| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. ராத⁴ஸங்யுத்தங்
2. Rādhasaṃyuttaṃ
1. பட²மவக்³கோ³
1. Paṭhamavaggo
1. மாரஸுத்தங்
1. Mārasuttaṃ
160. ஸாவத்தி²னிதா³னங் . அத² கோ² ஆயஸ்மா ராதோ⁴ யேன ப⁴க³வா தேனுபஸங்கமி ; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ராதோ⁴ ப⁴க³வந்தங் ஏதத³வோச –
160. Sāvatthinidānaṃ . Atha kho āyasmā rādho yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā rādho bhagavantaṃ etadavoca –
‘‘‘மாரோ, மாரோ’தி, ப⁴ந்தே, வுச்சதி. கித்தாவதா நு கோ², ப⁴ந்தே, மாரோ’’தி? ‘‘ரூபே கோ², ராத⁴, ஸதி மாரோ வா அஸ்ஸ மாரேதா வா யோ வா பன மீயதி. தஸ்மாதிஹ த்வங், ராத⁴, ரூபங் மாரோதி பஸ்ஸ, மாரேதாதி பஸ்ஸ, மீயதீதி பஸ்ஸ, ரோகோ³தி பஸ்ஸ, க³ண்டோ³தி பஸ்ஸ, ஸல்லந்தி பஸ்ஸ, அக⁴ந்தி பஸ்ஸ, அக⁴பூ⁴தந்தி பஸ்ஸ. யே நங் ஏவங் பஸ்ஸந்தி தே ஸம்மா பஸ்ஸந்தி. வேத³னாய ஸதி… ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி மாரோ வா அஸ்ஸ மாரேதா வா யோ வா பன மீயதி. தஸ்மாதிஹ த்வங், ராத⁴, விஞ்ஞாணங் மாரோதி பஸ்ஸ, மாரேதாதி பஸ்ஸ, மீயதீதி பஸ்ஸ, ரோகோ³தி பஸ்ஸ, க³ண்டோ³தி பஸ்ஸ, ஸல்லந்தி பஸ்ஸ, அக⁴ந்தி பஸ்ஸ, அக⁴பூ⁴தந்தி பஸ்ஸ. யே நங் ஏவங் பஸ்ஸந்தி, தே ஸம்மா பஸ்ஸந்தீ’’தி.
‘‘‘Māro, māro’ti, bhante, vuccati. Kittāvatā nu kho, bhante, māro’’ti? ‘‘Rūpe kho, rādha, sati māro vā assa māretā vā yo vā pana mīyati. Tasmātiha tvaṃ, rādha, rūpaṃ māroti passa, māretāti passa, mīyatīti passa, rogoti passa, gaṇḍoti passa, sallanti passa, aghanti passa, aghabhūtanti passa. Ye naṃ evaṃ passanti te sammā passanti. Vedanāya sati… saññāya sati… saṅkhāresu sati… viññāṇe sati māro vā assa māretā vā yo vā pana mīyati. Tasmātiha tvaṃ, rādha, viññāṇaṃ māroti passa, māretāti passa, mīyatīti passa, rogoti passa, gaṇḍoti passa, sallanti passa, aghanti passa, aghabhūtanti passa. Ye naṃ evaṃ passanti, te sammā passantī’’ti.
‘‘ஸம்மாத³ஸ்ஸனங் பன, ப⁴ந்தே, கிமத்தி²ய’’ந்தி? ‘‘ஸம்மாத³ஸ்ஸனங் கோ², ராத⁴, நிப்³பி³த³த்த²ங்’’. ‘‘நிப்³பி³தா³ பன, ப⁴ந்தே, கிமத்தி²யா’’தி? ‘‘நிப்³பி³தா³ கோ², ராத⁴, விராக³த்தா²’’. ‘‘விராகோ³ பன, ப⁴ந்தே , கிமத்தி²யோ’’தி? ‘‘விராகோ³ கோ², ராத⁴, விமுத்தத்தோ²’’. ‘‘விமுத்தி பன, ப⁴ந்தே, கிமத்தி²யா’’தி? ‘‘விமுத்தி கோ², ராத⁴, நிப்³பா³னத்தா²’’. ‘‘நிப்³பா³னங் பன, ப⁴ந்தே, கிமத்தி²ய’’ந்தி? ‘‘அச்சயாஸி 1, ராத⁴, பஞ்ஹங், நாஸக்கி² பஞ்ஹஸ்ஸ பரியந்தங் க³ஹேதுங். நிப்³பா³னோக³த⁴ஞ்ஹி, ராத⁴, ப்³ரஹ்மசரியங் வுஸ்ஸதி, நிப்³பா³னபராயனங் நிப்³பா³னபரியோஸான’’ந்தி. பட²மங்.
‘‘Sammādassanaṃ pana, bhante, kimatthiya’’nti? ‘‘Sammādassanaṃ kho, rādha, nibbidatthaṃ’’. ‘‘Nibbidā pana, bhante, kimatthiyā’’ti? ‘‘Nibbidā kho, rādha, virāgatthā’’. ‘‘Virāgo pana, bhante , kimatthiyo’’ti? ‘‘Virāgo kho, rādha, vimuttattho’’. ‘‘Vimutti pana, bhante, kimatthiyā’’ti? ‘‘Vimutti kho, rādha, nibbānatthā’’. ‘‘Nibbānaṃ pana, bhante, kimatthiya’’nti? ‘‘Accayāsi 2, rādha, pañhaṃ, nāsakkhi pañhassa pariyantaṃ gahetuṃ. Nibbānogadhañhi, rādha, brahmacariyaṃ vussati, nibbānaparāyanaṃ nibbānapariyosāna’’nti. Paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. மாரஸுத்தவண்ணனா • 1. Mārasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. மாரஸுத்தவண்ணனா • 1. Mārasuttavaṇṇanā
