣ вияа сзгкад̇д̇з сад̇и ‘‘сзгкасса зд̇з’’д̇и жа ‘‘сигкаа сийлам̣ зд̇зса’’нд̇и жа сзгкаад̇и аасан̇гаа сияунд̇и д̇ад̣̇аасан̇гаанивад̇д̇анад̇т̇ам̣ асзгкаад̇и яат̇аавуд̇д̇асзгкабхааваббадисзд̇хам̣ гад̇ваа вуд̇д̇ам̣. арахад̇д̇апалз бавад̇д̇амаанаа хи сигкаа баринидтид̇агижжад̇д̇аа на сигкаагижжам̣ гаронд̇и, гзвалам̣ сигкаапалабхаавзна бавад̇д̇анд̇и. д̇асмаа д̇аа на сигкааважанам̣ араханд̇и, нааби д̇ам̣саман̇г̇ино сзгкаважанам̣, на жа д̇ам̣самбаяуд̇д̇ад̇хаммаа сигканасийлаа. ‘‘сигкаасу ж̇аад̇аа’’д̇и звамаад̣̇иад̇т̇зхи аг̇г̇апалад̇хаммаа сзгкаа на хонд̇и. хздтимапалзсу бана сигкаа сагад̣̇ааг̇аамимаг̇г̇авибассанаад̣̇ийнам̣ убаниссаяабхаавад̇о сигкаагижжам̣ гаронд̇ийд̇и сигкааважанам̣ араханд̇и, д̇ам̣саман̇г̇ино жа сзгкаважанам̣, д̇ам̣самбаяуд̇д̇аа д̇хаммаа жа сигканасийлаа. сзгкад̇хаммаа яат̇аавуд̇д̇зхи ад̇т̇зхи сзгкаа хонд̇иязва.
Asekkhenāti ettha sikkhāsu jātāti sekkhā, sattannaṃ sekkhānaṃ eteti vā sekkhā, apariyositasikkhattā sayameva sikkhantīti vā sekkhā maggadhammā heṭṭhimaphalattayadhammā ca. Aggaphaladhammā pana upari sikkhitabbābhāvena na sekkhāti asekkhā. Yattha hi sekkhabhāvāsaṅkā atthi, tatthāyaṃ paṭisedhoti lokiyadhammesu nibbāne ca asekkhabhāvānāpatti daṭṭhabbā. Sīlasamādhipaññāsaṅkhātā hi sikkhā attano paṭipakkhakilesehi vippayuttā parisuddhā upakkilesānaṃ ārammaṇabhāvampi anupagamanato sātisayaṃ sikkhāti vattuṃ yuttā, aṭṭhasupi maggaphalesu vijjanti; tasmā catumaggaheṭṭhimaphalattayadhammā viya arahattaphaladhammāpi ‘‘tāsu sikkhāsu jātā’’ti ca, taṃsikkhāsamaṅgino arahato itaresaṃ viya sekkhatte sati ‘‘sekkhassa ete’’ti ca ‘‘sikkhā sīlaṃ etesa’’nti ca sekkhāti āsaṅkā siyunti tadāsaṅkānivattanatthaṃ asekkhāti yathāvuttasekkhabhāvappaṭisedhaṃ katvā vuttaṃ. Arahattaphale pavattamānā hi sikkhā pariniṭṭhitakiccattā na sikkhākiccaṃ karonti, kevalaṃ sikkhāphalabhāvena pavattanti. Tasmā tā na sikkhāvacanaṃ arahanti, nāpi taṃsamaṅgino sekkhavacanaṃ, na ca taṃsampayuttadhammā sikkhanasīlā. ‘‘Sikkhāsu jātā’’ti evamādiatthehi aggaphaladhammā sekkhā na honti. Heṭṭhimaphalesu pana sikkhā sakadāgāmimaggavipassanādīnaṃ upanissayabhāvato sikkhākiccaṃ karontīti sikkhāvacanaṃ arahanti, taṃsamaṅgino ca sekkhavacanaṃ, taṃsampayuttā dhammā ca sikkhanasīlā. Sekkhadhammā yathāvuttehi atthehi sekkhā hontiyeva.
ат̇а ваа сзгкаад̇и абарияосид̇асигкаанам̣ важананд̇и, асзгкаад̇и бад̣̇ам̣ барияосид̇асигкаанам̣ д̣̇ассананд̇и на логияад̇хамманиб̣б̣аанаанам̣ асзгкабхааваабад̇д̇и. вуд̣дхиббад̇д̇аа сзгкаа асзгкаа жа сзгкад̇хаммзсу зва гзсан̃жи вуд̣дхиббад̇д̇аанам̣ асзгкад̇аа аабаж̇ж̇ад̇ийд̇и арахад̇д̇амаг̇г̇ад̇хаммаа вуд̣дхиббад̇д̇аа. яат̇аавуд̇д̇зхи жа ад̇т̇зхи сзгкаад̇и гад̇ваа асзгкаа аабаннаад̇и жз? д̇ам̣ на, сад̣̇исзсу д̇аб̣б̣охаарад̇о. арахад̇д̇амаг̇г̇ад̇о хи ниннаанаагаран̣ам̣ арахад̇д̇апалам̣ табзд̇ваа барин̃н̃аад̣̇игижжагаран̣ам̣ вибаагабхааван̃жа, д̇асмаа д̇з зва сзгкаа д̇хаммаа арахад̇д̇апалабхаавам̣ аабаннаад̇и саггаа вад̇д̇ум̣. гусаласукад̇о жа вибаагасукам̣ санд̇ад̇арад̇ааяа бан̣ийд̇ад̇аранд̇и вуд̣дхиббад̇д̇аава д̇з д̇хаммаа хонд̇ийд̇и ‘‘асзгкаа’’д̇и вужжанд̇и.
Atha vā sekkhāti apariyositasikkhānaṃ vacananti, asekkhāti padaṃ pariyositasikkhānaṃ dassananti na lokiyadhammanibbānānaṃ asekkhabhāvāpatti. Vuḍḍhippattā sekkhā asekkhā ca sekkhadhammesu eva kesañci vuḍḍhippattānaṃ asekkhatā āpajjatīti arahattamaggadhammā vuḍḍhippattā. Yathāvuttehi ca atthehi sekkhāti katvā asekkhā āpannāti ce? Taṃ na, sadisesu tabbohārato. Arahattamaggato hi ninnānākaraṇaṃ arahattaphalaṃ ṭhapetvā pariññādikiccakaraṇaṃ vipākabhāvañca, tasmā te eva sekkhā dhammā arahattaphalabhāvaṃ āpannāti sakkā vattuṃ. Kusalasukhato ca vipākasukhaṃ santataratāya paṇītataranti vuḍḍhippattāva te dhammā hontīti ‘‘asekkhā’’ti vuccanti.
д̇з бана асзгкад̇хаммз канд̇хавасзна ид̇ха д̇ид̇хаа вибхаж̇ид̇ваа д̇зхи саманнааг̇амзна кийн̣аасавасса аанубхаавам̣ вибхаавзнд̇о бхаг̇аваа ‘‘асзгкзна сийлагканд̇хзнаа’’д̇иаад̣̇имааха. д̇ад̇т̇а сийласад̣̇д̣̇асса ад̇т̇о хздтаа вуд̇д̇о. канд̇хасад̣̇д̣̇о бана раасимхи бан̃н̃ад̇д̇ияам̣ рул̣хияам̣ г̇ун̣зд̇и б̣ахуусу ад̇т̇зсу д̣̇идтаббаяог̇о. д̇ат̇аа хи ‘‘асан̇кзяяо аббамзяяо махаауд̣̇агагканд̇ход̇взва сан̇кяам̣ г̇ажчад̇ий’’д̇иаад̣̇ийсу (а. ни. 4.51; 6.37) раасимхи ааг̇ад̇о. ‘‘ад̣̇д̣̇асаа ко бхаг̇аваа маханд̇ам̣ д̣̇ааругканд̇хам̣ г̇ан̇г̇ааяа над̣̇ияаа сод̇зна вуяхамаана’’нд̇иаад̣̇ийсу (сам̣. ни. 4.241) бан̃н̃ад̇д̇ияам̣. ‘‘жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ вин̃н̃аан̣ам̣ вин̃н̃аан̣агканд̇хо’’д̇иаад̣̇ийсу (д̇ха. са. 63, 65) рул̣хияам̣. ‘‘на ко, аавусо висаака, ариязна адтан̇г̇игзна маг̇г̇зна д̇аяо канд̇хаа сан̇г̇ахид̇аа, д̇ийхи жа ко, аавусо висаака, канд̇хзхи арияо адтан̇г̇иго маг̇г̇о сан̇г̇ахид̇о’’д̇иаад̣̇ийсу (ма. ни. 1.462) г̇ун̣з. ид̇хааби г̇ун̣зязва д̣̇адтаб̣б̣о. д̇асмаа асзгкзна сийласан̇каад̇зна г̇ун̣знаад̇и ад̇т̇о. саманнааг̇ад̇од̇и самбаяуд̇д̇о саман̇г̇ийбхууд̇о. самаад̣̇ахад̇и зд̇зна, саяам̣ ваа самаад̣̇ахад̇и, самаад̇хаанамзва ваад̇и самаад̇хи. багаарзхи ж̇аанаад̇и яат̇аасабхаавам̣ бадивиж̇жхад̇ийд̇и бан̃н̃аа. сийламзва канд̇хо сийлагканд̇хо. сзсзсуби зсзва наяо.
Te pana asekkhadhamme khandhavasena idha tidhā vibhajitvā tehi samannāgamena khīṇāsavassa ānubhāvaṃ vibhāvento bhagavā ‘‘asekkhena sīlakkhandhenā’’tiādimāha. Tattha sīlasaddassa attho heṭṭhā vutto. Khandhasaddo pana rāsimhi paññattiyaṃ ruḷhiyaṃ guṇeti bahūsu atthesu diṭṭhappayogo. Tathā hi ‘‘asaṅkheyyo appameyyo mahāudakakkhandhotveva saṅkhyaṃ gacchatī’’tiādīsu (a. ni. 4.51; 6.37) rāsimhi āgato. ‘‘Addasā kho bhagavā mahantaṃ dārukkhandhaṃ gaṅgāya nadiyā sotena vuyhamāna’’ntiādīsu (saṃ. ni. 4.241) paññattiyaṃ. ‘‘Cittaṃ mano mānasaṃ hadayaṃ paṇḍaraṃ mano manāyatanaṃ viññāṇaṃ viññāṇakkhandho’’tiādīsu (dha. sa. 63, 65) ruḷhiyaṃ. ‘‘Na kho, āvuso visākha, ariyena aṭṭhaṅgikena maggena tayo khandhā saṅgahitā, tīhi ca kho, āvuso visākha, khandhehi ariyo aṭṭhaṅgiko maggo saṅgahito’’tiādīsu (ma. ni. 1.462) guṇe. Idhāpi guṇeyeva daṭṭhabbo. Tasmā asekkhena sīlasaṅkhātena guṇenāti attho. Samannāgatoti sampayutto samaṅgībhūto. Samādahati etena, sayaṃ vā samādahati, samādhānameva vāti samādhi. Pakārehi jānāti yathāsabhāvaṃ paṭivijjhatīti paññā. Sīlameva khandho sīlakkhandho. Sesesupi eseva nayo.
д̇ад̇т̇а аг̇г̇апалабхууд̇аа саммааваажаа, саммаагамманд̇о, саммааааж̇ийво жа сабхаавзнзва асзгко сийлагканд̇хо наама, д̇ат̇аа саммаасамаад̇хи асзгко самаад̇хигканд̇хо. д̇ад̣̇убагаарагад̇о бана саммаавааяаамасаммаасад̇ияо самаад̇хигканд̇хз сан̇г̇ахам̣ г̇ажчанд̇и. д̇ат̇аа саммаад̣̇идти асзгко бан̃н̃аагканд̇хо. д̇ад̣̇убагаарагад̇о саммаасан̇габбо бан̃н̃аагканд̇хз сан̇г̇ахам̣ г̇ажчад̇ийд̇и звамзд̇т̇а адтаби арахад̇д̇апалад̇хаммаа д̇ийхи канд̇хзхи сан̇г̇ахзд̇ваа д̣̇ассид̇аад̇и взд̣̇ид̇аб̣б̣ам̣.
Tattha aggaphalabhūtā sammāvācā, sammākammanto, sammāājīvo ca sabhāveneva asekkho sīlakkhandho nāma, tathā sammāsamādhi asekkho samādhikkhandho. Tadupakārakato pana sammāvāyāmasammāsatiyo samādhikkhandhe saṅgahaṃ gacchanti. Tathā sammādiṭṭhi asekkho paññākkhandho. Tadupakārakato sammāsaṅkappo paññākkhandhe saṅgahaṃ gacchatīti evamettha aṭṭhapi arahattaphaladhammā tīhi khandhehi saṅgahetvā dassitāti veditabbaṃ.
яасса зд̇з субхаавид̇аад̇и язна арахад̇аа зд̇з сийлаад̣̇аяо асзгкад̇хаммагканд̇хаа субхаавид̇аа судту вад̣дхид̇аа, со аад̣̇ижжова вирожад̇ийд̇и самб̣анд̇хо. ‘‘яасса жзд̇з’’д̇иби батанд̇и. д̇зсан̃жа сад̣̇д̣̇о нибаад̇амад̇д̇ам̣. звамзд̇асмим̣ ваг̇г̇з батамасуд̇д̇з ваддам̣, барияосаанасуд̇д̇з виваддам̣, ид̇арзсу ваддавиваддам̣ гат̇ид̇ам̣.
Yassa ete subhāvitāti yena arahatā ete sīlādayo asekkhadhammakkhandhā subhāvitā suṭṭhu vaḍḍhitā, so ādiccova virocatīti sambandho. ‘‘Yassa cete’’tipi paṭhanti. Tesañca saddo nipātamattaṃ. Evametasmiṃ vagge paṭhamasutte vaṭṭaṃ, pariyosānasutte vivaṭṭaṃ, itaresu vaṭṭavivaṭṭaṃ kathitaṃ.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 10. маарад̇хзяяасуд̇д̇ам̣ • 10. Māradheyyasuttaṃ
