| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൨. രാധസംയുത്തം
2. Rādhasaṃyuttaṃ
൧. പഠമവഗ്ഗോ
1. Paṭhamavaggo
൧. മാരസുത്തവണ്ണനാ
1. Mārasuttavaṇṇanā
൧൬൦. രാധസംയുത്തസ്സ പഠമേ മാരോ വാ അസ്സാതി മരണം വാ ഭവേയ്യ. മാരേതാ വാതി മാരേതബ്ബോ വാ. യോ വാ പന മീയതീതി യോ വാ പന മരതി. നിബ്ബിദത്ഥന്തി നിബ്ബിദാഞാണത്ഥം. നിബ്ബാനത്ഥാതി ഫലവിമുത്തി നാമേസാ അനുപാദാനിബ്ബാനത്ഥാതി അത്ഥോ. അച്ചയാസീതി അതിക്കന്തോസി. നിബ്ബാനോഗധന്തി നിബ്ബാനേ പതിട്ഠിതം. ഇദം മഗ്ഗബ്രഹ്മചരിയം നാമ നിബ്ബാനബ്ഭന്തരേ വുസ്സതി, ന നിബ്ബാനം അതിക്കമിത്വാതി അത്ഥോ. നിബ്ബാനപരിയോസാനന്തി നിബ്ബാനം അസ്സ പരിയോസാനം, നിപ്ഫത്തി നിട്ഠാതി അത്ഥോ. പഠമം.
160. Rādhasaṃyuttassa paṭhame māro vā assāti maraṇaṃ vā bhaveyya. Māretā vāti māretabbo vā. Yo vā pana mīyatīti yo vā pana marati. Nibbidatthanti nibbidāñāṇatthaṃ. Nibbānatthāti phalavimutti nāmesā anupādānibbānatthāti attho. Accayāsīti atikkantosi. Nibbānogadhanti nibbāne patiṭṭhitaṃ. Idaṃ maggabrahmacariyaṃ nāma nibbānabbhantare vussati, na nibbānaṃ atikkamitvāti attho. Nibbānapariyosānanti nibbānaṃ assa pariyosānaṃ, nipphatti niṭṭhāti attho. Paṭhamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧. മാരസുത്തം • 1. Mārasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧. മാരസുത്തവണ്ണനാ • 1. Mārasuttavaṇṇanā
