| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២. រាធសំយុត្តំ
2. Rādhasaṃyuttaṃ
១. បឋមវគ្គោ
1. Paṭhamavaggo
១. មារសុត្តវណ្ណនា
1. Mārasuttavaṇṇanā
១៦០. រាធសំយុត្តស្ស បឋមេ មារោ វា អស្សាតិ មរណំ វា ភវេយ្យ។ មារេតា វាតិ មារេតព្ពោ វា។ យោ វា បន មីយតីតិ យោ វា បន មរតិ។ និព្ពិទត្ថន្តិ និព្ពិទាញាណត្ថំ។ និព្ពានត្ថាតិ ផលវិមុត្តិ នាមេសា អនុបាទានិព្ពានត្ថាតិ អត្ថោ។ អច្ចយាសីតិ អតិក្កន្តោសិ។ និព្ពានោគធន្តិ និព្ពានេ បតិដ្ឋិតំ។ ឥទំ មគ្គព្រហ្មចរិយំ នាម និព្ពានព្ភន្តរេ វុស្សតិ, ន និព្ពានំ អតិក្កមិត្វាតិ អត្ថោ។ និព្ពានបរិយោសានន្តិ និព្ពានំ អស្ស បរិយោសានំ, និប្ផត្តិ និដ្ឋាតិ អត្ថោ។ បឋមំ។
160. Rādhasaṃyuttassa paṭhame māro vā assāti maraṇaṃ vā bhaveyya. Māretā vāti māretabbo vā. Yo vā pana mīyatīti yo vā pana marati. Nibbidatthanti nibbidāñāṇatthaṃ. Nibbānatthāti phalavimutti nāmesā anupādānibbānatthāti attho. Accayāsīti atikkantosi. Nibbānogadhanti nibbāne patiṭṭhitaṃ. Idaṃ maggabrahmacariyaṃ nāma nibbānabbhantare vussati, na nibbānaṃ atikkamitvāti attho. Nibbānapariyosānanti nibbānaṃ assa pariyosānaṃ, nipphatti niṭṭhāti attho. Paṭhamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. មារសុត្តំ • 1. Mārasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១. មារសុត្តវណ្ណនា • 1. Mārasuttavaṇṇanā
