| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਮਾਤਾਪੁਤ੍ਤਸੁਤ੍ਤવਣ੍ਣਨਾ
5. Mātāputtasuttavaṇṇanā
੫੫. ਪਞ੍ਚਮੇ ਪਰਿਯਾਦਾਯ ਤਿਟ੍ਠਤੀਤਿ ਪਰਿਯਾਦਿਯਿਤ੍વਾ ਗਹੇਤ੍વਾ ਖੇਪੇਤ੍વਾ ਤਿਟ੍ਠਤਿ। ਉਗ੍ਘਾਤਿਤਾਤਿ ਉਦ੍ਧੁਮਾਤਾ।
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
ਅਸਿਹਤ੍ਥੇਨਾਤਿ ਸੀਸਚ੍ਛੇਦਨਤ੍ਥਾਯ ਅਸਿਂ ਆਦਾਯ ਆਗਤੇਨਾਪਿ। ਪਿਸਾਚੇਨਾਤਿ ਖਾਦਿਤੁਂ ਆਗਤਯਕ੍ਖੇਨਾਪਿ। ਆਸੀਦੇਤਿ ਘਟ੍ਟੇਯ੍ਯ। ਮਞ੍ਜੁਨਾਤਿ ਮੁਦੁਕੇਨ। ਕਾਮੋਘવੁਲ਼੍ਹਾਨਨ੍ਤਿ ਕਾਮੋਘੇਨ વੁਲ਼੍ਹਾਨਂ ਕਡ੍ਢਿਤਾਨਂ। ਕਾਲਂ ਗਤਿ ਭવਾਭવਨ੍ਤਿ વਟ੍ਟਕਾਲਂ ਗਤਿਞ੍ਚ ਪੁਨਪ੍ਪੁਨਬ੍ਭવੇ ਚ। ਪੁਰਕ੍ਖਤਾਤਿ ਪੁਰੇਚਾਰਿਕਾ ਪੁਰਤੋ ਗਤਾਯੇવ। ਯੇ ਚ ਕਾਮੇ ਪਰਿਞ੍ਞਾਯਾਤਿ ਯੇ ਪਣ੍ਡਿਤਾ ਦੁવਿਧੇਪਿ ਕਾਮੇ ਤੀਹਿ ਪਰਿਞ੍ਞਾਹਿ ਪਰਿਜਾਨਿਤ੍વਾ। ਚਰਨ੍ਤਿ ਅਕੁਤੋਭਯਾਤਿ ਖੀਣਾਸવਾਨਂ ਕੁਤੋਚਿ ਭਯਂ ਨਾਮ ਨਤ੍ਥਿ, ਤਸ੍ਮਾ ਤੇ ਅਕੁਤੋਭਯਾ ਹੁਤ੍વਾ ਚਰਨ੍ਤਿ। ਪਾਰਙ੍ਗਤਾਤਿ ਪਾਰਂ વੁਚ੍ਚਤਿ ਨਿਬ੍ਬਾਨਂ, ਤਂ ਉਪਗਤਾ, ਸਚ੍ਛਿਕਤ੍વਾ ਠਿਤਾਤਿ ਅਤ੍ਥੋ। ਆਸવਕ੍ਖਯਨ੍ਤਿ ਅਰਹਤ੍ਤਂ। ਇਮਸ੍ਮਿਂ ਸੁਤ੍ਤੇ વਟ੍ਟਮੇવ ਕਥੇਤ੍વਾ ਗਾਥਾਸੁ વਟ੍ਟવਿવਟ੍ਟਂ ਕਥਿਤਂ।
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਮਾਤਾਪੁਤ੍ਤਸੁਤ੍ਤਂ • 5. Mātāputtasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਮਾਤਾਪੁਤ੍ਤਸੁਤ੍ਤવਣ੍ਣਨਾ • 5. Mātāputtasuttavaṇṇanā
