| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
২. রাধসংযুত্তং
2. Rādhasaṃyuttaṃ
১. পঠমৰগ্গো
1. Paṭhamavaggo
১. মারসুত্তৰণ্ণনা
1. Mārasuttavaṇṇanā
১৬০. রাধসংযুত্তস্স পঠমে মারো ৰা অস্সাতি মরণং ৰা ভৰেয্য। মারেতা ৰাতি মারেতব্বো ৰা। যো ৰা পন মীযতীতি যো ৰা পন মরতি। নিব্বিদত্থন্তি নিব্বিদাঞাণত্থং। নিব্বানত্থাতি ফলৰিমুত্তি নামেসা অনুপাদানিব্বানত্থাতি অত্থো। অচ্চযাসীতি অতিক্কন্তোসি। নিব্বানোগধন্তি নিব্বানে পতিট্ঠিতং। ইদং মগ্গব্রহ্মচরিযং নাম নিব্বানব্ভন্তরে ৰুস্সতি, ন নিব্বানং অতিক্কমিত্ৰাতি অত্থো। নিব্বানপরিযোসানন্তি নিব্বানং অস্স পরিযোসানং, নিপ্ফত্তি নিট্ঠাতি অত্থো। পঠমং।
160. Rādhasaṃyuttassa paṭhame māro vā assāti maraṇaṃ vā bhaveyya. Māretā vāti māretabbo vā. Yo vā pana mīyatīti yo vā pana marati. Nibbidatthanti nibbidāñāṇatthaṃ. Nibbānatthāti phalavimutti nāmesā anupādānibbānatthāti attho. Accayāsīti atikkantosi. Nibbānogadhanti nibbāne patiṭṭhitaṃ. Idaṃ maggabrahmacariyaṃ nāma nibbānabbhantare vussati, na nibbānaṃ atikkamitvāti attho. Nibbānapariyosānanti nibbānaṃ assa pariyosānaṃ, nipphatti niṭṭhāti attho. Paṭhamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. মারসুত্তং • 1. Mārasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. মারসুত্তৰণ্ণনা • 1. Mārasuttavaṇṇanā
