| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৫. মাতাপুত্তসুত্তৰণ্ণনা
5. Mātāputtasuttavaṇṇanā
৫৫. পঞ্চমে পরিযাদায তিট্ঠতীতি পরিযাদিযিত্ৰা গহেত্ৰা খেপেত্ৰা তিট্ঠতি। উগ্ঘাতিতাতি উদ্ধুমাতা।
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
অসিহত্থেনাতি সীসচ্ছেদনত্থায অসিং আদায আগতেনাপি। পিসাচেনাতি খাদিতুং আগতযক্খেনাপি। আসীদেতি ঘট্টেয্য। মঞ্জুনাতি মুদুকেন। কামোঘৰুল়্হানন্তি কামোঘেন ৰুল়্হানং কড্ঢিতানং। কালং গতি ভৰাভৰন্তি ৰট্টকালং গতিঞ্চ পুনপ্পুনব্ভৰে চ। পুরক্খতাতি পুরেচারিকা পুরতো গতাযেৰ। যে চ কামে পরিঞ্ঞাযাতি যে পণ্ডিতা দুৰিধেপি কামে তীহি পরিঞ্ঞাহি পরিজানিত্ৰা। চরন্তি অকুতোভযাতি খীণাসৰানং কুতোচি ভযং নাম নত্থি, তস্মা তে অকুতোভযা হুত্ৰা চরন্তি। পারঙ্গতাতি পারং ৰুচ্চতি নিব্বানং, তং উপগতা, সচ্ছিকত্ৰা ঠিতাতি অত্থো। আসৰক্খযন্তি অরহত্তং। ইমস্মিং সুত্তে ৰট্টমেৰ কথেত্ৰা গাথাসু ৰট্টৰিৰট্টং কথিতং।
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৫. মাতাপুত্তসুত্তং • 5. Mātāputtasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫. মাতাপুত্তসুত্তৰণ্ণনা • 5. Mātāputtasuttavaṇṇanā
