| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਮਤਸਨ੍ਤਕਕਥਾ
Matasantakakathā
੩੬੭. ਕਾਲਙ੍ਕਤੇਤਿ ਕਾਲਕਿਰਿਯਾਯ। ਗਿਲਾਨੁਪਟ੍ਠਾਕਾਨਂ ਦਾਤੁਨ੍ਤਿ ਏਤ੍ਥ ਅਨਨ੍ਤਰਂ વੁਤ੍ਤਾਯ ਕਮ੍ਮવਾਚਾਯ ਦਿਨ੍ਨਮ੍ਪਿ ਅਪਲੋਕੇਤ੍વਾ ਦਿਨ੍ਨਮ੍ਪਿ ਦਿਨ੍ਨਮੇવ ਹੋਤਿ, વਟ੍ਟਤਿ।
367.Kālaṅkateti kālakiriyāya. Gilānupaṭṭhākānaṃ dātunti ettha anantaraṃ vuttāya kammavācāya dinnampi apaloketvā dinnampi dinnameva hoti, vaṭṭati.
੩੬੯. ਯਂ ਤਤ੍ਥ ਲਹੁਭਣ੍ਡਂ ਯਂ ਤਤ੍ਥ ਗਰੁਭਣ੍ਡਨ੍ਤਿ ਏਤ੍ਥ ਲਹੁਭਣ੍ਡਗਰੁਭਣ੍ਡਾਨਂ ਨਾਨਾਕਰਣਂ ਪਰਤੋ વਣ੍ਣਯਿਸ੍ਸਾਮ। ਗਿਲਾਨੁਪਟ੍ਠਾਕਲਾਭੇ ਪਨ ਅਯਂ ਆਦਿਤੋ ਪਟ੍ਠਾਯ વਿਨਿਚ੍ਛਯੋ –
369.Yaṃ tattha lahubhaṇḍaṃ yaṃ tattha garubhaṇḍanti ettha lahubhaṇḍagarubhaṇḍānaṃ nānākaraṇaṃ parato vaṇṇayissāma. Gilānupaṭṭhākalābhe pana ayaṃ ādito paṭṭhāya vinicchayo –
ਸਚੇ ਸਕਲੇ ਭਿਕ੍ਖੁਸਙ੍ਘੇ ਉਪਟ੍ਠਹਨ੍ਤੇ ਕਾਲਂ ਕਰੋਤਿ, ਸਬ੍ਬੇਪਿ ਸਾਮਿਕਾ। ਅਥ ਏਕਚ੍ਚੇਹਿ વਾਰੇ ਕਤੇ ਏਕਚ੍ਚੇਹਿ ਅਕਤੇਯੇવ ਕਾਲਂ ਕਰੋਤਿ, ਤਤ੍ਥ ਏਕਚ੍ਚੇ ਆਚਰਿਯਾ વਦਨ੍ਤਿ – ‘‘ਸਬ੍ਬੇਪਿ ਅਤ੍ਤਨੋ વਾਰੇ ਸਮ੍ਪਤ੍ਤੇ ਕਰੇਯ੍ਯੁਂ, ਤਸ੍ਮਾ ਸਬ੍ਬੇਪਿ ਸਾਮਿਨੋ’’ਤਿ। ਏਕਚ੍ਚੇ વਦਨ੍ਤਿ – ‘‘ਯੇਹਿ ਜਗ੍ਗਿਤੋ ਤੇ ਏવ ਲਭਨ੍ਤਿ, ਇਤਰੇ ਨ ਲਭਨ੍ਤੀ’’ਤਿ। ਸਾਮਣੇਰੇ ਕਾਲਙ੍ਕਤੇ ਸਚੇ ਚੀવਰਂ ਅਤ੍ਥਿ, ਗਿਲਾਨੁਪਟ੍ਠਾਕਾਨਂ ਦਾਤਬ੍ਬਂ। ਨੋ ਚੇ ਅਤ੍ਥਿ ਯਂ ਅਤ੍ਥਿ, ਤਂ ਦਾਤਬ੍ਬਂ। ਅਞ੍ਞਸ੍ਮਿਂ ਪਰਿਕ੍ਖਾਰੇ ਸਤਿ ਚੀવਰਭਾਗਂ ਕਤ੍વਾ ਦਾਤਬ੍ਬਂ।
Sace sakale bhikkhusaṅghe upaṭṭhahante kālaṃ karoti, sabbepi sāmikā. Atha ekaccehi vāre kate ekaccehi akateyeva kālaṃ karoti, tattha ekacce ācariyā vadanti – ‘‘sabbepi attano vāre sampatte kareyyuṃ, tasmā sabbepi sāmino’’ti. Ekacce vadanti – ‘‘yehi jaggito te eva labhanti, itare na labhantī’’ti. Sāmaṇere kālaṅkate sace cīvaraṃ atthi, gilānupaṭṭhākānaṃ dātabbaṃ. No ce atthi yaṃ atthi, taṃ dātabbaṃ. Aññasmiṃ parikkhāre sati cīvarabhāgaṃ katvā dātabbaṃ.
ਭਿਕ੍ਖੁ ਚ ਸਾਮਣੇਰੋ ਚ ਸਚੇ ਸਮਂ ਉਪਟ੍ਠਹਿਂਸੁ, ਸਮਕੋ ਭਾਗੋ ਦਾਤਬ੍ਬੋ। ਅਥ ਸਾਮਣੇਰੋવ ਉਪਟ੍ਠਹਤਿ, ਭਿਕ੍ਖੁਸ੍ਸ ਸਂવਿਦਹਨਮਤ੍ਤਮੇવ ਹੋਤਿ, ਸਾਮਣੇਰਸ੍ਸ ਜੇਟ੍ਠਕਭਾਗੋ ਦਾਤਬ੍ਬੋ। ਸਚੇ ਸਾਮਣੇਰੋ ਭਿਕ੍ਖੁਨਾ ਆਨੀਤਉਦਕੇਨ ਯਾਗੁਂ ਪਚਿਤ੍વਾ ਪਟਿਗ੍ਗਾਹਾਪਨਮਤ੍ਤਮੇવ ਕਰੋਤਿ, ਭਿਕ੍ਖੁ ਉਪਟ੍ਠਹਤਿ, ਭਿਕ੍ਖੁਸ੍ਸ ਜੇਟ੍ਠਕਭਾਗੋ ਦਾਤਬ੍ਬੋ।
Bhikkhu ca sāmaṇero ca sace samaṃ upaṭṭhahiṃsu, samako bhāgo dātabbo. Atha sāmaṇerova upaṭṭhahati, bhikkhussa saṃvidahanamattameva hoti, sāmaṇerassa jeṭṭhakabhāgo dātabbo. Sace sāmaṇero bhikkhunā ānītaudakena yāguṃ pacitvā paṭiggāhāpanamattameva karoti, bhikkhu upaṭṭhahati, bhikkhussa jeṭṭhakabhāgo dātabbo.
ਬਹੂ ਭਿਕ੍ਖੂ ਸਮਗ੍ਗਾ ਹੁਤ੍વਾ ਉਪਟ੍ਠਹਨ੍ਤਿ, ਸਬ੍ਬੇਸਂ ਸਮਕੋ ਭਾਗੋ ਦਾਤਬ੍ਬੋ। ਯੋ ਪਨੇਤ੍ਥ વਿਸੇਸੇਨ ਉਪਟ੍ਠਹਤਿ, ਤਸ੍ਸ વਿਸੇਸੋ ਕਾਤਬ੍ਬੋ। ਯੇਨ ਪਨ ਏਕਦਿવਸਮ੍ਪਿ ਗਿਲਾਨੁਪਟ੍ਠਾਕવਸੇਨ ਯਾਗੁਭਤ੍ਤਂ વਾ ਪਚਿਤ੍વਾ ਦਿਨ੍ਨਂ, ਨਹਾਨਂ વਾ ਪਟਿਯਾਦਿਤਂ, ਸੋਪਿ ਗਿਲਾਨੁਪਟ੍ਠਾਕੋવ। ਯੋ ਸਮੀਪਂ ਅਨਾਗਨ੍ਤ੍વਾ ਭੇਸਜ੍ਜਤਣ੍ਡੁਲਾਦੀਨਿ ਪੇਸੇਤਿ, ਅਯਂ ਗਿਲਾਨੁਪਟ੍ਠਾਕੋ ਨ ਹੋਤਿ। ਯੋ ਪਰਿਯੇਸਿਤ੍વਾ ਗਾਹਾਪੇਤ੍વਾ ਆਗਚ੍ਛਤਿ, ਅਯਂ ਗਿਲਾਨੁਪਟ੍ਠਾਕੋવ।
Bahū bhikkhū samaggā hutvā upaṭṭhahanti, sabbesaṃ samako bhāgo dātabbo. Yo panettha visesena upaṭṭhahati, tassa viseso kātabbo. Yena pana ekadivasampi gilānupaṭṭhākavasena yāgubhattaṃ vā pacitvā dinnaṃ, nahānaṃ vā paṭiyāditaṃ, sopi gilānupaṭṭhākova. Yo samīpaṃ anāgantvā bhesajjataṇḍulādīni peseti, ayaṃ gilānupaṭṭhāko na hoti. Yo pariyesitvā gāhāpetvā āgacchati, ayaṃ gilānupaṭṭhākova.
ਏਕੋ વਤ੍ਤਸੀਸੇਨ ਜਗ੍ਗਤਿ; ਏਕੋ ਪਚ੍ਚਾਸਾਯ, ਮਤਕਾਲੇ ਉਭੋਪਿ ਪਚ੍ਚਾਸੀਸਨ੍ਤਿ, ਉਭਿਨ੍ਨਮ੍ਪਿ ਦਾਤਬ੍ਬਂ। ਏਕੋ ਉਪਟ੍ਠਹਿਤ੍વਾ ਗਿਲਾਨਸ੍ਸ વਾ ਕਮ੍ਮੇਨ ਅਤ੍ਤਨੋ વਾ ਕਮ੍ਮੇਨ ਕਤ੍ਥਚਿ ਗਤੋ ‘‘ਪੁਨ ਆਗਨ੍ਤ੍વਾ ਜਗ੍ਗਿਸ੍ਸਾਮੀ’’ਤਿ, ਏਤਸ੍ਸਪਿ ਦਾਤਬ੍ਬਂ। ਏਕੋ ਚਿਰਂ ਉਪਟ੍ਠਹਿਤ੍વਾ ‘‘ਇਦਾਨਿ ਨ ਸਕ੍ਕੋਮੀ’’ਤਿ ਧੁਰਂ ਨਿਕ੍ਖਿਪਿਤ੍વਾ ਗਚ੍ਛਤਿ, ਸਚੇਪਿ ਤਂਦਿવਸਮੇવ ਗਿਲਾਨੋ ਕਾਲਂਕਰੋਤਿ, ਉਪਟ੍ਠਾਕਭਾਗੋ ਨ ਦਾਤਬ੍ਬੋ।
Eko vattasīsena jaggati; eko paccāsāya, matakāle ubhopi paccāsīsanti, ubhinnampi dātabbaṃ. Eko upaṭṭhahitvā gilānassa vā kammena attano vā kammena katthaci gato ‘‘puna āgantvā jaggissāmī’’ti, etassapi dātabbaṃ. Eko ciraṃ upaṭṭhahitvā ‘‘idāni na sakkomī’’ti dhuraṃ nikkhipitvā gacchati, sacepi taṃdivasameva gilāno kālaṃkaroti, upaṭṭhākabhāgo na dātabbo.
ਗਿਲਾਨੁਪਟ੍ਠਾਕੋ ਨਾਮ ਗਿਹਿ વਾ ਹੋਤੁ ਪਬ੍ਬਜਿਤੋ વਾ, ਅਨ੍ਤਮਸੋ ਮਾਤੁਗਾਮੋਪਿ, ਸਬ੍ਬੇ ਭਾਗਂ ਲਭਨ੍ਤਿ। ਸਚੇ ਤਸ੍ਸ ਭਿਕ੍ਖੁਨੋ ਪਤ੍ਤਚੀવਰਮਤ੍ਤਮੇવ ਹੋਤਿ, ਅਞ੍ਞਂ ਨਤ੍ਥਿ; ਸਬ੍ਬਂ ਗਿਲਾਨੁਪਟ੍ਠਾਕਾਨਂਯੇવ ਦਾਤਬ੍ਬਂ। ਸਚੇਪਿ ਸਹਸ੍ਸਂ ਅਗ੍ਘਤਿ, ਅਞ੍ਞਂ ਪਨ ਬਹੁਮ੍ਪਿ ਪਰਿਕ੍ਖਾਰਂ ਤੇ ਨ ਲਭਨ੍ਤਿ; ਸਙ੍ਘਸ੍ਸੇવ ਹੋਤਿ। ਅવਸੇਸਂ ਭਣ੍ਡਂ ਬਹੁਕਞ੍ਚੇવ ਮਹਗ੍ਘਞ੍ਚ, ਤਿਚੀવਰਂ ਅਪ੍ਪਗ੍ਘਂ; ਤਤੋ ਗਹੇਤ੍વਾ ਤਿਚੀવਰਪਰਿਕ੍ਖਾਰੋ ਦਾਤਬ੍ਬੋ। ਸਬ੍ਬਞ੍ਚੇਤਂ ਸਙ੍ਘਿਕਤੋવ ਲਬ੍ਭਤਿ।
Gilānupaṭṭhāko nāma gihi vā hotu pabbajito vā, antamaso mātugāmopi, sabbe bhāgaṃ labhanti. Sace tassa bhikkhuno pattacīvaramattameva hoti, aññaṃ natthi; sabbaṃ gilānupaṭṭhākānaṃyeva dātabbaṃ. Sacepi sahassaṃ agghati, aññaṃ pana bahumpi parikkhāraṃ te na labhanti; saṅghasseva hoti. Avasesaṃ bhaṇḍaṃ bahukañceva mahagghañca, ticīvaraṃ appagghaṃ; tato gahetvā ticīvaraparikkhāro dātabbo. Sabbañcetaṃ saṅghikatova labbhati.
ਸਚੇ ਪਨ ਸੋ ਜੀવਮਾਨੋਯੇવ ਸਬ੍ਬਂ ਅਤ੍ਤਨੋ ਪਰਿਕ੍ਖਾਰਂ ਨਿਸ੍ਸਜ੍ਜਿਤ੍વਾ ਕਸ੍ਸਚਿ ਅਦਾਸਿ, ਕੋਚਿ વਾ વਿਸ੍ਸਾਸਂ ਅਗ੍ਗਹੇਸਿ, ਯਸ੍ਸ ਦਿਨ੍ਨਂ, ਯੇਨ ਚ ਗਹਿਤਂ, ਤਸ੍ਸੇવ ਹੋਤਿ। ਤਸ੍ਸ ਰੁਚਿਯਾ ਏવ ਗਿਲਾਨੁਪਟ੍ਠਾਕਾ ਲਭਨ੍ਤਿ, ਅਞ੍ਞੇਸਂ ਅਦਤ੍વਾ ਦੂਰੇ ਠਪਿਤਪਰਿਕ੍ਖਾਰਾਪਿ ਤਤ੍ਥ ਤਤ੍ਥ ਸਙ੍ਘਸ੍ਸੇવ ਹੋਨ੍ਤਿ। ਦ੍વਿਨ੍ਨਂ ਸਨ੍ਤਕਂ ਹੋਤਿ ਅવਿਭਤ੍ਤਂ, ਏਕਸ੍ਮਿਂ ਕਾਲਙ੍ਕਤੇ ਇਤਰੋ ਸਾਮੀ । ਬਹੂਨਮ੍ਪਿ ਸਨ੍ਤਕੇ ਏਸੇવ ਨਯੋ। ਸਬ੍ਬੇਸੁ ਮਤੇਸੁ ਸਙ੍ਘਿਕਂ ਹੋਤਿ। ਸਚੇਪਿ ਅવਿਭਜਿਤ੍વਾ ਸਦ੍ਧਿવਿਹਾਰਿਕਾਦੀਨਂ ਦੇਨ੍ਤਿ ਅਦਿਨ੍ਨਮੇવ ਹੋਤਿ। વਿਭਜਿਤ੍વਾ ਦਿਨ੍ਨਂ ਪਨ ਸੁਦਿਨ੍ਨਂ। ਤਂ ਤੇਸੁ ਮਤੇਸੁਪਿ ਸਦ੍ਧਿવਿਹਾਰਿਕਾਦੀਨਂਯੇવ ਹੋਤਿ, ਨ ਸਙ੍ਘਸ੍ਸ।
Sace pana so jīvamānoyeva sabbaṃ attano parikkhāraṃ nissajjitvā kassaci adāsi, koci vā vissāsaṃ aggahesi, yassa dinnaṃ, yena ca gahitaṃ, tasseva hoti. Tassa ruciyā eva gilānupaṭṭhākā labhanti, aññesaṃ adatvā dūre ṭhapitaparikkhārāpi tattha tattha saṅghasseva honti. Dvinnaṃ santakaṃ hoti avibhattaṃ, ekasmiṃ kālaṅkate itaro sāmī . Bahūnampi santake eseva nayo. Sabbesu matesu saṅghikaṃ hoti. Sacepi avibhajitvā saddhivihārikādīnaṃ denti adinnameva hoti. Vibhajitvā dinnaṃ pana sudinnaṃ. Taṃ tesu matesupi saddhivihārikādīnaṃyeva hoti, na saṅghassa.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੨੫. ਮਤਸਨ੍ਤਕਕਥਾ • 225. Matasantakakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਮਤਸਨ੍ਤਕਕਥਾવਣ੍ਣਨਾ • Matasantakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਮਤਸਨ੍ਤਕਕਥਾવਣ੍ਣਨਾ • Matasantakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਮਤਸਨ੍ਤਕਕਥਾਦਿવਣ੍ਣਨਾ • Matasantakakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੨੫. ਮਤਸਨ੍ਤਕਕਥਾ • 225. Matasantakakathā
