Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

5. маад̇аабуд̇д̇асуд̇д̇ам̣

5. Mātāputtasuttaṃ

55. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна саавад̇т̇ияам̣ убхо маад̇аабуд̇д̇аа вассааваасам̣ убаг̇амим̣су ¹ – бхигку жа бхигкуний жа. д̇з ан̃н̃аман̃н̃асса абхин̣хам̣ д̣̇ассанагаамаа ахзсум̣. маад̇ааби буд̇д̇асса абхин̣хам̣ д̣̇ассанагаамаа ахоси; буд̇д̇оби маад̇арам̣ абхин̣хам̣ д̣̇ассанагаамо ахоси. д̇зсам̣ абхин̣хам̣ д̣̇ассанаа сам̣саг̇г̇о ахоси. сам̣саг̇г̇з сад̇и виссаасо ахоси. виссаасз сад̇и од̇ааро ахоси. д̇з од̇ин̣н̣ажид̇д̇аа сигкам̣ абажжагкааяа д̣̇уб̣б̣аляам̣ анаавигад̇ваа мзт̇унам̣ д̇хаммам̣ бадисзвим̣су.

55. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sāvatthiyaṃ ubho mātāputtā vassāvāsaṃ upagamiṃsu ² – bhikkhu ca bhikkhunī ca. Te aññamaññassa abhiṇhaṃ dassanakāmā ahesuṃ. Mātāpi puttassa abhiṇhaṃ dassanakāmā ahosi; puttopi mātaraṃ abhiṇhaṃ dassanakāmo ahosi. Tesaṃ abhiṇhaṃ dassanā saṃsaggo ahosi. Saṃsagge sati vissāso ahosi. Vissāse sati otāro ahosi. Te otiṇṇacittā sikkhaṃ apaccakkhāya dubbalyaṃ anāvikatvā methunaṃ dhammaṃ paṭiseviṃsu.

ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха, бханд̇з, саавад̇т̇ияам̣ убхо маад̇аабуд̇д̇аа вассааваасам̣ убаг̇амим̣су – бхигку жа бхигкуний жа, д̇з ан̃н̃аман̃н̃асса абхин̣хам̣ д̣̇ассанагаамаа ахзсум̣, маад̇ааби буд̇д̇асса абхин̣хам̣ д̣̇ассанагаамаа ахоси, буд̇д̇оби маад̇арам̣ абхин̣хам̣ д̣̇ассанагаамо ахоси. д̇зсам̣ абхин̣хам̣ д̣̇ассанаа сам̣саг̇г̇о ахоси, сам̣саг̇г̇з сад̇и виссаасо ахоси, виссаасз сад̇и од̇ааро ахоси, д̇з од̇ин̣н̣ажид̇д̇аа сигкам̣ абажжагкааяа д̣̇уб̣б̣аляам̣ анаавигад̇ваа мзт̇унам̣ д̇хаммам̣ бадисзвим̣суу’’д̇и.

Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho te bhikkhū bhagavantaṃ etadavocuṃ – ‘‘idha, bhante, sāvatthiyaṃ ubho mātāputtā vassāvāsaṃ upagamiṃsu – bhikkhu ca bhikkhunī ca, te aññamaññassa abhiṇhaṃ dassanakāmā ahesuṃ, mātāpi puttassa abhiṇhaṃ dassanakāmā ahosi, puttopi mātaraṃ abhiṇhaṃ dassanakāmo ahosi. Tesaṃ abhiṇhaṃ dassanā saṃsaggo ahosi, saṃsagge sati vissāso ahosi, vissāse sati otāro ahosi, te otiṇṇacittā sikkhaṃ apaccakkhāya dubbalyaṃ anāvikatvā methunaṃ dhammaṃ paṭiseviṃsū’’ti.

‘‘гим̣ ну со, бхигкавз, могхабурисо ман̃н̃ад̇и – ‘на маад̇аа буд̇д̇з саараж̇ж̇ад̇и, буд̇д̇о ваа бана маад̇арий’д̇и? наахам̣, бхигкавз, ан̃н̃ам̣ згаруубамби саманубассаами звам̣ ³ раж̇анийяам̣ звам̣ гаманийяам̣ звам̣ мад̣̇анийяам̣ звам̣ б̣анд̇ханийяам̣ звам̣ мужчанийяам̣ звам̣ анд̇арааяагарам̣ ануд̇д̇арасса яог̇агкзмасса ад̇хиг̇амааяа яат̇аяид̣̇ам̣, бхигкавз, ид̇т̇ируубам̣. ид̇т̇ируубз, бхигкавз, сад̇д̇аа рад̇д̇аа г̇ид̣̇д̇хаа г̇ат̇ид̇аа ⁴ мужчид̇аа аж̇жхосаннаа ⁵. д̇з д̣̇ийгхарад̇д̇ам̣ сожанд̇и ид̇т̇ируубавасаануг̇аа.

‘‘Kiṃ nu so, bhikkhave, moghapuriso maññati – ‘na mātā putte sārajjati, putto vā pana mātarī’ti? Nāhaṃ, bhikkhave, aññaṃ ekarūpampi samanupassāmi evaṃ ⁶ rajanīyaṃ evaṃ kamanīyaṃ evaṃ madanīyaṃ evaṃ bandhanīyaṃ evaṃ mucchanīyaṃ evaṃ antarāyakaraṃ anuttarassa yogakkhemassa adhigamāya yathayidaṃ, bhikkhave, itthirūpaṃ. Itthirūpe, bhikkhave, sattā rattā giddhā gathitā ⁷ mucchitā ajjhosannā ⁸. Te dīgharattaṃ socanti itthirūpavasānugā.

‘‘наахам̣, бхигкавз, ан̃н̃ам̣ згасад̣̇д̣̇амби…бз… згаг̇анд̇хамби… згарасамби… згаподтаб̣б̣амби саманубассаами звам̣ раж̇анийяам̣ звам̣ гаманийяам̣ звам̣ мад̣̇анийяам̣ звам̣ б̣анд̇ханийяам̣ звам̣ мужчанийяам̣ звам̣ анд̇арааяагарам̣ ануд̇д̇арасса яог̇агкзмасса ад̇хиг̇амааяа яат̇аяид̣̇ам̣, бхигкавз, ид̇т̇иподтаб̣б̣ам̣ . ид̇т̇иподтаб̣б̣з, бхигкавз, сад̇д̇аа рад̇д̇аа г̇ид̣̇д̇хаа г̇ат̇ид̇аа мужчид̇аа аж̇жхосаннаа. д̇з д̣̇ийгхарад̇д̇ам̣ сожанд̇и ид̇т̇иподтаб̣б̣авасаануг̇аа.

‘‘Nāhaṃ, bhikkhave, aññaṃ ekasaddampi…pe… ekagandhampi… ekarasampi… ekaphoṭṭhabbampi samanupassāmi evaṃ rajanīyaṃ evaṃ kamanīyaṃ evaṃ madanīyaṃ evaṃ bandhanīyaṃ evaṃ mucchanīyaṃ evaṃ antarāyakaraṃ anuttarassa yogakkhemassa adhigamāya yathayidaṃ, bhikkhave, itthiphoṭṭhabbaṃ . Itthiphoṭṭhabbe, bhikkhave, sattā rattā giddhā gathitā mucchitā ajjhosannā. Te dīgharattaṃ socanti itthiphoṭṭhabbavasānugā.

‘‘ид̇т̇ий, бхигкавз, г̇ажчанд̇ийби бурисасса жид̇д̇ам̣ барияаад̣̇ааяа д̇идтад̇и; тид̇ааби…бз… нисиннааби… саяаанааби… хасанд̇ийби… бхан̣анд̇ийби… г̇ааяанд̇ийби… род̣̇анд̇ийби… уг̇гхаад̇ид̇ааби ⁹ … мад̇ааби бурисасса жид̇д̇ам̣ барияаад̣̇ааяа д̇идтад̇и. яан̃хи д̇ам̣, бхигкавз, саммаа вад̣̇амаано вад̣̇зяяа – ‘саманд̇абаасо маарассаа’д̇и маад̇уг̇аамам̣язва саммаа вад̣̇амаано вад̣̇зяяа – ‘саманд̇абаасо маарассаа’’’д̇и.

‘‘Itthī, bhikkhave, gacchantīpi purisassa cittaṃ pariyādāya tiṭṭhati; ṭhitāpi…pe… nisinnāpi… sayānāpi… hasantīpi… bhaṇantīpi… gāyantīpi… rodantīpi… ugghātitāpi ¹⁰ … matāpi purisassa cittaṃ pariyādāya tiṭṭhati. Yañhi taṃ, bhikkhave, sammā vadamāno vadeyya – ‘samantapāso mārassā’ti mātugāmaṃyeva sammā vadamāno vadeyya – ‘samantapāso mārassā’’’ti.

‘‘саллабз асихад̇т̇зна, бисаажзнааби саллабз;

‘‘Sallape asihatthena, pisācenāpi sallape;

аасийвисамби аасийд̣̇з ¹¹, язна д̣̇адто на ж̇ийвад̇и.

Āsīvisampi āsīde ¹², yena daṭṭho na jīvati.

‘‘над̇взва зго згааяа, маад̇уг̇аамзна саллабз;

‘‘Natveva eko ekāya, mātugāmena sallape;

мудтассад̇им̣ д̇аа б̣анд̇ханд̇и, бзгкид̇зна сид̇зна жа ¹³.

Muṭṭhassatiṃ tā bandhanti, pekkhitena sitena ca ¹⁴.

‘‘ат̇оби д̣̇уннивад̇т̇зна, ман̃ж̇унаа бхан̣ид̇зна жа;

‘‘Athopi dunnivatthena, mañjunā bhaṇitena ca;

нзсо ж̇ано сваасийсад̣̇о, аби уг̇гхаад̇ид̇о мад̇о.

Neso jano svāsīsado, api ugghātito mato.

‘‘бан̃жа гаамаг̇ун̣аа зд̇з, ид̇т̇ируубасмим̣ д̣̇иссарз;

‘‘Pañca kāmaguṇā ete, itthirūpasmiṃ dissare;

руубаа сад̣̇д̣̇аа расаа г̇анд̇хаа, подтаб̣б̣аа жа манорамаа.

Rūpā saddā rasā gandhā, phoṭṭhabbā ca manoramā.

‘‘д̇зсам̣ гаамогхавуул̣хаанам̣, гаамз абариж̇аанад̇ам̣;

‘‘Tesaṃ kāmoghavūḷhānaṃ, kāme aparijānataṃ;

гаалам̣ г̇ад̇и ¹⁵ бхаваабхавам̣, сам̣саарасмим̣ бурагкад̇аа.

Kālaṃ gati ¹⁶ bhavābhavaṃ, saṃsārasmiṃ purakkhatā.

‘‘яз жа гаамз барин̃н̃ааяа, жаранд̇и агуд̇обхаяаа;

‘‘Ye ca kāme pariññāya, caranti akutobhayā;

д̇з вз бааран̇г̇ад̇аа логз, яз бад̇д̇аа аасавагкаяа’’нд̇и. бан̃жамам̣;

Te ve pāraṅgatā loke, ye pattā āsavakkhaya’’nti. pañcamaṃ;

Next: 6. убаж̇жхааяасуд̇д̇ам̣ • 6. Upajjhāyasuttaṃ

Footnotes:

1. убасан̇гамим̣су (га.)

2. upasaṅkamiṃsu (ka.)

3. яам̣ звам̣ (сий.)

4. г̇ад̇хид̇аа (сяаа. бий. га.)

5. аж̇жхобаннаа (б̣ахуусу)

6. yaṃ evaṃ (sī.)

7. gadhitā (syā. pī. ka.)

8. ajjhopannā (bahūsu)

9. уг̇гхаанид̇ааби (сий.)

10. ugghānitāpi (sī.)

11. аасад̣̇д̣̇з (сяаа. гам̣.)

12. āsadde (syā. kaṃ.)

13. мхид̇зна жа (сяаа. гам̣.)

14. mhitena ca (syā. kaṃ.)

15. г̇ад̇им̣ (сий. сяаа. гам̣. бий.)

16. gatiṃ (sī. syā. kaṃ. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. маад̇аабуд̇д̇асуд̇д̇аван̣н̣анаа • 5. Mātāputtasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. маад̇аабуд̇д̇асуд̇д̇аван̣н̣анаа • 5. Mātāputtasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact