| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၅. မာတာပုတ္တသုတ္တဝဏ္ဏနာ
5. Mātāputtasuttavaṇṇanā
၅၅. ပဉ္စမေ ဝိသ္သာသောတိ ဝိသစ္ဆာယသန္တာနော ဘာဝော။ ဩတာရောတိ တတ္ထ စိတ္တသ္သ အနုပ္ပဝေသော။ ဂဟေတ္ဝာတိ အတ္တနော ဧဝ ဩကာသံ ဂဟေတ္ဝာ။ ခေပေတ္ဝာတိ ကုသလဝာရံ ခေပေတ္ဝာ။
55. Pañcame vissāsoti visacchāyasantāno bhāvo. Otāroti tattha cittassa anuppaveso. Gahetvāti attano eva okāsaṃ gahetvā. Khepetvāti kusalavāraṃ khepetvā.
ဃဋ္ဋေယ္ယာတိ အက္ကမနာဒိဝသေန ဗာဓေယ္ယ။ တီဟိ ပရိညာဟီတိ ဉာတတီရဏပ္ပဟာနသင္ခာတာဟိ တီဟိ ပရိညာဟိ။ နတ္ထိ ဧတေသံ ကုတောစိ ဘယန္တိ အကုတောဘယာ, နိဗ္ဘယာတိ အတ္ထော။ စတုန္နံ ဩဃာနံ, သံသာရမဟောဃသ္သေဝ ဝာ ပာရံ ပရိယန္တံ ဂတာ။ တေနာဟ ‘‘ပာရံ ဝုစ္စတိ နိဗ္ဗာန’’န္တိအာဒိ။
Ghaṭṭeyyāti akkamanādivasena bādheyya. Tīhi pariññāhīti ñātatīraṇappahānasaṅkhātāhi tīhi pariññāhi. Natthi etesaṃ kutoci bhayanti akutobhayā, nibbhayāti attho. Catunnaṃ oghānaṃ, saṃsāramahoghasseva vā pāraṃ pariyantaṃ gatā. Tenāha ‘‘pāraṃ vuccati nibbāna’’ntiādi.
မာတာပုတ္တသုတ္တဝဏ္ဏနာ နိဋ္ဌိတာ။
Mātāputtasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၅. မာတာပုတ္တသုတ္တံ • 5. Mātāputtasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၅. မာတာပုတ္တသုတ္တဝဏ္ဏနာ • 5. Mātāputtasuttavaṇṇanā
