| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
225. мад̇асанд̇агагат̇аа
225. Matasantakakathā
367. д̇зна ко бана самаязна д̣̇вз бхигкуу госалзсу ж̇анабад̣̇з ад̣̇д̇хаанамаг̇г̇аббадибаннаа хонд̇и. д̇з ан̃н̃ад̇арам̣ ааваасам̣ убаг̇ажчим̣су. д̇ад̇т̇а ан̃н̃ад̇аро бхигку г̇илаано ход̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘бхаг̇авад̇аа ко, аавусо, г̇илаанубадтаанам̣ ван̣н̣ид̇ам̣. ханд̣̇а, маяам̣, аавусо, имам̣ бхигкум̣ убадтахзмаа’’д̇и. д̇з д̇ам̣ убадтахим̣су. со д̇зхи убадтахияамаано гааламагааси. ат̇а ко д̇з бхигкуу д̇асса бхигкуно бад̇д̇ажийварамаад̣̇ааяа саавад̇т̇им̣ г̇анд̇ваа бхаг̇авад̇о зд̇амад̇т̇ам̣ аарожзсум̣. ‘‘бхигкусса, бхигкавз, гаалан̇гад̇з сан̇гхо саамий бад̇д̇ажийварз, абижа г̇илаанубадтаагаа б̣ахуубагаараа. ануж̇аанаами, бхигкавз, сан̇гхзна д̇ижийваран̃жа бад̇д̇ан̃жа г̇илаанубадтаагаанам̣ д̣̇аад̇ум̣. зван̃жа бана, бхигкавз, д̣̇аад̇аб̣б̣ам̣. д̇зна г̇илаанубадтаагзна бхигкунаа сан̇гхам̣ убасан̇гамид̇ваа звамасса важанийяо – ‘ид̇т̇аннаамо, бханд̇з, бхигку гаалан̇гад̇о. ид̣̇ам̣ д̇асса д̇ижийваран̃жа бад̇д̇о жаа’’’д̇и. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
367. Tena kho pana samayena dve bhikkhū kosalesu janapade addhānamaggappaṭipannā honti. Te aññataraṃ āvāsaṃ upagacchiṃsu. Tattha aññataro bhikkhu gilāno hoti. Atha kho tesaṃ bhikkhūnaṃ etadahosi – ‘‘bhagavatā kho, āvuso, gilānupaṭṭhānaṃ vaṇṇitaṃ. Handa, mayaṃ, āvuso, imaṃ bhikkhuṃ upaṭṭhahemā’’ti. Te taṃ upaṭṭhahiṃsu. So tehi upaṭṭhahiyamāno kālamakāsi. Atha kho te bhikkhū tassa bhikkhuno pattacīvaramādāya sāvatthiṃ gantvā bhagavato etamatthaṃ ārocesuṃ. ‘‘Bhikkhussa, bhikkhave, kālaṅkate saṅgho sāmī pattacīvare, apica gilānupaṭṭhākā bahūpakārā. Anujānāmi, bhikkhave, saṅghena ticīvarañca pattañca gilānupaṭṭhākānaṃ dātuṃ. Evañca pana, bhikkhave, dātabbaṃ. Tena gilānupaṭṭhākena bhikkhunā saṅghaṃ upasaṅkamitvā evamassa vacanīyo – ‘itthannāmo, bhante, bhikkhu kālaṅkato. Idaṃ tassa ticīvarañca patto cā’’’ti. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. ид̇т̇аннаамо бхигку гаалан̇гад̇о. ид̣̇ам̣ д̇асса д̇ижийваран̃жа бад̇д̇о жа. яад̣̇и сан̇гхасса бад̇д̇агаллам̣, сан̇гхо имам̣ д̇ижийваран̃жа бад̇д̇ан̃жа г̇илаанубадтаагаанам̣ д̣̇ад̣̇зяяа. зсаа н̃ад̇д̇и.
‘‘Suṇātu me, bhante, saṅgho. Itthannāmo bhikkhu kālaṅkato. Idaṃ tassa ticīvarañca patto ca. Yadi saṅghassa pattakallaṃ, saṅgho imaṃ ticīvarañca pattañca gilānupaṭṭhākānaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. ид̇т̇аннаамо бхигку гаалан̇гад̇о. ид̣̇ам̣ д̇асса д̇ижийваран̃жа бад̇д̇о жа. сан̇гхо имам̣ д̇ижийваран̃жа бад̇д̇ан̃жа г̇илаанубадтаагаанам̣ д̣̇зд̇и. яассааяасмад̇о камад̇и имасса д̇ижийварасса жа бад̇д̇асса жа г̇илаанубадтаагаанам̣ д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Itthannāmo bhikkhu kālaṅkato. Idaṃ tassa ticīvarañca patto ca. Saṅgho imaṃ ticīvarañca pattañca gilānupaṭṭhākānaṃ deti. Yassāyasmato khamati imassa ticīvarassa ca pattassa ca gilānupaṭṭhākānaṃ dānaṃ, so tuṇhassa; yassa nakkhamati, so bhāseyya.
‘‘д̣̇иннам̣ ид̣̇ам̣ сан̇гхзна д̇ижийваран̃жа бад̇д̇о жа г̇илаанубадтаагаанам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и .
‘‘Dinnaṃ idaṃ saṅghena ticīvarañca patto ca gilānupaṭṭhākānaṃ. Khamati saṅghassa, tasmā tuṇhī, evametaṃ dhārayāmī’’ti .
368. д̇зна ко бана самаязна ан̃н̃ад̇аро сааман̣зро гаалан̇гад̇о ход̇и. бхаг̇авад̇о зд̇амад̇т̇ам̣ аарожзсум̣. сааман̣зрасса, бхигкавз, гаалан̇гад̇з сан̇гхо саамий бад̇д̇ажийварз, аби жа г̇илаанубадтаагаа б̣ахуубагаараа. ануж̇аанаами, бхигкавз, сан̇гхзна жийваран̃жа бад̇д̇ан̃жа г̇илаанубадтаагаанам̣ д̣̇аад̇ум̣. зван̃жа бана, бхигкавз, д̣̇аад̇аб̣б̣ам̣. д̇зна г̇илаанубадтаагзна бхигкунаа сан̇гхам̣ убасан̇гамид̇ваа звамасса важанийяо – ‘‘ид̇т̇аннаамо, бханд̇з, сааман̣зро гаалан̇гад̇о, ид̣̇ам̣ д̇асса жийваран̃жа бад̇д̇о жаа’’д̇и. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
368. Tena kho pana samayena aññataro sāmaṇero kālaṅkato hoti. Bhagavato etamatthaṃ ārocesuṃ. Sāmaṇerassa, bhikkhave, kālaṅkate saṅgho sāmī pattacīvare, api ca gilānupaṭṭhākā bahūpakārā. Anujānāmi, bhikkhave, saṅghena cīvarañca pattañca gilānupaṭṭhākānaṃ dātuṃ. Evañca pana, bhikkhave, dātabbaṃ. Tena gilānupaṭṭhākena bhikkhunā saṅghaṃ upasaṅkamitvā evamassa vacanīyo – ‘‘itthannāmo, bhante, sāmaṇero kālaṅkato, idaṃ tassa cīvarañca patto cā’’ti. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. ид̇т̇аннаамо сааман̣зро гаалан̇гад̇о. ид̣̇ам̣ д̇асса жийваран̃жа бад̇д̇о жа. яад̣̇и сан̇гхасса бад̇д̇агаллам̣, сан̇гхо имам̣ жийваран̃жа бад̇д̇ан̃жа г̇илаанубадтаагаанам̣ д̣̇ад̣̇зяяа. зсаа н̃ад̇д̇и.
‘‘Suṇātu me, bhante, saṅgho. Itthannāmo sāmaṇero kālaṅkato. Idaṃ tassa cīvarañca patto ca. Yadi saṅghassa pattakallaṃ, saṅgho imaṃ cīvarañca pattañca gilānupaṭṭhākānaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. ид̇т̇аннаамо сааман̣зро гаалан̇гад̇о. ид̣̇ам̣ д̇асса жийваран̃жа бад̇д̇о жа. сан̇гхо имам̣ жийваран̃жа бад̇д̇ан̃жа г̇илаанубадтаагаанам̣ д̣̇зд̇и. яассааяасмад̇о камад̇и имасса жийварасса жа бад̇д̇асса жа г̇илаанубадтаагаанам̣ д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Itthannāmo sāmaṇero kālaṅkato. Idaṃ tassa cīvarañca patto ca. Saṅgho imaṃ cīvarañca pattañca gilānupaṭṭhākānaṃ deti. Yassāyasmato khamati imassa cīvarassa ca pattassa ca gilānupaṭṭhākānaṃ dānaṃ, so tuṇhassa; yassa nakkhamati, so bhāseyya.
‘‘д̣̇иннам̣ ид̣̇ам̣ сан̇гхзна жийваран̃жа бад̇д̇о жа г̇илаанубадтаагаанам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinnaṃ idaṃ saṅghena cīvarañca patto ca gilānupaṭṭhākānaṃ. Khamati saṅghassa, tasmā tuṇhī, evametaṃ dhārayāmī’’ti.
369. д̇зна ко бана самаязна ан̃н̃ад̇аро бхигку жа сааман̣зро жа г̇илаанам̣ убадтахим̣су. со д̇зхи убадтахияамаано гааламагааси. ат̇а ко д̇асса г̇илаанубадтаагасса бхигкуно зд̇ад̣̇ахоси – ‘‘гат̇ам̣ ну ко г̇илаанубадтаагасса сааман̣зрасса жийварабадивийсо д̣̇аад̇аб̣б̣о’’д̇и ? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, г̇илаанубадтаагасса сааман̣зрасса самагам̣ бадивийсам̣ д̣̇аад̇унд̇и.
369. Tena kho pana samayena aññataro bhikkhu ca sāmaṇero ca gilānaṃ upaṭṭhahiṃsu. So tehi upaṭṭhahiyamāno kālamakāsi. Atha kho tassa gilānupaṭṭhākassa bhikkhuno etadahosi – ‘‘kathaṃ nu kho gilānupaṭṭhākassa sāmaṇerassa cīvarapaṭivīso dātabbo’’ti ? Bhagavato etamatthaṃ ārocesuṃ. Anujānāmi, bhikkhave, gilānupaṭṭhākassa sāmaṇerassa samakaṃ paṭivīsaṃ dātunti.
д̇зна ко бана самаязна ан̃н̃ад̇аро бхигку б̣ахубхан̣д̣о б̣ахубаригкааро гаалан̇гад̇о ход̇и. бхаг̇авад̇о зд̇амад̇т̇ам̣ аарожзсум̣. бхигкусса, бхигкавз, гаалан̇гад̇з сан̇гхо саамий бад̇д̇ажийварз, аби жа г̇илаанубадтаагаа б̣ахуубагаараа. ануж̇аанаами, бхигкавз, сан̇гхзна д̇ижийваран̃жа бад̇д̇ан̃жа г̇илаанубадтаагаанам̣ д̣̇аад̇ум̣. яам̣ д̇ад̇т̇а лахубхан̣д̣ам̣ лахубаригкаарам̣ д̇ам̣ саммукийбхууд̇зна сан̇гхзна бхааж̇зд̇ум̣. яам̣ д̇ад̇т̇а г̇арубхан̣д̣ам̣ г̇арубаригкаарам̣ д̇ам̣ ааг̇ад̇аанааг̇ад̇асса жаад̇уд̣̇д̣̇исасса сан̇гхасса ависсаж̇ж̇игам̣ авзбхан̇г̇иганд̇и.
Tena kho pana samayena aññataro bhikkhu bahubhaṇḍo bahuparikkhāro kālaṅkato hoti. Bhagavato etamatthaṃ ārocesuṃ. Bhikkhussa, bhikkhave, kālaṅkate saṅgho sāmī pattacīvare, api ca gilānupaṭṭhākā bahūpakārā. Anujānāmi, bhikkhave, saṅghena ticīvarañca pattañca gilānupaṭṭhākānaṃ dātuṃ. Yaṃ tattha lahubhaṇḍaṃ lahuparikkhāraṃ taṃ sammukhībhūtena saṅghena bhājetuṃ. Yaṃ tattha garubhaṇḍaṃ garuparikkhāraṃ taṃ āgatānāgatassa cātuddisassa saṅghassa avissajjikaṃ avebhaṅgikanti.
мад̇асанд̇агагат̇аа нидтид̇аа.
Matasantakakathā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / мад̇асанд̇агагат̇аа • Matasantakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / мад̇асанд̇агагат̇ааван̣н̣анаа • Matasantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / мад̇асанд̇агагат̇ааван̣н̣анаа • Matasantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мад̇асанд̇агагат̇аад̣̇иван̣н̣анаа • Matasantakakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 225. мад̇асанд̇агагат̇аа • 225. Matasantakakathā
