| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. மாதாபுத்தஸுத்தவண்ணனா
5. Mātāputtasuttavaṇṇanā
55. பஞ்சமே பரியாதா³ய திட்ட²தீதி பரியாதி³யித்வா க³ஹெத்வா கே²பெத்வா திட்ட²தி. உக்³கா⁴திதாதி உத்³து⁴மாதா.
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
அஸிஹத்தே²னாதி ஸீஸச்சே²த³னத்தா²ய அஸிங் ஆதா³ய ஆக³தேனாபி. பிஸாசேனாதி கா²தி³துங் ஆக³தயக்கே²னாபி. ஆஸீதே³தி க⁴ட்டெய்ய. மஞ்ஜுனாதி முது³கேன. காமோக⁴வுள்ஹானந்தி காமோகே⁴ன வுள்ஹானங் கட்³டி⁴தானங். காலங் க³தி ப⁴வாப⁴வந்தி வட்டகாலங் க³திஞ்ச புனப்புனப்³ப⁴வே ச. புரக்க²தாதி புரேசாரிகா புரதோ க³தாயேவ. யே ச காமே பரிஞ்ஞாயாதி யே பண்டி³தா து³விதே⁴பி காமே தீஹி பரிஞ்ஞாஹி பரிஜானித்வா. சரந்தி அகுதோப⁴யாதி கீ²ணாஸவானங் குதோசி ப⁴யங் நாம நத்தி², தஸ்மா தே அகுதோப⁴யா ஹுத்வா சரந்தி. பாரங்க³தாதி பாரங் வுச்சதி நிப்³பா³னங், தங் உபக³தா, ஸச்சி²கத்வா டி²தாதி அத்தோ². ஆஸவக்க²யந்தி அரஹத்தங். இமஸ்மிங் ஸுத்தே வட்டமேவ கதெ²த்வா கா³தா²ஸு வட்டவிவட்டங் கதி²தங்.
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. மாதாபுத்தஸுத்தங் • 5. Mātāputtasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. மாதாபுத்தஸுத்தவண்ணனா • 5. Mātāputtasuttavaṇṇanā
