| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
маарагат̇ааван̣н̣анаа
Mārakathāvaṇṇanā
32. ид̣̇аани саран̣аг̇амануубасамбад̣̇ам̣ д̣̇ассзд̇ум̣ ‘‘ат̇а ко бхаг̇аваа’’д̇иаад̣̇и аарад̣̇д̇хам̣. д̇ад̇рааяам̣ анубуб̣б̣абад̣̇аван̣н̣анаа (сам̣. ни. адта. 1.1.141) – муд̇д̇ааханд̇и муд̇д̇о ахам̣. жаариганд̇и анубуб̣б̣аг̇аманажааригам̣, г̇ааманиг̇амарааж̇ад̇хаанийсу ануггамзна г̇аманасан̇каад̇ам̣ жаариганд̇и ад̇т̇о. жарат̇аад̇и д̣̇ивасам̣ яож̇анабарамам̣ г̇ажчанд̇аа жарат̇а. маа згзна д̣̇вз аг̇амид̇т̇аад̇и згзна маг̇г̇зна д̣̇вийсу г̇ад̇зсу згасмим̣ д̇хаммам̣ д̣̇зсзнд̇з згзна д̇ун̣хийбхууд̇зна таад̇аб̣б̣ам̣ ход̇и, д̇асмаа звамааха. аад̣̇игаляаан̣анд̇и аад̣̇имхи галяаан̣ам̣ сунд̣̇арам̣ бхад̣̇д̣̇агам̣, д̇ат̇аа маж̇жхабарияосаанзсу. аад̣̇имаж̇жхабарияосаанан̃жа наамзд̇ам̣ саасанасса жа д̣̇зсанааяа жа васзна д̣̇уб̣б̣ид̇хам̣. д̇ад̇т̇а саасанасса сийлам̣ аад̣̇и, самат̇авибассанаамаг̇г̇аа маж̇жхам̣, паланиб̣б̣аанаани барияосаанам̣. сийласамаад̇хаяо ваа аад̣̇и, вибассанаамаг̇г̇аа маж̇жхам̣, паланиб̣б̣аанаани барияосаанам̣. сийласамаад̇хивибассанаа ваа аад̣̇и, маг̇г̇о маж̇жхам̣, паланиб̣б̣аанаани барияосаанам̣. д̣̇зсанааяа бана жад̇уббад̣̇игаг̇аат̇ааяа д̇аава батамабаад̣̇о аад̣̇и, д̣̇уд̇ияад̇ад̇ияаа маж̇жхам̣, жад̇уд̇т̇о барияосаанам̣. бан̃жабад̣̇ачаббад̣̇аанам̣ батамабаад̣̇о аад̣̇и, авасаанабаад̣̇о барияосаанам̣, сзсаа маж̇жхам̣. згаанусанд̇хигасса суд̇д̇асса нид̣̇аанам̣ аад̣̇и, ид̣̇амавожаад̇и барияосаанам̣, сзсам̣ маж̇жхам̣. анзгаанусанд̇хигасса суд̇д̇асса маж̇жхз б̣ахугамби анусанд̇хи маж̇жхамзва, нид̣̇аанам̣ аад̣̇и, ид̣̇амавожаад̇и барияосаанам̣. саад̇т̇анд̇и саад̇т̇агам̣ гад̇ваа д̣̇зсзт̇а. саб̣яан̃ж̇ананд̇и б̣яан̃ж̇анзхи жзва бад̣̇зхи жа барибуурам̣ гад̇ваа д̣̇зсзт̇а. гзвалабарибун̣н̣анд̇и сагалабарибун̣н̣ам̣. барисуд̣̇д̇ханд̇и нирубаггилзсам̣. б̣рахмажарияанд̇и сигкад̇д̇аяасан̇г̇ахам̣ саасанаб̣рахмажарияам̣. багаасзт̇аад̇и аави гарот̇а.
32. Idāni saraṇagamanūpasampadaṃ dassetuṃ ‘‘atha kho bhagavā’’tiādi āraddhaṃ. Tatrāyaṃ anupubbapadavaṇṇanā (saṃ. ni. aṭṭha. 1.1.141) – muttāhanti mutto ahaṃ. Cārikanti anupubbagamanacārikaṃ, gāmanigamarājadhānīsu anukkamena gamanasaṅkhātaṃ cārikanti attho. Carathāti divasaṃ yojanaparamaṃ gacchantā caratha. Mā ekena dve agamitthāti ekena maggena dvīsu gatesu ekasmiṃ dhammaṃ desente ekena tuṇhībhūtena ṭhātabbaṃ hoti, tasmā evamāha. Ādikalyāṇanti ādimhi kalyāṇaṃ sundaraṃ bhaddakaṃ, tathā majjhapariyosānesu. Ādimajjhapariyosānañca nāmetaṃ sāsanassa ca desanāya ca vasena dubbidhaṃ. Tattha sāsanassa sīlaṃ ādi, samathavipassanāmaggā majjhaṃ, phalanibbānāni pariyosānaṃ. Sīlasamādhayo vā ādi, vipassanāmaggā majjhaṃ, phalanibbānāni pariyosānaṃ. Sīlasamādhivipassanā vā ādi, maggo majjhaṃ, phalanibbānāni pariyosānaṃ. Desanāya pana catuppadikagāthāya tāva paṭhamapādo ādi, dutiyatatiyā majjhaṃ, catuttho pariyosānaṃ. Pañcapadachappadānaṃ paṭhamapādo ādi, avasānapādo pariyosānaṃ, sesā majjhaṃ. Ekānusandhikassa suttassa nidānaṃ ādi, idamavocāti pariyosānaṃ, sesaṃ majjhaṃ. Anekānusandhikassa suttassa majjhe bahukampi anusandhi majjhameva, nidānaṃ ādi, idamavocāti pariyosānaṃ. Sātthanti sātthakaṃ katvā desetha. Sabyañjananti byañjanehi ceva padehi ca paripūraṃ katvā desetha. Kevalaparipuṇṇanti sakalaparipuṇṇaṃ. Parisuddhanti nirupakkilesaṃ. Brahmacariyanti sikkhattayasaṅgahaṃ sāsanabrahmacariyaṃ. Pakāsethāti āvi karotha.
аббараж̇агкаж̇аад̇игаад̇и бан̃н̃аажагкумхи аббагилзсараж̇асабхааваа, д̣̇угууласаан̣ияаа бадижчаннаа вияа жад̇уббад̣̇игаг̇аат̇аабарияосаанз арахад̇д̇ам̣ бад̇д̇ум̣ самад̇т̇аа сад̇д̇аа санд̇ийд̇и ад̇т̇о. барихааяанд̇ийд̇и алаабхабарихаанияаа д̇хаммад̇о барихааяанд̇и. д̇знзвааха ‘‘анад̇хиг̇ад̇ам̣ наад̇хиг̇ажчанд̇аа висзсаад̇хиг̇амад̇о барихааяанд̇ий’’д̇и. сзнааниг̇амод̇и сзнааяа ниг̇амо. батамагаббигаанам̣ гира д̇асмим̣ таанз сзнаанивзсо ахоси, д̇асмаа со бад̣̇зсо ‘‘сзнааниг̇амо’’д̇и вужжад̇и. ‘‘сзнааниг̇аамо’’д̇иби баато, сзнаани наама суж̇аад̇ааяа бид̇аа, д̇асса г̇аамод̇и ад̇т̇о. д̇знубасан̇гамиссаамийд̇и наахам̣ д̇умхз уяяож̇зд̇ваа баривзн̣аад̣̇ийни гаарзд̇ваа убадтаагаад̣̇ийхи барижарияамаано вихариссаами, д̇ин̣н̣ам̣ бана ж̇адилаанам̣ ад̣дхуд̣дхаани баадихаарияасахассаани д̣̇ассзд̇ваа д̇хаммамзва д̣̇зсзд̇ум̣ убасан̇гамиссаами.
Apparajakkhajātikāti paññācakkhumhi appakilesarajasabhāvā, dukūlasāṇiyā paṭicchannā viya catuppadikagāthāpariyosāne arahattaṃ pattuṃ samatthā sattā santīti attho. Parihāyantīti alābhaparihāniyā dhammato parihāyanti. Tenevāha ‘‘anadhigataṃ nādhigacchantā visesādhigamato parihāyantī’’ti. Senānigamoti senāya nigamo. Paṭhamakappikānaṃ kira tasmiṃ ṭhāne senāniveso ahosi, tasmā so padeso ‘‘senānigamo’’ti vuccati. ‘‘Senānigāmo’’tipi pāṭho, senāni nāma sujātāya pitā, tassa gāmoti attho. Tenupasaṅkamissāmīti nāhaṃ tumhe uyyojetvā pariveṇādīni kāretvā upaṭṭhākādīhi paricariyamāno viharissāmi, tiṇṇaṃ pana jaṭilānaṃ aḍḍhuḍḍhāni pāṭihāriyasahassāni dassetvā dhammameva desetuṃ upasaṅkamissāmi.
33. мааро баабимаад̇и ад̇д̇ано висаяам̣ ад̇иггамид̇ум̣ бадибаннз сад̇д̇з маарзд̇ийд̇и мааро, барз баабз нияож̇зд̇и, саяам̣ ваа баабз нияуд̇д̇од̇и баабимаа. ан̃н̃аанибисса ган̣хо ад̇хибад̇и васавад̇д̇ий анд̇аго намужи бамад̇д̇аб̣анд̇хууд̇иаад̣̇ийни б̣ахууни наамаани, ид̇ха бана наамад̣̇ваяамзва г̇ахид̇ам̣. убасан̇гамийд̇и ‘‘аяам̣ саман̣о г̇од̇амо махааяуд̣̇д̇хам̣ вижаарзнд̇о вияа ‘маа згзна д̣̇вз аг̇амид̇т̇а, д̇хаммам̣ д̣̇зсзт̇аа’д̇и садти ж̇анз уяяож̇зд̇и, имасмим̣ бана згасмимби д̇хаммам̣ д̣̇зсзнд̇з маяхам̣ жид̇д̇асса саад̇ам̣ над̇т̇и, звам̣ б̣ахуусу д̣̇зсзнд̇зсу гуд̇о бхависсад̇и, бадиб̣аахаами на’’нд̇и жинд̇зд̇ваа убасан̇гами.
33.Māro pāpimāti attano visayaṃ atikkamituṃ paṭipanne satte māretīti māro, pare pāpe niyojeti, sayaṃ vā pāpe niyuttoti pāpimā. Aññānipissa kaṇho adhipati vasavattī antako namuci pamattabandhūtiādīni bahūni nāmāni, idha pana nāmadvayameva gahitaṃ. Upasaṅkamīti ‘‘ayaṃ samaṇo gotamo mahāyuddhaṃ vicārento viya ‘mā ekena dve agamittha, dhammaṃ desethā’ti saṭṭhi jane uyyojeti, imasmiṃ pana ekasmimpi dhammaṃ desente mayhaṃ cittassa sātaṃ natthi, evaṃ bahūsu desentesu kuto bhavissati, paṭibāhāmi na’’nti cintetvā upasaṅkami.
саб̣б̣абаасзхийд̇и саб̣б̣зхи гилзсабаасзхи. яз д̣̇иб̣б̣аа яз жа маанусаад̇и яз д̣̇иб̣б̣агаамаг̇ун̣асан̇каад̇аа маанусагагаамаг̇ун̣асан̇каад̇аа жа гилзсабаасаа наама ад̇т̇и, саб̣б̣зхи д̇зхи д̇вам̣ б̣ад̣̇д̇ход̇и вад̣̇ад̇и. махааб̣анд̇ханаб̣ад̣̇д̇ход̇и махад̇аа гилзсаб̣анд̇ханзна б̣ад̣̇д̇хо, махад̇и ваа б̣анд̇ханз б̣ад̣̇д̇хо, гилзсаб̣анд̇ханасса таанабхууд̇з бхаважаарагз б̣ад̣̇д̇ход̇и ад̇т̇о. на мз саман̣а могкасийд̇и саман̣а д̇вам̣ мама висаяад̇о на мужжиссаси. ‘‘на мз саман̣а могкасий’’д̇и жа ид̣̇ам̣ мааро ‘‘муд̇д̇аахам̣, бхигкавз, саб̣б̣абаасзхий’’д̇и бхаг̇авад̇о важанам̣ асад̣̇д̣̇аханд̇о вад̣̇ад̇и, сад̣̇д̣̇аханд̇оби ваа ‘‘звамаяам̣ барзсам̣ сад̇д̇аанам̣ могкааяа уссаахам̣ на гарзяяаа’’д̇и санд̇аж̇ж̇знд̇о гохан̃н̃з тад̇ваа вад̣̇ад̇и.
Sabbapāsehīti sabbehi kilesapāsehi. Ye dibbā ye ca mānusāti ye dibbakāmaguṇasaṅkhātā mānusakakāmaguṇasaṅkhātā ca kilesapāsā nāma atthi, sabbehi tehi tvaṃ baddhoti vadati. Mahābandhanabaddhoti mahatā kilesabandhanena baddho, mahati vā bandhane baddho, kilesabandhanassa ṭhānabhūte bhavacārake baddhoti attho. Na me samaṇa mokkhasīti samaṇa tvaṃ mama visayato na muccissasi. ‘‘Na me samaṇa mokkhasī’’ti ca idaṃ māro ‘‘muttāhaṃ, bhikkhave, sabbapāsehī’’ti bhagavato vacanaṃ asaddahanto vadati, saddahantopi vā ‘‘evamayaṃ paresaṃ sattānaṃ mokkhāya ussāhaṃ na kareyyā’’ti santajjento kohaññe ṭhatvā vadati.
нихад̇од̇и д̇вам̣ маяаа нихад̇о, ниб̣б̣исзванабхаавам̣ г̇амид̇о барааж̇ид̇од̇и ад̇т̇о. анд̇алигкз жаранд̇з бан̃жаабхин̃н̃зби б̣анд̇хад̇ийд̇и анд̇алигкажаро. рааг̇абаасо хи анд̇алигкажарзсуби гижжасаад̇ханад̇о ‘‘анд̇алигкажаро’’д̇и вужжад̇и, д̇знзва нам̣ маароби анд̇алигкажарод̇и ман̃н̃ад̇и. манаси ж̇аад̇од̇и маанасо, манасамбаяуд̇д̇од̇и ад̇т̇о. сзсамзд̇т̇а уд̇д̇аанад̇т̇амзва.
Nihatoti tvaṃ mayā nihato, nibbisevanabhāvaṃ gamito parājitoti attho. Antalikkhe carante pañcābhiññepi bandhatīti antalikkhacaro. Rāgapāso hi antalikkhacaresupi kiccasādhanato ‘‘antalikkhacaro’’ti vuccati, teneva naṃ māropi antalikkhacaroti maññati. Manasi jātoti mānaso, manasampayuttoti attho. Sesamettha uttānatthameva.
маарагат̇ааван̣н̣анаа нидтид̇аа.
Mārakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 8. маарагат̇аа • 8. Mārakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баб̣б̣аж̇ж̇аагат̇аа • Pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. баб̣б̣аж̇ж̇аагат̇аа • 7. Pabbajjākathā
