| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. маад̇аабуд̇д̇асуд̇д̇аван̣н̣анаа
5. Mātāputtasuttavaṇṇanā
55. бан̃жамз барияаад̣̇ааяа д̇идтад̇ийд̇и барияаад̣̇ияид̇ваа г̇ахзд̇ваа кзбзд̇ваа д̇идтад̇и. уг̇гхаад̇ид̇аад̇и уд̣̇д̇хумаад̇аа.
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
асихад̇т̇знаад̇и сийсажчзд̣̇анад̇т̇ааяа асим̣ аад̣̇ааяа ааг̇ад̇знааби. бисаажзнаад̇и каад̣̇ид̇ум̣ ааг̇ад̇аяагкзнааби. аасийд̣̇зд̇и гхаддзяяа. ман̃ж̇унаад̇и муд̣̇угзна. гаамогхавул̣хаананд̇и гаамогхзна вул̣хаанам̣ гад̣дхид̇аанам̣. гаалам̣ г̇ад̇и бхаваабхаванд̇и ваддагаалам̣ г̇ад̇ин̃жа бунаббунаб̣бхавз жа. бурагкад̇аад̇и бурзжааригаа бурад̇о г̇ад̇ааязва. яз жа гаамз барин̃н̃ааяаад̇и яз бан̣д̣ид̇аа д̣̇увид̇хзби гаамз д̇ийхи барин̃н̃аахи бариж̇аанид̇ваа. жаранд̇и агуд̇обхаяаад̇и кийн̣аасаваанам̣ гуд̇ожи бхаяам̣ наама над̇т̇и, д̇асмаа д̇з агуд̇обхаяаа худ̇ваа жаранд̇и. бааран̇г̇ад̇аад̇и баарам̣ вужжад̇и ниб̣б̣аанам̣, д̇ам̣ убаг̇ад̇аа, сажчигад̇ваа тид̇аад̇и ад̇т̇о. аасавагкаяанд̇и арахад̇д̇ам̣. имасмим̣ суд̇д̇з ваддамзва гат̇зд̇ваа г̇аат̇аасу ваддавиваддам̣ гат̇ид̇ам̣.
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. маад̇аабуд̇д̇асуд̇д̇ам̣ • 5. Mātāputtasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. маад̇аабуд̇д̇асуд̇д̇аван̣н̣анаа • 5. Mātāputtasuttavaṇṇanā
