| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
мад̇асанд̇агагат̇аа
Matasantakakathā
367. гаалан̇гад̇зд̇и гаалагирияааяа. г̇илаанубадтаагаанам̣ д̣̇аад̇унд̇и зд̇т̇а ананд̇арам̣ вуд̇д̇ааяа гаммаваажааяа д̣̇иннамби абалогзд̇ваа д̣̇иннамби д̣̇иннамзва ход̇и, ваддад̇и.
367.Kālaṅkateti kālakiriyāya. Gilānupaṭṭhākānaṃ dātunti ettha anantaraṃ vuttāya kammavācāya dinnampi apaloketvā dinnampi dinnameva hoti, vaṭṭati.
369. яам̣ д̇ад̇т̇а лахубхан̣д̣ам̣ яам̣ д̇ад̇т̇а г̇арубхан̣д̣анд̇и зд̇т̇а лахубхан̣д̣аг̇арубхан̣д̣аанам̣ наанаагаран̣ам̣ барад̇о ван̣н̣аяиссаама. г̇илаанубадтаагалаабхз бана аяам̣ аад̣̇ид̇о бадтааяа винижчаяо –
369.Yaṃ tattha lahubhaṇḍaṃ yaṃ tattha garubhaṇḍanti ettha lahubhaṇḍagarubhaṇḍānaṃ nānākaraṇaṃ parato vaṇṇayissāma. Gilānupaṭṭhākalābhe pana ayaṃ ādito paṭṭhāya vinicchayo –
сажз сагалз бхигкусан̇гхз убадтаханд̇з гаалам̣ гарод̇и, саб̣б̣зби саамигаа. ат̇а згажжзхи ваарз гад̇з згажжзхи агад̇зязва гаалам̣ гарод̇и, д̇ад̇т̇а згажжз аажарияаа вад̣̇анд̇и – ‘‘саб̣б̣зби ад̇д̇ано ваарз самбад̇д̇з гарзяяум̣, д̇асмаа саб̣б̣зби саамино’’д̇и. згажжз вад̣̇анд̇и – ‘‘язхи ж̇аг̇г̇ид̇о д̇з зва лабханд̇и, ид̇арз на лабханд̇ий’’д̇и. сааман̣зрз гаалан̇гад̇з сажз жийварам̣ ад̇т̇и, г̇илаанубадтаагаанам̣ д̣̇аад̇аб̣б̣ам̣. но жз ад̇т̇и яам̣ ад̇т̇и, д̇ам̣ д̣̇аад̇аб̣б̣ам̣. ан̃н̃асмим̣ баригкаарз сад̇и жийварабхааг̇ам̣ гад̇ваа д̣̇аад̇аб̣б̣ам̣.
Sace sakale bhikkhusaṅghe upaṭṭhahante kālaṃ karoti, sabbepi sāmikā. Atha ekaccehi vāre kate ekaccehi akateyeva kālaṃ karoti, tattha ekacce ācariyā vadanti – ‘‘sabbepi attano vāre sampatte kareyyuṃ, tasmā sabbepi sāmino’’ti. Ekacce vadanti – ‘‘yehi jaggito te eva labhanti, itare na labhantī’’ti. Sāmaṇere kālaṅkate sace cīvaraṃ atthi, gilānupaṭṭhākānaṃ dātabbaṃ. No ce atthi yaṃ atthi, taṃ dātabbaṃ. Aññasmiṃ parikkhāre sati cīvarabhāgaṃ katvā dātabbaṃ.
бхигку жа сааман̣зро жа сажз самам̣ убадтахим̣су, самаго бхааг̇о д̣̇аад̇аб̣б̣о. ат̇а сааман̣зрова убадтахад̇и, бхигкусса сам̣вид̣̇аханамад̇д̇амзва ход̇и, сааман̣зрасса ж̇здтагабхааг̇о д̣̇аад̇аб̣б̣о. сажз сааман̣зро бхигкунаа аанийд̇ауд̣̇агзна яааг̇ум̣ бажид̇ваа бадиг̇г̇аахаабанамад̇д̇амзва гарод̇и, бхигку убадтахад̇и, бхигкусса ж̇здтагабхааг̇о д̣̇аад̇аб̣б̣о.
Bhikkhu ca sāmaṇero ca sace samaṃ upaṭṭhahiṃsu, samako bhāgo dātabbo. Atha sāmaṇerova upaṭṭhahati, bhikkhussa saṃvidahanamattameva hoti, sāmaṇerassa jeṭṭhakabhāgo dātabbo. Sace sāmaṇero bhikkhunā ānītaudakena yāguṃ pacitvā paṭiggāhāpanamattameva karoti, bhikkhu upaṭṭhahati, bhikkhussa jeṭṭhakabhāgo dātabbo.
б̣ахуу бхигкуу самаг̇г̇аа худ̇ваа убадтаханд̇и, саб̣б̣зсам̣ самаго бхааг̇о д̣̇аад̇аб̣б̣о. яо банзд̇т̇а висзсзна убадтахад̇и, д̇асса висзсо гаад̇аб̣б̣о. язна бана згад̣̇ивасамби г̇илаанубадтаагавасзна яааг̇убхад̇д̇ам̣ ваа бажид̇ваа д̣̇иннам̣, нахаанам̣ ваа бадияаад̣̇ид̇ам̣, соби г̇илаанубадтаагова. яо самийбам̣ анааг̇анд̇ваа бхзсаж̇ж̇ад̇ан̣д̣улаад̣̇ийни бзсзд̇и, аяам̣ г̇илаанубадтааго на ход̇и. яо бариязсид̇ваа г̇аахаабзд̇ваа ааг̇ажчад̇и, аяам̣ г̇илаанубадтаагова.
Bahū bhikkhū samaggā hutvā upaṭṭhahanti, sabbesaṃ samako bhāgo dātabbo. Yo panettha visesena upaṭṭhahati, tassa viseso kātabbo. Yena pana ekadivasampi gilānupaṭṭhākavasena yāgubhattaṃ vā pacitvā dinnaṃ, nahānaṃ vā paṭiyāditaṃ, sopi gilānupaṭṭhākova. Yo samīpaṃ anāgantvā bhesajjataṇḍulādīni peseti, ayaṃ gilānupaṭṭhāko na hoti. Yo pariyesitvā gāhāpetvā āgacchati, ayaṃ gilānupaṭṭhākova.
зго вад̇д̇асийсзна ж̇аг̇г̇ад̇и; зго бажжаасааяа, мад̇агаалз убхоби бажжаасийсанд̇и, убхиннамби д̣̇аад̇аб̣б̣ам̣. зго убадтахид̇ваа г̇илаанасса ваа гаммзна ад̇д̇ано ваа гаммзна гад̇т̇ажи г̇ад̇о ‘‘буна ааг̇анд̇ваа ж̇аг̇г̇иссаамий’’д̇и, зд̇ассаби д̣̇аад̇аб̣б̣ам̣. зго жирам̣ убадтахид̇ваа ‘‘ид̣̇аани на саггомий’’д̇и д̇хурам̣ нигкибид̇ваа г̇ажчад̇и, сажзби д̇ам̣д̣̇ивасамзва г̇илаано гаалам̣гарод̇и, убадтаагабхааг̇о на д̣̇аад̇аб̣б̣о.
Eko vattasīsena jaggati; eko paccāsāya, matakāle ubhopi paccāsīsanti, ubhinnampi dātabbaṃ. Eko upaṭṭhahitvā gilānassa vā kammena attano vā kammena katthaci gato ‘‘puna āgantvā jaggissāmī’’ti, etassapi dātabbaṃ. Eko ciraṃ upaṭṭhahitvā ‘‘idāni na sakkomī’’ti dhuraṃ nikkhipitvā gacchati, sacepi taṃdivasameva gilāno kālaṃkaroti, upaṭṭhākabhāgo na dātabbo.
г̇илаанубадтааго наама г̇ихи ваа ход̇у баб̣б̣аж̇ид̇о ваа, анд̇амасо маад̇уг̇аамоби, саб̣б̣з бхааг̇ам̣ лабханд̇и. сажз д̇асса бхигкуно бад̇д̇ажийварамад̇д̇амзва ход̇и, ан̃н̃ам̣ над̇т̇и; саб̣б̣ам̣ г̇илаанубадтаагаанам̣язва д̣̇аад̇аб̣б̣ам̣. сажзби сахассам̣ аг̇гхад̇и, ан̃н̃ам̣ бана б̣ахумби баригкаарам̣ д̇з на лабханд̇и; сан̇гхассзва ход̇и. авасзсам̣ бхан̣д̣ам̣ б̣ахуган̃жзва махаг̇гхан̃жа, д̇ижийварам̣ аббаг̇гхам̣; д̇ад̇о г̇ахзд̇ваа д̇ижийварабаригкааро д̣̇аад̇аб̣б̣о. саб̣б̣ан̃жзд̇ам̣ сан̇гхигад̇ова лаб̣бхад̇и.
Gilānupaṭṭhāko nāma gihi vā hotu pabbajito vā, antamaso mātugāmopi, sabbe bhāgaṃ labhanti. Sace tassa bhikkhuno pattacīvaramattameva hoti, aññaṃ natthi; sabbaṃ gilānupaṭṭhākānaṃyeva dātabbaṃ. Sacepi sahassaṃ agghati, aññaṃ pana bahumpi parikkhāraṃ te na labhanti; saṅghasseva hoti. Avasesaṃ bhaṇḍaṃ bahukañceva mahagghañca, ticīvaraṃ appagghaṃ; tato gahetvā ticīvaraparikkhāro dātabbo. Sabbañcetaṃ saṅghikatova labbhati.
сажз бана со ж̇ийвамааноязва саб̣б̣ам̣ ад̇д̇ано баригкаарам̣ ниссаж̇ж̇ид̇ваа гассажи ад̣̇ааси, гожи ваа виссаасам̣ аг̇г̇ахзси, яасса д̣̇иннам̣, язна жа г̇ахид̇ам̣, д̇ассзва ход̇и. д̇асса ружияаа зва г̇илаанубадтаагаа лабханд̇и, ан̃н̃зсам̣ ад̣̇ад̇ваа д̣̇уурз табид̇абаригкаарааби д̇ад̇т̇а д̇ад̇т̇а сан̇гхассзва хонд̇и. д̣̇виннам̣ санд̇агам̣ ход̇и авибхад̇д̇ам̣, згасмим̣ гаалан̇гад̇з ид̇аро саамий . б̣ахуунамби санд̇агз зсзва наяо. саб̣б̣зсу мад̇зсу сан̇гхигам̣ ход̇и. сажзби авибхаж̇ид̇ваа сад̣̇д̇хивихааригаад̣̇ийнам̣ д̣̇знд̇и ад̣̇иннамзва ход̇и. вибхаж̇ид̇ваа д̣̇иннам̣ бана суд̣̇иннам̣. д̇ам̣ д̇зсу мад̇зсуби сад̣̇д̇хивихааригаад̣̇ийнам̣язва ход̇и, на сан̇гхасса.
Sace pana so jīvamānoyeva sabbaṃ attano parikkhāraṃ nissajjitvā kassaci adāsi, koci vā vissāsaṃ aggahesi, yassa dinnaṃ, yena ca gahitaṃ, tasseva hoti. Tassa ruciyā eva gilānupaṭṭhākā labhanti, aññesaṃ adatvā dūre ṭhapitaparikkhārāpi tattha tattha saṅghasseva honti. Dvinnaṃ santakaṃ hoti avibhattaṃ, ekasmiṃ kālaṅkate itaro sāmī . Bahūnampi santake eseva nayo. Sabbesu matesu saṅghikaṃ hoti. Sacepi avibhajitvā saddhivihārikādīnaṃ denti adinnameva hoti. Vibhajitvā dinnaṃ pana sudinnaṃ. Taṃ tesu matesupi saddhivihārikādīnaṃyeva hoti, na saṅghassa.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 225. мад̇асанд̇агагат̇аа • 225. Matasantakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / мад̇асанд̇агагат̇ааван̣н̣анаа • Matasantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / мад̇асанд̇агагат̇ааван̣н̣анаа • Matasantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мад̇асанд̇агагат̇аад̣̇иван̣н̣анаа • Matasantakakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 225. мад̇асанд̇агагат̇аа • 225. Matasantakakathā
