| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
5. මාතාපුත්‌තසුත්‌තවණ්‌ණනා
5. Mātāputtasuttavaṇṇanā
55. පඤ්‌චමෙ පරියාදාය තිට්‌ඨතීති පරියාදියිත්‌වා ගහෙත්‌වා ඛෙපෙත්‌වා තිට්‌ඨති. උග්‌ඝාතිතාති උද්‌ධුමාතා.
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
අසිහත්‌ථෙනාති සීසච්‌ඡෙදනත්‌ථාය අසිං ආදාය ආගතෙනාපි. පිසාචෙනාති ඛාදිතුං ආගතයක්‌ඛෙනාපි. ආසීදෙති ඝට්‌ටෙය්‍ය. මඤ්‌ජුනාති මුදුකෙන. කාමොඝවුළ්‌හානන්‌ති කාමොඝෙන වුළ්‌හානං කඩ්‌ඪිතානං. කාලං ගති භවාභවන්‌ති වට්‌ටකාලං ගතිඤ්‌ච පුනප්‌පුනබ්‌භවෙ ච. පුරක්‌ඛතාති පුරෙචාරිකා පුරතො ගතායෙව. යෙ ච කාමෙ පරිඤ්‌ඤායාති යෙ පණ්‌ඩිතා දුවිධෙපි කාමෙ තීහි පරිඤ්‌ඤාහි පරිජානිත්‌වා. චරන්‌ති අකුතොභයාති ඛීණාසවානං කුතොචි භයං නාම නත්‌ථි, තස්‌මා තෙ අකුතොභයා හුත්‌වා චරන්‌ති. පාරඞ්‌ගතාති පාරං වුච්‌චති නිබ්‌බානං, තං උපගතා, සච්‌ඡිකත්‌වා ඨිතාති අත්‌ථො. ආසවක්‌ඛයන්‌ති අරහත්‌තං. ඉමස්‌මිං සුත්‌තෙ වට්‌ටමෙව කථෙත්‌වා ගාථාසු වට්‌ටවිවට්‌ටං කථිතං.
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 5. මාතාපුත්‌තසුත්‌තං • 5. Mātāputtasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5. මාතාපුත්‌තසුත්‌තවණ්‌ණනා • 5. Mātāputtasuttavaṇṇanā
