| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. маарад̇хийд̇усуд̇д̇аван̣н̣анаа
5. Māradhītusuttavaṇṇanā
161. жинд̇зсийд̇и согавасиго худ̇ваа жинд̇аяи. г̇ан̣игаарахад̇т̇инияод̇и д̣̇ийбагагарзн̣уяо. згасад̇ам̣ згасад̇анд̇и згасад̇ам̣ згасад̇ам̣ бажжзгам̣ сад̇ам̣ сад̇анд̇и ад̇т̇о. д̇знааха ‘‘згзгам̣ сад̇ам̣ сад̇ам̣ гад̇ваа’’д̇и. гумаариван̣н̣асад̇анд̇и гумаарид̇т̇ийнам̣ ад̇д̇абхааваанам̣ сад̇ам̣. д̇аа гира батамам̣ ган̃н̃ааруубзна ад̇д̇аанам̣ д̣̇ассзсум̣. анубаг̇ад̇абубпаанан̃хи саман̃н̃аа ган̃н̃аад̇и. буна яат̇аавуд̇д̇агумаарируубзна убаг̇ад̇абубпаа хи гумаарий. буна вад̇хугааруубзна. д̇ам̣ санд̇хааяа вуд̇д̇ам̣ ‘‘авиж̇аад̇аван̣н̣асад̇а’’нд̇и . д̇ад̇ияаваарз яувад̇ируубзна. виж̇аад̇аа хи ид̇т̇ий анад̇игганд̇амаж̇жхимаваяаа яувад̇ий. зд̇д̇аавад̇аа б̣аалаа д̇арун̣ий борийд̇и д̇ивид̇хаасу ид̇т̇ийсу буримаа д̣̇вз д̣̇ассид̇аа, барияосаанаваарзсу мануссаж̇аад̇игаанам̣ мануссид̇т̇ияова ружжанд̇ийд̇и д̇зна мануссаруубзна д̇аа ад̇д̇аанам̣ д̣̇ассзсум̣.
161.Cintesīti sokavasiko hutvā cintayi. Gaṇikārahatthiniyoti dīpakakareṇuyo. Ekasataṃ ekasatanti ekasataṃ ekasataṃ paccekaṃ sataṃ satanti attho. Tenāha ‘‘ekekaṃ sataṃ sataṃ katvā’’ti. Kumārivaṇṇasatanti kumāritthīnaṃ attabhāvānaṃ sataṃ. Tā kira paṭhamaṃ kaññārūpena attānaṃ dassesuṃ. Anupagatapupphānañhi samaññā kaññāti. Puna yathāvuttakumārirūpena upagatapupphā hi kumārī. Puna vadhukārūpena. Taṃ sandhāya vuttaṃ ‘‘avijātavaṇṇasata’’nti . Tatiyavāre yuvatirūpena. Vijātā hi itthī anatikkantamajjhimavayā yuvatī. Ettāvatā bālā taruṇī porīti tividhāsu itthīsu purimā dve dassitā, pariyosānavāresu manussajātikānaṃ manussitthiyova ruccantīti tena manussarūpena tā attānaṃ dassesuṃ.
ад̇т̇асса бад̇д̇инд̇и зганд̇ад̇о хид̇аануббад̇д̇им̣. хад̣̇аяасса санд̇инд̇и барамажид̇д̇убасамам̣. гилзсасзнанд̇и гаамаг̇ун̣асан̇каад̇ам̣ батамам̣ гилзсасзнам̣. саа хи гилзсасзнаа ажчараасан̇гхаад̇асабхаавааби бадибад̇т̇аяамаанаа бияааяид̇аб̣б̣аижчид̇аб̣б̣аруубабхаавад̇о бияаруубасаад̇аруубаа наама ад̇д̇ано гижжавасзна. зго ахам̣ жхааяанд̇од̇и г̇ан̣асан̇г̇ан̣игааяа гилзсасан̇г̇ан̣игааяа жа абхаавад̇о зго асахааяо ахам̣ лагкан̣уубаниж̇жхаанзна ниж̇жхааяанд̇о. ануб̣уж̇жхинд̇и ануггамзна маг̇г̇абадибаадияаа б̣уж̇жхим̣ бадиб̣уж̇жхим̣. д̇асмаад̇и яат̇аавуд̇д̇авивзгасукасамад̇хиг̇аманимид̇д̇ам̣. агаран̣знаад̇и мид̇д̇асант̇авасса агаран̣зна. сагкийд̇и сагкибхааво.
Atthassa pattinti ekantato hitānuppattiṃ. Hadayassa santinti paramacittupasamaṃ. Kilesasenanti kāmaguṇasaṅkhātaṃ paṭhamaṃ kilesasenaṃ. Sā hi kilesasenā accharāsaṅghātasabhāvāpi paṭipatthayamānā piyāyitabbaicchitabbarūpabhāvato piyarūpasātarūpā nāma attano kiccavasena. Eko ahaṃ jhāyantoti gaṇasaṅgaṇikāya kilesasaṅgaṇikāya ca abhāvato eko asahāyo ahaṃ lakkhaṇūpanijjhānena nijjhāyanto. Anubujjhinti anukkamena maggapaṭipāṭiyā bujjhiṃ paṭibujjhiṃ. Tasmāti yathāvuttavivekasukhasamadhigamanimittaṃ. Akaraṇenāti mittasanthavassa akaraṇena. Sakkhīti sakkhibhāvo.
гад̇амзна вихаарзнаад̇и жхаанасамаабад̇д̇ийнам̣ гад̇амзна вихаарзна. ид̇ха д̣̇уд̇ияабад̣̇асса ад̇т̇о виссаж̇ж̇анаг̇аат̇ааван̣н̣анааяамзва аави бхависсад̇и. анааманд̇зна ‘‘д̇ам̣ буг̇г̇ала’’нд̇и саммукаа тид̇амби бхаг̇аванд̇ам̣ асаммукаа вияа гад̇ваа вад̣̇ад̇и, гат̇ам̣ д̇ванд̇и ад̇т̇о.
Katamenavihārenāti jhānasamāpattīnaṃ katamena vihārena. Idha dutiyapadassa attho vissajjanagāthāvaṇṇanāyameva āvi bhavissati. Anāmantena ‘‘taṃ puggala’’nti sammukhā ṭhitampi bhagavantaṃ asammukhā viya katvā vadati, kathaṃ tvanti attho.
‘‘авид̇аггажхааяий’’д̇и вагкамаанад̇д̇аа аяамзвзд̇т̇а гааяабассад̣̇д̇хи взд̣̇ид̇аб̣б̣аад̇и ааха ‘‘жад̇уд̇т̇аж̇жхаанзна ассаасабассаасагааяасса бассад̣̇д̇хад̇д̇аа бассад̣̇д̇хагааяо’’д̇и. бун̃н̃аабхисан̇каараад̣̇игз гаммаабхисан̇каарз. гаамаалаяаад̣̇ийнам̣ абхаавад̇о анаалаяо. на сарад̇ийд̇и на савад̇и. рааг̇авасзна хи сад̇д̇аа сам̣саараманусаванд̇и. на т̇инод̇и на т̇инамид̣̇д̇хажид̇д̇о. мохавасзна хи сад̇д̇аа т̇инамид̣̇д̇хам̣ аабаж̇ж̇анд̇ийд̇и. д̣̇ияад̣дхагилзсасахассанд̇и куд̣̇д̣̇агавад̇т̇увибхан̇г̇з (вибха. 842, 976) ааг̇ад̇зсу адтасу гилзсасад̇зсу адтасад̇ам̣ д̇ан̣хаавижарид̇аани абанзд̇ваа сзсаа бан̃н̃аасаад̇хигам̣ сад̇ам̣ гилзсаа, д̇з б̣рахмаж̇аалз (д̣̇ий. ни. 1.31) ааг̇ад̇аахи д̣̇ваасадтияаа д̣̇идтийхи саха бан̃жабан̃н̃аасаад̇хигам̣ сад̇д̇асад̇ам̣ ход̇и; д̇аа жа уббаннаануббаннабхаавзна д̣̇иг̇ун̣ид̇аа д̣̇ияад̣дхагилзсасахассам̣ д̣̇асаад̇хигам̣ ход̇и; д̇ам̣ аббагам̣ бана уунамад̇хигам̣ ваа г̇ан̣анубаг̇ам̣ на ход̇ийд̇и ‘‘д̣̇ияад̣дхагилзсасахасса’’нд̇и вуд̇д̇ам̣. ид̇арзсам̣ ад̇ийд̇аад̣̇ибхааваамасанад̇о аг̇г̇ахан̣ам̣ бахаанасса ад̇хиббзд̇ад̇д̇аа. аяамзд̇т̇а сан̇кзбо, вид̇т̇ааро бана абхид̇хаммадийгааяам̣ (д̇ха. са. анудий. нид̣̇аанагат̇ааван̣н̣анаа) вуд̇д̇анаязна взд̣̇ид̇аб̣б̣о. батамабад̣̇знаад̇и ‘‘на губбад̇ий’’д̇и иминаа бад̣̇зна. д̣̇уд̇иязнаад̇и ‘‘на сарад̇ий’’д̇и бад̣̇зна. д̇ад̇иязнаад̇и ‘‘на т̇ино’’д̇и бад̣̇зна. нийваран̣аббахаанзна кийн̣аасавад̇ам̣ д̣̇ассзд̇и, анавасзсад̇о нийваран̣аанам̣ ажжанд̇аббахаанам̣ ад̇хиббзд̇ам̣.
‘‘Avitakkajhāyī’’ti vakkhamānattā ayamevettha kāyapassaddhi veditabbāti āha ‘‘catutthajjhānena assāsapassāsakāyassa passaddhattā passaddhakāyo’’ti. Puññābhisaṅkhārādike kammābhisaṅkhāre. Kāmālayādīnaṃ abhāvato anālayo. Na saratīti na savati. Rāgavasena hi sattā saṃsāramanusavanti. Na thinoti na thinamiddhacitto. Mohavasena hi sattā thinamiddhaṃ āpajjantīti. Diyaḍḍhakilesasahassanti khuddakavatthuvibhaṅge (vibha. 842, 976) āgatesu aṭṭhasu kilesasatesu aṭṭhasataṃ taṇhāvicaritāni apanetvā sesā paññāsādhikaṃ sataṃ kilesā, te brahmajāle (dī. ni. 1.31) āgatāhi dvāsaṭṭhiyā diṭṭhīhi saha pañcapaññāsādhikaṃ sattasataṃ hoti; tā ca uppannānuppannabhāvena diguṇitā diyaḍḍhakilesasahassaṃ dasādhikaṃ hoti; taṃ appakaṃ pana ūnamadhikaṃ vā gaṇanupagaṃ na hotīti ‘‘diyaḍḍhakilesasahassa’’nti vuttaṃ. Itaresaṃ atītādibhāvāmasanato aggahaṇaṃ pahānassa adhippetattā. Ayamettha saṅkhepo, vitthāro pana abhidhammaṭīkāyaṃ (dha. sa. anuṭī. nidānakathāvaṇṇanā) vuttanayena veditabbo. Paṭhamapadenāti ‘‘na kuppatī’’ti iminā padena. Dutiyenāti ‘‘na saratī’’ti padena. Tatiyenāti ‘‘na thino’’ti padena. Nīvaraṇappahānena khīṇāsavataṃ dasseti, anavasesato nīvaraṇānaṃ accantappahānaṃ adhippetaṃ.
бан̃жад̣̇вааригагилзсогхам̣ д̇ин̣н̣од̇и чаннам̣ д̣̇ваараанам̣ васзна бавад̇д̇анагилзсогхам̣ д̇арид̇ваа тид̇о. гаамогхад̣̇идтогхабхавогхадтагилзсабхаавад̇о ‘‘бан̃жогхаг̇г̇ахан̣зна ваа бан̃жорамбхааг̇ияаани сам̣яож̇анаани взд̣̇ид̇аб̣б̣ааний’’д̇и ааха. руубарааг̇аад̣̇аяо висзсад̇о на бан̃жад̣̇вааригаад̇и вуд̇д̇ам̣ ‘‘чадтаг̇г̇ахан̣зна бан̃жуд̣̇д̇хамбхааг̇ияаани взд̣̇ид̇аб̣б̣ааний’’д̇и.
Pañcadvārikakilesoghaṃ tiṇṇoti channaṃ dvārānaṃ vasena pavattanakilesoghaṃ taritvā ṭhito. Kāmoghadiṭṭhoghabhavoghaṭṭhakilesabhāvato ‘‘pañcoghaggahaṇena vā pañcorambhāgiyāni saṃyojanāni veditabbānī’’ti āha. Rūparāgādayo visesato na pañcadvārikāti vuttaṃ ‘‘chaṭṭhaggahaṇena pañcuddhambhāgiyāni veditabbānī’’ti.
мажжурааж̇ассаад̇и самб̣анд̇хз саамиважананд̇и д̣̇ассзнд̇о ‘‘мажжурааж̇асса хад̇т̇ад̇о’’д̇и ааха. наяамаанаананд̇и анаад̣̇арз саамиважананд̇и гад̇ваа вуд̇д̇ам̣ ‘‘наяамаанзсуу’’д̇и.
Maccurājassāti sambandhe sāmivacananti dassento ‘‘maccurājassa hatthato’’ti āha. Nayamānānanti anādare sāmivacananti katvā vuttaṃ ‘‘nayamānesū’’ti.
уухажжаад̇и б̣уд̣̇д̇хам̣ ниссааяа. ‘‘ид̣̇амавожаа’’д̇и д̣̇зсанам̣ нидтаабзд̇ваад̇и зд̇зна сам̣яуд̇д̇зсу аяам̣ ниг̇аманабаал̣и, хздтаа анааг̇ад̇анаяад̇д̇аа бана гзсужи бод̇т̇агзсу на ликийяад̇ийд̇и д̣̇ассзд̇и. д̣̇ад̣̇д̣̇алламаанаад̇и ж̇аж̇ж̇агаарасса хи д̣̇ад̣̇д̣̇агаарам̣ гад̇ваа нид̣̇д̣̇зсо. д̇знааха ‘‘ад̇ивияа ж̇аламаанаа’’д̇и. нийхарийд̇и д̇аасам̣ гааяаважийвигаарам̣ на манасигаронд̇о д̇ин̣ааяаби аман̃н̃амаанова анабзгкзнзва нийхари. палад̇о бхадтанд̇и паласибаадигад̇о бхадтам̣. гун̣д̣ад̇ин̣аад̣̇иг̇ажчад̇уулам̣ бодагид̇уулам̣.
Ūhaccāti buddhaṃ nissāya. ‘‘Idamavocā’’ti desanaṃ niṭṭhāpetvāti etena saṃyuttesu ayaṃ nigamanapāḷi, heṭṭhā anāgatanayattā pana kesuci potthakesu na likhīyatīti dasseti. Daddallamānāti jajjakārassa hi daddakāraṃ katvā niddeso. Tenāha ‘‘ativiya jalamānā’’ti. Nīharīti tāsaṃ kāyavacīvikāraṃ na manasikaronto tiṇāyapi amaññamānova anapekkheneva nīhari. Phalato bhaṭṭhanti phalasipāṭikato bhaṭṭhaṃ. Kuṇḍatiṇādigacchatūlaṃ poṭakitūlaṃ.
маарад̇хийд̇усуд̇д̇аван̣н̣анаа нидтид̇аа.
Māradhītusuttavaṇṇanā niṭṭhitā.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
маарасам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Mārasaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. маарад̇хийд̇усуд̇д̇ам̣ • 5. Māradhītusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. маарад̇хийд̇усуд̇д̇аван̣н̣анаа • 5. Māradhītusuttavaṇṇanā
