| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. དུཏིཡཝགྒོ
2. Dutiyavaggo
༡. མཱརསུཏྟཾ
1. Mārasuttaṃ
༡༧༠. སཱཝཏྠིནིདཱནཾ ། ཨེཀམནྟཾ ནིསིནྣོ ཁོ ཨཱཡསྨཱ རཱདྷོ བྷགཝནྟཾ ཨེཏདཝོཙ – ‘‘‘མཱརོ, མཱརོ’ཏི, བྷནྟེ, ཝུཙྩཏི། ཀཏམོ ནུ ཁོ, བྷནྟེ, མཱརོ’’ཏི? ‘‘རཱུཔཾ ཁོ, རཱདྷ, མཱརོ, ཝེདནཱ མཱརོ, སཉྙཱ མཱརོ, སངྑཱརཱ མཱརོ, ཝིཉྙཱཎཾ མཱརོ། ཨེཝཾ པསྶཾ, རཱདྷ, སུཏཝཱ ཨརིཡསཱཝཀོ རཱུཔསྨིམྤི ནིབྦིནྡཏི, ཝེདནཱཡཔི ནིབྦིནྡཏི, སཉྙཱཡཔི ནིབྦིནྡཏི, སངྑཱརེསུཔི ནིབྦིནྡཏི, ཝིཉྙཱཎསྨིམྤི ནིབྦིནྡཏི། ནིབྦིནྡཾ ཝིརཛྫཏི; ཝིརཱགཱ ཝིམུཙྩཏི། ཝིམུཏྟསྨིཾ ཝིམུཏྟམིཏི ཉཱཎཾ ཧོཏི། ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི། པཋམཾ།
170. Sāvatthinidānaṃ . Ekamantaṃ nisinno kho āyasmā rādho bhagavantaṃ etadavoca – ‘‘‘māro, māro’ti, bhante, vuccati. Katamo nu kho, bhante, māro’’ti? ‘‘Rūpaṃ kho, rādha, māro, vedanā māro, saññā māro, saṅkhārā māro, viññāṇaṃ māro. Evaṃ passaṃ, rādha, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati. Nibbindaṃ virajjati; virāgā vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Paṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༡༢. མཱརསུཏྟཱདིཝཎྞནཱ • 1-12. Mārasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༡༢. མཱརསུཏྟཱདིཝཎྞནཱ • 1-12. Mārasuttādivaṇṇanā
