| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๕. มาตาปุตฺตสุตฺตวณฺณนา
5. Mātāputtasuttavaṇṇanā
๕๕. ปญฺจเม ปริยาทาย ติฎฺฐตีติ ปริยาทิยิตฺวา คเหตฺวา เขเปตฺวา ติฎฺฐติฯ อุคฺฆาติตาติ อุทฺธุมาตาฯ
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
อสิหเตฺถนาติ สีสเจฺฉทนตฺถาย อสิํ อาทาย อาคเตนาปิฯ ปิสาเจนาติ ขาทิตุํ อาคตยเกฺขนาปิฯ อาสีเทติ ฆเฎฺฎยฺยฯ มญฺชุนาติ มุทุเกนฯ กาโมฆวุฬฺหานนฺติ กาโมเฆน วุฬฺหานํ กฑฺฒิตานํฯ กาลํ คติ ภวาภวนฺติ วฎฺฎกาลํ คติญฺจ ปุนปฺปุนพฺภเว จฯ ปุรกฺขตาติ ปุเรจาริกา ปุรโต คตาเยวฯ เย จ กาเม ปริญฺญายาติ เย ปณฺฑิตา ทุวิเธปิ กาเม ตีหิ ปริญฺญาหิ ปริชานิตฺวาฯ จรนฺติ อกุโตภยาติ ขีณาสวานํ กุโตจิ ภยํ นาม นตฺถิ, ตสฺมา เต อกุโตภยา หุตฺวา จรนฺติฯ ปารงฺคตาติ ปารํ วุจฺจติ นิพฺพานํ, ตํ อุปคตา, สจฺฉิกตฺวา ฐิตาติ อโตฺถฯ อาสวกฺขยนฺติ อรหตฺตํฯ อิมสฺมิํ สุเตฺต วฎฺฎเมว กเถตฺวา คาถาสุ วฎฺฎวิวฎฺฎํ กถิตํฯ
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๕. มาตาปุตฺตสุตฺตํ • 5. Mātāputtasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕. มาตาปุตฺตสุตฺตวณฺณนา • 5. Mātāputtasuttavaṇṇanā
