| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
२. राधसंयुत्तं
2. Rādhasaṃyuttaṃ
१. पठमवग्गो
1. Paṭhamavaggo
१. मारसुत्तवण्णना
1. Mārasuttavaṇṇanā
१६०. राधसंयुत्तस्स पठमे मारो वा अस्साति मरणं वा भवेय्य। मारेता वाति मारेतब्बो वा। यो वा पन मीयतीति यो वा पन मरति। निब्बिदत्थन्ति निब्बिदाञाणत्थं। निब्बानत्थाति फलविमुत्ति नामेसा अनुपादानिब्बानत्थाति अत्थो। अच्चयासीति अतिक्कन्तोसि। निब्बानोगधन्ति निब्बाने पतिट्ठितं। इदं मग्गब्रह्मचरियं नाम निब्बानब्भन्तरे वुस्सति, न निब्बानं अतिक्कमित्वाति अत्थो। निब्बानपरियोसानन्ति निब्बानं अस्स परियोसानं, निप्फत्ति निट्ठाति अत्थो। पठमं।
160. Rādhasaṃyuttassa paṭhame māro vā assāti maraṇaṃ vā bhaveyya. Māretā vāti māretabbo vā. Yo vā pana mīyatīti yo vā pana marati. Nibbidatthanti nibbidāñāṇatthaṃ. Nibbānatthāti phalavimutti nāmesā anupādānibbānatthāti attho. Accayāsīti atikkantosi. Nibbānogadhanti nibbāne patiṭṭhitaṃ. Idaṃ maggabrahmacariyaṃ nāma nibbānabbhantare vussati, na nibbānaṃ atikkamitvāti attho. Nibbānapariyosānanti nibbānaṃ assa pariyosānaṃ, nipphatti niṭṭhāti attho. Paṭhamaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. मारसुत्तं • 1. Mārasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १. मारसुत्तवण्णना • 1. Mārasuttavaṇṇanā
