| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. маад̇ан̇г̇абуд̇д̇ад̇т̇зраг̇аат̇ааван̣н̣анаа
5. Mātaṅgaputtattheragāthāvaṇṇanā
ад̇исийд̇анд̇и ааяасмад̇о маад̇ан̇г̇абуд̇д̇ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз химаванд̇асамийбз махад̇о ж̇аад̇ассарасса хздтаа махад̇и нааг̇абхаванз махаанубхааво нааг̇арааж̇аа худ̇ваа ниб̣б̣ад̇д̇о згад̣̇ивасам̣ нааг̇абхаванад̇о нигкамид̇ваа вижаранд̇о сад̇т̇аарам̣ аагаасзна г̇ажчанд̇ам̣ д̣̇исваа басаннамаанасо ад̇д̇ано сийсаман̣инаа бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларадтз маад̇ан̇г̇асса наама гудумб̣игасса буд̇д̇о худ̇ваа ниб̣б̣ад̇д̇о маад̇ан̇г̇абуд̇д̇од̇взва бан̃н̃ааяид̇т̇а. со вин̃н̃уд̇ам̣ бад̇д̇о аласаж̇аад̇иго худ̇ваа гин̃жи гаммам̣ агаронд̇о н̃аад̇агзхи ан̃н̃зхи жа г̇арахид̇о ‘‘сукаж̇ийвино имз саман̣аа сагяабуд̇д̇ияаа’’д̇и сукаж̇ийвид̇ам̣ ааган̇канд̇о бхигкуухи гад̇абарижаяо худ̇ваа сад̇т̇аарам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа ан̃н̃з бхигкуу ид̣̇д̇химанд̇з д̣̇исваа ид̣̇д̇хиб̣алам̣ бад̇т̇зд̇ваа сад̇т̇у санд̇игз гаммадтаанам̣ г̇ахзд̇ваа бхааванам̣ ануяун̃ж̇анд̇о чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.48.8-29) –
Atisītanti āyasmato mātaṅgaputtattherassa gāthā. Kā uppatti? Ayaṃ kira padumuttarassa bhagavato kāle himavantasamīpe mahato jātassarassa heṭṭhā mahati nāgabhavane mahānubhāvo nāgarājā hutvā nibbatto ekadivasaṃ nāgabhavanato nikkhamitvā vicaranto satthāraṃ ākāsena gacchantaṃ disvā pasannamānaso attano sīsamaṇinā pūjaṃ akāsi. So tena puññakammena devamanussesu saṃsaranto imasmiṃ buddhuppāde kosalaraṭṭhe mātaṅgassa nāma kuṭumbikassa putto hutvā nibbatto mātaṅgaputtotveva paññāyittha. So viññutaṃ patto alasajātiko hutvā kiñci kammaṃ akaronto ñātakehi aññehi ca garahito ‘‘sukhajīvino ime samaṇā sakyaputtiyā’’ti sukhajīvitaṃ ākaṅkhanto bhikkhūhi kataparicayo hutvā satthāraṃ upasaṅkamitvā dhammaṃ sutvā paṭiladdhasaddho pabbajitvā aññe bhikkhū iddhimante disvā iddhibalaṃ patthetvā satthu santike kammaṭṭhānaṃ gahetvā bhāvanaṃ anuyuñjanto chaḷabhiñño ahosi. Tena vuttaṃ apadāne (apa. thera 2.48.8-29) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
вивзгагаамо самб̣уд̣̇д̇хо, г̇ажчад̇з анилан̃ж̇асз.
Vivekakāmo sambuddho, gacchate anilañjase.
‘‘авид̣̇уурз химаванд̇асса, махааж̇аад̇ассаро аху;
‘‘Avidūre himavantassa, mahājātassaro ahu;
д̇ад̇т̇а мз бхаванам̣ ааси, бун̃н̃агаммзна сам̣яуд̇ам̣.
Tattha me bhavanaṃ āsi, puññakammena saṃyutaṃ.
‘‘бхаванаа абхинигкамма, ад̣̇д̣̇асам̣ логанааяагам̣;
‘‘Bhavanā abhinikkhamma, addasaṃ lokanāyakaṃ;
инд̣̇ийварам̣ва ж̇алид̇ам̣, аад̣̇ид̇д̇ам̣ва худ̇аасанам̣.
Indīvaraṃva jalitaṃ, ādittaṃva hutāsanaṃ.
‘‘вижинам̣ над̣̇д̣̇асам̣ бубпам̣, бууж̇аяиссанд̇и нааяагам̣;
‘‘Vicinaṃ naddasaṃ pupphaṃ, pūjayissanti nāyakaṃ;
сагам̣ жид̇д̇ам̣ басаад̣̇зд̇ваа, аванд̣̇им̣ сад̇т̇уно ахам̣.
Sakaṃ cittaṃ pasādetvā, avandiṃ satthuno ahaṃ.
‘‘мама сийсз ман̣им̣ г̇аяха, бууж̇аяим̣ логанааяагам̣;
‘‘Mama sīse maṇiṃ gayha, pūjayiṃ lokanāyakaṃ;
имааяа ман̣ибууж̇ааяа, вибааго ход̇у бхад̣̇д̣̇аго.
Imāya maṇipūjāya, vipāko hotu bhaddako.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
анд̇алигкз тид̇о сад̇т̇аа, имам̣ г̇аат̇ам̣ абхаасат̇а.
Antalikkhe ṭhito satthā, imaṃ gāthaṃ abhāsatha.
‘‘со д̇з иж̇жхад̇у сан̇габбо, лабхассу вибулам̣ сукам̣;
‘‘So te ijjhatu saṅkappo, labhassu vipulaṃ sukhaṃ;
имааяа ман̣ибууж̇ааяа, анубхохи махааяасам̣.
Imāya maṇipūjāya, anubhohi mahāyasaṃ.
‘‘ид̣̇ам̣ вад̇ваана бхаг̇аваа, ж̇алаж̇уд̇д̇аманаамаго;
‘‘Idaṃ vatvāna bhagavā, jalajuttamanāmako;
аг̇амааси б̣уд̣̇д̇хасздто, яад̇т̇а жид̇д̇ам̣ бан̣ийхид̇ам̣.
Agamāsi buddhaseṭṭho, yattha cittaṃ paṇīhitaṃ.
‘‘садтигаббаани д̣̇звинд̣̇о, д̣̇звараж̇ж̇амагаараяим̣;
‘‘Saṭṭhikappāni devindo, devarajjamakārayiṃ;
анзгасад̇агкад̇д̇ун̃жа, жаггавад̇д̇ий ахосахам̣.
Anekasatakkhattuñca, cakkavattī ahosahaṃ.
‘‘буб̣б̣агаммам̣ саранд̇асса, д̣̇звабхууд̇асса мз сад̇о;
‘‘Pubbakammaṃ sarantassa, devabhūtassa me sato;
ман̣и ниб̣б̣ад̇д̇ад̇з маяхам̣, аалогагаран̣о мамам̣.
Maṇi nibbattate mayhaṃ, ālokakaraṇo mamaṃ.
‘‘чал̣асийд̇исахассаани , наарияо мз бариг̇г̇ахаа;
‘‘Chaḷasītisahassāni , nāriyo me pariggahā;
вижид̇д̇авад̇т̇аабхаран̣аа, аамуггаман̣игун̣д̣алаа.
Vicittavatthābharaṇā, āmukkamaṇikuṇḍalā.
‘‘ал̣аарабамхаа хасулаа, сусан̃н̃аа д̇анумаж̇жхимаа;
‘‘Aḷārapamhā hasulā, susaññā tanumajjhimā;
бариваарзнд̇и мам̣ нижжам̣, ман̣ибууж̇ааяид̣̇ам̣ палам̣.
Parivārenti maṃ niccaṃ, maṇipūjāyidaṃ phalaṃ.
‘‘сон̣н̣амаяаа ман̣имаяаа, лохид̇ан̇гамаяаа д̇ат̇аа;
‘‘Soṇṇamayā maṇimayā, lohitaṅkamayā tathā;
бхан̣д̣аа мз сугад̇аа хонд̇и, яад̣̇ижчаси бил̣анд̇ханаа.
Bhaṇḍā me sukatā honti, yadicchasi piḷandhanā.
‘‘гуудааг̇аараа г̇ахаа раммаа, саяанан̃жа махаарахам̣;
‘‘Kūṭāgārā gahā rammā, sayanañca mahārahaṃ;
мама сан̇габбаман̃н̃ааяа, ниб̣б̣ад̇д̇анд̇и яад̣̇ижчагам̣.
Mama saṅkappamaññāya, nibbattanti yadicchakaṃ.
‘‘лаабхаа д̇зсам̣ сулад̣̇д̇хан̃жа, яз лабханд̇и убассуд̇им̣;
‘‘Lābhā tesaṃ suladdhañca, ye labhanti upassutiṃ;
бун̃н̃агкзд̇д̇ам̣ мануссаанам̣, осад̇хам̣ саб̣б̣абаан̣инам̣.
Puññakkhettaṃ manussānaṃ, osadhaṃ sabbapāṇinaṃ.
‘‘маяхамби сугад̇ам̣ гаммам̣, яохам̣ ад̣̇агки нааяагам̣;
‘‘Mayhampi sukataṃ kammaṃ, yohaṃ adakkhi nāyakaṃ;
винибаад̇аа бамуд̇д̇омхи, бад̇д̇омхи ажалам̣ бад̣̇ам̣.
Vinipātā pamuttomhi, pattomhi acalaṃ padaṃ.
‘‘яам̣ яам̣ яонуубабаж̇ж̇аами, д̣̇звад̇д̇ам̣ ат̇а маанусам̣;
‘‘Yaṃ yaṃ yonūpapajjāmi, devattaṃ atha mānusaṃ;
д̣̇ивасан̃жзва рад̇д̇ин̃жа, аалого ход̇и мз сад̣̇аа.
Divasañceva rattiñca, āloko hoti me sadā.
‘‘д̇ааязва ман̣ибууж̇ааяа, анубход̇ваана самбад̣̇аа;
‘‘Tāyeva maṇipūjāya, anubhotvāna sampadā;
н̃аан̣аалого маяаа д̣̇идто, бад̇д̇омхи ажалам̣ бад̣̇ам̣.
Ñāṇāloko mayā diṭṭho, pattomhi acalaṃ padaṃ.
‘‘сад̇асахассид̇о габбз, яам̣ ман̣им̣ абхибууж̇аяим̣;
‘‘Satasahassito kappe, yaṃ maṇiṃ abhipūjayiṃ;
д̣̇уг̇г̇ад̇им̣ наабхиж̇аанаами, ман̣ибууж̇ааяид̣̇ам̣ палам̣.
Duggatiṃ nābhijānāmi, maṇipūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа буг̇г̇алаад̇хидтаанавасзна госаж̇ж̇ам̣ г̇араханд̇о ад̇д̇ано жа вийрияаарамбхам̣ гид̇д̇знд̇о –
Chaḷabhiñño pana hutvā puggalādhiṭṭhānavasena kosajjaṃ garahanto attano ca vīriyārambhaṃ kittento –
231.
231.
‘‘ад̇исийд̇ам̣ ад̇иун̣хам̣, ад̇исааяамид̣̇ам̣ аху;
‘‘Atisītaṃ atiuṇhaṃ, atisāyamidaṃ ahu;
ид̇и виссадтагамманд̇з, кан̣аа ажжзнд̇и маан̣авз.
Iti vissaṭṭhakammante, khaṇā accenti māṇave.
232.
232.
‘‘яо жа сийд̇ан̃жа ун̣хан̃жа, д̇ин̣аа бхияяо на ман̃н̃ад̇и;
‘‘Yo ca sītañca uṇhañca, tiṇā bhiyyo na maññati;
гарам̣ бурисагижжаани, со сукаа на вихааяад̇и.
Karaṃ purisakiccāni, so sukhā na vihāyati.
233.
233.
‘‘д̣̇аб̣б̣ам̣ гусам̣ бодагилам̣, усийрам̣ мун̃ж̇абаб̣б̣аж̇ам̣;
‘‘Dabbaṃ kusaṃ poṭakilaṃ, usīraṃ muñjapabbajaṃ;
урасаа бануд̣̇иссаами, вивзгамануб̣руухаяа’’нд̇и. – г̇аат̇аад̇д̇аяамааха;
Urasā panudissāmi, vivekamanubrūhaya’’nti. – gāthāttayamāha;
д̇ад̇т̇а ад̇исийд̇анд̇и химабаад̇авад̣̇д̣̇алаад̣̇инаа ад̇ивияа сийд̇ам̣, ид̣̇ам̣ ахууд̇и аанзд̇ваа самб̣анд̇хо. ад̇иун̣ханд̇и д̇хаммабарид̇аабаад̣̇инаа ад̇ивияа ун̣хам̣, убхаязнаби уд̇увасзна госаж̇ж̇авад̇т̇умааха. ад̇исааяанд̇и д̣̇ивасасса барин̣ад̇ияаа ад̇исааяам̣, сааяаг̇г̇ахан̣знзва жзд̇т̇а баад̇оби сан̇г̇аяхад̇и , д̇ад̣̇убхаязна гаалавасзна госаж̇ж̇авад̇т̇умааха. ид̇ийд̇и иминаа багаарзна. зд̇зна ‘‘ид̇ха, бхигкавз, бхигкунаа гаммам̣ гад̇д̇аб̣б̣ам̣ ход̇ий’’д̇иаад̣̇инаа (а. ни. 8.80; д̣̇ий. ни. 3.334) вуд̇д̇ам̣ госаж̇ж̇авад̇т̇ум̣ сан̇г̇ан̣хаад̇и. виссадтагамманд̇зд̇и барижжад̇д̇аяог̇агамманд̇з. кан̣аад̇и б̣уд̣̇д̇хуббаад̣̇аад̣̇аяо б̣рахмажарияаваасасса огаасаа. ажжзнд̇ийд̇и ад̇иггаманд̇и. маан̣авзд̇и сад̇д̇з. д̇ин̣аа бхияяо на ман̃н̃ад̇ийд̇и д̇ин̣ад̇о убари на ман̃н̃ад̇и, д̇ин̣ам̣ вияа ман̃н̃ад̇и, сийд̇ун̣хаани абхибхавид̇ваа ад̇д̇анаа гад̇д̇аб̣б̣ам̣ гарод̇и. гаранд̇и гаронд̇о. бурисагижжаанийд̇и вийрабурисзна гад̇д̇аб̣б̣аани ад̇д̇ахид̇абарахид̇аани. сукаад̇и сукад̇о, ниб̣б̣аанасукад̇од̇и ад̇хиббааяо. д̇ад̇ияаг̇аат̇ааяа ад̇т̇о хздтаа вуд̇д̇оязва.
Tattha atisītanti himapātavaddalādinā ativiya sītaṃ, idaṃ ahūti ānetvā sambandho. Atiuṇhanti dhammaparitāpādinā ativiya uṇhaṃ, ubhayenapi utuvasena kosajjavatthumāha. Atisāyanti divasassa pariṇatiyā atisāyaṃ, sāyaggahaṇeneva cettha pātopi saṅgayhati , tadubhayena kālavasena kosajjavatthumāha. Itīti iminā pakārena. Etena ‘‘idha, bhikkhave, bhikkhunā kammaṃ kattabbaṃ hotī’’tiādinā (a. ni. 8.80; dī. ni. 3.334) vuttaṃ kosajjavatthuṃ saṅgaṇhāti. Vissaṭṭhakammanteti pariccattayogakammante. Khaṇāti buddhuppādādayo brahmacariyavāsassa okāsā. Accentīti atikkamanti. Māṇaveti satte. Tiṇā bhiyyo na maññatīti tiṇato upari na maññati, tiṇaṃ viya maññati, sītuṇhāni abhibhavitvā attanā kattabbaṃ karoti. Karanti karonto. Purisakiccānīti vīrapurisena kattabbāni attahitaparahitāni. Sukhāti sukhato, nibbānasukhatoti adhippāyo. Tatiyagāthāya attho heṭṭhā vuttoyeva.
маад̇ан̇г̇абуд̇д̇ад̇т̇зраг̇аат̇ааван̣н̣анаа нидтид̇аа.
Mātaṅgaputtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. маад̇ан̇г̇абуд̇д̇ад̇т̇зраг̇аат̇аа • 5. Mātaṅgaputtattheragāthā
