| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. маарад̇аж̇ж̇анийяасуд̇д̇аван̣н̣анаа
10. Māratajjanīyasuttavaṇṇanā
506. годтаманубавидтод̇и аасаяо важжаг̇уд̇д̇адтаанад̇ааяа годтам̣, д̇асса аб̣бханд̇аран̃хзд̇т̇а годтам̣. ануруубо худ̇ваа бавидто анубавидто. сукуман̃хи д̇ад̣̇анужчавигам̣ ад̇д̇абхаавам̣ маабзд̇ваа аяам̣ д̇ад̇т̇а бавидто. г̇аруг̇аро вияаад̇и г̇аругаг̇аруго вияа. у-гаарасса хи о-гаарам̣ гад̇ваа аяам̣ нид̣̇д̣̇зсо, ад̇ивияа г̇аруго ман̃н̃зд̇и ад̇т̇о. г̇аруг̇ару вияа ижжзва ваа баато. маасабхад̇д̇ам̣ маасо уд̇д̇арабад̣̇алобзна, маасабхад̇д̇зна аажид̇ам̣ буурид̇ам̣ маасаажид̇ам̣ ман̃н̃з. д̇знааха ‘‘маасабхад̇д̇ам̣ бхуд̇д̇асса гужчи вияаа’’д̇и. уд̇д̇арабад̣̇алобзна винаа ад̇т̇ам̣ д̣̇ассзд̇ум̣ ‘‘маасабуурид̇абасиб̣б̣аго вияаа’’д̇и вуд̇д̇ам̣. д̇инд̇амаасо вияаад̇и д̇инд̇амаасо басиб̣б̣аго вияа. гим̣ ну ко зд̇ам̣ мама гужчияам̣ буб̣б̣ам̣ бхааригад̇д̇ам̣, гим̣ ну ко гат̇ам̣ ну ко ж̇аад̇анд̇и ад̇хиббааяо? убааязнаад̇и бат̇зна н̃ааязна. б̣яад̇ирзгад̇о банасса анубааяам̣ д̣̇ассзд̇ум̣ ‘‘сажз банаа’’д̇иаад̣̇и вуд̇д̇ам̣. ад̇д̇аанамзва ваа санд̇хааяа ‘‘маа д̇ат̇ааг̇ад̇ам̣ вихзсзсий’’д̇и ааха. яат̇аа хи арияасан̇гхо ‘‘д̇ат̇ааг̇ад̇ам̣ д̣̇звамануссабууж̇ид̇ам̣, сан̇гхам̣ намассаама сувад̇т̇и ход̇уу’’д̇иаад̣̇ийсу (ку. баа. 6.18; су. ни. 241) д̇ат̇ааг̇ад̇од̇и вужжад̇и, звам̣ д̇аббарияаабаннаа арияабуг̇г̇алаа, яат̇аа жа буримагаа д̣̇уд̇ияааг̇г̇асаавагаа габбаанам̣ сад̇асахассаад̇хигам̣ згам̣ асан̇кязяяам̣ баарамияо буурзд̇ваа ааг̇ад̇аа, аяамби махаат̇зро д̇ат̇аа ааг̇ад̇од̇и д̇ат̇ааг̇ад̇од̇и. бад̇иаг̇г̇ал̣зва адтаасийд̇и аг̇г̇ал̣асса б̣ахибхааг̇з адтааси.
506.Koṭṭhamanupaviṭṭhoti āsayo vaccaguttaṭṭhānatāya koṭṭhaṃ, tassa abbhantarañhettha koṭṭhaṃ. Anurūpo hutvā paviṭṭho anupaviṭṭho. Sukhumañhi tadanucchavikaṃ attabhāvaṃ māpetvā ayaṃ tattha paviṭṭho. Garugaro viyāti garukagaruko viya. U-kārassa hi o-kāraṃ katvā ayaṃ niddeso, ativiya garuko maññeti attho. Garugaru viya icceva vā pāṭho. Māsabhattaṃ māso uttarapadalopena, māsabhattena ācitaṃ pūritaṃ māsācitaṃ maññe. Tenāha ‘‘māsabhattaṃ bhuttassa kucchi viyā’’ti. Uttarapadalopena vinā atthaṃ dassetuṃ ‘‘māsapūritapasibbako viyā’’ti vuttaṃ. Tintamāso viyāti tintamāso pasibbako viya. Kiṃ nu kho etaṃ mama kucchiyaṃ pubbaṃ bhārikattaṃ, kiṃ nu kho kathaṃ nu kho jātanti adhippāyo? Upāyenāti pathena ñāyena. Byatirekato panassa anupāyaṃ dassetuṃ ‘‘sace panā’’tiādi vuttaṃ. Attānameva vā sandhāya ‘‘mā tathāgataṃ vihesesī’’ti āha. Yathā hi ariyasaṅgho ‘‘tathāgataṃ devamanussapūjitaṃ, saṅghaṃ namassāma suvatthi hotū’’tiādīsu (khu. pā. 6.18; su. ni. 241) tathāgatoti vuccati, evaṃ tappariyāpannā ariyapuggalā, yathā ca purimakā dutiyaaggasāvakā kappānaṃ satasahassādhikaṃ ekaṃ asaṅkhyeyyaṃ pāramiyo pūretvā āgatā, ayampi mahāthero tathā āgatoti tathāgatoti. Patiaggaḷeva aṭṭhāsīti aggaḷassa bahibhāge aṭṭhāsi.
507. ругкад̣̇звад̇аа наама жаад̇умахаарааж̇игзсу нихийно гааяо, д̇асмаа нзсам̣ мануссаг̇анд̇хо барижид̇ад̇д̇аа наад̇иж̇зг̇ужчод̇и ааха ‘‘аагаасадтад̣̇звад̇аана’’нд̇и. ааб̣аад̇хам̣ гарод̇ийд̇и д̣̇угкам̣ ж̇анзд̇и. нааг̇аригод̇и сугумааро. барижогкод̇и саб̣б̣асо сужируубо. н̃аад̇игодинд̇и н̃аад̇ибхааг̇ам̣. анаад̣̇имад̇и хи сам̣саарз н̃аад̇ибхааг̇арахид̇о наама сад̇д̇о гассажиби над̇т̇ийд̇и ад̇хиббааяо. ид̣̇анд̇и ‘‘со мз д̇вам̣ бхааг̇инзяяо хосий’’д̇и ид̣̇ам̣ важанам̣. бавзн̣ивасзнаад̇и д̇ад̣̇аа маяхам̣ бхааг̇инзяяо худ̇ваа ид̣̇аани маарадтаанз тид̇од̇и имиссаа бавзн̣ияаа васзна вуд̇д̇ам̣. ан̃н̃асса ваа взсамам̣ д̇хуро вид̇хуро. д̇знааха ‘‘ан̃н̃зхи сад̣̇д̇хим̣ асад̣̇исо’’д̇и. аббад̣̇угкзнаад̇и сукзнзва. бант̇аанам̣ аванд̇и г̇ажчанд̇ийд̇и бат̇аавино. зд̇д̇агзнаад̇и зд̇д̇аавад̇аа жид̇агасаннисаязна. уд̣̇агалзн̣анд̇и уд̣̇аганиссанд̣̇аналзн̣ам̣. самаабад̇д̇ид̇од̇и нирод̇хасамаабад̇д̇ид̇о. самаабад̇д̇ипаланд̇и нирод̇хасамаабад̇д̇ипалам̣.
507. Rukkhadevatā nāma cātumahārājikesu nihīno kāyo, tasmā nesaṃ manussagandho paricitattā nātijegucchoti āha ‘‘ākāsaṭṭhadevatāna’’nti. Ābādhaṃ karotīti dukkhaṃ janeti. Nāgarikoti sukumāro. Paricokkhoti sabbaso sucirūpo. Ñātikoṭinti ñātibhāgaṃ. Anādimati hi saṃsāre ñātibhāgarahito nāma satto kassacipi natthīti adhippāyo. Idanti ‘‘so me tvaṃ bhāgineyyo hosī’’ti idaṃ vacanaṃ. Paveṇivasenāti tadā mayhaṃ bhāgineyyo hutvā idāni māraṭṭhāne ṭhitoti imissā paveṇiyā vasena vuttaṃ. Aññassa vā vesamaṃ dhuro vidhuro. Tenāha ‘‘aññehi saddhiṃ asadiso’’ti. Appadukkhenāti sukheneva. Panthānaṃ avanti gacchantīti pathāvino. Ettakenāti ettāvatā citakasannisayena. Udakaleṇanti udakanissandanaleṇaṃ. Samāpattitoti nirodhasamāpattito. Samāpattiphalanti nirodhasamāpattiphalaṃ.
508. д̣̇асахи аггосавад̇т̇уухийд̇и д̣̇асахиби аггосавад̇т̇уухи, д̇ад̇о гин̃жи ахаабзнд̇аа. барибхаасат̇аад̇и г̇арахат̇а. гхаддзт̇аад̇и ануунаахи гат̇аахи имзсу овиж̇жхат̇а. д̣̇угкаабзт̇аад̇и жид̇д̇з д̣̇угкам̣ ж̇анзт̇а. зд̇зсанд̇и д̇зсам̣ бхигкуунам̣ д̇умхаагам̣ аггосанаад̣̇ийхи бхигкуунам̣ гилзсуббад̇д̇ияаа. д̇знзд̇т̇а д̣̇уусий мааро од̇аарам̣ лабхад̇и наамаад̇и ад̇хиббааяо. убадтаад̇аб̣б̣ам̣ ибхам̣ араханд̇ийд̇и иб̣бхаа, хад̇т̇ибхан̣д̣агаа, хийнаж̇ийвигад̇ааяа хзд̇з иб̣бхаа вияаад̇и иб̣бхаа, д̇з бана сад̣̇уд̇ияагавасзна ‘‘г̇ахабад̇игаа’’д̇и вуд̇д̇аа. ган̣хаад̇и ган̣хаабхиж̇аад̇игаа. баад̣̇ад̇о ж̇аад̇ад̇д̇аа баад̣̇аанам̣ абажжаа. ааласияаж̇аад̇аад̇и гасиван̣иж̇ж̇аад̣̇игаммасса агаран̣зна сан̃ж̇аад̇ааласияаа. г̇уут̇анид̣̇д̇хаманабанаал̣ийд̇и важжагуубад̇о г̇уут̇асса нигкамабад̣̇зсо.
508.Dasahi akkosavatthūhīti dasahipi akkosavatthūhi, tato kiñci ahāpentā. Paribhāsathāti garahatha. Ghaṭṭethāti anūnāhi kathāhi imesu ovijjhatha. Dukkhāpethāti citte dukkhaṃ janetha. Etesanti tesaṃ bhikkhūnaṃ tumhākaṃ akkosanādīhi bhikkhūnaṃ kilesuppattiyā. Tenettha dūsī māro otāraṃ labhati nāmāti adhippāyo. Upaṭṭhātabbaṃ ibhaṃ arahantīti ibbhā, hatthibhaṇḍakā, hīnajīvikatāya hete ibbhā viyāti ibbhā, te pana sadutiyakavasena ‘‘gahapatikā’’ti vuttā. Kaṇhāti kaṇhābhijātikā. Pādato jātattā pādānaṃ apaccā. Ālasiyajātāti kasivaṇijjādikammassa akaraṇena sañjātālasiyā. Gūthaniddhamanapanāḷīti vaccakūpato gūthassa nikkhamapadeso.
мануссаанам̣ агусалам̣ на бхавзяяа д̇зсам̣ д̇аад̣̇исааяа абхисанд̇хияаа абхаавад̇о. аавзсагасса аанубхаавзна аавидтасса жид̇д̇асанд̇ад̇и вибаривад̇д̇ад̇ийд̇и вуд̇д̇овааяамад̇т̇о. висабхааг̇авад̇т̇унд̇и бхигкуунам̣ санд̇игз ид̇т̇ируубам̣, бхигкунийнам̣ санд̇игз бурисаруубанд̇и ийд̣̇исам̣, ан̃н̃ам̣ ваа баб̣б̣аж̇ид̇аанам̣ асааруббам̣ висабхааг̇авад̇т̇ум̣. виббадисаараарамман̣анд̇и бассанд̇аанам̣ виббадисаарасса бажжаяам̣. лзбаяадтинд̇и лзбалид̇д̇ам̣ ваагураяадтим̣.
Manussānaṃ akusalaṃ na bhaveyya tesaṃ tādisāya abhisandhiyā abhāvato. Āvesakassa ānubhāvena āviṭṭhassa cittasantati viparivattatīti vuttovāyamattho. Visabhāgavatthunti bhikkhūnaṃ santike itthirūpaṃ, bhikkhunīnaṃ santike purisarūpanti īdisaṃ, aññaṃ vā pabbajitānaṃ asāruppaṃ visabhāgavatthuṃ. Vippaṭisārārammaṇanti passantānaṃ vippaṭisārassa paccayaṃ. Lepayaṭṭhinti lepalittaṃ vākurayaṭṭhiṃ.
510. соманассавасзнаад̇и г̇зхассид̇асоманассавасзна. ан̃н̃ат̇ад̇д̇анд̇и уббилаавид̇ад̇д̇ам̣. буриманаязнзваад̇и ‘‘сажз мааро мануссаанам̣ сарийрз ад̇химужжид̇ваа’’д̇иаад̣̇инаа буб̣б̣з вуд̇д̇анаязна. яад̣̇и маарова д̇ат̇аа гарзяяа, мануссаанам̣ гусалам̣ на бхавзяяа, маарассзва бхавзяяа, сарийрз бана анад̇химужжид̇ваа д̇аад̣̇исам̣ басаад̣̇анийяам̣ басаад̣̇авад̇т̇ум̣ д̣̇ассзси. д̇знааха ‘‘яат̇аа хий’’д̇иаад̣̇и.
510.Somanassavasenāti gehassitasomanassavasena. Aññathattanti uppilāvitattaṃ. Purimanayenevāti ‘‘sace māro manussānaṃ sarīre adhimuccitvā’’tiādinā pubbe vuttanayena. Yadi mārova tathā kareyya, manussānaṃ kusalaṃ na bhaveyya, mārasseva bhaveyya, sarīre pana anadhimuccitvā tādisaṃ pasādanīyaṃ pasādavatthuṃ dassesi. Tenāha ‘‘yathā hī’’tiādi.
511. асубхасан̃н̃аабарижид̇знаад̇и сагалам̣ гааяам̣ асубханд̇и бавад̇д̇ааяа сан̃н̃ааяа сахаг̇ад̇аж̇жхаанам̣ асубхасан̃н̃аа, д̇зна барижид̇зна барибхаавид̇зна. жзд̇асаа жид̇д̇зна. б̣ахуланд̇и абхин̣хам̣. вихарад̇од̇и вихаранд̇асса, асубхасамаабад̇д̇иб̣ахулассаад̇и ад̇т̇о. бад̇илийяад̇ийд̇и сан̇гужад̇и д̇ад̇т̇а бадигуулад̇ааяа сан̣тид̇ад̇д̇аа. бад̇игудад̇ийд̇и абасаггад̇и. бад̇ивад̇д̇ад̇ийд̇и нивад̇д̇ад̇и. д̇ад̇о зва на самбасаарияад̇и. расад̇ан̣хааяаад̇и мад̇хураад̣̇ирасависаяааяа д̇ан̣хааяа.
511.Asubhasaññāparicitenāti sakalaṃ kāyaṃ asubhanti pavattāya saññāya sahagatajjhānaṃ asubhasaññā, tena paricitena paribhāvitena. Cetasā cittena. Bahulanti abhiṇhaṃ. Viharatoti viharantassa, asubhasamāpattibahulassāti attho. Patilīyatīti saṅkucati tattha paṭikūlatāya saṇṭhitattā. Patikuṭatīti apasakkati. Pativattatīti nivattati. Tato eva na sampasāriyati. Rasataṇhāyāti madhurādirasavisayāya taṇhāya.
саб̣б̣алогз анабхирад̇исан̃н̃аад̇и д̇ийсуби бхавзсу аружжанавасзна бавад̇д̇аа вибассанаабхааванаа. ниб̣б̣ид̣̇аанубассанаа хзсаа. логажид̇рзсууд̇и хад̇т̇иассарат̇абаасаад̣̇агуудааг̇аараад̣̇ибхзд̣̇зсу жзва аараамарааман̣зяяагаад̣̇ибхзд̣̇зсу жа логз жид̇д̇авижид̇д̇зсу. рааг̇асанд̇аани вуубасанд̇арааг̇аани. д̣̇осамохасанд̇аанийд̇и зд̇т̇ааби зсзва наяо. имзсам̣ звам̣ гаммадтаанаг̇г̇ахан̣ам̣ саб̣б̣зсам̣ саббааяабхаавад̇о.
Sabbaloke anabhiratisaññāti tīsupi bhavesu aruccanavasena pavattā vipassanābhāvanā. Nibbidānupassanā hesā. Lokacitresūti hatthiassarathapāsādakūṭāgārādibhedesu ceva ārāmarāmaṇeyyakādibhedesu ca loke cittavicittesu. Rāgasantāni vūpasantarāgāni. Dosamohasantānīti etthāpi eseva nayo. Imesaṃ evaṃ kammaṭṭhānaggahaṇaṃ sabbesaṃ sappāyabhāvato.
512. сагкарам̣ г̇ахзд̇ваад̇и сагкараасийсзна д̇ад̇д̇агам̣ бхиннабаасаан̣амудтинд̇и ааха ‘‘анд̇омудтияам̣ д̇идтанабамаан̣ам̣ баасаан̣а’’нд̇и. мудтибарияаабаннанд̇и ад̇т̇о. аяан̃хи баасаан̣асса хздтимагоди. хад̇т̇инааг̇од̇и махаахад̇т̇ий. маханд̇абарияааяо нааг̇а-сад̣̇д̣̇од̇и гзжи. ахинааг̇аад̣̇ид̇о ваа висзсанад̇т̇ам̣ хад̇т̇инааг̇од̇и вуд̇д̇ам̣. сагаласарийрзнзва нивад̇д̇ид̇ваа абалогзсийд̇и вуд̇д̇амад̇т̇ам̣ виварид̇ум̣ ‘‘яат̇аа хий’’д̇иаад̣̇и вуд̇д̇ам̣. на вааяанд̇и зд̇т̇а ваа-сад̣̇д̣̇о авад̇хааран̣ад̇т̇од̇и ааха ‘‘нзва бамаан̣ам̣ ан̃н̃аасий’’д̇и. сахаабалоганааяаад̇и жа важанад̇од̇и иминаа важанзна имам̣ важанамад̇д̇ам̣ г̇ахзд̇ваад̇и ад̇хиббааяо. ул̣аарзд̇и ул̣аараг̇ун̣з. бхаг̇аванд̇ан̃хи табзд̇ваа над̇т̇и д̇ад̣̇аа сад̣̇звагз логз д̇аад̣̇исо г̇ун̣ависзсаяуд̇д̇од̇и.
512.Sakkharaṃgahetvāti sakkharāsīsena tattakaṃ bhinnapāsāṇamuṭṭhinti āha ‘‘antomuṭṭhiyaṃ tiṭṭhanapamāṇaṃ pāsāṇa’’nti. Muṭṭhipariyāpannanti attho. Ayañhi pāsāṇassa heṭṭhimakoṭi. Hatthināgoti mahāhatthī. Mahantapariyāyo nāga-saddoti keci. Ahināgādito vā visesanatthaṃ hatthināgoti vuttaṃ. Sakalasarīreneva nivattitvā apalokesīti vuttamatthaṃ vivarituṃ ‘‘yathā hī’’tiādi vuttaṃ. Na vāyanti ettha vā-saddo avadhāraṇatthoti āha ‘‘neva pamāṇaṃ aññāsī’’ti. Sahāpalokanāyāti ca vacanatoti iminā vacanena imaṃ vacanamattaṃ gahetvāti adhippāyo. Uḷāreti uḷāraguṇe. Bhagavantañhi ṭhapetvā natthi tadā sadevake loke tādiso guṇavisesayuttoti.
висум̣ висум̣ бажжад̇д̇авзд̣̇анияо аяасуулзна сад̣̇д̇хим̣ бхууд̇аани ча пассааяад̇анаани зд̇ассаад̇и ча пассааяад̇анам̣, д̣̇угкам̣. д̇ам̣ зд̇т̇а ад̇т̇ийд̇и ча пассааяад̇аниго, нираяо. д̇знааха ‘‘часу пассаа…бз… бажжаяо’’д̇и. самааханад̇ийд̇и самаахад̇о, анзгасад̇абхзд̣̇о сан̇гусамаахад̇о зд̇т̇а ад̇т̇ийд̇и сан̇гусамаахад̇о, нираяо. висзсабажжаяад̇ааяа взд̣̇анааяа тид̇од̇и взд̣̇анияо, гааран̣аагаарагзна винаа бажжад̇д̇ам̣ саяамзва взд̣̇анияод̇и бажжад̇д̇авзд̣̇анияо. аяасуулзна сад̣̇д̇хим̣ аяасууланд̇и баад̣̇абад̣̇зсад̇о бадтааяа ниранд̇арам̣ абхихананавасзна ааг̇ад̇зна бан̣н̣аасааяа ж̇анзхи г̇ахид̇зна аяасуулзна саха сийсабад̣̇зсад̇о бадтааяа ааг̇ад̇ам̣. аяасуулабхаавасааман̃н̃зна жзд̇ам̣ згаважанам̣, сад̇амад̇д̇аани бад̇ид̇аани суулаани. иминаа д̇з таанзна жинд̇зд̇ваад̇и ниссид̇авохаарзна ниссаяам̣ вад̣̇ад̇и. звам̣ вуд̇д̇анд̇и ‘‘д̇ад̣̇аа ж̇аанзяяааси вассасахассам̣ мз нираяз бажжамаанассаа’’д̇и звам̣ вуд̇д̇ам̣. вудтааниманд̇и вудтаанз бхавам̣, анд̇иманд̇и ад̇т̇о. д̇знааха ‘‘вибаагавудтаанавзд̣̇ана’’нд̇и, вибаагасса барияосаанам̣ взд̣̇ананд̇и ад̇т̇о. д̣̇угкад̇араа ход̇и бад̣̇ийбасса виж̇жхааяанагкан̣з маханд̇абхааво вияа.
Visuṃ visuṃ paccattavedaniyo ayasūlena saddhiṃ bhūtāni cha phassāyatanāni etassāti cha phassāyatanaṃ, dukkhaṃ. Taṃ ettha atthīti cha phassāyataniko, nirayo. Tenāha ‘‘chasu phassā…pe… paccayo’’ti. Samāhanatīti samāhato, anekasatabhedo saṅkusamāhato ettha atthīti saṅkusamāhato, nirayo. Visesapaccayatāya vedanāya ṭhitoti vedaniyo, kāraṇākārakena vinā paccattaṃ sayameva vedaniyoti paccattavedaniyo. Ayasūlena saddhiṃ ayasūlanti pādapadesato paṭṭhāya nirantaraṃ abhihananavasena āgatena paṇṇāsāya janehi gahitena ayasūlena saha sīsapadesato paṭṭhāya āgataṃ. Ayasūlabhāvasāmaññena cetaṃ ekavacanaṃ, satamattāni patitāni sūlāni. Iminā te ṭhānena cintetvāti nissitavohārena nissayaṃ vadati. Evaṃ vuttanti ‘‘tadā jāneyyāsi vassasahassaṃ me niraye paccamānassā’’ti evaṃ vuttaṃ. Vuṭṭhānimanti vuṭṭhāne bhavaṃ, antimanti attho. Tenāha ‘‘vipākavuṭṭhānavedana’’nti, vipākassa pariyosānaṃ vedananti attho. Dukkhatarā hoti padīpassa vijjhāyanakkhaṇe mahantabhāvo viya.
513. гхаддаяид̇ваа бот̇зд̇ваа. баадиязггавзд̣̇анааж̇анагаад̇и бажжзгам̣ махаад̣̇угкасамуббаад̣̇агаа. аяад̇о абаг̇ад̇о нираяо, со д̣̇звад̣̇ууд̇асуд̇д̇зна (ма. ни. 3.261) д̣̇ийбзд̇аб̣б̣о. ад̇т̇аван̣н̣анаа банасса барад̇о саяамзва ааг̇амиссад̇и. имам̣ бана ад̇ийд̇авад̇т̇ум̣ аахарид̇ваа ад̇д̇ано н̃аан̣аанубхаавад̣̇ийбанамукзна маарам̣ санд̇аж̇ж̇знд̇о махаат̇зро ‘‘яо зд̇амабхиж̇аанаад̇ий’’д̇и г̇аат̇амааха. д̇ассад̇т̇о – яо махаабхин̃н̃о зд̇ам̣ гаммам̣ гаммапалан̃жа хад̇т̇ад̇алз табид̇ам̣ аамалагам̣ вияа абхимукам̣ гад̇ваа бажжагкад̇о ж̇аанаад̇и. саб̣б̣асо бхиннагилзсад̇ааяа бхигку саммаасамб̣уд̣̇д̇хасса аг̇г̇асааваго, д̇аад̣̇исам̣ ул̣аараг̇ун̣ам̣ аасаж̇ж̇а гхаддаяид̇ваа зганд̇агаал̣агзхи баабад̇хаммзхи саманнааг̇ад̇ад̇д̇аа ган̣ха маара ааяад̇им̣ махаад̣̇угкам̣ винд̣̇иссаси.
513.Ghaṭṭayitvā pothetvā. Pāṭiyekkavedanājanakāti paccekaṃ mahādukkhasamuppādakā. Ayato apagato nirayo, so devadūtasuttena (ma. ni. 3.261) dīpetabbo. Atthavaṇṇanā panassa parato sayameva āgamissati. Imaṃ pana atītavatthuṃ āharitvā attano ñāṇānubhāvadīpanamukhena māraṃ santajjento mahāthero ‘‘yoetamabhijānātī’’ti gāthamāha. Tassattho – yo mahābhiñño etaṃ kammaṃ kammaphalañca hatthatale ṭhapitaṃ āmalakaṃ viya abhimukhaṃ katvā paccakkhato jānāti. Sabbaso bhinnakilesatāya bhikkhu sammāsambuddhassa aggasāvako, tādisaṃ uḷāraguṇaṃ āsajja ghaṭṭayitvā ekantakāḷakehi pāpadhammehi samannāgatattā kaṇha māra āyatiṃ mahādukkhaṃ vindissasi.
уд̣̇агам̣ вад̇т̇ум̣ гад̇ваад̇и д̇ад̇т̇а ниб̣б̣ад̇д̇анагасад̇д̇аанам̣ саад̇хааран̣агаммапалзна махаасамуд̣̇д̣̇ауд̣̇агамзва ад̇хидтаанам̣ гад̇ваа. д̇ат̇аа хи д̇аани габбадтид̇игаани хонд̇и. д̇знааха ‘‘габбадтааяино’’д̇и. д̇зсанд̇и вимаанаанам̣. зд̇ам̣ яат̇аавуд̇д̇авимаанавад̇т̇ум̣ д̇аасам̣ ажчараанам̣ самбад̇д̇им̣, д̇асса жа гааран̣ам̣ ад̇д̇абажжагкам̣ гад̇ваа ж̇аанаад̇и. баад̣̇ан̇г̇удтзна гамбаяийд̇и буб̣б̣аараамз висаакааяа махааубаасигааяа гаарид̇ам̣ сахассаг̇аб̣бхабадиман̣д̣ид̇амахаабаасаад̣̇ам̣ ад̇д̇ано баад̣̇ан̇г̇удтзна гамбзси. д̇знааха ‘‘ид̣̇ам̣ баасаад̣̇агамбанасуд̇д̇зна д̣̇ийбзд̇аб̣б̣а’’нд̇и. ид̣̇анд̇и ‘‘яо взж̇аяанд̇а’’нд̇и имиссаа г̇аат̇ааяа ад̇т̇аж̇аад̇ам̣ жуул̣ад̇ан̣хаасан̇каяавимуд̇д̇исуд̇д̇знзва (ма. ни. 1.393) д̣̇ийбзд̇аб̣б̣ам̣.
Udakaṃ vatthuṃ katvāti tattha nibbattanakasattānaṃ sādhāraṇakammaphalena mahāsamuddaudakameva adhiṭṭhānaṃ katvā. Tathā hi tāni kappaṭṭhitikāni honti. Tenāha ‘‘kappaṭṭhāyino’’ti. Tesanti vimānānaṃ. Etaṃ yathāvuttavimānavatthuṃ tāsaṃ accharānaṃ sampattiṃ, tassa ca kāraṇaṃ attapaccakkhaṃ katvā jānāti. Pādaṅguṭṭhena kampayīti pubbārāme visākhāya mahāupāsikāya kāritaṃ sahassagabbhapaṭimaṇḍitamahāpāsādaṃ attano pādaṅguṭṭhena kampesi. Tenāha ‘‘idaṃ pāsādakampanasuttena dīpetabba’’nti. Idanti ‘‘yo vejayanta’’nti imissā gāthāya atthajātaṃ cūḷataṇhāsaṅkhayavimuttisutteneva (ma. ni. 1.393) dīpetabbaṃ.
д̇асса б̣рахмаг̇ан̣асса д̇ат̇аажинд̇анасамананд̇арамзва д̇асмим̣ б̣рахмалогз суд̇хаммам̣ б̣рахмасабхам̣ г̇анд̇ваа. д̇збийд̇и махаамог̇г̇аллаанаад̣̇аяо. бажжзгам̣ д̣̇исаасууд̇и махаамог̇г̇аллаанад̇т̇зро бурад̇т̇имад̣̇исааяам̣, махаагассабад̇т̇зро д̣̇агкин̣ад̣̇исааяам̣, махаагаббинад̇т̇зро бажчимад̣̇исааяам̣, ануруд̣̇д̇хад̇т̇зро уд̇д̇арад̣̇исааяанд̇и звам̣ жад̇д̇ааро т̇зраа б̣рахмабарисамад̇т̇агз маж̇жхз нисиннасса бхаг̇авад̇о саманд̇ад̇о жад̇уд̣̇д̣̇исаа нисийд̣̇им̣су. г̇аат̇аа вуд̇д̇аад̇и ‘‘яо б̣рахмам̣ барибужчад̇ий’’д̇и г̇аат̇аа вуд̇д̇аа. ан̃н̃ад̇араб̣рахмасуд̇д̇знаад̇и – ‘‘д̇зна ко бана самаязна ан̃н̃ад̇арасса б̣рахмуно зваруубам̣ баабагам̣ д̣̇идтиг̇ад̇ам̣ уббаннам̣ ход̇ий’’д̇иаад̣̇инаа (сам̣. ни. 1.176) махааваг̇г̇з ааг̇ад̇зна ан̃н̃ад̇араб̣рахмасуд̇д̇зна.
Tassa brahmagaṇassa tathācintanasamanantarameva tasmiṃ brahmaloke sudhammaṃ brahmasabhaṃ gantvā. Tepīti mahāmoggallānādayo. Paccekaṃ disāsūti mahāmoggallānatthero puratthimadisāyaṃ, mahākassapatthero dakkhiṇadisāyaṃ, mahākappinatthero pacchimadisāyaṃ, anuruddhatthero uttaradisāyanti evaṃ cattāro therā brahmaparisamatthake majjhe nisinnassa bhagavato samantato catuddisā nisīdiṃsu. Gāthā vuttāti ‘‘yo brahmaṃ paripucchatī’’ti gāthā vuttā. Aññatarabrahmasuttenāti – ‘‘tena kho pana samayena aññatarassa brahmuno evarūpaṃ pāpakaṃ diṭṭhigataṃ uppannaṃ hotī’’tiādinā (saṃ. ni. 1.176) mahāvagge āgatena aññatarabrahmasuttena.
жхаанавимогкзна пусийд̇и жхаанавимогкасанниссаязна абхин̃н̃аан̃аан̣зна пассаяи. вананд̇и ж̇амб̣уд̣̇ийбам̣ апассаяийд̇и самб̣анд̇хо. ж̇амб̣уд̣̇ийбо хи ванаб̣ахулад̇ааяа ид̇ха ‘‘вана’’нд̇и вуд̇д̇о. д̇знааха ‘‘ж̇амб̣усан̣д̣асса иссаро’’д̇и. буб̣б̣авид̣̇зхаанам̣ д̣̇ийбанд̇и буб̣б̣авид̣̇зхаваасийнам̣ д̣̇ийбам̣, буб̣б̣авид̣̇зхад̣̇ийбанд̇и ад̇т̇о. бхуумисаяаа нараа наама абараг̇ояаанагаа уд̇д̇арагуругаа жа. яасмаа д̇з г̇зхабариг̇г̇ахаабхаавад̇о бхуумияам̣язва саяанд̇и, на баасаад̣̇аад̣̇ийсу. бадилабхийд̇и уббаад̣̇зси. зд̇ам̣ аасам̣ маа агаасийд̇и зсаа яат̇аа буб̣б̣з д̣̇уусимаарасса, звам̣ д̇уяхам̣ аасаа д̣̇ийгхарад̇д̇ам̣ анад̇т̇аавахаа, д̇асмаа зд̣̇исам̣ аасам̣ маа агаасийд̇и маарасса оваад̣̇ам̣ ад̣̇ааси. сзсам̣ саб̣б̣ад̇т̇а сувин̃н̃зяяамзва.
Jhānavimokkhena phusīti jhānavimokkhasannissayena abhiññāñāṇena phassayi. Vananti jambudīpaṃ aphassayīti sambandho. Jambudīpo hi vanabahulatāya idha ‘‘vana’’nti vutto. Tenāha ‘‘jambusaṇḍassa issaro’’ti. Pubbavidehānaṃ dīpanti pubbavidehavāsīnaṃ dīpaṃ, pubbavidehadīpanti attho. Bhūmisayā narā nāma aparagoyānakā uttarakurukā ca. Yasmā te gehapariggahābhāvato bhūmiyaṃyeva sayanti, na pāsādādīsu. Paṭilabhīti uppādesi. Etaṃ āsaṃ mā akāsīti esā yathā pubbe dūsimārassa, evaṃ tuyhaṃ āsā dīgharattaṃ anatthāvahā, tasmā edisaṃ āsaṃ mā akāsīti mārassa ovādaṃ adāsi. Sesaṃ sabbattha suviññeyyameva.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
маарад̇аж̇ж̇анийяасуд̇д̇аван̣н̣анааяа лийнад̇т̇аббагаасанаа самад̇д̇аа.
Māratajjanīyasuttavaṇṇanāya līnatthappakāsanā samattā.
нидтид̇аа жа жуул̣аяамагаваг̇г̇аван̣н̣анаа.
Niṭṭhitā ca cūḷayamakavaggavaṇṇanā.
муулабан̣н̣аасадийгаа самад̇д̇аа.
Mūlapaṇṇāsaṭīkā samattā.
д̣̇уд̇ияо бхааг̇о нидтид̇о.
Dutiyo bhāgo niṭṭhito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. маарад̇аж̇ж̇анийяасуд̇д̇ам̣ • 10. Māratajjanīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. маарад̇аж̇ж̇анийяасуд̇д̇аван̣н̣анаа • 10. Māratajjanīyasuttavaṇṇanā
