| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೫. ಮಾತಾಪುತ್ತಸುತ್ತವಣ್ಣನಾ
5. Mātāputtasuttavaṇṇanā
೫೫. ಪಞ್ಚಮೇ ಪರಿಯಾದಾಯ ತಿಟ್ಠತೀತಿ ಪರಿಯಾದಿಯಿತ್ವಾ ಗಹೇತ್ವಾ ಖೇಪೇತ್ವಾ ತಿಟ್ಠತಿ। ಉಗ್ಘಾತಿತಾತಿ ಉದ್ಧುಮಾತಾ।
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
ಅಸಿಹತ್ಥೇನಾತಿ ಸೀಸಚ್ಛೇದನತ್ಥಾಯ ಅಸಿಂ ಆದಾಯ ಆಗತೇನಾಪಿ। ಪಿಸಾಚೇನಾತಿ ಖಾದಿತುಂ ಆಗತಯಕ್ಖೇನಾಪಿ। ಆಸೀದೇತಿ ಘಟ್ಟೇಯ್ಯ। ಮಞ್ಜುನಾತಿ ಮುದುಕೇನ। ಕಾಮೋಘವುಳ್ಹಾನನ್ತಿ ಕಾಮೋಘೇನ ವುಳ್ಹಾನಂ ಕಡ್ಢಿತಾನಂ। ಕಾಲಂ ಗತಿ ಭವಾಭವನ್ತಿ ವಟ್ಟಕಾಲಂ ಗತಿಞ್ಚ ಪುನಪ್ಪುನಬ್ಭವೇ ಚ। ಪುರಕ್ಖತಾತಿ ಪುರೇಚಾರಿಕಾ ಪುರತೋ ಗತಾಯೇವ। ಯೇ ಚ ಕಾಮೇ ಪರಿಞ್ಞಾಯಾತಿ ಯೇ ಪಣ್ಡಿತಾ ದುವಿಧೇಪಿ ಕಾಮೇ ತೀಹಿ ಪರಿಞ್ಞಾಹಿ ಪರಿಜಾನಿತ್ವಾ। ಚರನ್ತಿ ಅಕುತೋಭಯಾತಿ ಖೀಣಾಸವಾನಂ ಕುತೋಚಿ ಭಯಂ ನಾಮ ನತ್ಥಿ, ತಸ್ಮಾ ತೇ ಅಕುತೋಭಯಾ ಹುತ್ವಾ ಚರನ್ತಿ। ಪಾರಙ್ಗತಾತಿ ಪಾರಂ ವುಚ್ಚತಿ ನಿಬ್ಬಾನಂ, ತಂ ಉಪಗತಾ, ಸಚ್ಛಿಕತ್ವಾ ಠಿತಾತಿ ಅತ್ಥೋ। ಆಸವಕ್ಖಯನ್ತಿ ಅರಹತ್ತಂ। ಇಮಸ್ಮಿಂ ಸುತ್ತೇ ವಟ್ಟಮೇವ ಕಥೇತ್ವಾ ಗಾಥಾಸು ವಟ್ಟವಿವಟ್ಟಂ ಕಥಿತಂ।
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೫. ಮಾತಾಪುತ್ತಸುತ್ತಂ • 5. Mātāputtasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೫. ಮಾತಾಪುತ್ತಸುತ್ತವಣ್ಣನಾ • 5. Mātāputtasuttavaṇṇanā
