| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
15. вийсад̇инибаад̇о
15. Vīsatinipāto
[497] 1. маад̇ан̇г̇аж̇аад̇агаван̣н̣анаа
[497] 1. Mātaṅgajātakavaṇṇanā
гуд̇о ну ааг̇ажчаси д̣̇уммаваасийд̇и ид̣̇ам̣ сад̇т̇аа ж̇зд̇аванз вихаранд̇о уд̣̇знам̣ наама вам̣сарааж̇аанам̣ аараб̣бха гат̇зси. д̇асмин̃хи гаалз ааяасмаа бин̣д̣олабхаарад̣̇вааж̇о ж̇зд̇аванад̇о аагаасзна г̇анд̇ваа язбхуяязна госамб̣ияам̣ уд̣̇знасса ран̃н̃о уяяаанам̣ д̣̇иваавихаарааяа г̇ажчад̇и. т̇зро гира буримабхавз раж̇ж̇ам̣ гаарзнд̇о д̣̇ийгхамад̣̇д̇хаанам̣ д̇асмим̣ уяяаанз махаабаривааро самбад̇д̇им̣ анубхави. со д̇зна буб̣б̣аажин̣н̣зна язбхуяязна д̇ад̇т̇зва д̣̇иваавихаарам̣ нисийд̣̇ид̇ваа паласамаабад̇д̇исукзна вийд̇инаамзд̇и. д̇асмим̣ згад̣̇ивасам̣ д̇ад̇т̇а г̇анд̇ваа субубпид̇асааламуулз нисиннз уд̣̇зно сад̇д̇аахам̣ махаабаанам̣ бивид̇ваа ‘‘уяяаанагийл̣ам̣ гийл̣иссаамий’’д̇и маханд̇зна бариваарзна уяяаанам̣ г̇анд̇ваа ман̇г̇аласилаабаддз ан̃н̃ад̇арааяа ид̇т̇ияаа ан̇гз нибанно сураамад̣̇амад̇д̇ад̇ааяа нид̣̇д̣̇ам̣ оггами. г̇ааяанд̇аа нисиннид̇т̇ияо д̇уурияаани чад̣д̣зд̇ваа уяяаанам̣ бависид̇ваа бубпапалаад̣̇ийни вижинанд̇ияо т̇зрам̣ д̣̇исваа г̇анд̇ваа ванд̣̇ид̇ваа нисийд̣̇им̣су. т̇зро д̇аасам̣ д̇хаммагат̇ам̣ гат̇знд̇о нисийд̣̇и. ид̇арааби ид̇т̇ий ан̇гам̣ жаалзд̇ваа рааж̇аанам̣ баб̣од̇хзд̇ваа ‘‘гухим̣ д̇аа васалияо г̇ад̇аа’’д̇и вуд̇д̇з ‘‘згам̣ саман̣ам̣ бариваарзд̇ваа нисиннаа’’д̇и ааха. со гуд̣̇д̇хо г̇анд̇ваа т̇зрам̣ аггосид̇ваа барибхаасид̇ваа ‘‘ханд̣̇аахам̣, д̇ам̣ саман̣ам̣ д̇амб̣агибиллагзхи каад̣̇аабзссаамий’’д̇и год̇хавасзна т̇зрасса сарийрз д̇амб̣агибиллагабудам̣ бхинд̣̇аабзси. т̇зро аагаасз тад̇ваа д̇ассоваад̣̇ам̣ д̣̇ад̇ваа ж̇зд̇аванз г̇анд̇хагудид̣̇ваарзязва од̇арид̇ваа д̇ат̇ааг̇ад̇зна ‘‘гуд̇о ааг̇ад̇осий’’д̇и будто т̇зро д̇амад̇т̇ам̣ аарожзси. сад̇т̇аа ‘‘на ко, бхаарад̣̇вааж̇а, уд̣̇зно ид̣̇аанзва баб̣б̣аж̇ид̇з вихзтзд̇и, буб̣б̣зби вихзтзсиязваа’’д̇и вад̇ваа д̇зна яаажид̇о ад̇ийд̇ам̣ аахари.
Kutonu āgacchasi dummavāsīti idaṃ satthā jetavane viharanto udenaṃ nāma vaṃsarājānaṃ ārabbha kathesi. Tasmiñhi kāle āyasmā piṇḍolabhāradvājo jetavanato ākāsena gantvā yebhuyyena kosambiyaṃ udenassa rañño uyyānaṃ divāvihārāya gacchati. Thero kira purimabhave rajjaṃ kārento dīghamaddhānaṃ tasmiṃ uyyāne mahāparivāro sampattiṃ anubhavi. So tena pubbāciṇṇena yebhuyyena tattheva divāvihāraṃ nisīditvā phalasamāpattisukhena vītināmeti. Tasmiṃ ekadivasaṃ tattha gantvā supupphitasālamūle nisinne udeno sattāhaṃ mahāpānaṃ pivitvā ‘‘uyyānakīḷaṃ kīḷissāmī’’ti mahantena parivārena uyyānaṃ gantvā maṅgalasilāpaṭṭe aññatarāya itthiyā aṅke nipanno surāmadamattatāya niddaṃ okkami. Gāyantā nisinnitthiyo tūriyāni chaḍḍetvā uyyānaṃ pavisitvā pupphaphalādīni vicinantiyo theraṃ disvā gantvā vanditvā nisīdiṃsu. Thero tāsaṃ dhammakathaṃ kathento nisīdi. Itarāpi itthī aṅkaṃ cāletvā rājānaṃ pabodhetvā ‘‘kuhiṃ tā vasaliyo gatā’’ti vutte ‘‘ekaṃ samaṇaṃ parivāretvā nisinnā’’ti āha. So kuddho gantvā theraṃ akkositvā paribhāsitvā ‘‘handāhaṃ, taṃ samaṇaṃ tambakipillakehi khādāpessāmī’’ti kodhavasena therassa sarīre tambakipillakapuṭaṃ bhindāpesi. Thero ākāse ṭhatvā tassovādaṃ datvā jetavane gandhakuṭidvāreyeva otaritvā tathāgatena ‘‘kuto āgatosī’’ti puṭṭho thero tamatthaṃ ārocesi. Satthā ‘‘na kho, bhāradvāja, udeno idāneva pabbajite viheṭheti, pubbepi viheṭhesiyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇ад̣̇аа махаасад̇д̇о б̣ахинаг̇арз жан̣д̣аалаяонияам̣ ниб̣б̣ад̇д̇и, ‘‘маад̇ан̇г̇о’’д̇исса наамам̣ гарим̣су. абарабхааг̇з вин̃н̃уд̇ам̣ бад̇д̇о ‘‘маад̇ан̇г̇абан̣д̣ид̇о’’д̇и баагадо ахоси. д̇ад̣̇аа б̣аараан̣асисздтино д̇хийд̇аа д̣̇идтаман̇г̇алигаа наама згамаасад̣̇взмаасаваарзна махаабариваараа уяяаанам̣ гийл̣ид̇ум̣ г̇ажчад̇и. ат̇згад̣̇ивасам̣ махаасад̇д̇о гзнажи гаммзна наг̇арам̣ бависанд̇о анд̇арад̣̇ваарз д̣̇идтаман̇г̇алигам̣ д̣̇исваа згаманд̇ам̣ абаг̇анд̇ваа аллийяид̇ваа адтааси. д̣̇идтаман̇г̇алигаа саан̣ияаа анд̇арзна ологзнд̇ий д̇ам̣ д̣̇исваа ‘‘го зсо’’д̇и бужчид̇ваа ‘‘жан̣д̣аало аяяз’’д̇и вуд̇д̇з ‘‘ад̣̇идтабуб̣б̣аяуд̇д̇агам̣ вад̇а бассаамий’’д̇и г̇анд̇ход̣̇агзна агкийни д̇ховид̇ваа д̇ад̇о нивад̇д̇и. д̇ааяа сад̣̇д̇хим̣ нигканд̇аж̇ано ‘‘арз, д̣̇удта жан̣д̣аала, аж̇ж̇а д̇ам̣ ниссааяа амхаагам̣ амуулагам̣ сураабхад̇д̇ам̣ надта’’нд̇и год̇хаабхибхууд̇о маад̇ан̇г̇абан̣д̣ид̇ам̣ хад̇т̇зхи жа баад̣̇зхи жа бот̇зд̇ваа висан̃н̃им̣ гад̇ваа баггаами. со мухуд̇д̇ам̣ вийд̇инаамзд̇ваа бадилад̣̇д̇хасан̃н̃о жинд̇зси ‘‘д̣̇идтаман̇г̇алигааяа бариж̇ано мам̣ нид̣̇д̣̇осам̣ агааран̣зна бот̇зси, д̣̇идтаман̇г̇алигам̣ лабхид̇ваава удтахиссаами, но алабхид̇ваа’’д̇и ад̇хидтааяа г̇анд̇ваа д̇ассаа бид̇у нивзсанад̣̇ваарз нибаж̇ж̇и. со ‘‘гзна гааран̣зна нибанносий’’д̇и вуд̇д̇з ‘‘ан̃н̃ам̣ гааран̣ам̣ над̇т̇и, д̣̇идтаман̇г̇алигааяа мз ад̇т̇о’’д̇и ааха. зго д̣̇ивасо ад̇ийд̇о, д̇ат̇аа д̣̇уд̇ияо, д̇ад̇ияо, жад̇уд̇т̇о, бан̃жамо, чадто жа. б̣од̇хисад̇д̇аанам̣ ад̇хидтаанам̣ наама самиж̇жхад̇и, д̇асмаа сад̇д̇амз д̣̇ивасз д̣̇идтаман̇г̇алигам̣ нийхарид̇ваа д̇асса ад̣̇ам̣су.
Atīte bārāṇasiyaṃ brahmadatte rajjaṃ kārente tadā mahāsatto bahinagare caṇḍālayoniyaṃ nibbatti, ‘‘mātaṅgo’’tissa nāmaṃ kariṃsu. Aparabhāge viññutaṃ patto ‘‘mātaṅgapaṇḍito’’ti pākaṭo ahosi. Tadā bārāṇasiseṭṭhino dhītā diṭṭhamaṅgalikā nāma ekamāsadvemāsavārena mahāparivārā uyyānaṃ kīḷituṃ gacchati. Athekadivasaṃ mahāsatto kenaci kammena nagaraṃ pavisanto antaradvāre diṭṭhamaṅgalikaṃ disvā ekamantaṃ apagantvā allīyitvā aṭṭhāsi. Diṭṭhamaṅgalikā sāṇiyā antarena olokentī taṃ disvā ‘‘ko eso’’ti pucchitvā ‘‘caṇḍālo ayye’’ti vutte ‘‘adiṭṭhapubbayuttakaṃ vata passāmī’’ti gandhodakena akkhīni dhovitvā tato nivatti. Tāya saddhiṃ nikkhantajano ‘‘are, duṭṭha caṇḍāla, ajja taṃ nissāya amhākaṃ amūlakaṃ surābhattaṃ naṭṭha’’nti kodhābhibhūto mātaṅgapaṇḍitaṃ hatthehi ca pādehi ca pothetvā visaññiṃ katvā pakkāmi. So muhuttaṃ vītināmetvā paṭiladdhasañño cintesi ‘‘diṭṭhamaṅgalikāya parijano maṃ niddosaṃ akāraṇena pothesi, diṭṭhamaṅgalikaṃ labhitvāva uṭṭhahissāmi, no alabhitvā’’ti adhiṭṭhāya gantvā tassā pitu nivesanadvāre nipajji. So ‘‘kena kāraṇena nipannosī’’ti vutte ‘‘aññaṃ kāraṇaṃ natthi, diṭṭhamaṅgalikāya me attho’’ti āha. Eko divaso atīto, tathā dutiyo, tatiyo, catuttho, pañcamo, chaṭṭho ca. Bodhisattānaṃ adhiṭṭhānaṃ nāma samijjhati, tasmā sattame divase diṭṭhamaṅgalikaṃ nīharitvā tassa adaṃsu.
ат̇а нам̣ саа ‘‘удтзхи, саами, д̇умхаагам̣ г̇зхам̣ г̇ажчаамаа’’д̇и ааха. бхад̣̇д̣̇з, д̇ава бариж̇анзнамхи субот̇ид̇о д̣̇уб̣б̣ало, мам̣ угкибид̇ваа бидтим̣ ааробзд̇ваа аад̣̇ааяа г̇ажчаахийд̇и. саа д̇ат̇аа гад̇ваа наг̇араваасийнам̣ бассанд̇аанан̃н̃зва наг̇араа нигкамид̇ваа жан̣д̣аалаг̇аамагам̣ г̇ад̇аа. ат̇а нам̣ махаасад̇д̇о ж̇аад̇исамбхзд̣̇авийд̇иггамам̣ агад̇ваава гад̇ибаахам̣ г̇зхз васаабзд̇ваа жинд̇зси ‘‘ахамзд̇ам̣ лаабхаг̇г̇аяасаг̇г̇аббад̇д̇ам̣ гаронд̇о баб̣б̣аж̇ид̇ваава гаад̇ум̣ сагкиссаами, на ид̇арат̇аа’’д̇и . ат̇а нам̣ ааманд̇зд̇ваа ‘бхад̣̇д̣̇з, маяи аран̃н̃ад̇о гин̃жи анаахаранд̇з амхаагам̣ ж̇ийвигаа наббавад̇д̇ад̇и, яаава мамааг̇аманаа маа угган̣ти, ахам̣ аран̃н̃ам̣ г̇амиссаамий’’д̇и вад̇ваа г̇зхаваасиноби ‘‘имам̣ маа бамаж̇ж̇ид̇т̇аа’’д̇и овад̣̇ид̇ваа аран̃н̃ам̣ г̇анд̇ваа саман̣абаб̣б̣аж̇ж̇ам̣ баб̣б̣аж̇ид̇ваа аббамад̇д̇о сад̇д̇амз д̣̇ивасз адта самаабад̇д̇ияо жа бан̃жа абхин̃н̃ааяо жа уббаад̣̇зд̇ваа ‘‘ид̣̇аани д̣̇идтаман̇г̇алигааяа авассаяо бхавид̇ум̣ сагкиссаамий’’д̇и ид̣̇д̇хияаа г̇анд̇ваа жан̣д̣аалаг̇аамад̣̇ваарз од̇арид̇ваа д̣̇идтаман̇г̇алигааяа г̇зхад̣̇ваарам̣ аг̇амааси. саа д̇ассааг̇аманам̣ суд̇ваа г̇зхад̇о нигкамид̇ваа ‘‘саами, гасмаа мам̣ анаат̇ам̣ гад̇ваа баб̣б̣аж̇ид̇осий’’д̇и барид̣̇зви. ат̇а нам̣ ‘‘бхад̣̇д̣̇з, маа жинд̇аяи, д̇ава бораан̣агаяасад̇о ид̣̇аани маханд̇ад̇арам̣ яасам̣ гариссаами, абижа ко бана ‘на маяхам̣ маад̇ан̇г̇абан̣д̣ид̇о саамиго, махааб̣рахмаа мз саамиго’д̇и зд̇д̇агам̣ барисамаж̇жхз вад̇д̇ум̣ сагкиссасий’д̇и ааха. ‘‘аама, саами, сагкиссаамий’’д̇и. ‘‘д̇зна хи ‘‘ид̣̇аани д̇з саамиго гухинд̇и будтаа ‘б̣рахмалогам̣ г̇ад̇о’д̇и вад̇ваа ‘гад̣̇аа ааг̇амиссад̇ий’д̇и вуд̇д̇з ‘ид̇о сад̇д̇амз д̣̇ивасз бун̣н̣амааяам̣ жанд̣̇ам̣ бхинд̣̇ид̇ваа ааг̇амиссад̇ий’д̇и вад̣̇зяяаасий’’д̇и нам̣ вад̇ваа махаасад̇д̇о химаванд̇амзва г̇ад̇о.
Atha naṃ sā ‘‘uṭṭhehi, sāmi, tumhākaṃ gehaṃ gacchāmā’’ti āha. Bhadde, tava parijanenamhi supothito dubbalo, maṃ ukkhipitvā piṭṭhiṃ āropetvā ādāya gacchāhīti. Sā tathā katvā nagaravāsīnaṃ passantānaññeva nagarā nikkhamitvā caṇḍālagāmakaṃ gatā. Atha naṃ mahāsatto jātisambhedavītikkamaṃ akatvāva katipāhaṃ gehe vasāpetvā cintesi ‘‘ahametaṃ lābhaggayasaggappattaṃ karonto pabbajitvāva kātuṃ sakkhissāmi, na itarathā’’ti . Atha naṃ āmantetvā ‘bhadde, mayi araññato kiñci anāharante amhākaṃ jīvikā nappavattati, yāva mamāgamanā mā ukkaṇṭhi, ahaṃ araññaṃ gamissāmī’’ti vatvā gehavāsinopi ‘‘imaṃ mā pamajjitthā’’ti ovaditvā araññaṃ gantvā samaṇapabbajjaṃ pabbajitvā appamatto sattame divase aṭṭha samāpattiyo ca pañca abhiññāyo ca uppādetvā ‘‘idāni diṭṭhamaṅgalikāya avassayo bhavituṃ sakkhissāmī’’ti iddhiyā gantvā caṇḍālagāmadvāre otaritvā diṭṭhamaṅgalikāya gehadvāraṃ agamāsi. Sā tassāgamanaṃ sutvā gehato nikkhamitvā ‘‘sāmi, kasmā maṃ anāthaṃ katvā pabbajitosī’’ti paridevi. Atha naṃ ‘‘bhadde, mā cintayi, tava porāṇakayasato idāni mahantataraṃ yasaṃ karissāmi, apica kho pana ‘na mayhaṃ mātaṅgapaṇḍito sāmiko, mahābrahmā me sāmiko’ti ettakaṃ parisamajjhe vattuṃ sakkhissasī’ti āha. ‘‘Āma, sāmi, sakkhissāmī’’ti. ‘‘Tena hi ‘‘idāni te sāmiko kuhinti puṭṭhā ‘brahmalokaṃ gato’ti vatvā ‘kadā āgamissatī’ti vutte ‘ito sattame divase puṇṇamāyaṃ candaṃ bhinditvā āgamissatī’ti vadeyyāsī’’ti naṃ vatvā mahāsatto himavantameva gato.
д̣̇идтаман̇г̇алигааби б̣аараан̣асияам̣ махааж̇анасса маж̇жхз д̇зсу д̇зсу таанзсу д̇ат̇аа гат̇зси. махааж̇ано ‘‘ахо махааб̣рахмаа самаано д̣̇идтаман̇г̇алигам̣ на г̇ажчад̇и, звамзд̇ам̣ бхависсад̇ий’’д̇и сад̣̇д̣̇ахи. б̣од̇хисад̇д̇оби бун̣н̣амад̣̇ивасз жанд̣̇асса г̇аг̇анамаж̇жхз тид̇агаалз б̣рахмад̇д̇абхаавам̣ маабзд̇ваа сагалам̣ гаасирадтам̣ д̣̇ваад̣̇асаяож̇анигам̣ б̣аараан̣асинаг̇аран̃жа згобхаасам̣ гад̇ваа жанд̣̇аман̣д̣алам̣ бхинд̣̇ид̇ваа од̇арид̇ваа б̣аараан̣асияаа убаруубари д̇игкад̇д̇ум̣ бариб̣бхамид̇ваа махааж̇анзна г̇анд̇хамаалаад̣̇ийхи бууж̇ияамаано жан̣д̣аалаг̇аамагаабхимуко ахоси. б̣рахмабхад̇д̇аа саннибад̇ид̇ваа жан̣д̣аалаг̇аамагам̣ г̇анд̇ваа д̣̇идтаман̇г̇алигааяа г̇зхам̣ суд̣̇д̇хавад̇т̇зхи чаад̣̇зд̇ваа бхуумим̣ жад̇уж̇ж̇аад̇ияаг̇анд̇хзхи обун̃чид̇ваа бубпаани вигирид̇ваа д̇хуумам̣ д̣̇ад̇ваа жзлавид̇аанам̣ басаарзд̇ваа махаасаяанам̣ бан̃н̃абзд̇ваа г̇анд̇хад̇злзхи д̣̇ийбам̣ ж̇аалзд̇ваа д̣̇ваарз раж̇ад̇абаддаван̣н̣аваалугам̣ огирид̇ваа бубпаани вигирид̇ваа д̇хаж̇з б̣анд̇хим̣су. звам̣ алан̇гад̇з г̇зхз махаасад̇д̇о од̇арид̇ваа анд̇о бависид̇ваа т̇огам̣ саяанабидтз нисийд̣̇и.
Diṭṭhamaṅgalikāpi bārāṇasiyaṃ mahājanassa majjhe tesu tesu ṭhānesu tathā kathesi. Mahājano ‘‘aho mahābrahmā samāno diṭṭhamaṅgalikaṃ na gacchati, evametaṃ bhavissatī’’ti saddahi. Bodhisattopi puṇṇamadivase candassa gaganamajjhe ṭhitakāle brahmattabhāvaṃ māpetvā sakalaṃ kāsiraṭṭhaṃ dvādasayojanikaṃ bārāṇasinagarañca ekobhāsaṃ katvā candamaṇḍalaṃ bhinditvā otaritvā bārāṇasiyā uparūpari tikkhattuṃ paribbhamitvā mahājanena gandhamālādīhi pūjiyamāno caṇḍālagāmakābhimukho ahosi. Brahmabhattā sannipatitvā caṇḍālagāmakaṃ gantvā diṭṭhamaṅgalikāya gehaṃ suddhavatthehi chādetvā bhūmiṃ catujjātiyagandhehi opuñchitvā pupphāni vikiritvā dhūmaṃ datvā celavitānaṃ pasāretvā mahāsayanaṃ paññapetvā gandhatelehi dīpaṃ jāletvā dvāre rajatapaṭṭavaṇṇavālukaṃ okiritvā pupphāni vikiritvā dhaje bandhiṃsu. Evaṃ alaṅkate gehe mahāsatto otaritvā anto pavisitvā thokaṃ sayanapiṭṭhe nisīdi.
д̇ад̣̇аа д̣̇идтаман̇г̇алигаа уд̇уний ход̇и. ат̇ассаа ан̇г̇удтагзна наабхим̣ бараамаси, гужчияам̣ г̇аб̣бхо бад̇идтааси. ат̇а нам̣ махаасад̇д̇о ааманд̇зд̇ваа ‘‘бхад̣̇д̣̇з, г̇аб̣бхо д̇з бад̇идтид̇о, д̇вам̣ буд̇д̇ам̣ виж̇ааяиссаси, д̇вамби буд̇д̇оби д̇з лаабхаг̇г̇аяасаг̇г̇аббад̇д̇аа бхависсат̇а, д̇ава баад̣̇ад̇хованауд̣̇агам̣ сагалаж̇амб̣уд̣̇ийбз рааж̇уунам̣ абхисзгод̣̇агам̣ бхависсад̇и, нахаанод̣̇агам̣ бана д̇з амад̇осад̇хам̣ бхависсад̇и, яз д̇ам̣ сийсз аасин̃жиссанд̇и, д̇з саб̣б̣арог̇зхи мужжиссанд̇и, гаал̣аган̣н̣им̣ бариваж̇ж̇зссанд̇и, д̇ава баад̣̇абидтз сийсам̣ табзд̇ваа ванд̣̇анд̇аа сахассам̣ д̣̇ассанд̇и, сод̇абат̇з тад̇ваа ванд̣̇анд̇аа сад̇ам̣ д̣̇ассанд̇и, жагкубат̇з тад̇ваа ванд̣̇анд̇аа згам̣ гахаабан̣ам̣ д̣̇ад̇ваа ванд̣̇иссанд̇и, аббамад̇д̇аа хохий’’д̇и нам̣ овад̣̇ид̇ваа г̇зхаа нигкамид̇ваа махааж̇анасса бассанд̇ассзва уббад̇ид̇ваа жанд̣̇аман̣д̣алам̣ баависи. б̣рахмабхад̇д̇аа саннибад̇ид̇ваа тид̇агаава рад̇д̇им̣ вийд̇инаамзд̇ваа баад̇ова д̣̇идтаман̇г̇алигам̣ суван̣н̣асивигам̣ ааробзд̇ваа сийсзна угкибид̇ваа наг̇арам̣ бависим̣су. ‘‘махааб̣рахмабхарияаа’’д̇и д̇ам̣ убасан̇гамид̇ваа махааж̇ано г̇анд̇хамаалаад̣̇ийхи бууж̇зси. баад̣̇абидтз сийсам̣ табзд̇ваа ванд̣̇ид̇ум̣ лабханд̇аа сахассад̇т̇авигам̣ д̣̇знд̇и, сод̇абат̇з тад̇ваа ванд̣̇ид̇ум̣ лабханд̇аа сад̇ам̣ д̣̇знд̇и, жагкубат̇з тад̇ваа ванд̣̇ид̇ум̣ лабханд̇аа згам̣ гахаабан̣ам̣ д̣̇знд̇и. звам̣ д̣̇ваад̣̇асаяож̇анигам̣ б̣аараан̣асим̣ д̇ам̣ г̇ахзд̇ваа вижаранд̇аа адтаарасагодид̇ханам̣ лабхим̣су.
Tadā diṭṭhamaṅgalikā utunī hoti. Athassā aṅguṭṭhakena nābhiṃ parāmasi, kucchiyaṃ gabbho patiṭṭhāsi. Atha naṃ mahāsatto āmantetvā ‘‘bhadde, gabbho te patiṭṭhito, tvaṃ puttaṃ vijāyissasi, tvampi puttopi te lābhaggayasaggappattā bhavissatha, tava pādadhovanaudakaṃ sakalajambudīpe rājūnaṃ abhisekodakaṃ bhavissati, nahānodakaṃ pana te amatosadhaṃ bhavissati, ye taṃ sīse āsiñcissanti, te sabbarogehi muccissanti, kāḷakaṇṇiṃ parivajjessanti, tava pādapiṭṭhe sīsaṃ ṭhapetvā vandantā sahassaṃ dassanti, sotapathe ṭhatvā vandantā sataṃ dassanti, cakkhupathe ṭhatvā vandantā ekaṃ kahāpaṇaṃ datvā vandissanti, appamattā hohī’’ti naṃ ovaditvā gehā nikkhamitvā mahājanassa passantasseva uppatitvā candamaṇḍalaṃ pāvisi. Brahmabhattā sannipatitvā ṭhitakāva rattiṃ vītināmetvā pātova diṭṭhamaṅgalikaṃ suvaṇṇasivikaṃ āropetvā sīsena ukkhipitvā nagaraṃ pavisiṃsu. ‘‘Mahābrahmabhariyā’’ti taṃ upasaṅkamitvā mahājano gandhamālādīhi pūjesi. Pādapiṭṭhe sīsaṃ ṭhapetvā vandituṃ labhantā sahassatthavikaṃ denti, sotapathe ṭhatvā vandituṃ labhantā sataṃ denti, cakkhupathe ṭhatvā vandituṃ labhantā ekaṃ kahāpaṇaṃ denti. Evaṃ dvādasayojanikaṃ bārāṇasiṃ taṃ gahetvā vicarantā aṭṭhārasakoṭidhanaṃ labhiṃsu.
ат̇а нам̣ наг̇арам̣ барихарид̇ваа аанзд̇ваа наг̇арамаж̇жхз махааман̣д̣абам̣ гаарзд̇ваа саан̣им̣ баригкибид̇ваа махаасаяанам̣ бан̃н̃абзд̇ваа маханд̇зна сирисобхаг̇г̇зна д̇ад̇т̇а васаабзсум̣. ман̣д̣абасанд̇игзязва сад̇д̇ад̣̇ваарагодтам̣ сад̇д̇абхуумигам̣ баасаад̣̇ам̣ гаад̇ум̣ аарабхим̣су, маханд̇ам̣ навагаммам̣ ахоси. д̣̇идтаман̇г̇алигаа ман̣д̣абзязва буд̇д̇ам̣ виж̇ааяи. ат̇асса наамаг̇г̇ахан̣ад̣̇ивасз б̣раахман̣аа саннибад̇ид̇ваа ман̣д̣абз ж̇аад̇ад̇д̇аа ‘‘ман̣д̣аб̣яагумааро’’д̇и наамам̣ гарим̣су. баасаад̣̇о бана д̣̇асахи маасзхи нидтид̇о. д̇ад̇о бадтааяа саа маханд̇зна яасзна д̇асмим̣ васад̇и, ман̣д̣аб̣яагумаароби маханд̇зна бариваарзна вад̣дхад̇и. д̇асса сад̇д̇адтавассагаалзязва ж̇амб̣уд̣̇ийбад̇алз уд̇д̇амаажарияаа саннибад̇им̣су. д̇з д̇ам̣ д̇аяо взд̣̇з уг̇г̇ан̣хаабзсум̣. со сол̣асавассагаалад̇о бадтааяа б̣раахман̣аанам̣ бхад̇д̇ам̣ бадтабзси, ниб̣ад̣̇д̇хам̣ сол̣аса б̣раахман̣асахассаани бхун̃ж̇анд̇и. жад̇уд̇т̇з д̣̇ваарагодтагз б̣раахман̣аанам̣ д̣̇аанам̣ д̣̇зд̇и.
Atha naṃ nagaraṃ pariharitvā ānetvā nagaramajjhe mahāmaṇḍapaṃ kāretvā sāṇiṃ parikkhipitvā mahāsayanaṃ paññapetvā mahantena sirisobhaggena tattha vasāpesuṃ. Maṇḍapasantikeyeva sattadvārakoṭṭhaṃ sattabhūmikaṃ pāsādaṃ kātuṃ ārabhiṃsu, mahantaṃ navakammaṃ ahosi. Diṭṭhamaṅgalikā maṇḍapeyeva puttaṃ vijāyi. Athassa nāmaggahaṇadivase brāhmaṇā sannipatitvā maṇḍape jātattā ‘‘maṇḍabyakumāro’’ti nāmaṃ kariṃsu. Pāsādo pana dasahi māsehi niṭṭhito. Tato paṭṭhāya sā mahantena yasena tasmiṃ vasati, maṇḍabyakumāropi mahantena parivārena vaḍḍhati. Tassa sattaṭṭhavassakāleyeva jambudīpatale uttamācariyā sannipatiṃsu. Te taṃ tayo vede uggaṇhāpesuṃ. So soḷasavassakālato paṭṭhāya brāhmaṇānaṃ bhattaṃ paṭṭhapesi, nibaddhaṃ soḷasa brāhmaṇasahassāni bhuñjanti. Catutthe dvārakoṭṭhake brāhmaṇānaṃ dānaṃ deti.
ат̇згасмим̣ махаамахад̣̇ивасз г̇зхз б̣ахум̣ бааяаасам̣ бадияаад̣̇зсум̣. сол̣аса б̣раахман̣асахассаани жад̇уд̇т̇з д̣̇ваарагодтагз нисийд̣̇ид̇ваа суван̣н̣арасаван̣н̣зна навасаббинаа баггамад̇хукан̣д̣асагкараахи жа абхисан̇кад̇ам̣ бааяаасам̣ барибхун̃ж̇анд̇и. гумаароби саб̣б̣аалан̇гаарабадиман̣д̣ид̇о суван̣н̣абаад̣̇угаа ааруяха хад̇т̇зна ган̃жанад̣̇ан̣д̣ам̣ г̇ахзд̇ваа ‘‘ид̇ха саббим̣ д̣̇зт̇а, ид̇ха мад̇ху’’нд̇и вижаарзнд̇о жарад̇и. д̇асмим̣ кан̣з маад̇ан̇г̇абан̣д̣ид̇о химаванд̇з ассамабад̣̇з нисинно ‘‘гаа ну ко д̣̇идтаман̇г̇алигааяа буд̇д̇асса бавад̇д̇ий’’д̇и ологзнд̇о д̇асса ад̇ид̇т̇з багканд̣̇абхаавам̣ д̣̇исваа ‘‘аж̇ж̇зва г̇анд̇ваа маан̣авам̣ д̣̇амзд̇ваа яад̇т̇а д̣̇иннам̣ махабпалам̣ ход̇и, д̇ад̇т̇а д̣̇аанам̣ д̣̇аабзд̇ваа ааг̇амиссаамий’’д̇и жинд̇зд̇ваа аагаасзна анод̇ад̇д̇ад̣̇ахам̣ г̇анд̇ваа мукад̇хованаад̣̇ийни гад̇ваа маносилаад̇алз тид̇о рад̇д̇ад̣̇убаддам̣ ниваасзд̇ваа гааяаб̣анд̇ханам̣ б̣анд̇хид̇ваа бам̣сугууласан̇гхаадим̣ баарубид̇ваа мад̇д̇игаабад̇д̇ам̣ аад̣̇ааяа аагаасзнааг̇анд̇ваа жад̇уд̇т̇з д̣̇ваарагодтагз д̣̇аанаг̇г̇зязва од̇арид̇ваа згаманд̇ам̣ адтааси. ман̣д̣аб̣яо гумааро ид̇о жид̇о жа ологзнд̇о д̇ам̣ д̣̇исваа ‘‘звам̣вируубо сан̇гаараяагкасад̣̇исо аяам̣ баб̣б̣аж̇ид̇о имам̣ таанам̣ ааг̇ажчанд̇о гуд̇о ну ко ааг̇ажчад̇ий’’д̇и д̇зна сад̣̇д̇хим̣ саллабанд̇о батамам̣ г̇аат̇амааха –
Athekasmiṃ mahāmahadivase gehe bahuṃ pāyāsaṃ paṭiyādesuṃ. Soḷasa brāhmaṇasahassāni catutthe dvārakoṭṭhake nisīditvā suvaṇṇarasavaṇṇena navasappinā pakkamadhukhaṇḍasakkharāhi ca abhisaṅkhataṃ pāyāsaṃ paribhuñjanti. Kumāropi sabbālaṅkārapaṭimaṇḍito suvaṇṇapādukā āruyha hatthena kañcanadaṇḍaṃ gahetvā ‘‘idha sappiṃ detha, idha madhu’’nti vicārento carati. Tasmiṃ khaṇe mātaṅgapaṇḍito himavante assamapade nisinno ‘‘kā nu kho diṭṭhamaṅgalikāya puttassa pavattī’’ti olokento tassa atitthe pakkhandabhāvaṃ disvā ‘‘ajjeva gantvā māṇavaṃ dametvā yattha dinnaṃ mahapphalaṃ hoti, tattha dānaṃ dāpetvā āgamissāmī’’ti cintetvā ākāsena anotattadahaṃ gantvā mukhadhovanādīni katvā manosilātale ṭhito rattadupaṭṭaṃ nivāsetvā kāyabandhanaṃ bandhitvā paṃsukūlasaṅghāṭiṃ pārupitvā mattikāpattaṃ ādāya ākāsenāgantvā catutthe dvārakoṭṭhake dānaggeyeva otaritvā ekamantaṃ aṭṭhāsi. Maṇḍabyo kumāro ito cito ca olokento taṃ disvā ‘‘evaṃvirūpo saṅkārayakkhasadiso ayaṃ pabbajito imaṃ ṭhānaṃ āgacchanto kuto nu kho āgacchatī’’ti tena saddhiṃ sallapanto paṭhamaṃ gāthamāha –
1.
1.
‘‘гуд̇о ну ааг̇ажчаси д̣̇уммаваасий, од̇аллаго бам̣субисаажагова;
‘‘Kuto nu āgacchasi dummavāsī, otallako paṃsupisācakova;
сан̇гааражол̣ам̣ бадимун̃жа ган̣тз, го рз д̇увам̣ хоси ад̣̇агкин̣зяяо’’д̇и.
Saṅkāracoḷaṃ paṭimuñca kaṇṭhe, ko re tuvaṃ hosi adakkhiṇeyyo’’ti.
д̇ад̇т̇а д̣̇уммаваасийд̇и анан̃ж̇ид̇ааман̣д̣ид̇агхадид̇асан̇гхаадигабилод̇игавасано. од̇аллагод̇и лаамаго оламб̣авиламб̣ананд̇агад̇харо ваа. бам̣субисаажаговаад̇и сан̇гаарадтаанз бисаажаго вияа. сан̇гааражол̣анд̇и сан̇гаарадтаанз лад̣̇д̇хабилод̇игам̣. бадимун̃жаад̇и бадимун̃жид̇ваа. ад̣̇агкин̣зяяод̇и д̇вам̣ ад̣̇агкин̣зяяо имзсам̣ барамад̣̇агкин̣зяяаанам̣ нисиннадтаанам̣ зго худ̇ваа гуд̇о ааг̇ад̇о.
Tattha dummavāsīti anañjitaamaṇḍitaghaṭitasaṅghāṭikapilotikavasano. Otallakoti lāmako olambavilambanantakadharo vā. Paṃsupisācakovāti saṅkāraṭṭhāne pisācako viya. Saṅkāracoḷanti saṅkāraṭṭhāne laddhapilotikaṃ. Paṭimuñcāti paṭimuñcitvā. Adakkhiṇeyyoti tvaṃ adakkhiṇeyyo imesaṃ paramadakkhiṇeyyānaṃ nisinnaṭṭhānaṃ eko hutvā kuto āgato.
д̇ам̣ суд̇ваа махаасад̇д̇о муд̣̇ужид̇д̇знзва д̇зна сад̣̇д̇хим̣ саллабанд̇о д̣̇уд̇ияам̣ г̇аат̇амааха –
Taṃ sutvā mahāsatto muducitteneva tena saddhiṃ sallapanto dutiyaṃ gāthamāha –
2.
2.
‘‘аннам̣ д̇авзд̣̇ам̣ багад̇ам̣ яасасси, д̇ам̣ каж̇ж̇арз бхун̃ж̇арз бияяарз жа;
‘‘Annaṃ tavedaṃ pakataṃ yasassi, taṃ khajjare bhuñjare piyyare ca;
ж̇аанааси мам̣ д̇вам̣ барад̣̇ад̇д̇уубаж̇ийвим̣, уд̇д̇идтабин̣д̣ам̣ лабхад̇ам̣ сабааго’’д̇и.
Jānāsi maṃ tvaṃ paradattūpajīviṃ, uttiṭṭhapiṇḍaṃ labhataṃ sapāko’’ti.
д̇ад̇т̇а багад̇анд̇и бадияад̇д̇ам̣. яасассийд̇и бариваарасамбанна. д̇ам̣ каж̇ж̇арзд̇и д̇ам̣ каж̇ж̇анд̇и жа бхун̃ж̇анд̇и жа биванд̇и жа. гим̣гааран̣аа маяхам̣ гуж̇жхаси? уд̇д̇идтабин̣д̣анд̇и убад̇идтид̇ваа лабхид̇аб̣б̣абин̣д̣ам̣, удтааяа тид̇зхи ваа д̣̇ийяамаанам̣ хздтаа тад̇ваа лабхид̇аб̣б̣абин̣д̣ам̣. лабхад̇ам̣ сабаагод̇и сабааго жан̣д̣аалоби лабхад̇у. ж̇аад̇исамбаннаа хи яад̇т̇а гад̇т̇ажи лабханд̇и, сабаагажан̣д̣ааласса бана го д̣̇зд̇и, д̣̇уллабхабин̣д̣о ахам̣, д̇асмаа мз ж̇ийвид̇абавад̇д̇анад̇т̇ам̣ бхож̇анам̣ д̣̇аабзхи, гумаараад̇и.
Tattha pakatanti paṭiyattaṃ. Yasassīti parivārasampanna. Taṃ khajjareti taṃ khajjanti ca bhuñjanti ca pivanti ca. Kiṃkāraṇā mayhaṃ kujjhasi? Uttiṭṭhapiṇḍanti upatiṭṭhitvā labhitabbapiṇḍaṃ, uṭṭhāya ṭhitehi vā dīyamānaṃ heṭṭhā ṭhatvā labhitabbapiṇḍaṃ. Labhataṃ sapākoti sapāko caṇḍālopi labhatu. Jātisampannā hi yattha katthaci labhanti, sapākacaṇḍālassa pana ko deti, dullabhapiṇḍo ahaṃ, tasmā me jīvitapavattanatthaṃ bhojanaṃ dāpehi, kumārāti.
д̇ад̇о ман̣д̣аб̣яо г̇аат̇амааха –
Tato maṇḍabyo gāthamāha –
3.
3.
‘‘аннам̣ мамзд̣̇ам̣ багад̇ам̣ б̣раахман̣аанам̣, ад̇д̇ад̇т̇ааяа сад̣̇д̣̇ахад̇о мамзд̣̇ам̣;
‘‘Annaṃ mamedaṃ pakataṃ brāhmaṇānaṃ, attatthāya saddahato mamedaṃ;
абзхи зд̇д̇о гимид̇хадтид̇оси, на маад̣̇исаа д̇умхам̣ д̣̇ад̣̇анд̇и ж̇аммаа’’д̇и.
Apehi etto kimidhaṭṭhitosi, na mādisā tumhaṃ dadanti jammā’’ti.
д̇ад̇т̇а ад̇д̇ад̇т̇ааяаад̇и ад̇д̇ано вад̣дхиад̇т̇ааяа. абзхи зд̇д̇од̇и имамхаа таанаа абаг̇ажча. на маад̣̇исаад̇и маад̣̇исаа ж̇аад̇исамбаннаанам̣ уд̣̇ижжаб̣раахман̣аанам̣ д̣̇аанам̣ д̣̇знд̇и, на д̇уяхам̣ жан̣д̣ааласса, г̇ажча, ж̇аммаад̇и.
Tattha attatthāyāti attano vaḍḍhiatthāya. Apehi ettoti imamhā ṭhānā apagaccha. Na mādisāti mādisā jātisampannānaṃ udiccabrāhmaṇānaṃ dānaṃ denti, na tuyhaṃ caṇḍālassa, gaccha, jammāti.
д̇ад̇о махаасад̇д̇о г̇аат̇амааха –
Tato mahāsatto gāthamāha –
4.
4.
‘‘т̇алз жа ниннз жа вабанд̇и б̣ийж̇ам̣, ануубакзд̇д̇з паламаасамаанаа;
‘‘Thale ca ninne ca vapanti bījaṃ, anūpakhette phalamāsamānā;
зд̇ааяа сад̣̇д̇хааяа д̣̇ад̣̇аахи д̣̇аанам̣, аббзва аараад̇хаяз д̣̇агкин̣зяяз’’д̇и.
Etāya saddhāya dadāhi dānaṃ, appeva ārādhaye dakkhiṇeyye’’ti.
д̇ассад̇т̇о – гумаара, сассапалам̣ аасийсамаанаа д̇ийсуби кзд̇д̇зсу б̣ийж̇ам̣ вабанд̇и. д̇ад̇т̇а ад̇ивудтигаалз т̇алз сассам̣ самбаж̇ж̇ад̇и, ниннз бууд̇игам̣ ход̇и, ануубакзд̇д̇з над̣̇ин̃жа д̇ал̣ааган̃жа ниссааяа гад̇ам̣ огхзна вуяхад̇и. манд̣̇авудтигаалз т̇алз кзд̇д̇з вибаж̇ж̇ад̇и, ниннз т̇огам̣ самбаж̇ж̇ад̇и, ануубакзд̇д̇з самбаж̇ж̇ад̇зва. самавудтигаалз т̇алз кзд̇д̇з т̇огам̣ самбаж̇ж̇ад̇и, ид̇арзсу самбаж̇ж̇ад̇зва. д̇асмаа яат̇аа паламаасийсамаанаа д̇ийсуби кзд̇д̇зсу вабанд̇и, д̇ат̇аа д̇вамби зд̇ааяа паласад̣̇д̇хааяа ааг̇ад̇ааг̇ад̇аанам̣ саб̣б̣зсам̣язва д̣̇аанам̣ д̣̇зхи, аббзва наама звам̣ д̣̇ад̣̇анд̇о д̣̇агкин̣зяяз аараад̇хзяяааси лабхзяяаасийд̇и.
Tassattho – kumāra, sassaphalaṃ āsīsamānā tīsupi khettesu bījaṃ vapanti. Tattha ativuṭṭhikāle thale sassaṃ sampajjati, ninne pūtikaṃ hoti, anūpakhette nadiñca taḷākañca nissāya kataṃ oghena vuyhati. Mandavuṭṭhikāle thale khette vipajjati, ninne thokaṃ sampajjati, anūpakhette sampajjateva. Samavuṭṭhikāle thale khette thokaṃ sampajjati, itaresu sampajjateva. Tasmā yathā phalamāsīsamānā tīsupi khettesu vapanti, tathā tvampi etāya phalasaddhāya āgatāgatānaṃ sabbesaṃyeva dānaṃ dehi, appeva nāma evaṃ dadanto dakkhiṇeyye ārādheyyāsi labheyyāsīti.
д̇ад̇о ман̣д̣аб̣яо г̇аат̇амааха –
Tato maṇḍabyo gāthamāha –
5.
5.
‘‘кзд̇д̇аани маяхам̣ вид̣̇ид̇аани логз, язсаахам̣ б̣ийж̇аани бад̇идтабзми;
‘‘Khettāni mayhaṃ viditāni loke, yesāhaṃ bījāni patiṭṭhapemi;
яз б̣раахман̣аа ж̇аад̇иманд̇уубабаннаа, д̇аанийд̇ха кзд̇д̇аани субзсалааний’’д̇и.
Ye brāhmaṇā jātimantūpapannā, tānīdha khettāni supesalānī’’ti.
д̇ад̇т̇а язсааханд̇и язсу ахам̣. ж̇аад̇иманд̇уубабаннаад̇и ж̇аад̇ияаа жа манд̇зхи жа убабаннаа.
Tattha yesāhanti yesu ahaṃ. Jātimantūpapannāti jātiyā ca mantehi ca upapannā.
д̇ад̇о махаасад̇д̇о д̣̇вз г̇аат̇аа абхааси –
Tato mahāsatto dve gāthā abhāsi –
6.
6.
‘‘ж̇аад̇имад̣̇о жа ад̇имаанид̇аа жа, лобхо жа д̣̇осо жа мад̣̇о жа мохо;
‘‘Jātimado ca atimānitā ca, lobho ca doso ca mado ca moho;
зд̇з аг̇ун̣аа язсу жа санд̇и саб̣б̣з, д̇аанийд̇ха кзд̇д̇аани абзсалаани.
Ete aguṇā yesu ca santi sabbe, tānīdha khettāni apesalāni.
7.
7.
‘‘ж̇аад̇имад̣̇о жа ад̇имаанид̇аа жа, лобхо жа д̣̇осо жа мад̣̇о жа мохо;
‘‘Jātimado ca atimānitā ca, lobho ca doso ca mado ca moho;
зд̇з аг̇ун̣аа язсу на санд̇и саб̣б̣з, д̇аанийд̇ха кзд̇д̇аани субзсалааний’’д̇и.
Ete aguṇā yesu na santi sabbe, tānīdha khettāni supesalānī’’ti.
д̇ад̇т̇а ж̇аад̇имад̣̇од̇и ‘‘ахамасми ж̇аад̇исамбанно’’д̇и звам̣ уббаннамаано. ад̇имаанид̇аа жаад̇и ‘‘ан̃н̃о маяаа сад̣̇д̇хим̣ ж̇аад̇иаад̣̇ийхи сад̣̇исо над̇т̇ий’’д̇и ад̇иггамма бавад̇д̇амаано. лобхаад̣̇аяо луб̣бханад̣̇уссанамаж̇ж̇анамуяханамад̇д̇аава. абзсалаанийд̇и зваруубаа буг̇г̇алаа аасийвисабхарид̇аа вияа ваммигаа аббияасийлаа хонд̇и. зваруубаанам̣ д̣̇иннам̣ на махабпалам̣ ход̇и, д̇асмаа маа зд̇зсам̣ субзсалакзд̇д̇абхаавам̣ ман̃н̃ид̇т̇а. на хи ж̇аад̇иманд̇аа саг̇г̇ад̣̇ааяагаа. яз бана ж̇аад̇имаанаад̣̇ирахид̇аа арияаа, д̇аани кзд̇д̇аани субзсалаани, д̇зсу д̣̇иннам̣ махабпалам̣, д̇з саг̇г̇ад̣̇ааяагаа хонд̇ийд̇и.
Tattha jātimadoti ‘‘ahamasmi jātisampanno’’ti evaṃ uppannamāno. Atimānitā cāti ‘‘añño mayā saddhiṃ jātiādīhi sadiso natthī’’ti atikkamma pavattamāno. Lobhādayo lubbhanadussanamajjanamuyhanamattāva. Apesalānīti evarūpā puggalā āsīvisabharitā viya vammikā appiyasīlā honti. Evarūpānaṃ dinnaṃ na mahapphalaṃ hoti, tasmā mā etesaṃ supesalakhettabhāvaṃ maññittha. Na hi jātimantā saggadāyakā. Ye pana jātimānādirahitā ariyā, tāni khettāni supesalāni, tesu dinnaṃ mahapphalaṃ, te saggadāyakā hontīti.
ид̇и со махаасад̇д̇з бунаббунам̣ гат̇знд̇з гуж̇жхид̇ваа ‘‘аяам̣ ад̇ивияа б̣ахум̣ виббалабад̇и, гухим̣ г̇ад̇аа имз д̣̇овааригаа, наяимам̣ жан̣д̣аалам̣ нийхаранд̇ий’’д̇и г̇аат̇амааха –
Iti so mahāsatte punappunaṃ kathente kujjhitvā ‘‘ayaṃ ativiya bahuṃ vippalapati, kuhiṃ gatā ime dovārikā, nayimaṃ caṇḍālaṃ nīharantī’’ti gāthamāha –
8.
8.
‘‘гвзд̇т̇а г̇ад̇аа убаж̇од̇ияо жа, убаж̇жхааяо ат̇а ваа г̇ан̣д̣агужчи;
‘‘Kvettha gatā upajotiyo ca, upajjhāyo atha vā gaṇḍakucchi;
имасса д̣̇ан̣д̣ан̃жа вад̇хан̃жа д̣̇ад̇ваа, г̇алз г̇ахзд̇ваа калаяаат̇а ж̇амма’’нд̇и.
Imassa daṇḍañca vadhañca datvā, gale gahetvā khalayātha jamma’’nti.
д̇ад̇т̇а гвзд̇т̇а г̇ад̇аад̇и имзсу д̇ийсу д̣̇ваарзсу табид̇аа убаж̇од̇ияо жа убаж̇жхааяо жа г̇ан̣д̣агужчи жаад̇и д̇аяо д̣̇овааригаа гухим̣ г̇ад̇аад̇и ад̇т̇о.
Tattha kvettha gatāti imesu tīsu dvāresu ṭhapitā upajotiyo ca upajjhāyo ca gaṇḍakucchi cāti tayo dovārikā kuhiṃ gatāti attho.
д̇зби д̇асса важанам̣ суд̇ваа взг̇знааг̇анд̇ваа ванд̣̇ид̇ваа ‘‘гим̣ гарома д̣̇зваа’’д̇и аахам̣су. ‘‘аяам̣ во ж̇аммо жан̣д̣аало д̣̇идто’’д̇и? ‘‘на бассаама д̣̇зва, гуд̇ожи ааг̇ад̇абхаавам̣ на ж̇аанаамаа’’д̇и. ‘‘го жзса мааяаагааро ваа виж̇ж̇аад̇харо ваа бхависсад̇и, ид̣̇аани гим̣ д̇идтат̇аа’’д̇и. ‘‘гим̣ гарома д̣̇зваа’’д̇и? ‘‘имасса мукамзва бот̇зд̇ваа бхинд̣̇анд̇аа д̣̇ан̣д̣авзл̣убзсигаахи бидтижаммам̣ уббаадзнд̇аа вад̇хан̃жа д̣̇ад̇ваа г̇алз г̇ахзд̇ваа зд̇ам̣ ж̇аммам̣ калаяаат̇а, ид̇о нийхарат̇аа’’д̇и.
Tepi tassa vacanaṃ sutvā vegenāgantvā vanditvā ‘‘kiṃ karoma devā’’ti āhaṃsu. ‘‘Ayaṃ vo jammo caṇḍālo diṭṭho’’ti? ‘‘Na passāma deva, kutoci āgatabhāvaṃ na jānāmā’’ti. ‘‘Ko cesa māyākāro vā vijjādharo vā bhavissati, idāni kiṃ tiṭṭhathā’’ti. ‘‘Kiṃ karoma devā’’ti? ‘‘Imassa mukhameva pothetvā bhindantā daṇḍaveḷupesikāhi piṭṭhicammaṃ uppāṭentā vadhañca datvā gale gahetvā etaṃ jammaṃ khalayātha, ito nīharathā’’ti.
махаасад̇д̇о д̇зсу ад̇д̇ано санд̇игам̣ анааг̇ад̇зсвзва уббад̇ид̇ваа аагаасз тид̇о г̇аат̇амааха –
Mahāsatto tesu attano santikaṃ anāgatesveva uppatitvā ākāse ṭhito gāthamāha –
9.
9.
‘‘г̇ирим̣ накзна кан̣аси, аяо д̣̇анд̇зхи каад̣̇аси;
‘‘Giriṃ nakhena khaṇasi, ayo dantehi khādasi;
ж̇аад̇авзд̣̇ам̣ бад̣̇ахаси, яо исим̣ барибхаасасий’’д̇и.
Jātavedaṃ padahasi, yo isiṃ paribhāsasī’’ti.
д̇ад̇т̇а ж̇аад̇авзд̣̇ам̣ бад̣̇ахасийд̇и аг̇г̇им̣ г̇илид̇ум̣ вааяамаси.
Tattha jātavedaṃ padahasīti aggiṃ gilituṃ vāyamasi.
иман̃жа бана г̇аат̇ам̣ вад̇ваа махаасад̇д̇о бассанд̇ассзва маан̣авасса жа б̣раахман̣аанан̃жа аагаасз багканд̣̇и. д̇амад̇т̇ам̣ багаасзнд̇о сад̇т̇аа ааха –
Imañca pana gāthaṃ vatvā mahāsatto passantasseva māṇavassa ca brāhmaṇānañca ākāse pakkhandi. Tamatthaṃ pakāsento satthā āha –
10.
10.
‘‘ид̣̇ам̣ вад̇ваана маад̇ан̇г̇о, иси сажжабараггамо;
‘‘Idaṃ vatvāna mātaṅgo, isi saccaparakkamo;
анд̇алигкасмим̣ баггаами, б̣раахман̣аанам̣ уд̣̇игкад̇а’’нд̇и.
Antalikkhasmiṃ pakkāmi, brāhmaṇānaṃ udikkhata’’nti.
д̇ад̇т̇а сажжабараггамод̇и сабхаавабараггамо.
Tattha saccaparakkamoti sabhāvaparakkamo.
со баажийнад̣̇исаабхимуко г̇анд̇ваа згааяа вийт̇ияаа од̇арид̇ваа ‘‘бад̣̇авал̣ан̃ж̇ам̣ бан̃н̃ааяад̇уу’’д̇и ад̇хидтааяа баажийнад̣̇ваарасамийбз бин̣д̣ааяа жаранд̇о миссагабхад̇д̇ам̣ сам̣гад̣дхид̇ваа згиссам̣ саалааяам̣ нисийд̣̇ид̇ваа миссагабхад̇д̇ам̣ барибхун̃ж̇и . наг̇арад̣̇звад̇аа ‘‘аяам̣ амхаагам̣ аяяам̣ вихзтзд̇ваа гат̇зд̇ий’’д̇и асахамаанаа ааг̇амим̣су. ат̇асса ж̇здтагаяагко ман̣д̣аб̣яасса г̇ийвам̣ г̇ахзд̇ваа баривад̇д̇зси, сзсад̣̇звад̇аа сзсаб̣раахман̣аанам̣ г̇ийвам̣ г̇ан̣хид̇ваа баривад̇д̇зсум̣. б̣од̇хисад̇д̇з муд̣̇ужид̇д̇ад̇ааяа бана ‘‘д̇асса буд̇д̇о’’д̇и нам̣ на маарзнд̇и, гзвалам̣ гиламзнд̇иязва. ман̣д̣аб̣яасса сийсам̣ баривад̇д̇ид̇ваа бидтибассаабхимукам̣ ж̇аад̇ам̣, хад̇т̇абаад̣̇аа уж̇угаа т̇ад̣̇д̇хаава адтам̣су, агкийни гаалагад̇ассзва баривад̇д̇им̣су. со т̇ад̣̇д̇хасарийрова нибаж̇ж̇и, сзсаб̣раахман̣аа мукзна кзл̣ам̣ ваманд̇аа абараабарам̣ баривад̇д̇анд̇и . маан̣аваа ‘‘аяяз, буд̇д̇асса д̇з гим̣ ж̇аад̇а’’нд̇и д̣̇идтаман̇г̇алигааяа аарожаяим̣су. саа взг̇зна г̇анд̇ваа буд̇д̇ам̣ д̣̇исваа ‘‘гимзд̇а’’нд̇и вад̇ваа г̇аат̇амааха –
So pācīnadisābhimukho gantvā ekāya vīthiyā otaritvā ‘‘padavaḷañjaṃ paññāyatū’’ti adhiṭṭhāya pācīnadvārasamīpe piṇḍāya caranto missakabhattaṃ saṃkaḍḍhitvā ekissaṃ sālāyaṃ nisīditvā missakabhattaṃ paribhuñji . Nagaradevatā ‘‘ayaṃ amhākaṃ ayyaṃ viheṭhetvā kathetī’’ti asahamānā āgamiṃsu. Athassa jeṭṭhakayakkho maṇḍabyassa gīvaṃ gahetvā parivattesi, sesadevatā sesabrāhmaṇānaṃ gīvaṃ gaṇhitvā parivattesuṃ. Bodhisatte muducittatāya pana ‘‘tassa putto’’ti naṃ na mārenti, kevalaṃ kilamentiyeva. Maṇḍabyassa sīsaṃ parivattitvā piṭṭhipassābhimukhaṃ jātaṃ, hatthapādā ujukā thaddhāva aṭṭhaṃsu, akkhīni kālakatasseva parivattiṃsu. So thaddhasarīrova nipajji, sesabrāhmaṇā mukhena kheḷaṃ vamantā aparāparaṃ parivattanti . Māṇavā ‘‘ayye, puttassa te kiṃ jāta’’nti diṭṭhamaṅgalikāya ārocayiṃsu. Sā vegena gantvā puttaṃ disvā ‘‘kimeta’’nti vatvā gāthamāha –
11.
11.
‘‘аавзллид̇ам̣ бидтид̇о уд̇д̇аман̇г̇ам̣, б̣аахум̣ басаарзд̇и агамманзяяам̣;
‘‘Āvellitaṃ piṭṭhito uttamaṅgaṃ, bāhuṃ pasāreti akammaneyyaṃ;
сзд̇аани агкийни яат̇аа мад̇асса, го мз имам̣ буд̇д̇амагааси зва’’нд̇и.
Setāni akkhīni yathā matassa, ko me imaṃ puttamakāsi eva’’nti.
д̇ад̇т̇а аавзллид̇анд̇и баривад̇д̇ид̇ам̣.
Tattha āvellitanti parivattitaṃ.
ат̇ассаа д̇асмим̣ таанз тид̇аж̇ано аарожзд̇ум̣ г̇аат̇амааха –
Athassā tasmiṃ ṭhāne ṭhitajano ārocetuṃ gāthamāha –
12.
12.
‘‘ид̇хааг̇амаа саман̣о д̣̇уммаваасий, од̇аллаго бам̣субисаажагова;
‘‘Idhāgamā samaṇo dummavāsī, otallako paṃsupisācakova;
сан̇гааражол̣ам̣ бадимун̃жа ган̣тз, со д̇з имам̣ буд̇д̇амагааси зва’’нд̇и.
Saṅkāracoḷaṃ paṭimuñca kaṇṭhe, so te imaṃ puttamakāsi eva’’nti.
саа д̇ам̣ суд̇ваава жинд̇зси ‘‘ан̃н̃ассзд̇ам̣ б̣алам̣ над̇т̇и, ниссам̣саяам̣ маад̇ан̇г̇абан̣д̣ид̇о бхависсад̇и, самбаннамзд̇д̇аабхаавано ко бана д̇хийро на зд̇д̇агам̣ ж̇анам̣ гиламзд̇ваа г̇амиссад̇и, гад̇арам̣ ну ко д̣̇исам̣ г̇ад̇о бхависсад̇ий’’д̇и. д̇ад̇о бужчанд̇ий г̇аат̇амааха –
Sā taṃ sutvāva cintesi ‘‘aññassetaṃ balaṃ natthi, nissaṃsayaṃ mātaṅgapaṇḍito bhavissati, sampannamettābhāvano kho pana dhīro na ettakaṃ janaṃ kilametvā gamissati, kataraṃ nu kho disaṃ gato bhavissatī’’ti. Tato pucchantī gāthamāha –
13.
13.
‘‘гад̇амам̣ д̣̇исам̣ аг̇амаа бхуурибан̃н̃о, агкаат̇а мз маан̣аваа зд̇амад̇т̇ам̣;
‘‘Katamaṃ disaṃ agamā bhūripañño, akkhātha me māṇavā etamatthaṃ;
г̇анд̇ваана д̇ам̣ бадигарзму ажжаяам̣, аббзва нам̣ буд̇д̇а лабхзму ж̇ийвид̇а’’нд̇и.
Gantvāna taṃ paṭikaremu accayaṃ, appeva naṃ putta labhemu jīvita’’nti.
д̇ад̇т̇а г̇анд̇ваанаад̇и д̇асса санд̇игам̣ г̇анд̇ваа. д̇ам̣ бадигарзму ажжаяанд̇и д̇ам̣ ажжаяам̣ бадигариссаама д̣̇зсзссаама, камаабзссаама нанд̇и. буд̇д̇а лабхзму ж̇ийвид̇анд̇и аббзва наама буд̇д̇асса ж̇ийвид̇ам̣ лабхзяяаама.
Tattha gantvānāti tassa santikaṃ gantvā. Taṃ paṭikaremu accayanti taṃ accayaṃ paṭikarissāma desessāma, khamāpessāma nanti. Putta labhemu jīvitanti appeva nāma puttassa jīvitaṃ labheyyāma.
ат̇ассаа д̇ад̇т̇а тид̇аа маан̣аваа гат̇знд̇аа г̇аат̇амаахам̣су –
Athassā tattha ṭhitā māṇavā kathentā gāthamāhaṃsu –
14.
14.
‘‘взхааяасам̣ аг̇амаа бхуурибан̃н̃о, бат̇ад̣̇д̇хуно баннарасзва жанд̣̇о;
‘‘Vehāyasaṃ agamā bhūripañño, pathaddhuno pannaraseva cando;
аби жааби со буримад̣̇исам̣ аг̇ажчи, сажжаббадин̃н̃о иси саад̇хуруубо’’д̇и.
Api cāpi so purimadisaṃ agacchi, saccappaṭiñño isi sādhurūpo’’ti.
д̇ад̇т̇а бат̇ад̣̇д̇хунод̇и аагаасабат̇асан̇каад̇асса ад̣̇д̇хуно маж̇жхз тид̇о баннарасз жанд̣̇о вияа. аби жааби сод̇и абижа ко бана со бурад̇т̇имам̣ д̣̇исам̣ г̇ад̇о.
Tattha pathaddhunoti ākāsapathasaṅkhātassa addhuno majjhe ṭhito pannarase cando viya. Api cāpi soti apica kho pana so puratthimaṃ disaṃ gato.
саа д̇зсам̣ важанам̣ суд̇ваа ‘‘мама саамигам̣ убад̇хаарзссаамий’’д̇и суван̣н̣агаласасуван̣н̣асарагаани г̇аахаабзд̇ваа д̣̇аасиг̇ан̣абаривуд̇аа д̇зна бад̣̇авал̣ан̃ж̇асса ад̇хидтид̇адтаанам̣ бад̇ваа д̇знаанусаарзна г̇ажчанд̇ий д̇асмим̣ бийтигааяа нисийд̣̇ид̇ваа бхун̃ж̇амаанз д̇асса санд̇игам̣ г̇анд̇ваа ванд̣̇ид̇ваа адтааси. со д̇ам̣ д̣̇исваа т̇огам̣ од̣̇анам̣ бад̇д̇з табзси. д̣̇идтаман̇г̇алигаа суван̣н̣агаласзна д̇асса уд̣̇агам̣ ад̣̇ааси. со д̇ад̇т̇зва хад̇т̇ам̣ д̇ховид̇ваа мукам̣ вигкаалзси. ат̇а нам̣ саа ‘‘гзна мз буд̇д̇асса со виббагааро гад̇о’’д̇и бужчанд̇ий г̇аат̇амааха –
Sā tesaṃ vacanaṃ sutvā ‘‘mama sāmikaṃ upadhāressāmī’’ti suvaṇṇakalasasuvaṇṇasarakāni gāhāpetvā dāsigaṇaparivutā tena padavaḷañjassa adhiṭṭhitaṭṭhānaṃ patvā tenānusārena gacchantī tasmiṃ pīṭhikāya nisīditvā bhuñjamāne tassa santikaṃ gantvā vanditvā aṭṭhāsi. So taṃ disvā thokaṃ odanaṃ patte ṭhapesi. Diṭṭhamaṅgalikā suvaṇṇakalasena tassa udakaṃ adāsi. So tattheva hatthaṃ dhovitvā mukhaṃ vikkhālesi. Atha naṃ sā ‘‘kena me puttassa so vippakāro kato’’ti pucchantī gāthamāha –
15.
15.
‘‘аавзллид̇ам̣ бидтид̇о уд̇д̇аман̇г̇ам̣, б̣аахум̣ басаарзд̇и агамманзяяам̣;
‘‘Āvellitaṃ piṭṭhito uttamaṅgaṃ, bāhuṃ pasāreti akammaneyyaṃ;
сзд̇аани агкийни яат̇аа мад̇асса, го мз имам̣ буд̇д̇амагааси зва’’нд̇и.
Setāni akkhīni yathā matassa, ko me imaṃ puttamakāsi eva’’nti.
д̇ад̇о бараа д̇зсам̣ важанабадиважанаг̇аат̇аа хонд̇и –
Tato parā tesaṃ vacanapaṭivacanagāthā honti –
16.
16.
‘‘яагкаа хавз санд̇и махаанубхааваа, анвааг̇ад̇аа исаяо саад̇хуруубаа;
‘‘Yakkhā have santi mahānubhāvā, anvāgatā isayo sādhurūpā;
д̇з д̣̇удтажид̇д̇ам̣ губид̇ам̣ вид̣̇ид̇ваа, яагкаа хи д̇з буд̇д̇амагам̣су звам̣.
Te duṭṭhacittaṃ kupitaṃ viditvā, yakkhā hi te puttamakaṃsu evaṃ.
17.
17.
‘‘яагкаа жа мз буд̇д̇амагам̣су звам̣, д̇ван̃н̃зва мз маа гуд̣̇д̇хо б̣рахмажаари;
‘‘Yakkhā ca me puttamakaṃsu evaṃ, tvaññeva me mā kuddho brahmacāri;
д̇умхзва баад̣̇з саран̣ам̣ г̇ад̇аасми, анвааг̇ад̇аа буд̇д̇асогзна бхигку.
Tumheva pāde saraṇaṃ gatāsmi, anvāgatā puttasokena bhikkhu.
18.
18.
‘‘д̇ад̣̇зва хи зд̇арахи жа маяхам̣, манобад̣̇осо на мамад̇т̇и гожи;
‘‘Tadeva hi etarahi ca mayhaṃ, manopadoso na mamatthi koci;
буд̇д̇о жа д̇з взд̣̇амад̣̇зна мад̇д̇о, ад̇т̇ам̣ на ж̇аанаад̇и ад̇хижжа взд̣̇з.
Putto ca te vedamadena matto, atthaṃ na jānāti adhicca vede.
19.
19.
‘‘ад̣̇д̇хаа хавз бхигку мухуд̇д̇агзна, саммуяхад̇зва бурисасса сан̃н̃аа;
‘‘Addhā have bhikkhu muhuttakena, sammuyhateva purisassa saññā;
згаабараад̇хам̣ кама бхуурибан̃н̃а, на бан̣д̣ид̇аа год̇хаб̣алаа бхаванд̇ий’’д̇и.
Ekāparādhaṃ khama bhūripañña, na paṇḍitā kodhabalā bhavantī’’ti.
д̇ад̇т̇а яагкаад̇и наг̇арабариг̇г̇аахагаяагкаа. анвааг̇ад̇аад̇и ану ааг̇ад̇аа, исаяо саад̇хуруубаа г̇ун̣асамбаннаад̇и звам̣ ж̇аанамаанаад̇и ад̇т̇о. д̇зд̇и д̇з исийнам̣ г̇ун̣ам̣ н̃ад̇ваа д̇ава буд̇д̇ам̣ д̣̇удтажид̇д̇ам̣ губид̇ажид̇д̇ам̣ вид̣̇ид̇ваа. д̇ван̃н̃зва мзд̇и сажз яагкаа губид̇аа звамагам̣су, гаронд̇у, д̣̇звад̇аа наама баанийяаул̣ун̇гамад̇д̇зна санд̇аббзд̇ум̣ саггаа, д̇асмаахам̣ д̇зсам̣ на бхааяаами, гзвалам̣ д̇ван̃н̃зва мз буд̇д̇асса маа гуж̇жхи. анвааг̇ад̇аад̇и ааг̇ад̇аасми. бхигкууд̇и махаасад̇д̇ам̣ аалабанд̇ий буд̇д̇асса ж̇ийвид̇ад̣̇аанам̣ яаажад̇и. д̇ад̣̇зва хийд̇и д̣̇идтаман̇г̇алигз д̇ад̣̇аа д̇ава буд̇д̇асса мам̣ аггосанагаалз жа маяхам̣ манобад̣̇осо над̇т̇и, зд̇арахи жа д̇аяи яаажамаанааяаби мама д̇асмим̣ манобад̣̇осо над̇т̇иязва. взд̣̇амад̣̇знаад̇и ‘‘д̇аяо взд̣̇аа мз уг̇г̇ахид̇аа’’д̇и мад̣̇зна. ад̇хижжаад̇и взд̣̇з уг̇г̇ахзд̇вааби ад̇т̇аанад̇т̇ам̣ на ж̇аанаад̇и. мухуд̇д̇агзнаад̇и яам̣ гин̃жи уг̇г̇ахзд̇ваа мухуд̇д̇агзнзва.
Tattha yakkhāti nagarapariggāhakayakkhā. Anvāgatāti anu āgatā, isayo sādhurūpā guṇasampannāti evaṃ jānamānāti attho. Teti te isīnaṃ guṇaṃ ñatvā tava puttaṃ duṭṭhacittaṃ kupitacittaṃ viditvā. Tvaññeva meti sace yakkhā kupitā evamakaṃsu, karontu, devatā nāma pānīyauḷuṅkamattena santappetuṃ sakkā, tasmāhaṃ tesaṃ na bhāyāmi, kevalaṃ tvaññeva me puttassa mā kujjhi. Anvāgatāti āgatāsmi. Bhikkhūti mahāsattaṃ ālapantī puttassa jīvitadānaṃ yācati. Tadeva hīti diṭṭhamaṅgalike tadā tava puttassa maṃ akkosanakāle ca mayhaṃ manopadoso natthi, etarahi ca tayi yācamānāyapi mama tasmiṃ manopadoso natthiyeva. Vedamadenāti ‘‘tayo vedā me uggahitā’’ti madena. Adhiccāti vede uggahetvāpi atthānatthaṃ na jānāti. Muhuttakenāti yaṃ kiñci uggahetvā muhuttakeneva.
звам̣ д̇ааяа камаабияамаано махаасад̇д̇о ‘‘д̇зна хи зд̇зсам̣ яагкаанам̣ балааяанад̇т̇ааяа амад̇осад̇хам̣ д̣̇ассаамий’’д̇и вад̇ваа г̇аат̇амааха –
Evaṃ tāya khamāpiyamāno mahāsatto ‘‘tena hi etesaṃ yakkhānaṃ palāyanatthāya amatosadhaṃ dassāmī’’ti vatvā gāthamāha –
20.
20.
‘‘ид̣̇ан̃жа маяхам̣ уд̇д̇идтабин̣д̣ам̣, д̇ава ман̣д̣аб̣яо бхун̃ж̇ад̇у аббабан̃н̃о;
‘‘Idañca mayhaṃ uttiṭṭhapiṇḍaṃ, tava maṇḍabyo bhuñjatu appapañño;
яагкаа жа д̇з нам̣ на вихзтаязяяум̣, буд̇д̇о жа д̇з хзссад̇и со арог̇о’’д̇и.
Yakkhā ca te naṃ na viheṭhayeyyuṃ, putto ca te hessati so arogo’’ti.
д̇ад̇т̇а уд̇д̇идтабин̣д̣анд̇и ужчидтагабин̣д̣ам̣, ‘‘ужчидтабин̣д̣а’’нд̇иби баато.
Tattha uttiṭṭhapiṇḍanti ucchiṭṭhakapiṇḍaṃ, ‘‘ucchiṭṭhapiṇḍa’’ntipi pāṭho.
саа махаасад̇д̇асса важанам̣ суд̇ваа ‘‘д̣̇зт̇а, саами, амад̇осад̇ха’’нд̇и суван̣н̣асарагам̣ убанаамзси. махаасад̇д̇о ужчидтагаган̃ж̇игам̣ д̇ад̇т̇а аасин̃жид̇ваа ‘‘батаман̃н̃зва ид̇о убад̣дхам̣ д̇ава буд̇д̇асса мукз осин̃жид̇ваа сзсам̣ жаадияам̣ уд̣̇агзна миссзд̇ваа сзсаб̣раахман̣аанам̣ мукз осин̃жзхи, саб̣б̣зби нирог̇аа бхависсанд̇ий’’д̇и вад̇ваа уббад̇ид̇ваа химаванд̇амзва г̇ад̇о. сааби д̇ам̣ сарагам̣ сийсзнаад̣̇ааяа ‘‘амад̇осад̇хам̣ мз лад̣̇д̇ха’’нд̇и вад̣̇анд̇ий нивзсанам̣ г̇анд̇ваа батамам̣ буд̇д̇асса мукз ган̃ж̇игам̣ осин̃жи, яагко балааяи. ид̇аро бам̣сум̣ бун̃чанд̇о удтааяа ‘‘амма гимзд̇а’’нд̇и ааха. д̇аяаа гад̇ам̣ д̇вамзва ж̇ааниссаси. зхи, д̇аад̇а, д̇ава д̣̇агкин̣зяяаанам̣ д̇зсам̣ виббагаарам̣ бассаад̇и. со д̇з д̣̇исваа виббадисаарий ахоси. ат̇а нам̣ маад̇аа ‘‘д̇аад̇а ман̣д̣аб̣яа, д̇вам̣ б̣аало д̣̇аанасса махабпаладтаанам̣ на ж̇аанааси, д̣̇агкин̣зяяаа наама зваруубаа на хонд̇и, маад̇ан̇г̇абан̣д̣ид̇асад̣̇исаава хонд̇и, ид̇о бадтааяа маа зд̇зсам̣ д̣̇уссийлаанам̣ д̣̇аанамад̣̇ааси, сийлаванд̇аанам̣ д̣̇зхий’’д̇и вад̇ваа ааха –
Sā mahāsattassa vacanaṃ sutvā ‘‘detha, sāmi, amatosadha’’nti suvaṇṇasarakaṃ upanāmesi. Mahāsatto ucchiṭṭhakakañjikaṃ tattha āsiñcitvā ‘‘paṭhamaññeva ito upaḍḍhaṃ tava puttassa mukhe osiñcitvā sesaṃ cāṭiyaṃ udakena missetvā sesabrāhmaṇānaṃ mukhe osiñcehi, sabbepi nirogā bhavissantī’’ti vatvā uppatitvā himavantameva gato. Sāpi taṃ sarakaṃ sīsenādāya ‘‘amatosadhaṃ me laddha’’nti vadantī nivesanaṃ gantvā paṭhamaṃ puttassa mukhe kañjikaṃ osiñci, yakkho palāyi. Itaro paṃsuṃ puñchanto uṭṭhāya ‘‘amma kimeta’’nti āha. Tayā kataṃ tvameva jānissasi. Ehi, tāta, tava dakkhiṇeyyānaṃ tesaṃ vippakāraṃ passāti. So te disvā vippaṭisārī ahosi. Atha naṃ mātā ‘‘tāta maṇḍabya, tvaṃ bālo dānassa mahapphalaṭṭhānaṃ na jānāsi, dakkhiṇeyyā nāma evarūpā na honti, mātaṅgapaṇḍitasadisāva honti, ito paṭṭhāya mā etesaṃ dussīlānaṃ dānamadāsi, sīlavantānaṃ dehī’’ti vatvā āha –
21.
21.
‘‘ман̣д̣аб̣яа б̣аалоси барид̇д̇абан̃н̃о, яо бун̃н̃агкзд̇д̇аанамаговид̣̇оси;
‘‘Maṇḍabya bālosi parittapañño, yo puññakkhettānamakovidosi;
махаггасаавзсу д̣̇ад̣̇ааси д̣̇аанам̣, гилидтагаммзсу асан̃н̃ад̇зсу.
Mahakkasāvesu dadāsi dānaṃ, kiliṭṭhakammesu asaññatesu.
22.
22.
‘‘ж̇адаа жа гзсаа аж̇инаа нивад̇т̇аа, ж̇арууд̣̇абаанам̣ва мукам̣ баруул̣хам̣;
‘‘Jaṭā ca kesā ajinā nivatthā, jarūdapānaṃva mukhaṃ parūḷhaṃ;
баж̇ам̣ имам̣ бассат̇а д̣̇уммаруубам̣, на ж̇адааж̇инам̣ д̇ааяад̇и аббабан̃н̃ам̣.
Pajaṃ imaṃ passatha dummarūpaṃ, na jaṭājinaṃ tāyati appapaññaṃ.
23.
23.
‘‘язсам̣ рааг̇о жа д̣̇осо жа, авиж̇ж̇аа жа вирааж̇ид̇аа;
‘‘Yesaṃ rāgo ca doso ca, avijjā ca virājitā;
кийн̣аасаваа араханд̇о, д̇зсу д̣̇иннам̣ махабпала’’нд̇и.
Khīṇāsavā arahanto, tesu dinnaṃ mahapphala’’nti.
д̇ад̇т̇а махаггасаавзсууд̇и махаагасаавзсу маханд̇зхи рааг̇агасааваад̣̇ийхи саманнааг̇ад̇зсу. ж̇адаа жа гзсаад̇и д̇аад̇а ман̣д̣аб̣яа, д̇ава д̣̇агкин̣зяязсу згажжаанам̣ гзсаа ж̇адаа гад̇ваа б̣ад̣̇д̇хаа. аж̇инаа нивад̇т̇аад̇и сакураани аж̇инажаммаани нивад̇т̇аа. ж̇арууд̣̇абаанам̣ ваад̇и д̇ин̣аг̇аханзна ж̇ин̣н̣агуубо вияа мукам̣ д̣̇ийгхамассуд̇ааяа баруул̣хам̣. баж̇ам̣ иманд̇и имам̣ зваруубам̣ анан̃ж̇ид̇ааман̣д̣ид̇алуукавзсам̣ баж̇ам̣ бассат̇а. на ж̇адааж̇инанд̇и зд̇ам̣ ж̇адааж̇инам̣ имам̣ аббабан̃н̃ам̣ баж̇ам̣ д̇ааяид̇ум̣ на саггод̇и, сийлабан̃н̃аан̣ад̇абогаммаанзва имзсам̣ сад̇д̇аанам̣ бад̇идтаа хонд̇и. язсанд̇и яасмаа язсам̣ зд̇з раж̇ж̇анад̣̇уссанамуяханасабхааваа рааг̇аад̣̇аяо адтавад̇т̇угаа жа авиж̇ж̇аа вирааж̇ид̇аа виг̇ад̇аа, виг̇ад̇ад̇д̇ааязва жа зд̇зсам̣ гилзсаанам̣ яз кийн̣аасаваа араханд̇о, д̇зсу д̣̇иннам̣ махабпалам̣, д̇асмаа д̇вам̣, д̇аад̇а, ид̇о бадтааяа зваруубаанам̣ д̣̇уссийлаанам̣ ад̣̇ад̇ваа яз логз адтасамаабад̇д̇илаабхино бан̃жаабхин̃н̃аа д̇хаммигасаман̣аб̣раахман̣аа жа бажжзгаб̣уд̣̇д̇хаа жа санд̇и, д̇зсам̣ д̣̇аанам̣ д̣̇зхи. зхи, д̇аад̇а, д̇ава гулуубагз амад̇осад̇хам̣ бааязд̇ваа арог̇з гариссаамаад̇и вад̇ваа ужчидтаган̃ж̇игам̣ г̇аахаабзд̇ваа уд̣̇агажаадияам̣ багкибид̇ваа сол̣асаннам̣ б̣раахман̣асахассаанам̣ мукзсу аасин̃жаабзси.
Tattha mahakkasāvesūti mahākasāvesu mahantehi rāgakasāvādīhi samannāgatesu. Jaṭā ca kesāti tāta maṇḍabya, tava dakkhiṇeyyesu ekaccānaṃ kesā jaṭā katvā baddhā. Ajinā nivatthāti sakhurāni ajinacammāni nivatthā. Jarūdapānaṃ vāti tiṇagahanena jiṇṇakūpo viya mukhaṃ dīghamassutāya parūḷhaṃ. Pajaṃ imanti imaṃ evarūpaṃ anañjitāmaṇḍitalūkhavesaṃ pajaṃ passatha. Na jaṭājinanti etaṃ jaṭājinaṃ imaṃ appapaññaṃ pajaṃ tāyituṃ na sakkoti, sīlapaññāṇatapokammāneva imesaṃ sattānaṃ patiṭṭhā honti. Yesanti yasmā yesaṃ ete rajjanadussanamuyhanasabhāvā rāgādayo aṭṭhavatthukā ca avijjā virājitā vigatā, vigatattāyeva ca etesaṃ kilesānaṃ ye khīṇāsavā arahanto, tesu dinnaṃ mahapphalaṃ, tasmā tvaṃ, tāta, ito paṭṭhāya evarūpānaṃ dussīlānaṃ adatvā ye loke aṭṭhasamāpattilābhino pañcābhiññā dhammikasamaṇabrāhmaṇā ca paccekabuddhā ca santi, tesaṃ dānaṃ dehi. Ehi, tāta, tava kulūpake amatosadhaṃ pāyetvā aroge karissāmāti vatvā ucchiṭṭhakañjikaṃ gāhāpetvā udakacāṭiyaṃ pakkhipitvā soḷasannaṃ brāhmaṇasahassānaṃ mukhesu āsiñcāpesi.
згзго бам̣сум̣ бун̃чанд̇ова удтахи. ат̇а нз б̣раахман̣аа ‘‘имзхи жан̣д̣аалужчидтагам̣ бийд̇а’’нд̇и аб̣раахман̣з гарим̣су. д̇з лаж̇ж̇ид̇аа б̣аараан̣асид̇о нигкамид̇ваа маж̇жхарадтам̣ г̇анд̇ваа маж̇жхаран̃н̃о санд̇игз васим̣су, ман̣д̣аб̣яо бана д̇ад̇т̇зва васи. д̇ад̣̇аа взд̇д̇авад̇ийнаг̇арам̣ убаниссааяа взд̇д̇авад̇ийнад̣̇ийд̇ийрз ж̇аад̇иманд̇о наамзго б̣раахман̣о баб̣б̣аж̇ид̇о ж̇аад̇им̣ ниссааяа маханд̇ам̣ маанамагааси. махаасад̇д̇о ‘‘зд̇асса маанам̣ бхинд̣̇иссаамий’’д̇и д̇ам̣ таанам̣ г̇анд̇ваа д̇асса санд̇игз убарисод̇з ваасам̣ габбзси. со згад̣̇ивасам̣ д̣̇анд̇агадтам̣ каад̣̇ид̇ваа ‘‘имам̣ д̣̇анд̇агадтам̣ ж̇аад̇иманд̇асса ж̇адаасу лаг̇г̇ад̇уу’’д̇и ад̇хидтааяа над̣̇ияам̣ баад̇зси. д̇ам̣ д̇асса уд̣̇агам̣ аажаманд̇асса ж̇адаасу лаг̇г̇и. со д̇ам̣ д̣̇исваава ‘‘насса васалаа’’д̇и вад̇ваа ‘‘гуд̇о аяам̣ гаал̣аган̣н̣ий ааг̇ад̇о, убад̇хаарзссаами на’’нд̇и уд̣̇д̇хам̣сод̇ам̣ г̇ажчанд̇о махаасад̇д̇ам̣ д̣̇исваа ‘‘гим̣ж̇аад̇игосий’’д̇и бужчи. ‘‘жан̣д̣аалосмий’’д̇и. ‘‘д̇аяаа над̣̇ияаа д̣̇анд̇агадтам̣ баад̇ид̇а’’нд̇и ? ‘‘аама, маяаа’’д̇и. ‘‘насса, васала, жан̣д̣аала гаал̣аган̣н̣и маа ид̇ха васи, хздтаасод̇з васаахий’’д̇и вад̇ваа хздтаасод̇з васанд̇знаби д̇зна баад̇ид̇з д̣̇анд̇агадтз бадисод̇ам̣ ааг̇анд̇ваа ж̇адаасу лаг̇г̇анд̇з со ‘‘насса васала, сажз ид̇ха васиссаси, сад̇д̇амз д̣̇ивасз сад̇д̇ад̇хаа муд̣̇д̇хаа палиссад̇ий’’д̇и ааха.
Ekeko paṃsuṃ puñchantova uṭṭhahi. Atha ne brāhmaṇā ‘‘imehi caṇḍālucchiṭṭhakaṃ pīta’’nti abrāhmaṇe kariṃsu. Te lajjitā bārāṇasito nikkhamitvā majjharaṭṭhaṃ gantvā majjharañño santike vasiṃsu, maṇḍabyo pana tattheva vasi. Tadā vettavatīnagaraṃ upanissāya vettavatīnadītīre jātimanto nāmeko brāhmaṇo pabbajito jātiṃ nissāya mahantaṃ mānamakāsi. Mahāsatto ‘‘etassa mānaṃ bhindissāmī’’ti taṃ ṭhānaṃ gantvā tassa santike uparisote vāsaṃ kappesi. So ekadivasaṃ dantakaṭṭhaṃ khāditvā ‘‘imaṃ dantakaṭṭhaṃ jātimantassa jaṭāsu laggatū’’ti adhiṭṭhāya nadiyaṃ pātesi. Taṃ tassa udakaṃ ācamantassa jaṭāsu laggi. So taṃ disvāva ‘‘nassa vasalā’’ti vatvā ‘‘kuto ayaṃ kāḷakaṇṇī āgato, upadhāressāmi na’’nti uddhaṃsotaṃ gacchanto mahāsattaṃ disvā ‘‘kiṃjātikosī’’ti pucchi. ‘‘Caṇḍālosmī’’ti. ‘‘Tayā nadiyā dantakaṭṭhaṃ pātita’’nti ? ‘‘Āma, mayā’’ti. ‘‘Nassa, vasala, caṇḍāla kāḷakaṇṇi mā idha vasi, heṭṭhāsote vasāhī’’ti vatvā heṭṭhāsote vasantenapi tena pātite dantakaṭṭhe paṭisotaṃ āgantvā jaṭāsu laggante so ‘‘nassa vasala, sace idha vasissasi, sattame divase sattadhā muddhā phalissatī’’ti āha.
махаасад̇д̇о ‘‘сажаахам̣ зд̇асса гуж̇жхиссаами, сийлам̣ мз арагкид̇ам̣ бхависсад̇и, убааязнзвасса маанам̣ бхинд̣̇иссаамий’’д̇и сад̇д̇амз д̣̇ивасз суурияуг̇г̇аманам̣ ниваарзси. мануссаа уб̣б̣аал̣хаа ж̇аад̇иманд̇ам̣ д̇аабасам̣ убасан̇гамид̇ваа ‘‘бханд̇з, д̇умхз суурияуг̇г̇аманам̣ на д̣̇зт̇аа’’д̇и бужчим̣су. со ааха – ‘‘на мз д̇ам̣ гаммам̣, над̣̇ийд̇ийрз банзго жан̣д̣аало васад̇и, д̇ассзд̇ам̣ гаммам̣ бхависсад̇ий’’д̇и. мануссаа махаасад̇д̇ам̣ убасан̇гамид̇ваа ‘‘д̇умхз, бханд̇з, суурияуг̇г̇аманам̣ на д̣̇зт̇аа’’д̇и бужчим̣су. ‘‘аамаавусо’’д̇и. ‘‘гим̣гааран̣аа’’д̇и. ‘‘д̇умхаагам̣ гулуубаго д̇аабасо мам̣ нирабараад̇хам̣ абхисаби, д̇асмим̣ ааг̇анд̇ваа камаабанад̇т̇ааяа мама баад̣̇зсу бад̇ид̇з суурияам̣ виссаж̇ж̇зссаамий’’д̇и. д̇з г̇анд̇ваа д̇ам̣ гад̣дханд̇аа аанзд̇ваа махаасад̇д̇асса баад̣̇амуулз нибаж̇ж̇аабзд̇ваа камаабзд̇ваа аахам̣су ‘‘суурияам̣ виссаж̇ж̇зт̇а бханд̇з’’д̇и. ‘‘на саггаа виссаж̇ж̇зд̇ум̣, сажаахам̣ виссаж̇ж̇зссаами, имасса сад̇д̇ад̇хаа муд̣̇д̇хаа палиссад̇ий’’д̇и. ‘‘ат̇а, бханд̇з, гим̣ гаромаа’’д̇и? со ‘‘мад̇д̇игаабин̣д̣ам̣ аахарат̇аа’’д̇и аахараабзд̇ваа ‘‘имам̣ д̇аабасасса сийсз табзд̇ваа д̇аабасам̣ од̇аарзд̇ваа уд̣̇агз табзт̇аа’’д̇и табаабзд̇ваа суурияам̣ виссаж̇ж̇зси. суурияарасмийхи бахадамад̇д̇з мад̇д̇игаабин̣д̣о сад̇д̇ад̇хаа бхиж̇ж̇и, д̇аабасо уд̣̇агз нимуж̇ж̇и.
Mahāsatto ‘‘sacāhaṃ etassa kujjhissāmi, sīlaṃ me arakkhitaṃ bhavissati, upāyenevassa mānaṃ bhindissāmī’’ti sattame divase sūriyuggamanaṃ nivāresi. Manussā ubbāḷhā jātimantaṃ tāpasaṃ upasaṅkamitvā ‘‘bhante, tumhe sūriyuggamanaṃ na dethā’’ti pucchiṃsu. So āha – ‘‘na me taṃ kammaṃ, nadītīre paneko caṇḍālo vasati, tassetaṃ kammaṃ bhavissatī’’ti. Manussā mahāsattaṃ upasaṅkamitvā ‘‘tumhe, bhante, sūriyuggamanaṃ na dethā’’ti pucchiṃsu. ‘‘Āmāvuso’’ti. ‘‘Kiṃkāraṇā’’ti. ‘‘Tumhākaṃ kulūpako tāpaso maṃ niraparādhaṃ abhisapi, tasmiṃ āgantvā khamāpanatthāya mama pādesu patite sūriyaṃ vissajjessāmī’’ti. Te gantvā taṃ kaḍḍhantā ānetvā mahāsattassa pādamūle nipajjāpetvā khamāpetvā āhaṃsu ‘‘sūriyaṃ vissajjetha bhante’’ti. ‘‘Na sakkā vissajjetuṃ, sacāhaṃ vissajjessāmi, imassa sattadhā muddhā phalissatī’’ti. ‘‘Atha, bhante, kiṃ karomā’’ti? So ‘‘mattikāpiṇḍaṃ āharathā’’ti āharāpetvā ‘‘imaṃ tāpasassa sīse ṭhapetvā tāpasaṃ otāretvā udake ṭhapethā’’ti ṭhapāpetvā sūriyaṃ vissajjesi. Sūriyarasmīhi pahaṭamatte mattikāpiṇḍo sattadhā bhijji, tāpaso udake nimujji.
махаасад̇д̇о д̇ам̣ д̣̇амзд̇ваа ‘‘гахам̣ ну ко д̣̇аани сол̣аса б̣раахман̣асахассаани васанд̇ий’’д̇и убад̇хаарзнд̇о ‘‘маж̇жхаран̃н̃о санд̇игз’’д̇и н̃ад̇ваа ‘‘д̇з д̣̇амзссаамий’’д̇и ид̣̇д̇хияаа г̇анд̇ваа наг̇арасааманд̇з од̇арид̇ваа бад̇д̇ам̣ аад̣̇ааяа наг̇арз бин̣д̣ааяа жари. б̣раахман̣аа д̇ам̣ д̣̇исваа ‘‘аяам̣ ид̇ха згам̣ д̣̇вз д̣̇ивасз васанд̇оби амхз аббад̇идтз гариссад̇ий’’д̇и взг̇зна г̇анд̇ваа ‘‘махаарааж̇а, мааяаагааро зго виж̇ж̇аад̇харо жоро ааг̇ад̇о, г̇ан̣хаабзт̇а на’’нд̇и ран̃н̃о аарожзсум̣. рааж̇аа ‘‘саад̇хуу’’д̇и самбадижчи. махаасад̇д̇оби миссагабхад̇д̇ам̣ аад̣̇ааяа ан̃н̃ад̇арам̣ гуддам̣ ниссааяа бийтигааяа нисинно бхун̃ж̇ад̇и. ат̇а нам̣ ан̃н̃авихид̇агам̣ аахаарам̣ барибхун̃ж̇амаанамзва ран̃н̃аа бахид̇абурисаа асинаа г̇ийвам̣ бахарид̇ваа ж̇ийвид̇агкаяам̣ баабзсум̣. со гаалам̣ гад̇ваа б̣рахмалогз ниб̣б̣ад̇д̇и. имасмим̣ гира ж̇аад̇агз б̣од̇хисад̇д̇о гон̣д̣ад̣̇амаго ахоси. со д̇знзва барад̇анд̇ияуд̇д̇абхаавзна ж̇ийвид̇агкаяам̣ баабун̣и. д̣̇звад̇аа гуж̇жхид̇ваа сагаламзва маж̇жхарадтам̣ ун̣хам̣ гуггул̣авассам̣ вассаабзд̇ваа радтам̣ арадтамагам̣су. д̇зна вуд̇д̇ам̣ –
Mahāsatto taṃ dametvā ‘‘kahaṃ nu kho dāni soḷasa brāhmaṇasahassāni vasantī’’ti upadhārento ‘‘majjharañño santike’’ti ñatvā ‘‘te damessāmī’’ti iddhiyā gantvā nagarasāmante otaritvā pattaṃ ādāya nagare piṇḍāya cari. Brāhmaṇā taṃ disvā ‘‘ayaṃ idha ekaṃ dve divase vasantopi amhe appatiṭṭhe karissatī’’ti vegena gantvā ‘‘mahārāja, māyākāro eko vijjādharo coro āgato, gaṇhāpetha na’’nti rañño ārocesuṃ. Rājā ‘‘sādhū’’ti sampaṭicchi. Mahāsattopi missakabhattaṃ ādāya aññataraṃ kuṭṭaṃ nissāya pīṭhikāya nisinno bhuñjati. Atha naṃ aññavihitakaṃ āhāraṃ paribhuñjamānameva raññā pahitapurisā asinā gīvaṃ paharitvā jīvitakkhayaṃ pāpesuṃ. So kālaṃ katvā brahmaloke nibbatti. Imasmiṃ kira jātake bodhisatto koṇḍadamako ahosi. So teneva paratantiyuttabhāvena jīvitakkhayaṃ pāpuṇi. Devatā kujjhitvā sakalameva majjharaṭṭhaṃ uṇhaṃ kukkuḷavassaṃ vassāpetvā raṭṭhaṃ araṭṭhamakaṃsu. Tena vuttaṃ –
‘‘убахажжа манам̣ маж̇жхо, маад̇ан̇г̇асмим̣ яасассинз;
‘‘Upahacca manaṃ majjho, mātaṅgasmiṃ yasassine;
сабаарисаж̇ж̇о ужчинно, маж̇жхааран̃н̃ам̣ д̇ад̣̇аа ахуу’’д̇и. (ж̇аа. 2.19.96);
Sapārisajjo ucchinno, majjhāraññaṃ tadā ahū’’ti. (jā. 2.19.96);
сад̇т̇аа имам̣ д̇хаммад̣̇зсанам̣ аахарид̇ваа ‘‘на ид̣̇аанзва, буб̣б̣зби уд̣̇зно баб̣б̣аж̇ид̇з вихзтзсиязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа ман̣д̣аб̣яо уд̣̇зно ахоси, маад̇ан̇г̇абан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na idāneva, pubbepi udeno pabbajite viheṭhesiyevā’’ti vatvā jātakaṃ samodhānesi – ‘‘tadā maṇḍabyo udeno ahosi, mātaṅgapaṇḍito pana ahameva ahosi’’nti.
маад̇ан̇г̇аж̇аад̇агаван̣н̣анаа батамаа.
Mātaṅgajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 497. маад̇ан̇г̇аж̇аад̇агам̣ • 497. Mātaṅgajātakaṃ
