| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[317] 7. мад̇арод̣̇анаж̇аад̇агаван̣н̣анаа
[317] 7. Matarodanajātakavaṇṇanā
мад̇ам̣ мад̇ам̣ зва род̣̇ат̇аад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ саавад̇т̇иваасим̣ гудумб̣игам̣ аараб̣бха гат̇зси. д̇асса гира бхаад̇аа гааламагааси. со д̇асса гаалагирияааяа согаабхибхууд̇о на нхааяад̇и на бхун̃ж̇ад̇и на вилимбад̇и, баад̇ова сусаанам̣ г̇анд̇ваа согасамаббид̇о род̣̇ад̇и. сад̇т̇аа бажжуусасамаяз логам̣ ологзнд̇о д̇асса сод̇аабад̇д̇ипалуубаниссаяам̣ д̣̇исваа ‘‘имасса ад̇ийд̇агааран̣ам̣ аахарид̇ваа согам̣ вуубасамзд̇ваа сод̇аабад̇д̇ипалам̣ д̣̇аад̇ум̣ табзд̇ваа мам̣ ан̃н̃о гожи самад̇т̇о над̇т̇и, имасса маяаа авассаязна бхавид̇ум̣ ваддад̇ий’’д̇и бунад̣̇ивасз бажчаабхад̇д̇ам̣ бин̣д̣абаад̇абадигганд̇о бажчаасаман̣ам̣ аад̣̇ааяа д̇асса гхарад̣̇ваарам̣ г̇анд̇ваа ‘‘сад̇т̇аа ааг̇ад̇о’’д̇и суд̇ваа аасанам̣ бан̃н̃абзд̇ваа ‘‘бавзсзт̇аа’’д̇и гудумб̣игзна вуд̇д̇о бависид̇ваа бан̃н̃ад̇д̇з аасанз нисийд̣̇и. гудумб̣игоби ааг̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. ат̇а нам̣ сад̇т̇аа ‘‘гим̣ гудумб̣ига жинд̇зсий’’д̇и ааха. ‘‘аама, бханд̇з, мама бхаад̇у мад̇агаалад̇о бадтааяа жинд̇змий’’д̇и. ‘‘аавусо, саб̣б̣з сан̇каараа анижжаа, бхиж̇ж̇ид̇аб̣б̣аяуд̇д̇агам̣ бхиж̇ж̇ад̇и, на д̇ад̇т̇а жинд̇зд̇аб̣б̣ам̣, бораан̣агабан̣д̣ид̇ааби бхаад̇ари мад̇зби ‘бхиж̇ж̇ид̇аб̣б̣аяуд̇д̇агам̣ бхиж̇ж̇ад̇ий’д̇и на жинд̇аяим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Mataṃmataṃ eva rodathāti idaṃ satthā jetavane viharanto aññataraṃ sāvatthivāsiṃ kuṭumbikaṃ ārabbha kathesi. Tassa kira bhātā kālamakāsi. So tassa kālakiriyāya sokābhibhūto na nhāyati na bhuñjati na vilimpati, pātova susānaṃ gantvā sokasamappito rodati. Satthā paccūsasamaye lokaṃ olokento tassa sotāpattiphalūpanissayaṃ disvā ‘‘imassa atītakāraṇaṃ āharitvā sokaṃ vūpasametvā sotāpattiphalaṃ dātuṃ ṭhapetvā maṃ añño koci samattho natthi, imassa mayā avassayena bhavituṃ vaṭṭatī’’ti punadivase pacchābhattaṃ piṇḍapātapaṭikkanto pacchāsamaṇaṃ ādāya tassa gharadvāraṃ gantvā ‘‘satthā āgato’’ti sutvā āsanaṃ paññapetvā ‘‘pavesethā’’ti kuṭumbikena vutto pavisitvā paññatte āsane nisīdi. Kuṭumbikopi āgantvā satthāraṃ vanditvā ekamantaṃ nisīdi. Atha naṃ satthā ‘‘kiṃ kuṭumbika cintesī’’ti āha. ‘‘Āma, bhante, mama bhātu matakālato paṭṭhāya cintemī’’ti. ‘‘Āvuso, sabbe saṅkhārā aniccā, bhijjitabbayuttakaṃ bhijjati, na tattha cintetabbaṃ, porāṇakapaṇḍitāpi bhātari matepi ‘bhijjitabbayuttakaṃ bhijjatī’ti na cintayiṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о асийд̇игодивибхавз сздтигулз ниб̣б̣ад̇д̇и, д̇асса ваяаббад̇д̇асса маад̇аабид̇аро гааламагам̣су. д̇зсу гаалагад̇зсу б̣од̇хисад̇д̇асса бхаад̇аа гудумб̣ам̣ вижаарзд̇и, б̣од̇хисад̇д̇о д̇ам̣ ниссааяа ж̇ийвад̇и. со абарабхааг̇з д̇ат̇ааруубзна б̣яаад̇хинаа гааламагааси. н̃аад̇имид̇д̇аа сухаж̇ж̇аа саннибад̇ид̇ваа б̣аахаа баг̇г̇аяха ганд̣̇анд̇и род̣̇анд̇и, згоби сагабхаавзна сан̣таад̇ум̣ наасагки, б̣од̇хисад̇д̇о бана нзва ганд̣̇ад̇и на род̣̇ад̇и. мануссаа ‘‘бассат̇а бхо, имасса бхаад̇ари мад̇з мукасан̇гожанамад̇д̇амби над̇т̇и, ад̇ивияа т̇ад̣̇д̇хахад̣̇аяо, ‘д̣̇взби годтаасз ахамзва барибхун̃ж̇иссаамий’д̇и бхаад̇у маран̣ам̣ ижчад̇и ман̃н̃з’’д̇и б̣од̇хисад̇д̇ам̣ г̇арахим̣су. н̃аад̇агааби нам̣ ‘‘д̇вам̣ бхаад̇ари мад̇з на род̣̇асий’’д̇и г̇арахим̣суязва. со д̇зсам̣ гат̇ам̣ суд̇ваа ‘‘д̇умхз ад̇д̇ано анд̇хаб̣аалабхаавзна адта логад̇хаммз аж̇аананд̇аа ‘мама бхаад̇аа мад̇о’д̇и род̣̇ат̇а, ахамби мариссаами, д̇умхзби мариссат̇а, ад̇д̇аанамби ‘маяамби мариссаамаа’д̇и гасмаа на род̣̇ат̇а. саб̣б̣з сан̇каараа анижжаа худ̇ваа нируж̇жханд̇и, д̇знзва сабхаавзна сан̣таад̇ум̣ самад̇т̇о згасан̇каароби над̇т̇и. д̇умхз анд̇хаб̣аалаа ан̃н̃аан̣ад̇ааяа адта логад̇хаммз аж̇аанид̇ваа род̣̇ат̇а, ахам̣ гимад̇т̇ам̣ род̣̇иссаамий’’д̇и вад̇ваа имаа г̇аат̇аа абхааси –
Atīte bārāṇasiyaṃ brahmadatte rajjaṃ kārente bodhisatto asītikoṭivibhave seṭṭhikule nibbatti, tassa vayappattassa mātāpitaro kālamakaṃsu. Tesu kālakatesu bodhisattassa bhātā kuṭumbaṃ vicāreti, bodhisatto taṃ nissāya jīvati. So aparabhāge tathārūpena byādhinā kālamakāsi. Ñātimittā suhajjā sannipatitvā bāhā paggayha kandanti rodanti, ekopi sakabhāvena saṇṭhātuṃ nāsakkhi, bodhisatto pana neva kandati na rodati. Manussā ‘‘passatha bho, imassa bhātari mate mukhasaṅkocanamattampi natthi, ativiya thaddhahadayo, ‘dvepi koṭṭhāse ahameva paribhuñjissāmī’ti bhātu maraṇaṃ icchati maññe’’ti bodhisattaṃ garahiṃsu. Ñātakāpi naṃ ‘‘tvaṃ bhātari mate na rodasī’’ti garahiṃsuyeva. So tesaṃ kathaṃ sutvā ‘‘tumhe attano andhabālabhāvena aṭṭha lokadhamme ajānantā ‘mama bhātā mato’ti rodatha, ahampi marissāmi, tumhepi marissatha, attānampi ‘mayampi marissāmā’ti kasmā na rodatha. Sabbe saṅkhārā aniccā hutvā nirujjhanti, teneva sabhāvena saṇṭhātuṃ samattho ekasaṅkhāropi natthi. Tumhe andhabālā aññāṇatāya aṭṭha lokadhamme ajānitvā rodatha, ahaṃ kimatthaṃ rodissāmī’’ti vatvā imā gāthā abhāsi –
65.
65.
‘‘мад̇ам̣ мад̇ам̣ зва род̣̇ат̇а, на хи д̇ам̣ род̣̇ат̇а яо мариссад̇и;
‘‘Mataṃ mataṃ eva rodatha, na hi taṃ rodatha yo marissati;
саб̣б̣зби сарийрад̇хаарино, анубуб̣б̣зна ж̇аханд̇и ж̇ийвид̇ам̣.
Sabbepi sarīradhārino, anupubbena jahanti jīvitaṃ.
66.
66.
‘‘д̣̇звамануссаа жад̇уббад̣̇аа, багкиг̇ан̣аа ураг̇аа жа бхог̇ино;
‘‘Devamanussā catuppadā, pakkhigaṇā uragā ca bhogino;
самхи сарийрз аниссараа, рамамаанаава ж̇аханд̇и ж̇ийвид̇ам̣.
Samhi sarīre anissarā, ramamānāva jahanti jīvitaṃ.
67.
67.
‘‘звам̣ жалид̇ам̣ асан̣тид̇ам̣, сукад̣̇угкам̣ мануж̇зсвабзгкияа;
‘‘Evaṃ calitaṃ asaṇṭhitaṃ, sukhadukkhaṃ manujesvapekkhiya;
ганд̣̇ид̇аруд̣̇ид̇ам̣ нирад̇т̇агам̣, гим̣ во согаг̇ан̣аабхигийрарз.
Kanditaruditaṃ niratthakaṃ, kiṃ vo sokagaṇābhikīrare.
68.
68.
‘‘д̇худ̇д̇аа жа сон̣д̣аа агад̇аа, б̣аалаа суураа аяог̇ино;
‘‘Dhuttā ca soṇḍā akatā, bālā sūrā ayogino;
д̇хийрам̣ ман̃н̃анд̇и б̣аалод̇и, яз д̇хаммасса аговид̣̇аа’’д̇и.
Dhīraṃ maññanti bāloti, ye dhammassa akovidā’’ti.
д̇ад̇т̇а мад̇ам̣ мад̇ам̣ зваад̇и мад̇ам̣ мад̇ам̣язва. анубуб̣б̣знаад̇и ад̇д̇ано ад̇д̇ано маран̣аваарз самбад̇д̇з бадибаадияаа ж̇аханд̇и ж̇ийвид̇ам̣, на згад̇ова саб̣б̣з маранд̇и, яад̣̇и звам̣ марзяяум̣, логаббавад̇д̇и ужчиж̇ж̇зяяа. бхог̇инод̇и маханд̇зна сарийрабхог̇зна саманнааг̇ад̇аа. рамамаанааваад̇и д̇ад̇т̇а д̇ад̇т̇а ниб̣б̣ад̇д̇аа саб̣б̣зби зд̇з д̣̇зваад̣̇аяо сад̇д̇аа ад̇д̇ано ад̇д̇ано ниб̣б̣ад̇д̇адтаанз абхирамамаанаава анугган̣тид̇аава ж̇ийвид̇ам̣ ж̇аханд̇и. звам̣ жалид̇анд̇и звам̣ д̇ийсу бхавзсу нижжалабхаавасса жа сан̣тид̇абхаавасса жа абхааваа жалид̇ам̣ асан̣тид̇ам̣. гим̣ во согаг̇ан̣аабхигийрарзд̇и гим̣гааран̣аа д̇умхз согараасий абхигиранд̇и аж̇жход̇т̇аранд̇и.
Tattha mataṃ mataṃ evāti mataṃ mataṃyeva. Anupubbenāti attano attano maraṇavāre sampatte paṭipāṭiyā jahanti jīvitaṃ, na ekatova sabbe maranti, yadi evaṃ mareyyuṃ, lokappavatti ucchijjeyya. Bhoginoti mahantena sarīrabhogena samannāgatā. Ramamānāvāti tattha tattha nibbattā sabbepi ete devādayo sattā attano attano nibbattaṭṭhāne abhiramamānāva anukkaṇṭhitāva jīvitaṃ jahanti. Evaṃ calitanti evaṃ tīsu bhavesu niccalabhāvassa ca saṇṭhitabhāvassa ca abhāvā calitaṃ asaṇṭhitaṃ. Kiṃ vo sokagaṇābhikīrareti kiṃkāraṇā tumhe sokarāsī abhikiranti ajjhottharanti.
д̇худ̇д̇аа жа сон̣д̣аа агад̇аад̇и ид̇т̇ид̇худ̇д̇аа сураад̇худ̇д̇аа агкад̇худ̇д̇аа жа сураасон̣д̣аад̣̇аяо сон̣д̣аа жа агад̇аб̣уд̣̇д̇хино асигкид̇агаа жа. б̣аалаад̇и б̣аалязна саманнааг̇ад̇аа авид̣̇д̣̇асуно. суураа аяог̇инод̇и аяонисоманасигаарзна суураа, яог̇зсу аяуд̇д̇ад̇ааяа аяог̇ино. ‘‘аяод̇хино’’д̇иби баато, гилзсамаарзна сад̣̇д̇хим̣ яуж̇жхид̇ум̣ асамад̇т̇аад̇и ад̇т̇о. д̇хийрам̣ ман̃н̃анд̇и б̣аалод̇и, яз д̇хаммасса аговид̣̇аад̇и яз зваруубаа д̇худ̇д̇аад̣̇аяо адтавид̇хасса логад̇хаммасса аговид̣̇аа, д̇з аббамад̇д̇агзби д̣̇угкад̇хаммз уббаннз ад̇д̇анаа ганд̣̇амаанаа род̣̇амаанаа адта логад̇хаммз гат̇ад̇о ж̇аанид̇ваа н̃аад̇имаран̣аад̣̇ийсу аганд̣̇анд̇ам̣ арод̣̇анд̇ам̣ маад̣̇исам̣ д̇хийрам̣ бан̣д̣ид̇ам̣ ‘‘б̣аало аяам̣ на род̣̇ад̇ий’’д̇и ман̃н̃анд̇ийд̇и.
Dhuttāca soṇḍā akatāti itthidhuttā surādhuttā akkhadhuttā ca surāsoṇḍādayo soṇḍā ca akatabuddhino asikkhitakā ca. Bālāti bālyena samannāgatā aviddasuno. Sūrā ayoginoti ayonisomanasikārena sūrā, yogesu ayuttatāya ayogino. ‘‘Ayodhino’’tipi pāṭho, kilesamārena saddhiṃ yujjhituṃ asamatthāti attho. Dhīraṃ maññanti bāloti, ye dhammassa akovidāti ye evarūpā dhuttādayo aṭṭhavidhassa lokadhammassa akovidā, te appamattakepi dukkhadhamme uppanne attanā kandamānā rodamānā aṭṭha lokadhamme kathato jānitvā ñātimaraṇādīsu akandantaṃ arodantaṃ mādisaṃ dhīraṃ paṇḍitaṃ ‘‘bālo ayaṃ na rodatī’’ti maññantīti.
звам̣ б̣од̇хисад̇д̇о д̇зсам̣ д̇хаммам̣ д̣̇зсзд̇ваа саб̣б̣зби д̇з ниссогз агааси.
Evaṃ bodhisatto tesaṃ dhammaṃ desetvā sabbepi te nissoke akāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гудумб̣иго сод̇аабад̇д̇ипалз бад̇идтахи. д̇ад̣̇аа махааж̇анассса д̇хаммам̣ д̣̇зсзд̇ваа ниссогабхаавагарабан̣д̣ид̇о бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kuṭumbiko sotāpattiphale patiṭṭhahi. Tadā mahājanasssa dhammaṃ desetvā nissokabhāvakarapaṇḍito pana ahameva ahosinti.
мад̇арод̣̇анаж̇аад̇агаван̣н̣анаа сад̇д̇амаа.
Matarodanajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 317. мад̇арод̣̇анаж̇аад̇агам̣ • 317. Matarodanajātakaṃ
