| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੨੫. ਮਤਸਨ੍ਤਕਕਥਾ
225. Matasantakakathā
੩੬੭. ਕਾਲਙ੍ਕਤੇਤਿ ਏਤ੍ਥ ਕਰਣਂ ਕਤਨ੍ਤਿ ਦਸ੍ਸੇਨ੍ਤੋ ਆਹ ‘‘ਕਾਲਕਿਰਿਯਾਯਾ’’ਤਿ। ਅਪਲੋਕੇਤ੍વਾਤਿ ‘‘ਇਤ੍ਥਨ੍ਨਾਮੋ ਭਨ੍ਤੇ ਭਿਕ੍ਖੁ ਕਾਲਙ੍ਕਤੋ, ਤਸ੍ਸ ਤਿਚੀવਰਞ੍ਚ ਪਤ੍ਤਞ੍ਚ ਗਿਲਾਨੁਪਟ੍ਠਾਕਾਨਂ ਦਾਤੁਂ ਸਙ੍ਘਂ ਅਪਲੋਕੇਮੀ’’ਤਿ ਅਪਲੋਕੇਤ੍વਾ।
367.Kālaṅkateti ettha karaṇaṃ katanti dassento āha ‘‘kālakiriyāyā’’ti. Apaloketvāti ‘‘itthannāmo bhante bhikkhu kālaṅkato, tassa ticīvarañca pattañca gilānupaṭṭhākānaṃ dātuṃ saṅghaṃ apalokemī’’ti apaloketvā.
੩੬੯. ਗਿਲਾਨੁਪਟ੍ਠਾਕਲਾਭੇਤਿ ਗਿਲਾਨੁਪਟ੍ਠਾਕਾਨਂ ਲਭਿਤਬ੍ਬੇ।
369.Gilānupaṭṭhākalābheti gilānupaṭṭhākānaṃ labhitabbe.
ਸਬ੍ਬੇਪਿ ਭਿਕ੍ਖੂਤਿ ਸਮ੍ਬਨ੍ਧੋ। ਤਤ੍ਥਾਤਿ ਤਸ੍ਮਿਂ ਕਾਲਙ੍ਕਤੇ। ਕਿਂ વਦਨ੍ਤਿ? ‘‘ਸਬ੍ਬੇਪਿ…ਪੇ॰… ਸਾਮਿਨੋ’’ਤਿ વਦਨ੍ਤੀਤਿ ਯੋਜਨਾ। ਦ੍વੀਸੁ વਾਦੇਸੁ ਪਚ੍ਛਿਮવਾਦੋ ਅਟ੍ਠਕਥਾਚਰਿਯੇਨ ਰੁਚ੍ਚਤੀਤਿ વਦਨ੍ਤਿ। ਯਨ੍ਤਿ ਯਂ વਤ੍ਥੁ। ‘‘ਯਂ ਅਤ੍ਥਿ, ਤਂ ਦਾਤਬ੍ਬ’’ਨ੍ਤਿ વੁਤ੍ਤਮੇવਤ੍ਥਂ ਆવਿਕਰੋਨ੍ਤੋ ਆਹ ‘‘ਅਞ੍ਞਸ੍ਮਿਂ…ਪੇ॰… ਦਾਤਬ੍ਬ’’ਨ੍ਤਿ। ਤਨ੍ਤਿ ਪਰਿਕ੍ਖਾਰਂ।
Sabbepi bhikkhūti sambandho. Tatthāti tasmiṃ kālaṅkate. Kiṃ vadanti? ‘‘Sabbepi…pe… sāmino’’ti vadantīti yojanā. Dvīsu vādesu pacchimavādo aṭṭhakathācariyena ruccatīti vadanti. Yanti yaṃ vatthu. ‘‘Yaṃ atthi, taṃ dātabba’’nti vuttamevatthaṃ āvikaronto āha ‘‘aññasmiṃ…pe… dātabba’’nti. Tanti parikkhāraṃ.
ਸਮਕੋਤਿ ਸਮਂ ਪਮਾਣਮੇਤਸ੍ਸ ਭਾਗਸ੍ਸਾਤਿ ਸਮਕੋ। ਸਂવਿਦਹਨਮਤ੍ਤਮੇવਾਤਿ ਇਦਞ੍ਚਿਦਞ੍ਚ ਕਰੋਹੀਤਿ ਸਜ੍ਜਨਮਤ੍ਤਮੇવ। ਜੇਟ੍ਠਕਭਾਗੋਤਿ ਦਿਗੁਣਭਾਗੋ।
Samakoti samaṃ pamāṇametassa bhāgassāti samako. Saṃvidahanamattamevāti idañcidañca karohīti sajjanamattameva. Jeṭṭhakabhāgoti diguṇabhāgo.
ਯੋ ਪਨਾਤਿ ਭਿਕ੍ਖੁ ਪਨ। ਏਤ੍ਥਾਤਿ ਬਹੂਸੁ ਭਿਕ੍ਖੂਸੁ। ਯੇਨਾਤਿ ਯੇਨ ਕੇਨਚਿ, ਦਿਨ੍ਨਂ ਪਟਿਯਾਦਿਤਨ੍ਤਿ ਸਮ੍ਬਨ੍ਧੋ। ਏਕਦਿવਸਮ੍ਪੀਤਿ ਪਿਸਦ੍ਦੋ ਪਗੇવ ਦ੍વੀਹਾਦਿਕੇਤਿ ਦਸ੍ਸੇਤਿ। ਸੋਪੀਤਿ ਪਿਸਦ੍ਦੋ ਨ ਕੇવਲਂ ਬਹੁਦਿવਸਂ ਉਪਟ੍ਠਾਕੋਯੇવ, ਅਥ ਖੋ ਸੋਪੀਤਿ ਦਸ੍ਸੇਤਿ। ਸਮੀਪਨ੍ਤਿ ਗਿਲਾਨਸ੍ਸ ਸਨ੍ਤਿਕਂ। ਆਗਚ੍ਛਤੀਤਿ ਸਮੀਪਮਾਗਚ੍ਛਤਿ।
Yo panāti bhikkhu pana. Etthāti bahūsu bhikkhūsu. Yenāti yena kenaci, dinnaṃ paṭiyāditanti sambandho. Ekadivasampīti pisaddo pageva dvīhādiketi dasseti. Sopīti pisaddo na kevalaṃ bahudivasaṃ upaṭṭhākoyeva, atha kho sopīti dasseti. Samīpanti gilānassa santikaṃ. Āgacchatīti samīpamāgacchati.
ਪਚ੍ਚਾਸੀਸਾਯਾਤਿ ਭਾਗਸ੍ਸ ਪਚ੍ਚਾਸੀਸਾਯ। ‘‘ਪੁਨ ਆਗਨ੍ਤ੍વਾ ਜਗ੍ਗਿਸ੍ਸਾਮੀ’’ਤਿ ਇਮਿਨਾ ‘‘ਪੁਨ ਆਗਨ੍ਤ੍વਾ ਨ ਜਗ੍ਗਿਸ੍ਸਾਮੀ’’ਤਿ ਗਚ੍ਛਨ੍ਤਸ੍ਸ ਨ ਦਾਤਬ੍ਬਨ੍ਤਿ ਦਸ੍ਸੇਤਿ। ਧੁਰਂ ਨਿਕ੍ਖਿਪਿਤ੍વਾਤਿ ਉਪਟ੍ਠਹਨੇ ਧੁਰਂ ਨਿਕ੍ਖਿਪਿਤ੍વਾ।
Paccāsīsāyāti bhāgassa paccāsīsāya. ‘‘Puna āgantvā jaggissāmī’’ti iminā ‘‘puna āgantvā na jaggissāmī’’ti gacchantassa na dātabbanti dasseti. Dhuraṃ nikkhipitvāti upaṭṭhahane dhuraṃ nikkhipitvā.
ਮਾਤੁਗਾਮੋਪਿ ਹੋਤੂਤਿ ਯੋਜਨਾ। ਤਸ੍ਸ ਭਿਕ੍ਖੁਨੋਤਿ ਕਾਲਙ੍ਕਤਸ੍ਸ ਤਸ੍ਸ ਭਿਕ੍ਖੁਨੋ। ਸਚੇਪਿ ਸਹਸ੍ਸਂ ਅਗ੍ਘਤਿ, ਗਿਲਾਨੁਪਟ੍ਠਾਕਾਨਂਯੇવ ਦਾਤਬ੍ਬਨ੍ਤਿ ਯੋਜਨਾ। ਅਞ੍ਞਨ੍ਤਿ ਪਤ੍ਤਚੀવਰਤੋ ਅਞ੍ਞਂ। ਤੇਤਿ ਗਿਲਾਨੁਪਟ੍ਠਾਕਾ। ਅવਸੇਸਨ੍ਤਿ ਪਤ੍ਤਚੀવਰਤੋ ਅવਸੇਸਂ। ਤਤੋਤਿ ਬਹੁਕਮਹਗ੍ਘਤੋ। ਤਿਚੀવਰਪਰਿਕ੍ਖਾਰੋਤਿ ਤਿਣ੍ਣਂ ਚੀવਰਾਨਂ ਪਰਿવਾਰੋ। ਸਬ੍ਬਞ੍ਚੇਤਨ੍ਤਿ ਸਬ੍ਬਮੇવ ਏਤਂ ਪਰਿਕ੍ਖਾਰਂ। ਲਭਤੀਤਿ ਗਿਲਾਨੁਪਟ੍ਠਾਕੋ ਲਭਤਿ।
Mātugāmopi hotūti yojanā. Tassa bhikkhunoti kālaṅkatassa tassa bhikkhuno. Sacepi sahassaṃ agghati, gilānupaṭṭhākānaṃyeva dātabbanti yojanā. Aññanti pattacīvarato aññaṃ. Teti gilānupaṭṭhākā. Avasesanti pattacīvarato avasesaṃ. Tatoti bahukamahagghato. Ticīvaraparikkhāroti tiṇṇaṃ cīvarānaṃ parivāro. Sabbañcetanti sabbameva etaṃ parikkhāraṃ. Labhatīti gilānupaṭṭhāko labhati.
ਸੋਤਿ ਕਾਲਙ੍ਕਤੋ। ਕਸ੍ਸਚੀਤਿ ਗਹਟ੍ਠਸ੍ਸ વਾ ਪਬ੍ਬਜਿਤਸ੍ਸ વਾ। ਤਸ੍ਸੇવਾਤਿ ਦਿਨ੍ਨਗਾਹਕਸ੍ਸੇવ। ਰੁਚਿਯਾ ਏવਾਤਿ ਕਾਮਾ ਏવ। ਤਤ੍ਥ ਤਤ੍ਥ ਸਙ੍ਘਸ੍ਸੇવਾਤਿ ਤਸ੍ਮਿਂ ਤਸ੍ਮਿਂ વਿਹਾਰੇ ਠਿਤਸ੍ਸ ਸਙ੍ਘਸ੍ਸੇવ। ਇਦਂ વਿਹਾਰੇ ਠਪਿਤਪਰਿਕ੍ਖਾਰੇ ਸਨ੍ਧਾਯ વੁਤ੍ਤਂ। ਸਚੇ ਗਾਮੇ વਾ ਅਰਞ੍ਞੇ વਾ ਠਪਿਤਾ ਹੋਨ੍ਤਿ, ਸਕਲੋવ ਸਙ੍ਘੋ ਇਸ੍ਸਰੋ। ਕਸ੍ਮਾ? ਸਙ੍ਘਸ੍ਸੇવ ਦਾਯਜ੍ਜਭਾવਤੋ। ਬਹੂਨਮ੍ਪੀਤਿ ਤੀਹਿ ਪਟ੍ਠਾਯ ਬਹੂਨਮ੍ਪਿ। ਈਦਿਸવਚਨਂ ਉਪਨਿਧਾਯ ਸਾਸਨੇਪਿ ਏਕੋ ਦ੍વੇ ਬਹੂਤਿ ਤੀਣਿ વਚਨਾਨਿ ਅਤ੍ਥੇ ਦਿਸ੍ਸਨ੍ਤਿ, ਸਦ੍ਦੇ ਪਨ ਦ੍વਿવਚਨਬਹੁવਚਨਾਨਂ વਿਸੇਸਾਭਾવਤੋ ਦ੍વਿવਚਨਂ ਨਤ੍ਥੀਤਿ ਦਟ੍ਠਬ੍ਬਂ। ਅਦਿਨ੍ਨਮੇવਾਤਿ ਅਤ੍ਤਨੋਯੇવ ਅਸਨ੍ਤਕਤ੍ਤਾ, ਅਞ੍ਞੇਸਮ੍ਪਿ ਸਾਧਾਰਣਤ੍ਤਾ ਚ ਅਦਿਨ੍ਨਮੇવ। ਸਚੇ ਸਬ੍ਬੇ ਮਤਾ ਅਨੁਮਤਿਯਾ ਦੇਨ੍ਤਿ, ਸੁਦਿਨ੍ਨਮੇવ। ਤਨ੍ਤਿ ਸਨ੍ਤਕਂ। ਤੇਸੂਤਿ ਤੇਸੁ ਸਬ੍ਬੇਸੁ।
Soti kālaṅkato. Kassacīti gahaṭṭhassa vā pabbajitassa vā. Tassevāti dinnagāhakasseva. Ruciyā evāti kāmā eva. Tattha tattha saṅghassevāti tasmiṃ tasmiṃ vihāre ṭhitassa saṅghasseva. Idaṃ vihāre ṭhapitaparikkhāre sandhāya vuttaṃ. Sace gāme vā araññe vā ṭhapitā honti, sakalova saṅgho issaro. Kasmā? Saṅghasseva dāyajjabhāvato. Bahūnampīti tīhi paṭṭhāya bahūnampi. Īdisavacanaṃ upanidhāya sāsanepi eko dve bahūti tīṇi vacanāni atthe dissanti, sadde pana dvivacanabahuvacanānaṃ visesābhāvato dvivacanaṃ natthīti daṭṭhabbaṃ. Adinnamevāti attanoyeva asantakattā, aññesampi sādhāraṇattā ca adinnameva. Sace sabbe matā anumatiyā denti, sudinnameva. Tanti santakaṃ. Tesūti tesu sabbesu.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੨੫. ਮਤਸਨ੍ਤਕਕਥਾ • 225. Matasantakakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਮਤਸਨ੍ਤਕਕਥਾ • Matasantakakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਮਤਸਨ੍ਤਕਕਥਾવਣ੍ਣਨਾ • Matasantakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਮਤਸਨ੍ਤਕਕਥਾવਣ੍ਣਨਾ • Matasantakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਮਤਸਨ੍ਤਕਕਥਾਦਿવਣ੍ਣਨਾ • Matasantakakathādivaṇṇanā
