| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
५. मातापुत्तसुत्तवण्णना
5. Mātāputtasuttavaṇṇanā
५५. पञ्चमे परियादाय तिट्ठतीति परियादियित्वा गहेत्वा खेपेत्वा तिट्ठति। उग्घातिताति उद्धुमाता।
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
असिहत्थेनाति सीसच्छेदनत्थाय असिं आदाय आगतेनापि। पिसाचेनाति खादितुं आगतयक्खेनापि। आसीदेति घट्टेय्य। मञ्जुनाति मुदुकेन। कामोघवुळ्हानन्ति कामोघेन वुळ्हानं कड्ढितानं। कालं गति भवाभवन्ति वट्टकालं गतिञ्च पुनप्पुनब्भवे च। पुरक्खताति पुरेचारिका पुरतो गतायेव। ये च कामे परिञ्ञायाति ये पण्डिता दुविधेपि कामे तीहि परिञ्ञाहि परिजानित्वा। चरन्ति अकुतोभयाति खीणासवानं कुतोचि भयं नाम नत्थि, तस्मा ते अकुतोभया हुत्वा चरन्ति। पारङ्गताति पारं वुच्चति निब्बानं, तं उपगता, सच्छिकत्वा ठिताति अत्थो। आसवक्खयन्ति अरहत्तं। इमस्मिं सुत्ते वट्टमेव कथेत्वा गाथासु वट्टविवट्टं कथितं।
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ५. मातापुत्तसुत्तं • 5. Mātāputtasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५. मातापुत्तसुत्तवण्णना • 5. Mātāputtasuttavaṇṇanā
