| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
৮. মারকথা
8. Mārakathā
৩২. অথ খো ভগৰা তে ভিক্খূ আমন্তেসি 1 – ‘‘মুত্তাহং, ভিক্খৰে, সব্বপাসেহি, যে দিব্বা যে চ মানুসা। তুম্হেপি, ভিক্খৰে , মুত্তা সব্বপাসেহি, যে দিব্বা যে চ মানুসা। চরথ, ভিক্খৰে, চারিকং বহুজনহিতায বহুজনসুখায লোকানুকম্পায অত্থায হিতায সুখায দেৰমনুস্সানং। মা একেন দ্ৰে অগমিত্থ। দেসেথ, ভিক্খৰে, ধম্মং আদিকল্যাণং মজ্ঝেকল্যাণং পরিযোসানকল্যাণং সাত্থং সব্যঞ্জনং কেৰলপরিপুণ্ণং পরিসুদ্ধং ব্রহ্মচরিযং পকাসেথ। সন্তি সত্তা অপ্পরজক্খজাতিকা , অস্সৰনতা ধম্মস্স পরিহাযন্তি, ভৰিস্সন্তি ধম্মস্স অঞ্ঞাতারো। অহম্পি, ভিক্খৰে, যেন উরুৰেলা সেনানিগমো তেনুপসঙ্কমিস্সামি ধম্মদেসনাযা’’তি।
32. Atha kho bhagavā te bhikkhū āmantesi 2 – ‘‘muttāhaṃ, bhikkhave, sabbapāsehi, ye dibbā ye ca mānusā. Tumhepi, bhikkhave , muttā sabbapāsehi, ye dibbā ye ca mānusā. Caratha, bhikkhave, cārikaṃ bahujanahitāya bahujanasukhāya lokānukampāya atthāya hitāya sukhāya devamanussānaṃ. Mā ekena dve agamittha. Desetha, bhikkhave, dhammaṃ ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsetha. Santi sattā apparajakkhajātikā , assavanatā dhammassa parihāyanti, bhavissanti dhammassa aññātāro. Ahampi, bhikkhave, yena uruvelā senānigamo tenupasaṅkamissāmi dhammadesanāyā’’ti.
৩৩. অথ খো মারো পাপিমা যেন ভগৰা তেনুপসঙ্কমি, উপসঙ্কমিত্ৰা ভগৰন্তং গাথায অজ্ঝভাসি –
33. Atha kho māro pāpimā yena bhagavā tenupasaṅkami, upasaṅkamitvā bhagavantaṃ gāthāya ajjhabhāsi –
‘‘বদ্ধোসি সব্বপাসেহি, যে দিব্বা যে চ মানুসা।
‘‘Baddhosi sabbapāsehi, ye dibbā ye ca mānusā;
মহাবন্ধনবদ্ধোসি, ন মে সমণ মোক্খসী’’তি॥
Mahābandhanabaddhosi, na me samaṇa mokkhasī’’ti.
মহাবন্ধনমুত্তোম্হি, নিহতো ত্ৰমসি অন্তকাতি॥
Mahābandhanamuttomhi, nihato tvamasi antakāti.
তেন তং বাধযিস্সামি, ন মে সমণ মোক্খসীতি॥
Tena taṃ bādhayissāmi, na me samaṇa mokkhasīti.
এত্থ মে ৰিগতো ছন্দো, নিহতো ত্ৰমসি অন্তকা’’তি॥
Ettha me vigato chando, nihato tvamasi antakā’’ti.
অথ খো মারো পাপিমা – জানাতি মং ভগৰা, জানাতি মং সুগতোতি দুক্খী দুম্মনো
Atha kho māro pāpimā – jānāti maṃ bhagavā, jānāti maṃ sugatoti dukkhī dummano
তত্থেৰন্তরধাযীতি।
Tatthevantaradhāyīti.
মারকথা নিট্ঠিতা।
Mārakathā niṭṭhitā.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পব্বজ্জাকথা • Pabbajjākathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / মারকথাৰণ্ণনা • Mārakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পব্বজ্জাকথাৰণ্ণনা • Pabbajjākathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৭. পব্বজ্জাকথা • 7. Pabbajjākathā
