| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༢. རཱདྷསཾཡུཏྟཾ
2. Rādhasaṃyuttaṃ
༡. པཋམཝགྒོ
1. Paṭhamavaggo
༡. མཱརསུཏྟཝཎྞནཱ
1. Mārasuttavaṇṇanā
༡༦༠. རཱདྷསཾཡུཏྟསྶ པཋམེ མཱརོ ཝཱ ཨསྶཱཏི མརཎཾ ཝཱ བྷཝེཡྻ། མཱརེཏཱ ཝཱཏི མཱརེཏབྦོ ཝཱ། ཡོ ཝཱ པན མཱིཡཏཱིཏི ཡོ ཝཱ པན མརཏི། ནིབྦིདཏྠནྟི ནིབྦིདཱཉཱཎཏྠཾ། ནིབྦཱནཏྠཱཏི ཕལཝིམུཏྟི ནཱམེསཱ ཨནུཔཱདཱནིབྦཱནཏྠཱཏི ཨཏྠོ། ཨཙྩཡཱསཱིཏི ཨཏིཀྐནྟོསི། ནིབྦཱནོགདྷནྟི ནིབྦཱནེ པཏིཊྛིཏཾ། ཨིདཾ མགྒབྲཧྨཙརིཡཾ ནཱམ ནིབྦཱནབྦྷནྟརེ ཝུསྶཏི, ན ནིབྦཱནཾ ཨཏིཀྐམིཏྭཱཏི ཨཏྠོ། ནིབྦཱནཔརིཡོསཱནནྟི ནིབྦཱནཾ ཨསྶ པརིཡོསཱནཾ, ནིཔྥཏྟི ནིཊྛཱཏི ཨཏྠོ། པཋམཾ།
160. Rādhasaṃyuttassa paṭhame māro vā assāti maraṇaṃ vā bhaveyya. Māretā vāti māretabbo vā. Yo vā pana mīyatīti yo vā pana marati. Nibbidatthanti nibbidāñāṇatthaṃ. Nibbānatthāti phalavimutti nāmesā anupādānibbānatthāti attho. Accayāsīti atikkantosi. Nibbānogadhanti nibbāne patiṭṭhitaṃ. Idaṃ maggabrahmacariyaṃ nāma nibbānabbhantare vussati, na nibbānaṃ atikkamitvāti attho. Nibbānapariyosānanti nibbānaṃ assa pariyosānaṃ, nipphatti niṭṭhāti attho. Paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. མཱརསུཏྟཾ • 1. Mārasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. མཱརསུཏྟཝཎྞནཱ • 1. Mārasuttavaṇṇanā
