| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[18] 8. мад̇агабхад̇д̇аж̇аад̇агаван̣н̣анаа
[18] 8. Matakabhattajātakavaṇṇanā
звам̣ жз сад̇д̇аа ж̇аанзяяунд̇и ид̣̇ам̣ сад̇т̇аа ж̇зд̇аванз вихаранд̇о мад̇агабхад̇д̇ам̣ аараб̣бха гат̇зси. д̇асмин̃хи гаалз мануссаа б̣ахуу аж̇зл̣агаад̣̇аяо маарзд̇ваа гаалагад̇з н̃аад̇агз уд̣̇д̣̇исса мад̇агабхад̇д̇ам̣ наама д̣̇знд̇и. бхигкуу д̇з мануссз д̇ат̇аа гаронд̇з д̣̇исваа сад̇т̇аарам̣ бужчим̣су ‘‘зд̇арахи, бханд̇з, мануссаа б̣ахуу баан̣з ж̇ийвид̇агкаяам̣ баабзд̇ваа мад̇агабхад̇д̇ам̣ наама д̣̇знд̇и. ад̇т̇и ну ко, бханд̇з, зд̇т̇а вуд̣дхий’’д̇и? сад̇т̇аа ‘‘на, бхигкавз, ‘мад̇агабхад̇д̇ам̣ д̣̇ассаамаа’д̇и гад̇зби баан̣аад̇ибаад̇з гаажи вуд̣дхи наама ад̇т̇и, буб̣б̣з бан̣д̣ид̇аа аагаасз нисаж̇ж̇а д̇хаммам̣ д̣̇зсзд̇ваа зд̇т̇а аад̣̇ийнавам̣ гат̇зд̇ваа сагалаж̇амб̣уд̣̇ийбаваасигз зд̇ам̣ гаммам̣ ж̇ахаабзсум̣. ид̣̇аани бана бхавасан̇кзбаг̇ад̇ад̇д̇аа буна баад̇убхууд̇а’’нд̇и вад̇ваа ад̇ийд̇ам̣ аахари.
Evaṃ ce sattā jāneyyunti idaṃ satthā jetavane viharanto matakabhattaṃ ārabbha kathesi. Tasmiñhi kāle manussā bahū ajeḷakādayo māretvā kālakate ñātake uddissa matakabhattaṃ nāma denti. Bhikkhū te manusse tathā karonte disvā satthāraṃ pucchiṃsu ‘‘etarahi, bhante, manussā bahū pāṇe jīvitakkhayaṃ pāpetvā matakabhattaṃ nāma denti. Atthi nu kho, bhante, ettha vuḍḍhī’’ti? Satthā ‘‘na, bhikkhave, ‘matakabhattaṃ dassāmā’ti katepi pāṇātipāte kāci vuḍḍhi nāma atthi, pubbe paṇḍitā ākāse nisajja dhammaṃ desetvā ettha ādīnavaṃ kathetvā sakalajambudīpavāsike etaṃ kammaṃ jahāpesuṃ. Idāni pana bhavasaṅkhepagatattā puna pātubhūta’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з зго д̇ин̣н̣ам̣ взд̣̇аанам̣ баараг̇уу д̣̇исаабаамогко аажарияаб̣раахман̣о ‘‘мад̇агабхад̇д̇ам̣ д̣̇ассаамий’’д̇и згам̣ зл̣агам̣ г̇аахаабзд̇ваа анд̇зваасигз ааха – ‘‘д̇аад̇аа, имам̣ зл̣агам̣ над̣̇им̣ нзд̇ваа нхаабзд̇ваа ган̣тз маалам̣ баригкибид̇ваа бан̃жан̇г̇улигам̣ д̣̇ад̇ваа ман̣д̣зд̇ваа аанзт̇аа’’д̇и. д̇з ‘‘саад̇хуу’’д̇и бадиссун̣ид̇ваа д̇ам̣ аад̣̇ааяа над̣̇им̣ г̇анд̇ваа нхаабзд̇ваа ман̣д̣зд̇ваа над̣̇ийд̇ийрз табзсум̣. со зл̣аго ад̇д̇ано буб̣б̣агаммам̣ д̣̇исваа ‘‘зваруубаа наама д̣̇угкаа аж̇ж̇а мужжиссаамий’’д̇и соманассаж̇аад̇о мад̇д̇игаагхадам̣ бхинд̣̇анд̇о вияа махаахасид̇ам̣ хасид̇ваа буна ‘‘аяам̣ б̣раахман̣о мам̣ гхаад̇зд̇ваа маяаа лад̣̇д̇хад̣̇угкам̣ лабхиссад̇ий’’д̇и б̣раахман̣з гаарун̃н̃ам̣ уббаад̣̇зд̇ваа маханд̇зна сад̣̇д̣̇зна барод̣̇и.
Atīte bārāṇasiyaṃ brahmadatte rajjaṃ kārente eko tiṇṇaṃ vedānaṃ pāragū disāpāmokkho ācariyabrāhmaṇo ‘‘matakabhattaṃ dassāmī’’ti ekaṃ eḷakaṃ gāhāpetvā antevāsike āha – ‘‘tātā, imaṃ eḷakaṃ nadiṃ netvā nhāpetvā kaṇṭhe mālaṃ parikkhipitvā pañcaṅgulikaṃ datvā maṇḍetvā ānethā’’ti. Te ‘‘sādhū’’ti paṭissuṇitvā taṃ ādāya nadiṃ gantvā nhāpetvā maṇḍetvā nadītīre ṭhapesuṃ. So eḷako attano pubbakammaṃ disvā ‘‘evarūpā nāma dukkhā ajja muccissāmī’’ti somanassajāto mattikāghaṭaṃ bhindanto viya mahāhasitaṃ hasitvā puna ‘‘ayaṃ brāhmaṇo maṃ ghātetvā mayā laddhadukkhaṃ labhissatī’’ti brāhmaṇe kāruññaṃ uppādetvā mahantena saddena parodi.
ат̇а нам̣ д̇з маан̣аваа бужчим̣су ‘‘самма зл̣ага , д̇вам̣ махаасад̣̇д̣̇зна хаси жзва род̣̇и жа, гзна ну ко гааран̣зна хаси, гзна гааран̣зна барод̣̇ий’’д̇и? ‘‘д̇умхз мам̣ имам̣ гааран̣ам̣ ад̇д̇ано аажарияасса санд̇игз бужчзяяаат̇аа’’д̇и. д̇з д̇ам̣ аад̣̇ааяа г̇анд̇ваа ид̣̇ам̣ гааран̣ам̣ аажарияасса аарожзсум̣. аажарияо д̇зсам̣ важанам̣ суд̇ваа зл̣агам̣ бужчи ‘‘гасмаа д̇вам̣ зл̣ага, хаси, гасмаа род̣̇ий’’д̇и? зл̣аго ад̇д̇анаа гад̇агаммам̣ ж̇аад̇иссаран̃аан̣зна ануссарид̇ваа б̣раахман̣асса гат̇зси ‘‘ахам̣, б̣раахман̣а, буб̣б̣з д̇аад̣̇исова манд̇аж̇жхааяагаб̣раахман̣о худ̇ваа ‘мад̇агабхад̇д̇ам̣ д̣̇ассаамий’д̇и згам̣ зл̣агам̣ маарзд̇ваа мад̇агабхад̇д̇ам̣ ад̣̇аасим̣, сваахам̣ згасса зл̣агасса гхаад̇ид̇ад̇д̇аа згзнуунзсу бан̃жасу ад̇д̇абхаавасад̇зсу сийсажчзд̣̇ам̣ баабун̣им̣, аяам̣ мз годияам̣ тид̇о бан̃жасад̇имо ад̇д̇абхааво, сваахам̣ ‘аж̇ж̇а зваруубаа д̣̇угкаа мужжиссаамий’д̇и соманассаж̇аад̇о иминаа гааран̣зна хасим̣. род̣̇анд̇о бана ‘ахам̣ д̇аава згам̣ зл̣агам̣ маарзд̇ваа бан̃жа ж̇аад̇исад̇аани сийсажчзд̣̇ад̣̇угкам̣ бад̇ваа аж̇ж̇а д̇амхаа д̣̇угкаа мужжиссаами, аяам̣ бана б̣раахман̣о мам̣ маарзд̇ваа ахам̣ вияа бан̃жа ж̇аад̇исад̇аани сийсажчзд̣̇ад̣̇угкам̣ лабхиссад̇ий’д̇и д̇аяи гаарун̃н̃зна род̣̇и’’нд̇и. ‘‘зл̣ага, маа бхааяи, наахам̣ д̇ам̣ маарзссаамий’’д̇и. ‘‘б̣раахман̣а, гим̣ вад̣̇зси, д̇аяи маарзнд̇зби амаарзнд̇зби на саггаа аж̇ж̇а маяаа маран̣аа мужжид̇у’’нд̇и. ‘‘зл̣ага, маа бхааяи, ахам̣ д̇з аарагкам̣ г̇ахзд̇ваа д̇аяаа сад̣̇д̇хим̣язва вижариссаамий’’д̇и. ‘‘б̣раахман̣а, аббамад̇д̇аго д̇ава аарагко, маяаа гад̇абаабам̣ бана маханд̇ам̣ б̣алава’’нд̇и.
Atha naṃ te māṇavā pucchiṃsu ‘‘samma eḷaka , tvaṃ mahāsaddena hasi ceva rodi ca, kena nu kho kāraṇena hasi, kena kāraṇena parodī’’ti? ‘‘Tumhe maṃ imaṃ kāraṇaṃ attano ācariyassa santike puccheyyāthā’’ti. Te taṃ ādāya gantvā idaṃ kāraṇaṃ ācariyassa ārocesuṃ. Ācariyo tesaṃ vacanaṃ sutvā eḷakaṃ pucchi ‘‘kasmā tvaṃ eḷaka, hasi, kasmā rodī’’ti? Eḷako attanā katakammaṃ jātissarañāṇena anussaritvā brāhmaṇassa kathesi ‘‘ahaṃ, brāhmaṇa, pubbe tādisova mantajjhāyakabrāhmaṇo hutvā ‘matakabhattaṃ dassāmī’ti ekaṃ eḷakaṃ māretvā matakabhattaṃ adāsiṃ, svāhaṃ ekassa eḷakassa ghātitattā ekenūnesu pañcasu attabhāvasatesu sīsacchedaṃ pāpuṇiṃ, ayaṃ me koṭiyaṃ ṭhito pañcasatimo attabhāvo, svāhaṃ ‘ajja evarūpā dukkhā muccissāmī’ti somanassajāto iminā kāraṇena hasiṃ. Rodanto pana ‘ahaṃ tāva ekaṃ eḷakaṃ māretvā pañca jātisatāni sīsacchedadukkhaṃ patvā ajja tamhā dukkhā muccissāmi, ayaṃ pana brāhmaṇo maṃ māretvā ahaṃ viya pañca jātisatāni sīsacchedadukkhaṃ labhissatī’ti tayi kāruññena rodi’’nti. ‘‘Eḷaka, mā bhāyi, nāhaṃ taṃ māressāmī’’ti. ‘‘Brāhmaṇa, kiṃ vadesi, tayi mārentepi amārentepi na sakkā ajja mayā maraṇā muccitu’’nti. ‘‘Eḷaka, mā bhāyi, ahaṃ te ārakkhaṃ gahetvā tayā saddhiṃyeva vicarissāmī’’ti. ‘‘Brāhmaṇa, appamattako tava ārakkho, mayā katapāpaṃ pana mahantaṃ balava’’nti.
б̣раахман̣о зл̣агам̣ мун̃жид̇ваа ‘‘имам̣ зл̣агам̣ гассажиби маарзд̇ум̣ на д̣̇ассаамий’’д̇и анд̇зваасигз аад̣̇ааяа зл̣агзнзва сад̣̇д̇хим̣ вижари. зл̣аго виссадтамад̇д̇ова згам̣ баасаан̣абидтим̣ ниссааяа ж̇аад̇аг̇умб̣з г̇ийвам̣ угкибид̇ваа бан̣н̣аани каад̣̇ид̇ум̣ аарад̣̇д̇хо. д̇ан̇кан̣ан̃н̃зва д̇асмим̣ баасаан̣абидтз асани бад̇и, д̇ад̇о згаа баасаан̣асагалигаа чиж̇ж̇ид̇ваа зл̣агасса басаарид̇аг̇ийвааяа бад̇ид̇ваа сийсам̣ чинд̣̇и, махааж̇ано саннибад̇и. д̇ад̣̇аа б̣од̇хисад̇д̇о д̇асмим̣ таанз ругкад̣̇звад̇аа худ̇ваа ниб̣б̣ад̇д̇о. со бассанд̇ассзва д̇асса махааж̇анасса д̣̇звад̇аанубхаавзна аагаасз баллан̇гзна нисийд̣̇ид̇ваа ‘‘имз сад̇д̇аа звам̣ баабасса палам̣ ж̇аанамаанаа аббзванаама баан̣аад̇ибаад̇ам̣ на гарзяяу’’нд̇и мад̇хурассарзна д̇хаммам̣ д̣̇зсзнд̇о имам̣ г̇аат̇амааха –
Brāhmaṇo eḷakaṃ muñcitvā ‘‘imaṃ eḷakaṃ kassacipi māretuṃ na dassāmī’’ti antevāsike ādāya eḷakeneva saddhiṃ vicari. Eḷako vissaṭṭhamattova ekaṃ pāsāṇapiṭṭhiṃ nissāya jātagumbe gīvaṃ ukkhipitvā paṇṇāni khādituṃ āraddho. Taṅkhaṇaññeva tasmiṃ pāsāṇapiṭṭhe asani pati, tato ekā pāsāṇasakalikā chijjitvā eḷakassa pasāritagīvāya patitvā sīsaṃ chindi, mahājano sannipati. Tadā bodhisatto tasmiṃ ṭhāne rukkhadevatā hutvā nibbatto. So passantasseva tassa mahājanassa devatānubhāvena ākāse pallaṅkena nisīditvā ‘‘ime sattā evaṃ pāpassa phalaṃ jānamānā appevanāma pāṇātipātaṃ na kareyyu’’nti madhurassarena dhammaṃ desento imaṃ gāthamāha –
18.
18.
‘‘звам̣ жз сад̇д̇аа ж̇аанзяяум̣, д̣̇угкааяам̣ ж̇аад̇исамбхаво;
‘‘Evaṃ ce sattā jāneyyuṃ, dukkhāyaṃ jātisambhavo;
на баан̣о баан̣инам̣ хан̃н̃з, баан̣агхаад̇ий хи сожад̇ий’’д̇и.
Na pāṇo pāṇinaṃ haññe, pāṇaghātī hi socatī’’ti.
д̇ад̇т̇а звам̣ жз сад̇д̇аа ж̇аанзяяунд̇и имз сад̇д̇аа звам̣ жз ж̇аанзяяум̣. гат̇ам̣? д̣̇угкааяам̣ ж̇аад̇исамбхавод̇и аяам̣ д̇ад̇т̇а д̇ад̇т̇а ж̇аад̇и жа ж̇аад̇асса ануггамзна вад̣дхисан̇каад̇о самбхаво жа ж̇арааб̣яаад̇химаран̣ааббияасамбаяог̇абияавиббаяог̇ахад̇т̇абаад̣̇ажчзд̣̇аад̣̇ийнам̣ д̣̇угкаанам̣ вад̇т̇убхууд̇ад̇д̇аа ‘‘д̣̇угко’’д̇и яад̣̇и ж̇аанзяяум̣. на баан̣о баан̣инам̣ хан̃н̃зд̇и ‘‘барам̣ вад̇ханд̇о ж̇аад̇исамбхавз вад̇хам̣ лабхад̇и, бийл̣знд̇о бийл̣ам̣ лабхад̇ий’’д̇и ж̇аад̇исамбхавасса д̣̇угкавад̇т̇уд̇ааяа д̣̇угкабхаавам̣ ж̇аананд̇о гожи баан̣о ан̃н̃ам̣ баан̣инам̣ на хан̃н̃з, сад̇д̇о сад̇д̇ам̣ на ханзяяаад̇и ад̇т̇о. гим̣гааран̣аа? баан̣агхаад̇ий хи сожад̇ийд̇и, яасмаа саахад̇т̇игаад̣̇ийсу часу баяог̇зсу язна гзнажи баяог̇зна барасса ж̇ийвид̇инд̣̇рияубажчзд̣̇анзна баан̣агхаад̇ий буг̇г̇ало адтасу махаанираязсу сол̣асасу уссад̣̇анираязсу наанаббагаарааяа д̇иражчаанаяонияаа бзд̇д̇ивисаяз асурагааязд̇и имзсу жад̇уусу абааязсу махаад̣̇угкам̣ анубхавамаано д̣̇ийгхарад̇д̇ам̣ анд̇ониж̇жхааяаналагкан̣зна согзна сожад̇и. яат̇аа вааяам̣ зл̣аго маран̣абхаязна сожад̇и, звам̣ д̣̇ийгхарад̇д̇ам̣ сожад̇ийд̇иби н̃ад̇ваа на баан̣о баан̣инам̣ хан̃н̃з, гожи баан̣аад̇ибаад̇агаммам̣ наама на гарзяяа. мохзна бана муул̣хаа авиж̇ж̇ааяа анд̇хийгад̇аа имам̣ аад̣̇ийнавам̣ абассанд̇аа баан̣аад̇ибаад̇ам̣ гаронд̇ийд̇и.
Tattha evaṃ ce sattā jāneyyunti ime sattā evaṃ ce jāneyyuṃ. Kathaṃ? Dukkhāyaṃ jātisambhavoti ayaṃ tattha tattha jāti ca jātassa anukkamena vaḍḍhisaṅkhāto sambhavo ca jarābyādhimaraṇaappiyasampayogapiyavippayogahatthapādacchedādīnaṃ dukkhānaṃ vatthubhūtattā ‘‘dukkho’’ti yadi jāneyyuṃ. Na pāṇo pāṇinaṃ haññeti ‘‘paraṃ vadhanto jātisambhave vadhaṃ labhati, pīḷento pīḷaṃ labhatī’’ti jātisambhavassa dukkhavatthutāya dukkhabhāvaṃ jānanto koci pāṇo aññaṃ pāṇinaṃ na haññe, satto sattaṃ na haneyyāti attho. Kiṃkāraṇā? Pāṇaghātī hi socatīti, yasmā sāhatthikādīsu chasu payogesu yena kenaci payogena parassa jīvitindriyupacchedanena pāṇaghātī puggalo aṭṭhasu mahānirayesu soḷasasu ussadanirayesu nānappakārāya tiracchānayoniyā pettivisaye asurakāyeti imesu catūsu apāyesu mahādukkhaṃ anubhavamāno dīgharattaṃ antonijjhāyanalakkhaṇena sokena socati. Yathā vāyaṃ eḷako maraṇabhayena socati, evaṃ dīgharattaṃ socatītipi ñatvā na pāṇo pāṇinaṃ haññe, koci pāṇātipātakammaṃ nāma na kareyya. Mohena pana mūḷhā avijjāya andhīkatā imaṃ ādīnavaṃ apassantā pāṇātipātaṃ karontīti.
звам̣ махаасад̇д̇о нираяабхаязна д̇аж̇ж̇зд̇ваа д̇хаммам̣ д̣̇зсзси. мануссаа д̇ам̣ д̇хаммад̣̇зсанам̣ суд̇ваа нираяабхаяабхийд̇аа баан̣аад̇ибаад̇аа вирамим̣су. б̣од̇хисад̇д̇оби д̇хаммам̣ д̣̇зсзд̇ваа махааж̇анам̣ сийлз бад̇идтаабзд̇ваа яат̇аагаммам̣ г̇ад̇о, махааж̇аноби б̣од̇хисад̇д̇асса оваад̣̇з тад̇ваа д̣̇аанаад̣̇ийни бун̃н̃аани гад̇ваа д̣̇званаг̇арам̣ буурзси. сад̇т̇аа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘ахам̣ д̇зна самаязна ругкад̣̇звад̇аа ахоси’’нд̇и.
Evaṃ mahāsatto nirayabhayena tajjetvā dhammaṃ desesi. Manussā taṃ dhammadesanaṃ sutvā nirayabhayabhītā pāṇātipātā viramiṃsu. Bodhisattopi dhammaṃ desetvā mahājanaṃ sīle patiṭṭhāpetvā yathākammaṃ gato, mahājanopi bodhisattassa ovāde ṭhatvā dānādīni puññāni katvā devanagaraṃ pūresi. Satthā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi ‘‘ahaṃ tena samayena rukkhadevatā ahosi’’nti.
мад̇агабхад̇д̇аж̇аад̇агаван̣н̣анаа адтамаа.
Matakabhattajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 18. мад̇агабхад̇д̇аж̇аад̇агам̣ • 18. Matakabhattajātakaṃ
