| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. து³தியவக்³கோ³
2. Dutiyavaggo
1. மாரஸுத்தங்
1. Mārasuttaṃ
170. ஸாவத்தி²னிதா³னங் . ஏகமந்தங் நிஸின்னோ கோ² ஆயஸ்மா ராதோ⁴ ப⁴க³வந்தங் ஏதத³வோச – ‘‘‘மாரோ, மாரோ’தி, ப⁴ந்தே, வுச்சதி. கதமோ நு கோ², ப⁴ந்தே, மாரோ’’தி? ‘‘ரூபங் கோ², ராத⁴, மாரோ, வேத³னா மாரோ, ஸஞ்ஞா மாரோ, ஸங்கா²ரா மாரோ, விஞ்ஞாணங் மாரோ. ஏவங் பஸ்ஸங், ராத⁴, ஸுதவா அரியஸாவகோ ரூபஸ்மிம்பி நிப்³பி³ந்த³தி, வேத³னாயபி நிப்³பி³ந்த³தி, ஸஞ்ஞாயபி நிப்³பி³ந்த³தி, ஸங்கா²ரேஸுபி நிப்³பி³ந்த³தி, விஞ்ஞாணஸ்மிம்பி நிப்³பி³ந்த³தி. நிப்³பி³ந்த³ங் விரஜ்ஜதி; விராகா³ விமுச்சதி. விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி. பட²மங்.
170. Sāvatthinidānaṃ . Ekamantaṃ nisinno kho āyasmā rādho bhagavantaṃ etadavoca – ‘‘‘māro, māro’ti, bhante, vuccati. Katamo nu kho, bhante, māro’’ti? ‘‘Rūpaṃ kho, rādha, māro, vedanā māro, saññā māro, saṅkhārā māro, viññāṇaṃ māro. Evaṃ passaṃ, rādha, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati. Nibbindaṃ virajjati; virāgā vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-12. மாரஸுத்தாதி³வண்ணனா • 1-12. Mārasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-12. மாரஸுத்தாதி³வண்ணனா • 1-12. Mārasuttādivaṇṇanā
