| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. রাধসংযুত্তং
2. Rādhasaṃyuttaṃ
১. পঠমৰগ্গো
1. Paṭhamavaggo
১. মারসুত্তং
1. Mārasuttaṃ
১৬০. সাৰত্থিনিদানং । অথ খো আযস্মা রাধো যেন ভগৰা তেনুপসঙ্কমি ; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদি। একমন্তং নিসিন্নো খো আযস্মা রাধো ভগৰন্তং এতদৰোচ –
160. Sāvatthinidānaṃ . Atha kho āyasmā rādho yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā rādho bhagavantaṃ etadavoca –
‘‘‘মারো, মারো’তি, ভন্তে, ৰুচ্চতি। কিত্তাৰতা নু খো, ভন্তে, মারো’’তি? ‘‘রূপে খো, রাধ, সতি মারো ৰা অস্স মারেতা ৰা যো ৰা পন মীযতি। তস্মাতিহ ত্ৰং, রাধ, রূপং মারোতি পস্স, মারেতাতি পস্স, মীযতীতি পস্স, রোগোতি পস্স, গণ্ডোতি পস্স, সল্লন্তি পস্স, অঘন্তি পস্স, অঘভূতন্তি পস্স। যে নং এৰং পস্সন্তি তে সম্মা পস্সন্তি। ৰেদনায সতি… সঞ্ঞায সতি… সঙ্খারেসু সতি… ৰিঞ্ঞাণে সতি মারো ৰা অস্স মারেতা ৰা যো ৰা পন মীযতি। তস্মাতিহ ত্ৰং, রাধ, ৰিঞ্ঞাণং মারোতি পস্স, মারেতাতি পস্স, মীযতীতি পস্স, রোগোতি পস্স, গণ্ডোতি পস্স, সল্লন্তি পস্স, অঘন্তি পস্স, অঘভূতন্তি পস্স। যে নং এৰং পস্সন্তি, তে সম্মা পস্সন্তী’’তি।
‘‘‘Māro, māro’ti, bhante, vuccati. Kittāvatā nu kho, bhante, māro’’ti? ‘‘Rūpe kho, rādha, sati māro vā assa māretā vā yo vā pana mīyati. Tasmātiha tvaṃ, rādha, rūpaṃ māroti passa, māretāti passa, mīyatīti passa, rogoti passa, gaṇḍoti passa, sallanti passa, aghanti passa, aghabhūtanti passa. Ye naṃ evaṃ passanti te sammā passanti. Vedanāya sati… saññāya sati… saṅkhāresu sati… viññāṇe sati māro vā assa māretā vā yo vā pana mīyati. Tasmātiha tvaṃ, rādha, viññāṇaṃ māroti passa, māretāti passa, mīyatīti passa, rogoti passa, gaṇḍoti passa, sallanti passa, aghanti passa, aghabhūtanti passa. Ye naṃ evaṃ passanti, te sammā passantī’’ti.
‘‘সম্মাদস্সনং পন, ভন্তে, কিমত্থিয’’ন্তি? ‘‘সম্মাদস্সনং খো, রাধ, নিব্বিদত্থং’’। ‘‘নিব্বিদা পন, ভন্তে, কিমত্থিযা’’তি? ‘‘নিব্বিদা খো, রাধ, ৰিরাগত্থা’’। ‘‘ৰিরাগো পন, ভন্তে , কিমত্থিযো’’তি? ‘‘ৰিরাগো খো, রাধ, ৰিমুত্তত্থো’’। ‘‘ৰিমুত্তি পন, ভন্তে, কিমত্থিযা’’তি? ‘‘ৰিমুত্তি খো, রাধ, নিব্বানত্থা’’। ‘‘নিব্বানং পন, ভন্তে, কিমত্থিয’’ন্তি? ‘‘অচ্চযাসি 1, রাধ, পঞ্হং, নাসক্খি পঞ্হস্স পরিযন্তং গহেতুং। নিব্বানোগধঞ্হি, রাধ, ব্রহ্মচরিযং ৰুস্সতি, নিব্বানপরাযনং নিব্বানপরিযোসান’’ন্তি। পঠমং।
‘‘Sammādassanaṃ pana, bhante, kimatthiya’’nti? ‘‘Sammādassanaṃ kho, rādha, nibbidatthaṃ’’. ‘‘Nibbidā pana, bhante, kimatthiyā’’ti? ‘‘Nibbidā kho, rādha, virāgatthā’’. ‘‘Virāgo pana, bhante , kimatthiyo’’ti? ‘‘Virāgo kho, rādha, vimuttattho’’. ‘‘Vimutti pana, bhante, kimatthiyā’’ti? ‘‘Vimutti kho, rādha, nibbānatthā’’. ‘‘Nibbānaṃ pana, bhante, kimatthiya’’nti? ‘‘Accayāsi 2, rādha, pañhaṃ, nāsakkhi pañhassa pariyantaṃ gahetuṃ. Nibbānogadhañhi, rādha, brahmacariyaṃ vussati, nibbānaparāyanaṃ nibbānapariyosāna’’nti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. মারসুত্তৰণ্ণনা • 1. Mārasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. মারসুত্তৰণ্ণনা • 1. Mārasuttavaṇṇanā
