| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. маарад̇аж̇ж̇анийяасуд̇д̇аван̣н̣анаа
10. Māratajjanīyasuttavaṇṇanā
506. звам̣ мз суд̇анд̇и маарад̇аж̇ж̇анийяасуд̇д̇ам̣. д̇ад̇т̇а годтаманубавидтод̇и гужчим̣ бависид̇ваа анд̇аанам̣ анд̇о анубавидто, баггаасаяадтаанз нисинно. г̇аруг̇аро вияаад̇и г̇аругаг̇аруго вияа т̇ад̣̇д̇хо баасаан̣абун̃ж̇асад̣̇исо. маасаажид̇ам̣ ман̃н̃зд̇и маасабхад̇д̇ам̣ бхуд̇д̇асса гужчи вияа маасабуурид̇абасиб̣б̣аго вияа д̇инд̇амаасо вияа жаад̇и ад̇т̇о. вихаарам̣ бависид̇ваад̇и сажз аахаарад̣̇осзна зса г̇арубхааво, аб̣бхогаасз жан̇гамид̇ум̣ на саббааяанд̇и жан̇гамаа орохид̇ваа бан̣н̣асаалам̣ бависид̇ваа багад̇ибан̃н̃ад̇д̇з аасанз нисийд̣̇и. бажжад̇д̇ам̣ яонисо манасаагаасийд̇и, ‘‘гим̣ ну ко зд̇а’’нд̇и ааваж̇ж̇амаано ад̇д̇аноязва убааязна манаси агааси. сажз бана т̇зро ад̇д̇ано сийлам̣ ааваж̇ж̇зд̇ваа, ‘‘яам̣ хияяо ваа барз ваа барасувз ваа барибхуд̇д̇ам̣ авибаггамад̇т̇и, ан̃н̃о ваа гожи висабхааг̇ад̣̇осо, саб̣б̣ам̣ ж̇ийрад̇у паасугам̣ ход̇уу’’д̇и хад̇т̇зна гужчим̣ бараамасисса, мааро баабимаа вилийяид̇ваа аг̇амисса. т̇зро бана д̇ат̇аа агад̇ваа яонисо манаси агааси. маа д̇ат̇ааг̇ад̇ам̣ вихзсзсийд̇и яат̇аа хи буд̇д̇зсу вихзсид̇зсу маад̇аабид̇аро вихзсид̇аава хонд̇и, сад̣̇д̇хивихааригаанд̇зваасигзсу вихзсид̇зсу аажарияубаж̇жхааяаа вихзсид̇аава, ж̇анабад̣̇з вихзсид̇з рааж̇аа вихзсид̇ова ход̇и, звам̣ д̇ат̇ааг̇ад̇асаавагз вихзсид̇з д̇ат̇ааг̇ад̇о вихзсид̇ова ход̇и. д̇знааха – ‘‘маа д̇ат̇ааг̇ад̇ам̣ вихзсзсий’’д̇и.
506.Evaṃme sutanti māratajjanīyasuttaṃ. Tattha koṭṭhamanupaviṭṭhoti kucchiṃ pavisitvā antānaṃ anto anupaviṭṭho, pakkāsayaṭṭhāne nisinno. Garugaro viyāti garukagaruko viya thaddho pāsāṇapuñjasadiso. Māsācitaṃmaññeti māsabhattaṃ bhuttassa kucchi viya māsapūritapasibbako viya tintamāso viya cāti attho. Vihāraṃ pavisitvāti sace āhāradosena esa garubhāvo, abbhokāse caṅkamituṃ na sappāyanti caṅkamā orohitvā paṇṇasālaṃ pavisitvā pakatipaññatte āsane nisīdi. Paccattaṃ yoniso manasākāsīti, ‘‘kiṃ nu kho eta’’nti āvajjamāno attanoyeva upāyena manasi akāsi. Sace pana thero attano sīlaṃ āvajjetvā, ‘‘yaṃ hiyyo vā pare vā parasuve vā paribhuttaṃ avipakkamatthi, añño vā koci visabhāgadoso, sabbaṃ jīratu phāsukaṃ hotū’’ti hatthena kucchiṃ parāmasissa, māro pāpimā vilīyitvā agamissa. Thero pana tathā akatvā yoniso manasi akāsi. Mā tathāgataṃ vihesesīti yathā hi puttesu vihesitesu mātāpitaro vihesitāva honti, saddhivihārikaantevāsikesu vihesitesu ācariyupajjhāyā vihesitāva, janapade vihesite rājā vihesitova hoti, evaṃ tathāgatasāvake vihesite tathāgato vihesitova hoti. Tenāha – ‘‘mā tathāgataṃ vihesesī’’ti.
бажжаг̇г̇ал̣з адтаасийд̇и бад̇иаг̇г̇ал̣зва адтааси. аг̇г̇ал̣ам̣ вужжад̇и гаваадам̣, мукзна уг̇г̇анд̇ваа бан̣н̣асаалад̇о нигкамид̇ваа б̣ахибан̣н̣асаалааяа гаваадам̣ ниссааяа адтаасийд̇и ад̇т̇о.
Paccaggaḷe aṭṭhāsīti patiaggaḷeva aṭṭhāsi. Aggaḷaṃ vuccati kavāṭaṃ, mukhena uggantvā paṇṇasālato nikkhamitvā bahipaṇṇasālāya kavāṭaṃ nissāya aṭṭhāsīti attho.
507. бхууд̇абуб̣б̣аахам̣ баабимаад̇и гасмаа ид̣̇ам̣ д̣̇зсанам̣ аарабхи? т̇зро гира жинд̇зси – ‘‘аагаасадтагад̣̇звад̇аанам̣ д̇аава мануссаг̇анд̇хо яож̇анасад̇з тид̇аанам̣ ааб̣аад̇хам̣ гарод̇и. вуд̇д̇ан̃хзд̇ам̣ – ‘яож̇анасад̇ам̣ ко рааж̇ан̃н̃а мануссаг̇анд̇хо д̣̇звз уб̣б̣аад̇хад̇ий’д̇и (д̣̇ий. ни. 2.415). аяам̣ бана мааро нааг̇ариго барижогко махзсагко аанубхаавасамбанно д̣̇зварааж̇аа самаано мама гужчияам̣ бависид̇ваа анд̇аанам̣ анд̇о баггаасаяогаасз нисинно ад̇ивияа бад̣̇удто бхависсад̇и. зваруубам̣ наама ж̇зг̇ужчам̣ бадигуулам̣ огаасам̣ бависид̇ваа нисийд̣̇ид̇ум̣ саггонд̇асса гиман̃н̃ам̣ агаран̣ийяам̣ бхависсад̇и, гим̣ ан̃н̃ам̣ лаж̇ж̇иссад̇и, д̇вам̣ мама н̃аад̇игод̇и бана вуд̇д̇з муд̣̇убхаавам̣ анаабаж̇ж̇амаано наама над̇т̇и, ханд̣̇асса н̃аад̇игодим̣ бадивиж̇жхид̇ваа муд̣̇угзнзва нам̣ убааязна виссаж̇ж̇зссаамий’’д̇и жинд̇зд̇ваа имам̣ д̣̇зсанамаарабхи.
507.Bhūtapubbāhaṃ pāpimāti kasmā idaṃ desanaṃ ārabhi? Thero kira cintesi – ‘‘ākāsaṭṭhakadevatānaṃ tāva manussagandho yojanasate ṭhitānaṃ ābādhaṃ karoti. Vuttañhetaṃ – ‘yojanasataṃ kho rājañña manussagandho deve ubbādhatī’ti (dī. ni. 2.415). Ayaṃ pana māro nāgariko paricokkho mahesakkho ānubhāvasampanno devarājā samāno mama kucchiyaṃ pavisitvā antānaṃ anto pakkāsayokāse nisinno ativiya paduṭṭho bhavissati. Evarūpaṃ nāma jegucchaṃ paṭikūlaṃ okāsaṃ pavisitvā nisīdituṃ sakkontassa kimaññaṃ akaraṇīyaṃ bhavissati, kiṃ aññaṃ lajjissati, tvaṃ mama ñātikoti pana vutte mudubhāvaṃ anāpajjamāno nāma natthi, handassa ñātikoṭiṃ paṭivijjhitvā mudukeneva naṃ upāyena vissajjessāmī’’ti cintetvā imaṃ desanamārabhi.
со мз д̇вам̣ бхааг̇инзяяо хосийд̇и со д̇вам̣ д̇асмим̣ гаалз маяхам̣ бхааг̇инзяяо хоси. ид̣̇ам̣ бавзн̣ивасзна вуд̇д̇ам̣. д̣̇звалогасмим̣ бана маарасса бид̇у вам̣со бид̇аамахасса вам̣со раж̇ж̇ам̣ гаронд̇о наама над̇т̇и, бун̃н̃авасзна д̣̇звалогз д̣̇зварааж̇аа худ̇ваа ниб̣б̣ад̇д̇о, яаавад̇ааяугам̣ тад̇ваа жавад̇и. ан̃н̃о зго ад̇д̇анаа гад̇зна гаммзна д̇асмим̣ таанз ад̇хибад̇и худ̇ваа ниб̣б̣ад̇д̇ад̇и. ид̇и аяам̣ маароби д̇ад̣̇аа д̇ад̇о жавид̇ваа буна гусалам̣ гад̇ваа имасмим̣ гаалз д̇асмим̣ ад̇хибад̇идтаанз ниб̣б̣ад̇д̇од̇и взд̣̇ид̇аб̣б̣о.
So me tvaṃ bhāgineyyo hosīti so tvaṃ tasmiṃ kāle mayhaṃ bhāgineyyo hosi. Idaṃ paveṇivasena vuttaṃ. Devalokasmiṃ pana mārassa pitu vaṃso pitāmahassa vaṃso rajjaṃ karonto nāma natthi, puññavasena devaloke devarājā hutvā nibbatto, yāvatāyukaṃ ṭhatvā cavati. Añño eko attanā katena kammena tasmiṃ ṭhāne adhipati hutvā nibbattati. Iti ayaṃ māropi tadā tato cavitvā puna kusalaṃ katvā imasmiṃ kāle tasmiṃ adhipatiṭṭhāne nibbattoti veditabbo.
вид̇хурод̇и виг̇ад̇ад̇хуро, ан̃н̃зхи сад̣̇д̇хим̣ асад̣̇исод̇и ад̇т̇о. аббагасирзнаад̇и аббад̣̇угкзна. басубаалагаад̇и аж̇зл̣агабаалагаа. бат̇аавинод̇и маг̇г̇абадибаннаа. гааяз убажинид̇ваад̇и саманд̇ад̇о жид̇агам̣ б̣анд̇хид̇ваа. аг̇г̇им̣ д̣̇ад̇ваа баггамим̣сууд̇и зд̇д̇агзна сарийрам̣ барияаад̣̇аанам̣ г̇амиссад̇ийд̇и жид̇агасса бамаан̣ам̣ саллагкзд̇ваа жад̇уусу д̣̇исаасу аг̇г̇им̣ д̣̇ад̇ваа баггамим̣су. жид̇аго бад̣̇ийбасикаа вияа баж̇ж̇али, т̇зрасса уд̣̇агалзн̣ам̣ бависид̇ваа нисиннагаало вияа ахоси. жийвараани бабподзд̇ваад̇и самаабад̇д̇ид̇о вудтааяа виг̇ад̇ад̇хуумз гим̣сугаван̣н̣з ан̇г̇аарз мад̣̇д̣̇амаано жийвараани вид̇хунид̇ваа. сарийрз банасса усумамад̇д̇амби наахоси, жийварзсу ам̣сумад̇д̇амби наж̇жхааяи, самаабад̇д̇ипалам̣ наамзд̇ам̣.
Vidhuroti vigatadhuro, aññehi saddhiṃ asadisoti attho. Appakasirenāti appadukkhena. Pasupālakāti ajeḷakapālakā. Pathāvinoti maggapaṭipannā. Kāye upacinitvāti samantato citakaṃ bandhitvā. Aggiṃ datvā pakkamiṃsūti ettakena sarīraṃ pariyādānaṃ gamissatīti citakassa pamāṇaṃ sallakkhetvā catūsu disāsu aggiṃ datvā pakkamiṃsu. Citako padīpasikhā viya pajjali, therassa udakaleṇaṃ pavisitvā nisinnakālo viya ahosi. Cīvarāni papphoṭetvāti samāpattito vuṭṭhāya vigatadhūme kiṃsukavaṇṇe aṅgāre maddamāno cīvarāni vidhunitvā. Sarīre panassa usumamattampi nāhosi, cīvaresu aṃsumattampi najjhāyi, samāpattiphalaṃ nāmetaṃ.
508. аггосат̇аад̇и д̣̇асахи аггосавад̇т̇уухи аггосат̇а. барибхаасат̇аад̇и ваажааяа барибхаасат̇а. росзт̇аад̇и гхаддзт̇а. вихзсзт̇аад̇и д̣̇угкаабзт̇а. саб̣б̣амзд̇ам̣ ваажааяа гхадданассзва ад̇хиважанам̣. яат̇аа д̇ам̣ д̣̇уусий маарод̇и яат̇аа зд̇зсам̣ д̣̇уусий мааро. лабхзт̇а од̇ааранд̇и лабхзт̇а чид̣̇д̣̇ам̣, гилзсуббад̇д̇ияаа аарамман̣ам̣ бажжаяам̣ лабхзяяаад̇и ад̇т̇о. мун̣д̣агаад̇иаад̣̇ийсу мун̣д̣з мун̣д̣аад̇и саман̣з жа саман̣аад̇и вад̇д̇ум̣ ваддзяяа, имз бана хийл̣знд̇аа мун̣д̣агаа саман̣агаад̇и аахам̣су. иб̣бхаад̇и г̇ахабад̇игаа. гин̣хаад̇и ган̣хаа, гаал̣агаад̇и ад̇т̇о. б̣анд̇хубаад̣̇аабажжаад̇и зд̇т̇а б̣анд̇хууд̇и б̣рахмаа ад̇хиббзд̇о . д̇ан̃хи б̣раахман̣аа бид̇аамаход̇и вохаранд̇и. баад̣̇аанам̣ абажжаа баад̣̇аабажжаа, б̣рахмуно бидтибаад̣̇ад̇о ж̇аад̇аад̇и ад̇хиббааяо. д̇зсам̣ гира аяам̣ лад̣̇д̇хи – ‘‘б̣раахман̣аа б̣рахмуно мукад̇о нигканд̇аа, кад̇д̇ияаа урад̇о, взссаа наабхид̇о, суд̣̇д̣̇аа ж̇аан̣уд̇о, саман̣аа бидтибаад̣̇ад̇о’’д̇и.
508.Akkosathāti dasahi akkosavatthūhi akkosatha. Paribhāsathāti vācāya paribhāsatha. Rosethāti ghaṭṭetha. Vihesethāti dukkhāpetha. Sabbametaṃ vācāya ghaṭṭanasseva adhivacanaṃ. Yathā taṃ dūsī māroti yathā etesaṃ dūsī māro. Labhetha otāranti labhetha chiddaṃ, kilesuppattiyā ārammaṇaṃ paccayaṃ labheyyāti attho. Muṇḍakātiādīsu muṇḍe muṇḍāti samaṇe ca samaṇāti vattuṃ vaṭṭeyya, ime pana hīḷentā muṇḍakā samaṇakāti āhaṃsu. Ibbhāti gahapatikā. Kiṇhāti kaṇhā, kāḷakāti attho. Bandhupādāpaccāti ettha bandhūti brahmā adhippeto . Tañhi brāhmaṇā pitāmahoti voharanti. Pādānaṃ apaccā pādāpaccā, brahmuno piṭṭhipādato jātāti adhippāyo. Tesaṃ kira ayaṃ laddhi – ‘‘brāhmaṇā brahmuno mukhato nikkhantā, khattiyā urato, vessā nābhito, suddā jāṇuto, samaṇā piṭṭhipādato’’ti.
жхааяиносмаа жхааяиносмаад̇и жхааяино маяам̣ жхааяино маяанд̇и. мад̇хурагаж̇аад̇аад̇и ааласияаж̇аад̇аа. жхааяанд̇ийд̇и жинд̇аяанд̇и. баж̇жхааяанд̇ийд̇иаад̣̇ийни убасаг̇г̇авасзна вад̣дхид̇аани. муусигам̣ маг̇г̇аяамаанод̇и сааяам̣ г̇ожарад̇т̇ааяа сусираругкад̇о нигканд̇ам̣ ругкасаакааяа муусигам̣ бариязсанд̇о. со гира убасанд̇уубасанд̇о вияа нижжалова д̇идтад̇и, самбад̇д̇агаалз муусигам̣ сахасаа г̇ан̣хаад̇и. год̇т̇ууд̇и син̇г̇аало, сон̣од̇иби вад̣̇анд̇и. санд̇хисамаласан̇гадирзд̇и санд̇химхи жа самалз жа сан̇гадирз жа. д̇ад̇т̇а санд̇хи наама гхарасанд̇хи. самало наама г̇уут̇анид̣̇д̇хаманабанаал̣и. сан̇гадирам̣ наама сан̇гаарадтаанам̣. вахажчиннод̇и ганд̇аарад̇о нигканд̇о чиннавахо. санд̇хисамаласан̇гадирзд̇и санд̇химхи ваа самалз ваа сан̇гадирз ваа. соби хи б̣ад̣̇д̇хаг̇ад̇д̇о вияа нижжало жхааяад̇и.
Jhāyinosmā jhāyinosmāti jhāyino mayaṃ jhāyino mayanti. Madhurakajātāti ālasiyajātā. Jhāyantīti cintayanti. Pajjhāyantītiādīni upasaggavasena vaḍḍhitāni. Mūsikaṃ maggayamānoti sāyaṃ gocaratthāya susirarukkhato nikkhantaṃ rukkhasākhāya mūsikaṃ pariyesanto. So kira upasantūpasanto viya niccalova tiṭṭhati, sampattakāle mūsikaṃ sahasā gaṇhāti. Kotthūti siṅgālo, soṇotipi vadanti. Sandhisamalasaṅkaṭireti sandhimhi ca samale ca saṅkaṭire ca. Tattha sandhi nāma gharasandhi. Samalo nāma gūthaniddhamanapanāḷi. Saṅkaṭiraṃ nāma saṅkāraṭṭhānaṃ. Vahacchinnoti kantārato nikkhanto chinnavaho. Sandhisamalasaṅkaṭireti sandhimhi vā samale vā saṅkaṭire vā. Sopi hi baddhagatto viya niccalo jhāyati.
нираяам̣ убабаж̇ж̇анд̇ийд̇и сажз мааро мануссаанам̣ сарийрз ад̇химужжид̇ваа звам̣ гарзяяа, мануссаанам̣ агусалам̣ на бхавзяяа, маарассзва бхавзяяа. сарийрз бана анад̇химужжид̇ваа висабхааг̇авад̇т̇ум̣ виббадисаараарамман̣ам̣ д̣̇ассзд̇и, д̇ад̣̇аа гира со бхигкуу киббам̣ г̇ахзд̇ваа мажчз аж̇жход̇т̇аранд̇з вияа, ж̇аалам̣ г̇ахзд̇ваа мажчз г̇ан̣ханд̇з вияа, лзбаяадтим̣ од̣д̣зд̇ваа сагун̣з б̣анд̇ханд̇з вияа, сунакзхи сад̣̇д̇хим̣ аран̃н̃з миг̇авам̣ жаранд̇з вияа, маад̇уг̇аамз г̇ахзд̇ваа аабаанабхуумияам̣ нисиннз вияа, нажжанд̇з вияа, г̇ааяанд̇з вияа, бхигкунийнам̣ рад̇д̇идтаанад̣̇иваадтаанзсу висабхааг̇амануссз нисиннз вияа, тид̇з вияа жа гад̇ваа д̣̇ассзси. мануссаа аран̃н̃аг̇ад̇ааби ванаг̇ад̇ааби вихаараг̇ад̇ааби виббадисаараарамман̣ам̣ бассид̇ваа ааг̇анд̇ваа ан̃н̃зсам̣ гат̇знд̇и – ‘‘саман̣аа зваруубам̣ ассаман̣агам̣ ананужчавигам̣ гаронд̇и, зд̇зсам̣ д̣̇иннз гуд̇о гусалам̣, маа зд̇зсам̣ гин̃жи ад̣̇ад̇т̇аа’’д̇и. звам̣ д̇з мануссаа д̣̇идтад̣̇идтадтаанз сийлаванд̇з аггосанд̇аа абун̃н̃ам̣ басавид̇ваа абааяабуурагаа ахзсум̣. д̇зна вуд̇д̇ам̣ ‘‘нираяам̣ убабаж̇ж̇анд̇ий’’д̇и.
Nirayaṃ upapajjantīti sace māro manussānaṃ sarīre adhimuccitvā evaṃ kareyya, manussānaṃ akusalaṃ na bhaveyya, mārasseva bhaveyya. Sarīre pana anadhimuccitvā visabhāgavatthuṃ vippaṭisārārammaṇaṃ dasseti, tadā kira so bhikkhū khippaṃ gahetvā macche ajjhottharante viya, jālaṃ gahetvā macche gaṇhante viya, lepayaṭṭhiṃ oḍḍetvā sakuṇe bandhante viya, sunakhehi saddhiṃ araññe migavaṃ carante viya, mātugāme gahetvā āpānabhūmiyaṃ nisinne viya, naccante viya, gāyante viya, bhikkhunīnaṃ rattiṭṭhānadivāṭṭhānesu visabhāgamanusse nisinne viya, ṭhite viya ca katvā dassesi. Manussā araññagatāpi vanagatāpi vihāragatāpi vippaṭisārārammaṇaṃ passitvā āgantvā aññesaṃ kathenti – ‘‘samaṇā evarūpaṃ assamaṇakaṃ ananucchavikaṃ karonti, etesaṃ dinne kuto kusalaṃ, mā etesaṃ kiñci adatthā’’ti. Evaṃ te manussā diṭṭhadiṭṭhaṭṭhāne sīlavante akkosantā apuññaṃ pasavitvā apāyapūrakā ahesuṃ. Tena vuttaṃ ‘‘nirayaṃ upapajjantī’’ti.
509. анваавидтаад̇и ааваддид̇аа. парид̇ваа вихарим̣сууд̇и на гзвалам̣ парид̇ваа вихарим̣су. гагусанд̇хасса бана бхаг̇авад̇о оваад̣̇з тад̇ваа имз жад̇д̇ааро б̣рахмавихаарз ниб̣б̣ад̇д̇зд̇ваа жхаанабад̣̇адтаанам̣ вибассанам̣ вад̣дхзд̇ваа арахад̇д̇з бад̇идтахим̣су.
509.Anvāviṭṭhāti āvaṭṭitā. Pharitvā vihariṃsūti na kevalaṃ pharitvā vihariṃsu. Kakusandhassa pana bhagavato ovāde ṭhatvā ime cattāro brahmavihāre nibbattetvā jhānapadaṭṭhānaṃ vipassanaṃ vaḍḍhetvā arahatte patiṭṭhahiṃsu.
510. ааг̇ад̇им̣ ваа г̇ад̇им̣ ваад̇и бадисанд̇хивасзна ааг̇аманадтаанам̣ ваа, жуд̇ивасзна г̇аманадтаанам̣ ваа на ж̇аанаами. сияаа жид̇д̇асса ан̃н̃ат̇ад̇д̇анд̇и соманассавасзна ан̃н̃ат̇ад̇д̇ам̣ бхавзяяа. саг̇г̇ам̣ логам̣ убабаж̇ж̇анд̇ийд̇и ид̇хааби буриманаязнзва ад̇т̇о взд̣̇ид̇аб̣б̣о. яат̇аа хи буб̣б̣з виббадисаарагарам̣ аарамман̣ам̣ д̣̇ассзд̇и, звамид̇хааби басаад̣̇агарам̣. со гира д̇ад̣̇аа мануссаанам̣ д̣̇ассанадтаанз бхигкуу аагаасз г̇ажчанд̇з вияа, тид̇з вияа баллан̇гзна нисиннз вияа, аагаасз суужигаммам̣ гаронд̇з вияа, бод̇т̇агам̣ ваажзнд̇з вияа, аагаасз жийварам̣ басаарзд̇ваа гааяам̣ уд̇ум̣ г̇ан̣хаабзнд̇з вияа, навабаб̣б̣аж̇ид̇з аагаасзна жаранд̇з вияа, д̇арун̣асааман̣зрз аагаасз тад̇ваа бубпаани ожинанд̇з вияа гад̇ваа д̣̇ассзси. мануссаа аран̃н̃аг̇ад̇ааби ванаг̇ад̇ааби вихаараг̇ад̇ааби баб̣б̣аж̇ид̇аанам̣ д̇ам̣ бадибад̇д̇им̣ д̣̇исваа ааг̇анд̇ваа ан̃н̃зсам̣ гат̇знд̇и – ‘‘бхигкуусу анд̇амасо сааман̣зрааби звам̣махид̣̇д̇хиго махаанубхааваа, зд̇зсам̣ д̣̇иннам̣ махабпалам̣ наама ход̇и, зд̇зсам̣ д̣̇зт̇а саггарот̇аа’’д̇и. д̇ад̇о мануссаа бхигкусан̇гхам̣ жад̇уухи бажжаязхи саггаронд̇аа б̣ахум̣ бун̃н̃ам̣ гад̇ваа саг̇г̇абат̇абуурагаа ахзсум̣. д̇зна вуд̇д̇ам̣ ‘‘саг̇г̇ам̣ логам̣ убабаж̇ж̇анд̇ий’’д̇и.
510.Āgatiṃvā gatiṃ vāti paṭisandhivasena āgamanaṭṭhānaṃ vā, cutivasena gamanaṭṭhānaṃ vā na jānāmi. Siyā cittassa aññathattanti somanassavasena aññathattaṃ bhaveyya. Saggaṃ lokaṃ upapajjantīti idhāpi purimanayeneva attho veditabbo. Yathā hi pubbe vippaṭisārakaraṃ ārammaṇaṃ dasseti, evamidhāpi pasādakaraṃ. So kira tadā manussānaṃ dassanaṭṭhāne bhikkhū ākāse gacchante viya, ṭhite viya pallaṅkena nisinne viya, ākāse sūcikammaṃ karonte viya, potthakaṃ vācente viya, ākāse cīvaraṃ pasāretvā kāyaṃ utuṃ gaṇhāpente viya, navapabbajite ākāsena carante viya, taruṇasāmaṇere ākāse ṭhatvā pupphāni ocinante viya katvā dassesi. Manussā araññagatāpi vanagatāpi vihāragatāpi pabbajitānaṃ taṃ paṭipattiṃ disvā āgantvā aññesaṃ kathenti – ‘‘bhikkhūsu antamaso sāmaṇerāpi evaṃmahiddhiko mahānubhāvā, etesaṃ dinnaṃ mahapphalaṃ nāma hoti, etesaṃ detha sakkarothā’’ti. Tato manussā bhikkhusaṅghaṃ catūhi paccayehi sakkarontā bahuṃ puññaṃ katvā saggapathapūrakā ahesuṃ. Tena vuttaṃ ‘‘saggaṃ lokaṃ upapajjantī’’ti.
511. зт̇а д̇умхз, бхигкавз, асубхаанубассино гааяз вихарат̇аад̇и бхаг̇аваа сагалаж̇амб̣уд̣̇ийбам̣ аахин̣д̣анд̇о анд̇амасо д̣̇виннамби д̇ин̣н̣амби бхигкуунам̣ васанадтаанам̣ г̇анд̇ваа –
511.Etha tumhe, bhikkhave, asubhānupassino kāye viharathāti bhagavā sakalajambudīpaṃ āhiṇḍanto antamaso dvinnampi tiṇṇampi bhikkhūnaṃ vasanaṭṭhānaṃ gantvā –
‘‘асубхасан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о мзт̇унад̇хаммасамаабад̇д̇ияаа жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и на самбасаарияад̇и, убзгкаа ваа баадигуляад̇аа ваа сан̣таад̇и.
‘‘Asubhasaññāparicitena, bhikkhave, bhikkhuno cetasā bahulaṃ viharato methunadhammasamāpattiyā cittaṃ patilīyati patikuṭati pativattati na sampasāriyati, upekkhā vā pāṭikulyatā vā saṇṭhāti.
аахаарз бадигууласан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о расад̇ан̣хааяа жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и на самбасаарияад̇и, убзгкаа ваа баадигуляад̇аа ваа сан̣таад̇и.
Āhāre paṭikūlasaññāparicitena, bhikkhave, bhikkhuno cetasā bahulaṃ viharato rasataṇhāya cittaṃ patilīyati patikuṭati pativattati na sampasāriyati, upekkhā vā pāṭikulyatā vā saṇṭhāti.
саб̣б̣алогз анабхирад̇исан̃н̃аабарижид̇зна, бхигкавз, бхигкуно жзд̇асаа б̣ахулам̣ вихарад̇о логажид̇рзсу жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и на самбасаарияад̇и, убзгкаа ваа баадигуляад̇аа ваа сан̣таад̇и.
Sabbaloke anabhiratisaññāparicitena, bhikkhave, bhikkhuno cetasā bahulaṃ viharato lokacitresu cittaṃ patilīyati patikuṭati pativattati na sampasāriyati, upekkhā vā pāṭikulyatā vā saṇṭhāti.
анижжасан̃н̃аабарижид̇зна , бхигкавз, бхигкуно жзд̇асаа б̣ахулам̣ вихарад̇о лаабхасаггаарасилогз жид̇д̇ам̣ бад̇илийяад̇и бад̇игудад̇и бад̇ивад̇д̇ад̇и на самбасаарияад̇и, убзгкаа ваа баадигуляад̇аа ваа сан̣таад̇ий’’д̇и (а. ни. 7.49) звам̣ аанисам̣сам̣ д̣̇ассзд̇ваа –
Aniccasaññāparicitena , bhikkhave, bhikkhuno cetasā bahulaṃ viharato lābhasakkārasiloke cittaṃ patilīyati patikuṭati pativattati na sampasāriyati, upekkhā vā pāṭikulyatā vā saṇṭhātī’’ti (a. ni. 7.49) evaṃ ānisaṃsaṃ dassetvā –
зт̇а д̇умхз, бхигкавз, асубхаанубассий гааяз вихарат̇а, аахаарз бадигууласан̃н̃ино саб̣б̣алогз анабхирад̇исан̃н̃ино саб̣б̣асан̇каарзсу анижжаанубассинод̇и. имаани жад̇д̇аари гаммадтаанаани гат̇зси. д̇зби бхигкуу имзсу жад̇уусу гаммадтаанзсу гаммам̣ гаронд̇аа вибассанам̣ вад̣дхзд̇ваа саб̣б̣аасавз кзбзд̇ваа арахад̇д̇з бад̇идтахим̣су, имааниби жад̇д̇аари гаммадтаанаани рааг̇асанд̇аани д̣̇осамохасанд̇аани рааг̇абадигхаад̇аани д̣̇осамохабадигхаад̇аани жаад̇и.
Etha tumhe, bhikkhave, asubhānupassī kāye viharatha, āhāre paṭikūlasaññino sabbaloke anabhiratisaññino sabbasaṅkhāresu aniccānupassinoti. Imāni cattāri kammaṭṭhānāni kathesi. Tepi bhikkhū imesu catūsu kammaṭṭhānesu kammaṃ karontā vipassanaṃ vaḍḍhetvā sabbāsave khepetvā arahatte patiṭṭhahiṃsu, imānipi cattāri kammaṭṭhānāni rāgasantāni dosamohasantāni rāgapaṭighātāni dosamohapaṭighātāni cāti.
512. сагкарам̣ г̇ахзд̇ваад̇и анд̇омудтияам̣ д̇идтанабамаан̣ам̣ баасаан̣ам̣ г̇ахзд̇ваа. аяан̃хи б̣раахман̣аг̇ахабад̇игзхи бхигкуу аггосаабзд̇вааби, б̣раахман̣аг̇ахабад̇игаанам̣ васзна бхигкусан̇гхасса лаабхасаггаарам̣ уббаад̣̇аабзд̇вааби, од̇аарам̣ алабханд̇о ид̣̇аани сахад̇т̇аа убаггамид̇угаамо ан̃н̃ад̇арасса гумаарасса сарийрз ад̇химужжид̇ваа зваруубам̣ баасаан̣ам̣ аг̇г̇ахзси. д̇ам̣ санд̇хааяа вуд̇д̇ам̣ ‘‘сагкарам̣ г̇ахзд̇ваа’’д̇и.
512.Sakkharaṃ gahetvāti antomuṭṭhiyaṃ tiṭṭhanapamāṇaṃ pāsāṇaṃ gahetvā. Ayañhi brāhmaṇagahapatikehi bhikkhū akkosāpetvāpi, brāhmaṇagahapatikānaṃ vasena bhikkhusaṅghassa lābhasakkāraṃ uppādāpetvāpi, otāraṃ alabhanto idāni sahatthā upakkamitukāmo aññatarassa kumārassa sarīre adhimuccitvā evarūpaṃ pāsāṇaṃ aggahesi. Taṃ sandhāya vuttaṃ ‘‘sakkharaṃ gahetvā’’ti.
сийсам̣ во бхинд̣̇ийд̇и сийсам̣ бхинд̣̇и, махаажаммам̣ чиж̇ж̇ид̇ваа мам̣сам̣ д̣̇взд̇хаа ахоси. сагкараа банасса сийсагадаахам̣ абхинд̣̇ид̇ваа адтим̣ аахажжзва нивад̇д̇аа. нааг̇аабалогид̇ам̣ абалогзсийд̇и бахаарасад̣̇д̣̇ам̣ суд̇ваа яат̇аа наама хад̇т̇инааг̇о ид̇о ваа зд̇д̇о ваа абалогзд̇угаамо г̇ийвам̣ абаривад̇д̇зд̇ваа сагаласарийрзнзва нивад̇д̇ид̇ваа абалогзд̇и. звам̣ сагаласарийрзнзва нивад̇д̇ид̇ваа абалогзси. яат̇аа хи махааж̇анасса адтийни годияаа годим̣ аахажжа тид̇аани, бажжзгаб̣уд̣̇д̇хаанам̣ ан̇гусалаг̇г̇аани, на звам̣ б̣уд̣̇д̇хаанам̣. б̣уд̣̇д̇хаанам̣ бана сан̇калигаани вияа згааб̣ад̣̇д̇хаани худ̇ваа тид̇аани, д̇асмаа бажчад̇о абалоганагаалз на саггаа ход̇и г̇ийвам̣ баривад̇д̇зд̇ум̣. яат̇аа бана хад̇т̇инааг̇о бажчаабхааг̇ам̣ абалогзд̇угаамо сагаласарийрзнзва баривад̇д̇ад̇и, звам̣ баривад̇д̇ид̇аб̣б̣ам̣ ход̇и. д̇асмаа бхаг̇аваа яанд̇зна баривад̇д̇ид̇аа суван̣н̣абадимаа вияа сагаласарийрзнзва нивад̇д̇ид̇ваа абалогзси , абалогзд̇ваа тид̇о бана, ‘‘на вааяам̣ д̣̇уусий мааро мад̇д̇аман̃н̃аасий’’д̇и ааха. д̇ассад̇т̇о, аяам̣ д̣̇уусий мааро баабам̣ гаронд̇о нзва бамаан̣ам̣ ан̃н̃ааси, бамаан̣аад̇игганд̇амагаасийд̇и.
Sīsaṃ vo bhindīti sīsaṃ bhindi, mahācammaṃ chijjitvā maṃsaṃ dvedhā ahosi. Sakkharā panassa sīsakaṭāhaṃ abhinditvā aṭṭhiṃ āhacceva nivattā. Nāgāpalokitaṃ apalokesīti pahārasaddaṃ sutvā yathā nāma hatthināgo ito vā etto vā apaloketukāmo gīvaṃ aparivattetvā sakalasarīreneva nivattitvā apaloketi. Evaṃ sakalasarīreneva nivattitvā apalokesi. Yathā hi mahājanassa aṭṭhīni koṭiyā koṭiṃ āhacca ṭhitāni, paccekabuddhānaṃ aṅkusalaggāni, na evaṃ buddhānaṃ. Buddhānaṃ pana saṅkhalikāni viya ekābaddhāni hutvā ṭhitāni, tasmā pacchato apalokanakāle na sakkā hoti gīvaṃ parivattetuṃ. Yathā pana hatthināgo pacchābhāgaṃ apaloketukāmo sakalasarīreneva parivattati, evaṃ parivattitabbaṃ hoti. Tasmā bhagavā yantena parivattitā suvaṇṇapaṭimā viya sakalasarīreneva nivattitvā apalokesi , apaloketvā ṭhito pana, ‘‘na vāyaṃ dūsī māro mattamaññāsī’’ti āha. Tassattho, ayaṃ dūsī māro pāpaṃ karonto neva pamāṇaṃ aññāsi, pamāṇātikkantamakāsīti.
сахаабалоганааяаад̇и гагусанд̇хасса бхаг̇авад̇о абалоганзнзва саха д̇ан̇кан̣ан̃н̃зва. д̇амхаа жа таанаа жавийд̇и д̇амхаа жа д̣̇звадтаанаа жуд̇о, махаанираяам̣ убабаннод̇и ад̇т̇о. жавамаано хи на яад̇т̇а гад̇т̇ажи тид̇о жавад̇и, д̇асмаа васавад̇д̇ид̣̇звалогам̣ ааг̇анд̇ваа жуд̇о, ‘‘сахаабалоганааяаа’’д̇и жа важанад̇о на бхаг̇авад̇о абалогид̇ад̇д̇аа жуд̇од̇и взд̣̇ид̇аб̣б̣о, жуд̇игаалад̣̇ассанамад̇д̇амзва хзд̇ам̣. ул̣аарз бана махаасаавагз вирад̣̇д̇хад̇д̇аа гуд̣̇аарияаа бахадам̣ вияасса ааяу д̇ад̇т̇зва чиж̇ж̇ид̇ваа г̇ад̇анд̇и взд̣̇ид̇аб̣б̣ам̣. д̇аяо наамад̇хзяяаа хонд̇ийд̇и д̇ийн̣и наамаани хонд̇и. чапассааяад̇анигод̇и часу пассааяад̇анзсу баадиязггааяа взд̣̇анааяа бажжаяо.
Sahāpalokanāyāti kakusandhassa bhagavato apalokaneneva saha taṅkhaṇaññeva. Tamhā ca ṭhānā cavīti tamhā ca devaṭṭhānā cuto, mahānirayaṃ upapannoti attho. Cavamāno hi na yattha katthaci ṭhito cavati, tasmā vasavattidevalokaṃ āgantvā cuto, ‘‘sahāpalokanāyā’’ti ca vacanato na bhagavato apalokitattā cutoti veditabbo, cutikāladassanamattameva hetaṃ. Uḷāre pana mahāsāvake viraddhattā kudāriyā pahaṭaṃ viyassa āyu tattheva chijjitvā gatanti veditabbaṃ. Tayo nāmadheyyā hontīti tīṇi nāmāni honti. Chaphassāyatanikoti chasu phassāyatanesu pāṭiyekkāya vedanāya paccayo.
сан̇гусамаахад̇од̇и аяасуулзхи самаахад̇о. бажжад̇д̇авзд̣̇анияод̇и саяамзва взд̣̇анааж̇анаго. сан̇гунаа сан̇гу хад̣̇аяз самааг̇ажчзяяаад̇и аяасуулзна сад̣̇д̇хим̣ аяасуулам̣ хад̣̇аяамаж̇жхз самааг̇ажчзяяа. д̇асмим̣ гира нираяз убабаннаанам̣ д̇иг̇аавуд̇о ад̇д̇абхааво ход̇и, т̇зрассааби д̇аад̣̇исо ахоси. ат̇асса хи нираяабаалаа д̇аалагканд̇хабамаан̣аани аяасуулаани аад̣̇ид̇д̇аани самбаж̇ж̇алид̇аани саж̇од̇ибхууд̇аани саяамзва г̇ахзд̇ваа бунаббунам̣ нивад̇д̇амаанаа, – ‘‘иминаа д̇з таанзна жинд̇зд̇ваа баабам̣ гад̇а’’нд̇и буувад̣̇он̣ияам̣ буувам̣ годдзнд̇о вияа хад̣̇аяамаж̇жхам̣ годдзд̇ваа, бан̣н̣ааса ж̇анаа баад̣̇аабхимукаа бан̣н̣ааса ж̇анаа сийсаабхимукаа годдзд̇ваа г̇ажчанд̇и, звам̣ г̇ажчанд̇аа бан̃жахи вассасад̇зхи убхо анд̇з бад̇ваа буна нивад̇д̇амаанаа бан̃жахи вассасад̇зхи хад̣̇аяамаж̇жхам̣ ааг̇ажчанд̇и. д̇ам̣ санд̇хааяа звам̣ вуд̇д̇ам̣.
Saṅkusamāhatoti ayasūlehi samāhato. Paccattavedaniyoti sayameva vedanājanako. Saṅkunā saṅku hadaye samāgaccheyyāti ayasūlena saddhiṃ ayasūlaṃ hadayamajjhe samāgaccheyya. Tasmiṃ kira niraye upapannānaṃ tigāvuto attabhāvo hoti, therassāpi tādiso ahosi. Athassa hi nirayapālā tālakkhandhapamāṇāni ayasūlāni ādittāni sampajjalitāni sajotibhūtāni sayameva gahetvā punappunaṃ nivattamānā, – ‘‘iminā te ṭhānena cintetvā pāpaṃ kata’’nti pūvadoṇiyaṃ pūvaṃ koṭṭento viya hadayamajjhaṃ koṭṭetvā, paṇṇāsa janā pādābhimukhā paṇṇāsa janā sīsābhimukhā koṭṭetvā gacchanti, evaṃ gacchantā pañcahi vassasatehi ubho ante patvā puna nivattamānā pañcahi vassasatehi hadayamajjhaṃ āgacchanti. Taṃ sandhāya evaṃ vuttaṃ.
вудтааниманд̇и вибаагавудтаанавзд̣̇анам̣. саа гира махаанираяз взд̣̇анаад̇о д̣̇угкад̇араа ход̇и, яат̇аа хи синзхабаанасад̇д̇аахад̇о барихаарасад̇д̇аахам̣ д̣̇угкад̇арам̣, звам̣ махаанираяад̣̇угкад̇о уссад̣̇з вибаагавудтаанавзд̣̇анаа д̣̇угкад̇араад̇и вад̣̇анд̇и. сзяяат̇ааби мажчассаад̇и бурисасийсан̃хи ваддам̣ ход̇и, суулзна бахаранд̇асса бахааро таанам̣ на лабхад̇и бариг̇алад̇и, мажчасийсам̣ ааяад̇ам̣ бут̇улам̣, бахааро таанам̣ лабхад̇и , авираж̇жхид̇ваа гаммагааран̣аа сугараа ход̇и, д̇асмаа зваруубам̣ сийсам̣ ход̇и.
Vuṭṭhānimanti vipākavuṭṭhānavedanaṃ. Sā kira mahāniraye vedanāto dukkhatarā hoti, yathā hi sinehapānasattāhato parihārasattāhaṃ dukkhataraṃ, evaṃ mahānirayadukkhato ussade vipākavuṭṭhānavedanā dukkhatarāti vadanti. Seyyathāpi macchassāti purisasīsañhi vaṭṭaṃ hoti, sūlena paharantassa pahāro ṭhānaṃ na labhati parigalati, macchasīsaṃ āyataṃ puthulaṃ, pahāro ṭhānaṃ labhati , avirajjhitvā kammakāraṇā sukarā hoti, tasmā evarūpaṃ sīsaṃ hoti.
513. вид̇хурам̣ саавагамаасаж̇ж̇аад̇и вид̇хурам̣ саавагам̣ гхаддаяид̇ваа. бажжад̇д̇авзд̣̇анаад̇и саяамзва баадиязггавзд̣̇анааж̇анагаа. ийд̣̇исо нираяо аасийд̇и имасмим̣ таанз нираяо д̣̇звад̣̇ууд̇асуд̇д̇зна д̣̇ийбзд̇аб̣б̣о. ган̣ха-д̣̇угкам̣ ниг̇ажчасийд̇и гаал̣ага-маара, д̣̇угкам̣ винд̣̇иссаси. маж̇жхз сарассаад̇и махаасамуд̣̇д̣̇асса маж̇жхз уд̣̇агам̣ вад̇т̇ум̣ гад̇ваа ниб̣б̣ад̇д̇авимаанаани габбадтид̇игаани хонд̇и, д̇зсам̣ взл̣урияасса вияа ван̣н̣о ход̇и, баб̣б̣ад̇амад̇т̇агз ж̇алид̇анал̣аг̇г̇игканд̇хо вияа жа нзсам̣ ажжияо ж̇од̇анд̇и, бабхассараа бабхаасамбаннаа хонд̇и, д̇зсу вимаанзсу нийлабхзд̣̇аад̣̇ивасзна наанад̇д̇аван̣н̣аа ажчараа нажжанд̇и. яо зд̇амабхиж̇аанаад̇ийд̇и яо зд̇ам̣ вимаанавад̇т̇ум̣ ж̇аанаад̇ийд̇и ад̇т̇о. звамзд̇т̇а вимаанабзд̇авад̇т̇угзнзва ад̇т̇о взд̣̇ид̇аб̣б̣о. баад̣̇ан̇г̇удтзна гамбаяийд̇и ид̣̇ам̣ баасаад̣̇агамбанасуд̇д̇зна д̣̇ийбзд̇аб̣б̣ам̣. яо взж̇аяанд̇ам̣ баасаад̣̇анд̇и ид̣̇ам̣ жуул̣ад̇ан̣хаасан̇каяавимуд̇д̇исуд̇д̇зна д̣̇ийбзд̇аб̣б̣ам̣. саггам̣ со барибужчад̇ийд̇и ид̣̇амби д̇знзва д̣̇ийбзд̇аб̣б̣ам̣. суд̇хаммааяаабхид̇о сабханд̇и суд̇хаммасабхааяа самийбз, аяам̣ бана б̣рахмалогз суд̇хаммасабхаава, на д̇аавад̇им̣сабхаванз. суд̇хаммасабхаавирахид̇о хи д̣̇звалого наама над̇т̇и.
513.Vidhuraṃ sāvakamāsajjāti vidhuraṃ sāvakaṃ ghaṭṭayitvā. Paccattavedanāti sayameva pāṭiyekkavedanājanakā. Īdiso nirayo āsīti imasmiṃ ṭhāne nirayo devadūtasuttena dīpetabbo. Kaṇha-dukkhaṃ nigacchasīti kāḷaka-māra, dukkhaṃ vindissasi. Majjhe sarassāti mahāsamuddassa majjhe udakaṃ vatthuṃ katvā nibbattavimānāni kappaṭṭhitikāni honti, tesaṃ veḷuriyassa viya vaṇṇo hoti, pabbatamatthake jalitanaḷaggikkhandho viya ca nesaṃ acciyo jotanti, pabhassarā pabhāsampannā honti, tesu vimānesu nīlabhedādivasena nānattavaṇṇā accharā naccanti. Yo etamabhijānātīti yo etaṃ vimānavatthuṃ jānātīti attho. Evamettha vimānapetavatthukeneva attho veditabbo. Pādaṅguṭṭhena kampayīti idaṃ pāsādakampanasuttena dīpetabbaṃ. Yo vejayantaṃ pāsādanti idaṃ cūḷataṇhāsaṅkhayavimuttisuttena dīpetabbaṃ. Sakkaṃ so paripucchatīti idampi teneva dīpetabbaṃ. Sudhammāyābhito sabhanti sudhammasabhāya samīpe, ayaṃ pana brahmaloke sudhammasabhāva, na tāvatiṃsabhavane. Sudhammasabhāvirahito hi devaloko nāma natthi.
б̣рахмалогз бабхассаранд̇и б̣рахмалогз махаамог̇г̇аллаанамахаагассабаад̣̇ийхи саавагзхи сад̣̇д̇хим̣ д̇асса д̇зж̇од̇хаад̇ум̣ самаабаж̇ж̇ид̇ваа нисиннасса бхаг̇авад̇о обхаасам̣. згасмин̃хи самаяз бхаг̇аваа б̣рахмалогз суд̇хаммааяа д̣̇звасабхааяа саннибад̇ид̇ваа, – ‘‘ад̇т̇и ну ко гожи саман̣о ваа б̣раахман̣о ваа звам̣махид̣̇д̇хиго. яо ид̇ха ааг̇анд̇ум̣ саггун̣зяяаа’’д̇и жинд̇знд̇ассзва б̣рахмаг̇ан̣асса жид̇д̇аман̃н̃ааяа д̇ад̇т̇а г̇анд̇ваа б̣рахмаг̇ан̣асса мад̇т̇агз нисинно д̇зж̇од̇хаад̇ум̣ самаабаж̇ж̇ид̇ваа махаамог̇г̇аллаанаад̣̇ийнам̣ ааг̇аманам̣ жинд̇зси. д̇зби г̇анд̇ваа сад̇т̇аарам̣ ванд̣̇ид̇ваа д̇зж̇од̇хаад̇ум̣ самаабаж̇ж̇ид̇ваа бажжзгам̣ д̣̇исаасу нисийд̣̇им̣су, сагалаб̣рахмалого згобхаасо ахоси. сад̇т̇аа жад̇усажжаббагаасанам̣ д̇хаммам̣ д̣̇зсзси, д̣̇зсанаабарияосаанз анзгаани б̣рахмасахассаани маг̇г̇апалзсу бад̇идтахим̣су. д̇ам̣ санд̇хааяимаа г̇аат̇аа вуд̇д̇аа, со банааяамад̇т̇о ан̃н̃ад̇араб̣рахмасуд̇д̇зна д̣̇ийбзд̇аб̣б̣о.
Brahmaloke pabhassaranti brahmaloke mahāmoggallānamahākassapādīhi sāvakehi saddhiṃ tassa tejodhātuṃ samāpajjitvā nisinnassa bhagavato obhāsaṃ. Ekasmiñhi samaye bhagavā brahmaloke sudhammāya devasabhāya sannipatitvā, – ‘‘atthi nu kho koci samaṇo vā brāhmaṇo vā evaṃmahiddhiko. Yo idha āgantuṃ sakkuṇeyyā’’ti cintentasseva brahmagaṇassa cittamaññāya tattha gantvā brahmagaṇassa matthake nisinno tejodhātuṃ samāpajjitvā mahāmoggallānādīnaṃ āgamanaṃ cintesi. Tepi gantvā satthāraṃ vanditvā tejodhātuṃ samāpajjitvā paccekaṃ disāsu nisīdiṃsu, sakalabrahmaloko ekobhāso ahosi. Satthā catusaccappakāsanaṃ dhammaṃ desesi, desanāpariyosāne anekāni brahmasahassāni maggaphalesu patiṭṭhahiṃsu. Taṃ sandhāyimā gāthā vuttā, so panāyamattho aññatarabrahmasuttena dīpetabbo.
вимогкзна апассаяийд̇и жхаанавимогкзна пуси. вананд̇и ж̇амб̣уд̣̇ийбам̣. буб̣б̣авид̣̇зхаананд̇и буб̣б̣авид̣̇зхаанан̃жа д̣̇ийбам̣. яз жа бхуумисаяаа нараад̇и бхуумисаяаа нараа наама абараг̇ояаанагаа жа уд̇д̇арагуругаа жа. д̇зби саб̣б̣з пусийд̇и вуд̇д̇ам̣ ход̇и. аяам̣ бана ад̇т̇о нанд̣̇обананд̣̇ад̣̇аманзна д̣̇ийбзд̇аб̣б̣о. вад̇т̇у висуд̣̇д̇химаг̇г̇з ид̣̇д̇хигат̇ааяа вид̇т̇аарид̇ам̣. абун̃н̃ам̣ басавийд̇и абун̃н̃ам̣ бадилабхи. аасам̣ маа агааси бхигкуусууд̇и бхигкуу вихзсзмийд̇и зд̇ам̣ аасам̣ маа агааси. сзсам̣ саб̣б̣ад̇т̇а уд̇д̇аанамзваад̇и.
Vimokkhenaaphassayīti jhānavimokkhena phusi. Vananti jambudīpaṃ. Pubbavidehānanti pubbavidehānañca dīpaṃ. Ye ca bhūmisayā narāti bhūmisayā narā nāma aparagoyānakā ca uttarakurukā ca. Tepi sabbe phusīti vuttaṃ hoti. Ayaṃ pana attho nandopanandadamanena dīpetabbo. Vatthu visuddhimagge iddhikathāya vitthāritaṃ. Apuññaṃ pasavīti apuññaṃ paṭilabhi. Āsaṃ mā akāsi bhikkhūsūti bhikkhū vihesemīti etaṃ āsaṃ mā akāsi. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
маарад̇аж̇ж̇анийяасуд̇д̇аван̣н̣анаа нидтид̇аа.
Māratajjanīyasuttavaṇṇanā niṭṭhitā.
бан̃жамаваг̇г̇аван̣н̣анаа нидтид̇аа.
Pañcamavaggavaṇṇanā niṭṭhitā.
муулабан̣н̣аасадтагат̇аа нидтид̇аа.
Mūlapaṇṇāsaṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. маарад̇аж̇ж̇анийяасуд̇д̇ам̣ • 10. Māratajjanīyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. маарад̇аж̇ж̇анийяасуд̇д̇аван̣н̣анаа • 10. Māratajjanīyasuttavaṇṇanā
