| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā |
੧੦. ਮਾਰਧੇਯ੍ਯਸੁਤ੍ਤવਣ੍ਣਨਾ
10. Māradheyyasuttavaṇṇanā
੫੯. ਦਸਮਸ੍ਸ ਕਾ ਉਪ੍ਪਤ੍ਤਿ? ਏਕਦਿવਸਂ ਕਿਰ ਸਤ੍ਥਾ ਸੇਕ੍ਖਬਹੁਲਾਯ ਪਰਿਸਾਯ ਪਰਿવੁਤੋ ਨਿਸਿਨ੍ਨੋ ਤੇਸਂ ਅਜ੍ਝਾਸਯਂ ਓਲੋਕੇਤ੍વਾ ਉਪਰਿ વਿਸੇਸਾਧਿਗਮਾਯ ਉਸ੍ਸਾਹਂ ਜਨੇਤੁਂ ਅਸੇਕ੍ਖਭੂਮਿਂ ਥੋਮੇਨ੍ਤੋ ਇਦਂ ਸੁਤ੍ਤਂ ਅਭਾਸਿ। ਤਤ੍ਥ ਅਤਿਕ੍ਕਮ੍ਮਾਤਿਆਦੀਸੁ ਅਯਂ ਸਙ੍ਖੇਪਤ੍ਥੋ – ਅਤਿਕ੍ਕਮ੍ਮ ਅਤਿਕ੍ਕਮਿਤ੍વਾ ਅਭਿਭવਿਤ੍વਾ। ਮਾਰਧੇਯ੍ਯਂ ਮਾਰਸ੍ਸ વਿਸਯਂ ਇਸ੍ਸਰਿਯਟ੍ਠਾਨਂ। ਆਦਿਚ੍ਚੋવ ਯਥਾ ਆਦਿਚ੍ਚੋ ਅਬ੍ਭਾਦਿਉਪਕ੍ਕਿਲੇਸવਿਮੁਤ੍ਤੋ ਅਤ੍ਤਨੋ ਇਦ੍ਧਿਯਾ ਆਨੁਭਾવੇਨ ਤੇਜਸਾਤਿ ਤੀਹਿ ਗੁਣੇਹਿ ਸਮਨ੍ਨਾਗਤੋ ਨਭਂ ਅਬ੍ਭੁਸ੍ਸਕ੍ਕਮਾਨੋ ਸਬ੍ਬਂ ਆਕਾਸਗਤਂ ਤਮਂ ਅਤਿਕ੍ਕਮ੍ਮ ਅਤਿਕ੍ਕਮਿਤ੍વਾ ਅਭਿਭવਿਤ੍વਾ વਿਧਮਿਤ੍વਾ વਿਰੋਚਤਿ, ਓਭਾਸਤਿ, ਤਪਤਿ; ਏવਮੇવ ਖੀਣਾਸવੋ ਭਿਕ੍ਖੁ ਤੀਹਿ ਧਮ੍ਮੇਹਿ ਸਮਨ੍ਨਾਗਤੋ ਸਬ੍ਬੁਪਕ੍ਕਿਲੇਸવਿਮੁਤ੍ਤੋ ਮਾਰਧੇਯ੍ਯਸਙ੍ਖਾਤਂ ਤੇਭੂਮਕਧਮ੍ਮਪ੍ਪવਤ੍ਤਂ ਅਭਿਭવਿਤ੍વਾ વਿਰੋਚਤੀਤਿ।
59. Dasamassa kā uppatti? Ekadivasaṃ kira satthā sekkhabahulāya parisāya parivuto nisinno tesaṃ ajjhāsayaṃ oloketvā upari visesādhigamāya ussāhaṃ janetuṃ asekkhabhūmiṃ thomento idaṃ suttaṃ abhāsi. Tattha atikkammātiādīsu ayaṃ saṅkhepattho – atikkamma atikkamitvā abhibhavitvā. Māradheyyaṃ mārassa visayaṃ issariyaṭṭhānaṃ. Ādiccova yathā ādicco abbhādiupakkilesavimutto attano iddhiyā ānubhāvena tejasāti tīhi guṇehi samannāgato nabhaṃ abbhussakkamāno sabbaṃ ākāsagataṃ tamaṃ atikkamma atikkamitvā abhibhavitvā vidhamitvā virocati, obhāsati, tapati; evameva khīṇāsavo bhikkhu tīhi dhammehi samannāgato sabbupakkilesavimutto māradheyyasaṅkhātaṃ tebhūmakadhammappavattaṃ abhibhavitvā virocatīti.
ਅਸੇਕ੍ਖੇਨਾਤਿ ਏਤ੍ਥ ਸਿਕ੍ਖਾਸੁ ਜਾਤਾਤਿ ਸੇਕ੍ਖਾ, ਸਤ੍ਤਨ੍ਨਂ ਸੇਕ੍ਖਾਨਂ ਏਤੇਤਿ વਾ ਸੇਕ੍ਖਾ, ਅਪਰਿਯੋਸਿਤਸਿਕ੍ਖਤ੍ਤਾ ਸਯਮੇવ ਸਿਕ੍ਖਨ੍ਤੀਤਿ વਾ ਸੇਕ੍ਖਾ ਮਗ੍ਗਧਮ੍ਮਾ ਹੇਟ੍ਠਿਮਫਲਤ੍ਤਯਧਮ੍ਮਾ ਚ। ਅਗ੍ਗਫਲਧਮ੍ਮਾ ਪਨ ਉਪਰਿ ਸਿਕ੍ਖਿਤਬ੍ਬਾਭਾવੇਨ ਨ ਸੇਕ੍ਖਾਤਿ ਅਸੇਕ੍ਖਾ। ਯਤ੍ਥ ਹਿ ਸੇਕ੍ਖਭਾવਾਸਙ੍ਕਾ ਅਤ੍ਥਿ, ਤਤ੍ਥਾਯਂ ਪਟਿਸੇਧੋਤਿ ਲੋਕਿਯਧਮ੍ਮੇਸੁ ਨਿਬ੍ਬਾਨੇ ਚ ਅਸੇਕ੍ਖਭਾવਾਨਾਪਤ੍ਤਿ ਦਟ੍ਠਬ੍ਬਾ। ਸੀਲਸਮਾਧਿਪਞ੍ਞਾਸਙ੍ਖਾਤਾ ਹਿ ਸਿਕ੍ਖਾ ਅਤ੍ਤਨੋ ਪਟਿਪਕ੍ਖਕਿਲੇਸੇਹਿ વਿਪ੍ਪਯੁਤ੍ਤਾ ਪਰਿਸੁਦ੍ਧਾ ਉਪਕ੍ਕਿਲੇਸਾਨਂ ਆਰਮ੍ਮਣਭਾવਮ੍ਪਿ ਅਨੁਪਗਮਨਤੋ ਸਾਤਿਸਯਂ ਸਿਕ੍ਖਾਤਿ વਤ੍ਤੁਂ ਯੁਤ੍ਤਾ, ਅਟ੍ਠਸੁਪਿ ਮਗ੍ਗਫਲੇਸੁ વਿਜ੍ਜਨ੍ਤਿ; ਤਸ੍ਮਾ ਚਤੁਮਗ੍ਗਹੇਟ੍ਠਿਮਫਲਤ੍ਤਯਧਮ੍ਮਾ વਿਯ ਅਰਹਤ੍ਤਫਲਧਮ੍ਮਾਪਿ ‘‘ਤਾਸੁ ਸਿਕ੍ਖਾਸੁ ਜਾਤਾ’’ਤਿ ਚ, ਤਂਸਿਕ੍ਖਾਸਮਙ੍ਗਿਨੋ ਅਰਹਤੋ ਇਤਰੇਸਂ વਿਯ ਸੇਕ੍ਖਤ੍ਤੇ ਸਤਿ ‘‘ਸੇਕ੍ਖਸ੍ਸ ਏਤੇ’’ਤਿ ਚ ‘‘ਸਿਕ੍ਖਾ ਸੀਲਂ ਏਤੇਸ’’ਨ੍ਤਿ ਚ ਸੇਕ੍ਖਾਤਿ ਆਸਙ੍ਕਾ ਸਿਯੁਨ੍ਤਿ ਤਦਾਸਙ੍ਕਾਨਿવਤ੍ਤਨਤ੍ਥਂ ਅਸੇਕ੍ਖਾਤਿ ਯਥਾવੁਤ੍ਤਸੇਕ੍ਖਭਾવਪ੍ਪਟਿਸੇਧਂ ਕਤ੍વਾ વੁਤ੍ਤਂ। ਅਰਹਤ੍ਤਫਲੇ ਪવਤ੍ਤਮਾਨਾ ਹਿ ਸਿਕ੍ਖਾ ਪਰਿਨਿਟ੍ਠਿਤਕਿਚ੍ਚਤ੍ਤਾ ਨ ਸਿਕ੍ਖਾਕਿਚ੍ਚਂ ਕਰੋਨ੍ਤਿ, ਕੇવਲਂ ਸਿਕ੍ਖਾਫਲਭਾવੇਨ ਪવਤ੍ਤਨ੍ਤਿ। ਤਸ੍ਮਾ ਤਾ ਨ ਸਿਕ੍ਖਾવਚਨਂ ਅਰਹਨ੍ਤਿ, ਨਾਪਿ ਤਂਸਮਙ੍ਗਿਨੋ ਸੇਕ੍ਖવਚਨਂ, ਨ ਚ ਤਂਸਮ੍ਪਯੁਤ੍ਤਧਮ੍ਮਾ ਸਿਕ੍ਖਨਸੀਲਾ। ‘‘ਸਿਕ੍ਖਾਸੁ ਜਾਤਾ’’ਤਿ ਏવਮਾਦਿਅਤ੍ਥੇਹਿ ਅਗ੍ਗਫਲਧਮ੍ਮਾ ਸੇਕ੍ਖਾ ਨ ਹੋਨ੍ਤਿ। ਹੇਟ੍ਠਿਮਫਲੇਸੁ ਪਨ ਸਿਕ੍ਖਾ ਸਕਦਾਗਾਮਿਮਗ੍ਗવਿਪਸ੍ਸਨਾਦੀਨਂ ਉਪਨਿਸ੍ਸਯਭਾવਤੋ ਸਿਕ੍ਖਾਕਿਚ੍ਚਂ ਕਰੋਨ੍ਤੀਤਿ ਸਿਕ੍ਖਾવਚਨਂ ਅਰਹਨ੍ਤਿ, ਤਂਸਮਙ੍ਗਿਨੋ ਚ ਸੇਕ੍ਖવਚਨਂ, ਤਂਸਮ੍ਪਯੁਤ੍ਤਾ ਧਮ੍ਮਾ ਚ ਸਿਕ੍ਖਨਸੀਲਾ। ਸੇਕ੍ਖਧਮ੍ਮਾ ਯਥਾવੁਤ੍ਤੇਹਿ ਅਤ੍ਥੇਹਿ ਸੇਕ੍ਖਾ ਹੋਨ੍ਤਿਯੇવ।
Asekkhenāti ettha sikkhāsu jātāti sekkhā, sattannaṃ sekkhānaṃ eteti vā sekkhā, apariyositasikkhattā sayameva sikkhantīti vā sekkhā maggadhammā heṭṭhimaphalattayadhammā ca. Aggaphaladhammā pana upari sikkhitabbābhāvena na sekkhāti asekkhā. Yattha hi sekkhabhāvāsaṅkā atthi, tatthāyaṃ paṭisedhoti lokiyadhammesu nibbāne ca asekkhabhāvānāpatti daṭṭhabbā. Sīlasamādhipaññāsaṅkhātā hi sikkhā attano paṭipakkhakilesehi vippayuttā parisuddhā upakkilesānaṃ ārammaṇabhāvampi anupagamanato sātisayaṃ sikkhāti vattuṃ yuttā, aṭṭhasupi maggaphalesu vijjanti; tasmā catumaggaheṭṭhimaphalattayadhammā viya arahattaphaladhammāpi ‘‘tāsu sikkhāsu jātā’’ti ca, taṃsikkhāsamaṅgino arahato itaresaṃ viya sekkhatte sati ‘‘sekkhassa ete’’ti ca ‘‘sikkhā sīlaṃ etesa’’nti ca sekkhāti āsaṅkā siyunti tadāsaṅkānivattanatthaṃ asekkhāti yathāvuttasekkhabhāvappaṭisedhaṃ katvā vuttaṃ. Arahattaphale pavattamānā hi sikkhā pariniṭṭhitakiccattā na sikkhākiccaṃ karonti, kevalaṃ sikkhāphalabhāvena pavattanti. Tasmā tā na sikkhāvacanaṃ arahanti, nāpi taṃsamaṅgino sekkhavacanaṃ, na ca taṃsampayuttadhammā sikkhanasīlā. ‘‘Sikkhāsu jātā’’ti evamādiatthehi aggaphaladhammā sekkhā na honti. Heṭṭhimaphalesu pana sikkhā sakadāgāmimaggavipassanādīnaṃ upanissayabhāvato sikkhākiccaṃ karontīti sikkhāvacanaṃ arahanti, taṃsamaṅgino ca sekkhavacanaṃ, taṃsampayuttā dhammā ca sikkhanasīlā. Sekkhadhammā yathāvuttehi atthehi sekkhā hontiyeva.
ਅਥ વਾ ਸੇਕ੍ਖਾਤਿ ਅਪਰਿਯੋਸਿਤਸਿਕ੍ਖਾਨਂ વਚਨਨ੍ਤਿ, ਅਸੇਕ੍ਖਾਤਿ ਪਦਂ ਪਰਿਯੋਸਿਤਸਿਕ੍ਖਾਨਂ ਦਸ੍ਸਨਨ੍ਤਿ ਨ ਲੋਕਿਯਧਮ੍ਮਨਿਬ੍ਬਾਨਾਨਂ ਅਸੇਕ੍ਖਭਾવਾਪਤ੍ਤਿ। વੁਡ੍ਢਿਪ੍ਪਤ੍ਤਾ ਸੇਕ੍ਖਾ ਅਸੇਕ੍ਖਾ ਚ ਸੇਕ੍ਖਧਮ੍ਮੇਸੁ ਏવ ਕੇਸਞ੍ਚਿ વੁਡ੍ਢਿਪ੍ਪਤ੍ਤਾਨਂ ਅਸੇਕ੍ਖਤਾ ਆਪਜ੍ਜਤੀਤਿ ਅਰਹਤ੍ਤਮਗ੍ਗਧਮ੍ਮਾ વੁਡ੍ਢਿਪ੍ਪਤ੍ਤਾ। ਯਥਾવੁਤ੍ਤੇਹਿ ਚ ਅਤ੍ਥੇਹਿ ਸੇਕ੍ਖਾਤਿ ਕਤ੍વਾ ਅਸੇਕ੍ਖਾ ਆਪਨ੍ਨਾਤਿ ਚੇ? ਤਂ ਨ, ਸਦਿਸੇਸੁ ਤਬ੍ਬੋਹਾਰਤੋ। ਅਰਹਤ੍ਤਮਗ੍ਗਤੋ ਹਿ ਨਿਨ੍ਨਾਨਾਕਰਣਂ ਅਰਹਤ੍ਤਫਲਂ ਠਪੇਤ੍વਾ ਪਰਿਞ੍ਞਾਦਿਕਿਚ੍ਚਕਰਣਂ વਿਪਾਕਭਾવਞ੍ਚ, ਤਸ੍ਮਾ ਤੇ ਏવ ਸੇਕ੍ਖਾ ਧਮ੍ਮਾ ਅਰਹਤ੍ਤਫਲਭਾવਂ ਆਪਨ੍ਨਾਤਿ ਸਕ੍ਕਾ વਤ੍ਤੁਂ। ਕੁਸਲਸੁਖਤੋ ਚ વਿਪਾਕਸੁਖਂ ਸਨ੍ਤਤਰਤਾਯ ਪਣੀਤਤਰਨ੍ਤਿ વੁਡ੍ਢਿਪ੍ਪਤ੍ਤਾવ ਤੇ ਧਮ੍ਮਾ ਹੋਨ੍ਤੀਤਿ ‘‘ਅਸੇਕ੍ਖਾ’’ਤਿ વੁਚ੍ਚਨ੍ਤਿ।
Atha vā sekkhāti apariyositasikkhānaṃ vacananti, asekkhāti padaṃ pariyositasikkhānaṃ dassananti na lokiyadhammanibbānānaṃ asekkhabhāvāpatti. Vuḍḍhippattā sekkhā asekkhā ca sekkhadhammesu eva kesañci vuḍḍhippattānaṃ asekkhatā āpajjatīti arahattamaggadhammā vuḍḍhippattā. Yathāvuttehi ca atthehi sekkhāti katvā asekkhā āpannāti ce? Taṃ na, sadisesu tabbohārato. Arahattamaggato hi ninnānākaraṇaṃ arahattaphalaṃ ṭhapetvā pariññādikiccakaraṇaṃ vipākabhāvañca, tasmā te eva sekkhā dhammā arahattaphalabhāvaṃ āpannāti sakkā vattuṃ. Kusalasukhato ca vipākasukhaṃ santataratāya paṇītataranti vuḍḍhippattāva te dhammā hontīti ‘‘asekkhā’’ti vuccanti.
ਤੇ ਪਨ ਅਸੇਕ੍ਖਧਮ੍ਮੇ ਖਨ੍ਧવਸੇਨ ਇਧ ਤਿਧਾ વਿਭਜਿਤ੍વਾ ਤੇਹਿ ਸਮਨ੍ਨਾਗਮੇਨ ਖੀਣਾਸવਸ੍ਸ ਆਨੁਭਾવਂ વਿਭਾવੇਨ੍ਤੋ ਭਗવਾ ‘‘ਅਸੇਕ੍ਖੇਨ ਸੀਲਕ੍ਖਨ੍ਧੇਨਾ’’ਤਿਆਦਿਮਾਹ। ਤਤ੍ਥ ਸੀਲਸਦ੍ਦਸ੍ਸ ਅਤ੍ਥੋ ਹੇਟ੍ਠਾ વੁਤ੍ਤੋ। ਖਨ੍ਧਸਦ੍ਦੋ ਪਨ ਰਾਸਿਮ੍ਹਿ ਪਞ੍ਞਤ੍ਤਿਯਂ ਰੁਲ਼੍ਹਿਯਂ ਗੁਣੇਤਿ ਬਹੂਸੁ ਅਤ੍ਥੇਸੁ ਦਿਟ੍ਠਪ੍ਪਯੋਗੋ। ਤਥਾ ਹਿ ‘‘ਅਸਙ੍ਖੇਯ੍ਯੋ ਅਪ੍ਪਮੇਯ੍ਯੋ ਮਹਾਉਦਕਕ੍ਖਨ੍ਧੋਤ੍વੇવ ਸਙ੍ਖ੍ਯਂ ਗਚ੍ਛਤੀ’’ਤਿਆਦੀਸੁ (ਅ॰ ਨਿ॰ ੪.੫੧; ੬.੩੭) ਰਾਸਿਮ੍ਹਿ ਆਗਤੋ। ‘‘ਅਦ੍ਦਸਾ ਖੋ ਭਗવਾ ਮਹਨ੍ਤਂ ਦਾਰੁਕ੍ਖਨ੍ਧਂ ਗਙ੍ਗਾਯ ਨਦਿਯਾ ਸੋਤੇਨ વੁਯ੍ਹਮਾਨ’’ਨ੍ਤਿਆਦੀਸੁ (ਸਂ॰ ਨਿ॰ ੪.੨੪੧) ਪਞ੍ਞਤ੍ਤਿਯਂ। ‘‘ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ વਿਞ੍ਞਾਣਂ વਿਞ੍ਞਾਣਕ੍ਖਨ੍ਧੋ’’ਤਿਆਦੀਸੁ (ਧ॰ ਸ॰ ੬੩, ੬੫) ਰੁਲ਼੍ਹਿਯਂ। ‘‘ਨ ਖੋ, ਆવੁਸੋ વਿਸਾਖ, ਅਰਿਯੇਨ ਅਟ੍ਠਙ੍ਗਿਕੇਨ ਮਗ੍ਗੇਨ ਤਯੋ ਖਨ੍ਧਾ ਸਙ੍ਗਹਿਤਾ, ਤੀਹਿ ਚ ਖੋ, ਆવੁਸੋ વਿਸਾਖ, ਖਨ੍ਧੇਹਿ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਸਙ੍ਗਹਿਤੋ’’ਤਿਆਦੀਸੁ (ਮ॰ ਨਿ॰ ੧.੪੬੨) ਗੁਣੇ। ਇਧਾਪਿ ਗੁਣੇਯੇવ ਦਟ੍ਠਬ੍ਬੋ। ਤਸ੍ਮਾ ਅਸੇਕ੍ਖੇਨ ਸੀਲਸਙ੍ਖਾਤੇਨ ਗੁਣੇਨਾਤਿ ਅਤ੍ਥੋ। ਸਮਨ੍ਨਾਗਤੋਤਿ ਸਮ੍ਪਯੁਤ੍ਤੋ ਸਮਙ੍ਗੀਭੂਤੋ। ਸਮਾਦਹਤਿ ਏਤੇਨ, ਸਯਂ વਾ ਸਮਾਦਹਤਿ, ਸਮਾਧਾਨਮੇવ વਾਤਿ ਸਮਾਧਿ। ਪਕਾਰੇਹਿ ਜਾਨਾਤਿ ਯਥਾਸਭਾવਂ ਪਟਿવਿਜ੍ਝਤੀਤਿ ਪਞ੍ਞਾ। ਸੀਲਮੇવ ਖਨ੍ਧੋ ਸੀਲਕ੍ਖਨ੍ਧੋ। ਸੇਸੇਸੁਪਿ ਏਸੇવ ਨਯੋ।
Te pana asekkhadhamme khandhavasena idha tidhā vibhajitvā tehi samannāgamena khīṇāsavassa ānubhāvaṃ vibhāvento bhagavā ‘‘asekkhena sīlakkhandhenā’’tiādimāha. Tattha sīlasaddassa attho heṭṭhā vutto. Khandhasaddo pana rāsimhi paññattiyaṃ ruḷhiyaṃ guṇeti bahūsu atthesu diṭṭhappayogo. Tathā hi ‘‘asaṅkheyyo appameyyo mahāudakakkhandhotveva saṅkhyaṃ gacchatī’’tiādīsu (a. ni. 4.51; 6.37) rāsimhi āgato. ‘‘Addasā kho bhagavā mahantaṃ dārukkhandhaṃ gaṅgāya nadiyā sotena vuyhamāna’’ntiādīsu (saṃ. ni. 4.241) paññattiyaṃ. ‘‘Cittaṃ mano mānasaṃ hadayaṃ paṇḍaraṃ mano manāyatanaṃ viññāṇaṃ viññāṇakkhandho’’tiādīsu (dha. sa. 63, 65) ruḷhiyaṃ. ‘‘Na kho, āvuso visākha, ariyena aṭṭhaṅgikena maggena tayo khandhā saṅgahitā, tīhi ca kho, āvuso visākha, khandhehi ariyo aṭṭhaṅgiko maggo saṅgahito’’tiādīsu (ma. ni. 1.462) guṇe. Idhāpi guṇeyeva daṭṭhabbo. Tasmā asekkhena sīlasaṅkhātena guṇenāti attho. Samannāgatoti sampayutto samaṅgībhūto. Samādahati etena, sayaṃ vā samādahati, samādhānameva vāti samādhi. Pakārehi jānāti yathāsabhāvaṃ paṭivijjhatīti paññā. Sīlameva khandho sīlakkhandho. Sesesupi eseva nayo.
ਤਤ੍ਥ ਅਗ੍ਗਫਲਭੂਤਾ ਸਮ੍ਮਾવਾਚਾ, ਸਮ੍ਮਾਕਮ੍ਮਨ੍ਤੋ, ਸਮ੍ਮਾਆਜੀવੋ ਚ ਸਭਾવੇਨੇવ ਅਸੇਕ੍ਖੋ ਸੀਲਕ੍ਖਨ੍ਧੋ ਨਾਮ, ਤਥਾ ਸਮ੍ਮਾਸਮਾਧਿ ਅਸੇਕ੍ਖੋ ਸਮਾਧਿਕ੍ਖਨ੍ਧੋ। ਤਦੁਪਕਾਰਕਤੋ ਪਨ ਸਮ੍ਮਾવਾਯਾਮਸਮ੍ਮਾਸਤਿਯੋ ਸਮਾਧਿਕ੍ਖਨ੍ਧੇ ਸਙ੍ਗਹਂ ਗਚ੍ਛਨ੍ਤਿ। ਤਥਾ ਸਮ੍ਮਾਦਿਟ੍ਠਿ ਅਸੇਕ੍ਖੋ ਪਞ੍ਞਾਕ੍ਖਨ੍ਧੋ। ਤਦੁਪਕਾਰਕਤੋ ਸਮ੍ਮਾਸਙ੍ਕਪ੍ਪੋ ਪਞ੍ਞਾਕ੍ਖਨ੍ਧੇ ਸਙ੍ਗਹਂ ਗਚ੍ਛਤੀਤਿ ਏવਮੇਤ੍ਥ ਅਟ੍ਠਪਿ ਅਰਹਤ੍ਤਫਲਧਮ੍ਮਾ ਤੀਹਿ ਖਨ੍ਧੇਹਿ ਸਙ੍ਗਹੇਤ੍વਾ ਦਸ੍ਸਿਤਾਤਿ વੇਦਿਤਬ੍ਬਂ।
Tattha aggaphalabhūtā sammāvācā, sammākammanto, sammāājīvo ca sabhāveneva asekkho sīlakkhandho nāma, tathā sammāsamādhi asekkho samādhikkhandho. Tadupakārakato pana sammāvāyāmasammāsatiyo samādhikkhandhe saṅgahaṃ gacchanti. Tathā sammādiṭṭhi asekkho paññākkhandho. Tadupakārakato sammāsaṅkappo paññākkhandhe saṅgahaṃ gacchatīti evamettha aṭṭhapi arahattaphaladhammā tīhi khandhehi saṅgahetvā dassitāti veditabbaṃ.
ਯਸ੍ਸ ਏਤੇ ਸੁਭਾવਿਤਾਤਿ ਯੇਨ ਅਰਹਤਾ ਏਤੇ ਸੀਲਾਦਯੋ ਅਸੇਕ੍ਖਧਮ੍ਮਕ੍ਖਨ੍ਧਾ ਸੁਭਾવਿਤਾ ਸੁਟ੍ਠੁ વਡ੍ਢਿਤਾ, ਸੋ ਆਦਿਚ੍ਚੋવ વਿਰੋਚਤੀਤਿ ਸਮ੍ਬਨ੍ਧੋ। ‘‘ਯਸ੍ਸ ਚੇਤੇ’’ਤਿਪਿ ਪਠਨ੍ਤਿ। ਤੇਸਞ੍ਚ ਸਦ੍ਦੋ ਨਿਪਾਤਮਤ੍ਤਂ। ਏવਮੇਤਸ੍ਮਿਂ વਗ੍ਗੇ ਪਠਮਸੁਤ੍ਤੇ વਟ੍ਟਂ, ਪਰਿਯੋਸਾਨਸੁਤ੍ਤੇ વਿવਟ੍ਟਂ, ਇਤਰੇਸੁ વਟ੍ਟવਿવਟ੍ਟਂ ਕਥਿਤਂ।
Yassa ete subhāvitāti yena arahatā ete sīlādayo asekkhadhammakkhandhā subhāvitā suṭṭhu vaḍḍhitā, so ādiccova virocatīti sambandho. ‘‘Yassa cete’’tipi paṭhanti. Tesañca saddo nipātamattaṃ. Evametasmiṃ vagge paṭhamasutte vaṭṭaṃ, pariyosānasutte vivaṭṭaṃ, itaresu vaṭṭavivaṭṭaṃ kathitaṃ.
ਦਸਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dasamasuttavaṇṇanā niṭṭhitā.
ਪਠਮવਗ੍ਗવਣ੍ਣਨਾ ਨਿਟ੍ਠਿਤਾ।
Paṭhamavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਇਤਿવੁਤ੍ਤਕਪਾਲ਼ਿ • Itivuttakapāḷi / ੧੦. ਮਾਰਧੇਯ੍ਯਸੁਤ੍ਤਂ • 10. Māradheyyasuttaṃ
